مع السلامه مابقا لك معـي شيـن
كود الغـلا لاتاخـذه لـو تكرمـت

كانك تبي بالدين خذها على الديـن
وكانك تبيها بالعقل .....?ماتندمـت

لاني عرفـت ان كل ابونـا مساكيـن
ياما على حالي وحالـك ترحمـت

فكر وشوف دروب قلبك على وين
وشفيك طالع طقتـك... ماتعلمـت؟

والله صافطلك وشفـت الطريقيـن
ماني عـدوّك لـو كـذا ماتكلمـت

يابوي ربي ماقسـم بيـن الاثنيـن
وش حيلتي يامـا ويامـا تعشمـت

مبطي وانا من عام تسعه وتسعيـن
ايه اعترف عن شوف غيرك تلطمت

لا عاد لي قلبن ولاعاد لـي عيـن
ايه اعترف والعـام هـذا تفهمـت

حطيت نفسي بعدهـا بيـن قوسيـن
عرفت بأنـه حلـم لـو ماتحلمـت

نضحك على انفسنا واحبك وبعدين؟
لاعاد ترجـع للـورى ولاتقدمـت

يابـوي والله كل ابـونـا مساكـيـن
مع السلامه واتركن لـو تكرمـت

الشاعر عبدالكريم الجباري