11-16-15, 06:49 AM
|
#1 |
| | 
معاناتي بمستشفى الامل بالرياض
السسلام عليكم ورحمة الله وبركاته - الحمدلله رب العالمين
- انا احد الذينا يعانون من مستشفى الامل من داخل المستشفى لم اذق راحت النوم او الاخلاق من الدكاتره والممرضين تحصل مشاكل وتهديد بالابر والعزل وقفل الغرف من بعد الفجر الا الضهر يخلونا برا بالشموس ان كان صيف ولا بالبرد ان كان بالشتا وانهنت من كم ممرض وجا منهم اعتدائات لولا الله كان الحين مكسوره كرامتي ويعاملونا كالاغنام حتا بطريقة انهم يستهزون فينا ويخلونا برعب والسوداني او التونسي او اي كانن اجنبي يهين فينا ولا نقدر نقول شي الاكل الله يكرم النعمه والله بارد ولا يشهي حتا يحطو فيه حاجه لشان مايخلي الرجال يشتهي واذا ماكلت ولا معجبك الاكل يهددون انهم راح يكتبو بملفي اني ضارب عن الاكل ويدخلوني العزل او انهم مراح يهتمو لو احد اذاك عشت ماسات الله لايوريكم قسم بالله انا اعاني بسببهم دخلت لم ادخن طلعت ادخن يعضمون الدخان للمرضا ان وقت توزيع الدخان وقت الفرح والسعاده ووالله ثم والله يقولون نضافه في التلفزيونات وباليوتيوب والله انهم اذا قفلو الغرف يخلونا نتسدح في الارض في الحوش لساعه 1 والله اني تمنيت اني في حوض غماره مربوط ولا في المستشفى ويجيك الدكاتره الي يستهترو بالمرضا والممرضين الي يتخاصمون مع المرضا ويتكبرون عليهم حتا بالسلام يسلمون علينا كنا حشرات نخيسهم والله تعبت تعبت حسبي الله ونعم الوكيل بالليل واحنا نايمين تسمع صوت الممرضين بجوالاتهم واصواتهم عاليه وضحك واحنا كنا مسجونين واذا قمنا هددونا بالعزل غصب ننام غصب نصحا غصب ناكل غصب نتعالج غصب كل شي بالغصب وتهديد نذر وجعلني ماتهنا ان هاذا الي يحصل ويحلقون لحا الملتحين وشارب الاشناب وترويش غصب كل صبح بشامبو والمروش يدخل يرعبك ويدفك وينافخ افرك زين ويمد يده اذا تاخر ويعدلك احياننا يعني الاجانب هم الي ماكلين كل شي هناك حتا يشاركون المرضا باكلهم وبشربهم وبدخانهم والله لايوجد اهتمام بالنفسيه واذا سالته ليه تعامل كذا يقولك لشان المرضا الي نواجهم بدال مايوقفون جانب المريض ويحكو معه بالتي احسن بدون استهزاء وشماته لشان مايجرحون مشاعر المريض كم سهرت اعاني من اذويتهم الي غيرت شكلي وجسمي ووزني والله انها ادمان وان تركتها انتكست اكثر بسبب ادويتهم محل ابو ريالين ادويه وبالخير اخطاء طبيه متستر عليها داخل المستشفى غير الضرب المبرح بالمرضا الي مايعلم فيه الا الله اتمنا من الله ان يتغير الطاقم الطبي كامل بالستشفى وتغير الاسره الي شبيها بالحجر والغرف كانها غرف حيوانات والادويه تتغير بادويه افضل ولا يبخلو على المريض بالدواء الي يفيده
- اسف ع الاطاله وعدم تركيزي بالكلامم وجزاكم الله خير
|
|
|
|