بدور اتصات بأبوها عشان تستئذن منه :... الو هلا يبه
ابو رعد : هلا بنيتي خير في شي
بدور: سلامتك يبه بس بطلع مع البنات وأبي السواق يوديني
ابو رعد: آمري ما تبين شي ثاني
بدور: ما يأمر عليك عدو أبي سلامتك
( ف نفس الوقت في بيت ابو نايف .... ابو نايف هو ابو وئام ))
وئام : يمه أبي السواق الحين
أم نايف : السواق عند الباب ليه تبينه
وئام: بطلع مع البنات المول نتغدا ونغير جو
أم نايف: طيب قلتي لابوكي
وئام : فطوم حبيبتي دبريها مع الوالد
أم نايف : كذا فطوم بدون يمه خلاص مانا بقول له
وئام: يمه يا حبيبتي بس ادلعك
ام نايف : طيب خلاص الحين اتصل له
وئام: منو
ام نايف: أبوكي اش فيك
وئام: ليه تتصلين له
ام نايف: بنت اش فيك
وئام: هههههههه اسفه بس مدري اش يصير لي يمكن زهايمر مؤقت هههههههههه ok يلا باي فطوم
ام نايف: مجنونه ومدري اش اسوي معك
نايف : يمه
ام نايف : هلا يمه ليه ما رحت الدوام
نايف: مريض يمه ابي انام بحضنك
ام نايف : تعال يمه تعال يا حبيبي
نايف: هذيك المجنونه موجوده
ام نايف: قالت انها طالعه ومدري اذا هي بعدها في غرفتها تعال نام وما عليك منها
نايف: لا يمه تبيها تشمت فيني ..وقف وينادي.. وئام يالمجنونه يابنت اش فيها ما ترد
ام نايف : يمكن طلعت تعال يمه تعال قلي اش فيك
(( نايف عمره 28 يشتغل في شركه ابوه هي شركه عقارات ولد حلو واحلا شي فيه معتمد على نفسه في كل شي))
نايف بعد ما حط راسه على رجل امه: اش اقول يمه شكله جاني برد امس وانا راجع من الدوام
وئام : ههههههههههههههه شوفو النونو دلوع الماما
نايف : بسم الله انتِ من وين طلعتي
وئام: كنت البس في الغرفه بس لحظه اخذ لك صوره اوري رفيقاتي
نايف: اقول روحي لا اطيرك بكف الحين
وئام طلعت ركض: طيب الحين طالعه بااااااي
نايف: مع الي ما يحفظك
وئام وهي عند الباب: باي فطوم ديري بالك على النونو الي بحضنك (( وقفلت الباب بسرعه))
نايف: برا ياالمجنونه
ام نايف: خلك من المجنونه هذي وتعال خلنا نسولف شوي
نايف: كل اذان صاغيه انتي تكلمي وانا اسمع
(( دق تلفون نايف )) هلا هلا رعود
رعد: هلا نايف سلامات وينك اليوم يا رجال
نايف: والله ياطويل العمر تعبان
رعد: سلامتك ما تشوف شر
نايف: الشر ما يجيك هاه كيف الشغل
رعد: تمام بس انت ناقصه هه
نايف: اش رائيك نتغدا اليوم مع بعض
رعد:okوين ؟؟
نايف: المطعم المعتاد
رعد: يا اخي خلنا نغير ونروح مول
نايف: طيب يلا القاك
رعد: مع السلامه
ام نايف : وين طالع يمه وانت تعبان
نايف: يمه خلينا نغير جو يلا يمه ارضي علي
ام نايف : الله يرضا عليك يمه
(( في المول )) وئام : سلام بدور
بدور: اهلين كيف حالك؟
وئام : الحمد لله تمام مافي وحده وصلت من البنات
بدور: الا مشاعل بس راحت مدري اش تجيب
شهد : سلامو
وئام : اهلينو ههه
شهد: كيفكون بنات
بدور : منيحات
وئام: صرنا في باب الحاره اش فيكن تتكلمن سوري
شهدد: مدري الحين وين ميشو
بدور: هذي هي جائت
مشاعل: سلام
وئام: اهلين هاه من شفتي
مشاعل: شفت اعوذ بالله ههههه والله قال من شفتي
وئام : طيب خلاص اسفه
مشاعل: طيب خلونا الحين نروح نلف في المول شوي بعدين نرجع نتغدا
(( وفي نفس الوقت كان في شله شباب في الطاوله الي وارا الطاوله الي البنات قاعدات فيها هم بدر وفهد ونواف وخالد)))
بدور: طيب يلا خلينا نروح
جاء اتصال لمشاعل من اخوها محمد: الو هلا مشاعل
مشاعل: هلا محمد خير في شي
محمد : خير بس بغينا السواق عشان امي تبيه وانا مو فاضي اوديها مشاويرها
مشاعل: طيب انا قلت للسواق يرجع وانا اتصل فيه لما نطلع من المول اتصل فيه وكلمه
محمد: ok يلا باي
مشاعل: مع السلامه ........يوف ابي اعرف ليه مو فاضي
بدور: منو الي مو فاضي
مشاعل : محمد
بدور: يمكن معاه شغل
مشاعل: مدري
بدور: يلا خلونا نروح
(( في الطاوله الثانيه ))
نواف: شباب الحين اش نسوي
بدر: يعني اش شايفنا اش نسوي قاعدين نبي ناكل
فهد: الحين تبي تاكل
بدر: ايه الحين
خالد: شباب شفتو البنات الي كانو هنيه
نواف : ايه اش في البنات يا محترم
خالد: شفتوهم مزز
بدر: الله ياخذك اش عليك منهم
خالد: والله طفش قوم انت وياه خلونا نتمشى
بدر: لا ناكل وبعدين نقوم
(( بدر وفهد وخالد ونواف شباب يدرسون جامعه اعمارهم تقريباً بين 20و22 شباب عيال ناس من عائلات غنيه نوعاً ما))
محمد اتصل بصديقه نايف: الو السلام عليكم
نايف : اهلين ابو حميد كيف الحال
محمد : الحمد لله انت شلونك اش اخبارك
نايف : تمام بس تعبان اليوم
محمد: سلامتك الف سلامه يخوي
نايف: الله يسلمك
محمد : الا قلي انت في البيت
نايف: والله طالع الحين مع رعد ليه
محمد: بس بغيت اشوفك ونطمن عليك بس يلا مره ثانيه
نايف: ياخوي تعال معانا واطلع وغير جو زمان ما شفناك
محمد: يخوي ما يصير اذا انتو تبون تجلسون لوحدكم وانا جاي ادخل نفسي
نايف: اقول لا تزيد كلام تعال وبس خلك تعرف رعد اكثر لانك في الجامعه ما عرفته مره
محمد: ok يلا اشوفكم بس وين
نايف: نشوفك بلمول طيب
محمد: طيب يلا مع السلامه
نايف :sمع السلامه
(( محمد عمره 27 يشتغل في شركه اجنبيه صديق نايف من ايام الجامعه ))
:: راحو محمد ونايف ورعد للمول.......بعد المغرب. رجعن البنات الى البيت بعد ما تغدن وغيراً جو ::