كيف بالله عليك تخلي احد يملك صورتك
اختي وهي اختي ماقد رفعت جوالها بي ولا صورتني
قسم بالله الا اكسر يدها لو تسويها هذا وهي اختي
ولاقد فكرنا نملك صور بعضنا
اجل شلون صحباتي وبويا
صاحيه انا اخلي احد يمتلك طرف بسيط مني يستخدمه عليه في يوم من الايام
لاتقولين واثقه بها عيني الثقه وش سوت بك
الثقه لها حدود
شوفي لو بجد هي تمتلك صورتك فيعني راح تنشرها لك لو تشحني لها ب 3 الف مو 300
ماعندك الا حل واحد
تعرفين اهلها تزورون بعض
من مدينتكم هي
ماعندك الا تروحين لا اهلها اذا تقدرين طبعاً بوجود واحد من اهلك او خواتك او امك
وتتفاهمون مع اهلها خل يأدبونها
اما اذا علاقة نت ما اقول الله يصلحك
حاولي تنسحبي عنها بهدوء بحيث تقطعين جميع التواصل
وتغيرين كل حساباتك ورقمك اذا هي تمتلكه
وبكذا باذن الله ماتقدر تنشرها لانها موب عارفه لك طريق لجل
تكلمك وتهددك في نفس الوقت
لانها ممكن تمتكل سلاح ولكن لاتعلم طريق هذا السلاح
وبكذا ماراح تستفيد من نشرها ابداً
واذا انتي تايبه عن فعلتك من جد فوضي امرك لربي وباذن الله ربي بيكون بعونك
وخليها حلقه في ذااانك
صورتك هي حياتك كلها لاتخلين مخلوق ع الارض يمتلكها حتا لو زوجك في المستقبل فاهمه
ولا تفكري تشحني لها لان معالجة الخطأ بالخطأ بيخلي الموضوع يكبر
انسحبي من حياتها بهدوء
معليش عصبت عليك
اسال الله العلي العظيم ان يسترك وان يبعد عنك شرها ويجعل كيدها في نحرها
تقبلي ردي وعبق وردي مع خالص احترامي
آسيرة حرف