الجزء الأول


...


رحلتنا كانت ساعة 12 ونص المساء بتوقيت الامارات ونحن وصلنا للمطار على 9 ونص عشان نخلص أمورنا
وعن الزحمة وبعد ما تخلصنا من الحمل (قصدي الشنط هههه) خذينا أمي وأبوي عشيناهم وتعشينا معاهم الين وقت الطيارة .

تسجيلالدخول كان على 11 ونص ودعنا امي وابوي ودخلنا خلصنا الإجراءات ودخلنا للطيارة.

هذي تذاكرنا .

هذي الطيارة من برا ( أمانة تصوير اخوي ما كان عندي صورة حلوة )

هذا خط السير من دبي للدوحة

هذا الsnacks الي عطونا اياه بس ولاحد منا أكله لاننا كنا متعشين

وهني وصلنا قطر.

وصلنا قطر ونزلونا من برا مو من الممشى الي داخل فحسينا كأننا شيوخ قاعدين ننزل جي هههههههه مو صاحين المهم عقب ركبنا الباص ودخلنا للمطار. المطار كبير ما شاء الله بس فاضي مو مزدحم نفس دبي او يمكن لانه ساعة 1 نص الليل مأدري.

هذا كان في استقبالنا في قطر ههههههه

درنا شوي في المطار وكل شوي نشوف لوحة العرض عشان لا نتأخر ونعلق في قطر ويوم فتحت البوابة
توجهنا لهناك ونحن خلاص تعبانين نبا ننام.

هذا شاشة العرض ومنها عرفنا واتجهنا للبوابة


الطيارة من الدوحة لسنغافورة طارت على 2 وربع تقريبا بتوقيت الدوحة.

الصراحة تعب كان 7 ساعات عشان نوصل وما تعرف تنام عدل بسبب المطبات الهوائية تخلي

قلبك يروح فوق وينزل ههههههه حاولنا ننام وبعد تقريبا مرور 3 سااعات نبي نشوف برا

الا والشمس يسلم علينا وع طول يتنا المضيفة تقوول لنا لا سكروا الشباك مأعرف ليش

اصلا ما ينشاف شي

وبعده يابونا الغداء ع قولتهم وكان هذا غداهم امممم لا باس به بس ما كلينا وايد

لان اصلا الطيارة مسوية سواتها فينا

هذي الصورة من الجو ( وايد تعجبني هالصورة)

من الخريطة يبين اننا قربنا

هذي سنغافورة من الجو

وصلنا سنغافورة ساعة 3 وربع بتوقيتهم يعني 11 ونص في الامارات

وهذا مطارهم

وهذا من داخل المطار

مطار القادمون ما فيه شي مميز بس المغادرين وااايد حلو يوم بنغادر بوريكم

...


نهاية الجزء الاول

أتمنى ينال ع إعجابكم وان شاء الله لي عودة مع الجزء الثاني