لا وانا اخوك الموضوع عادي
لكل شخص نقطة ضعف
لكن عشان تتغلب على نقطة الضعف هذي .. لازم تواجهها باي شكل من الاشكال
زي ماقالوا .. افضل وسيله للدفاع الهجوم ..
انا متبع قاعده ... الشي الي اخاف منه احاول اخش فيه وزي ماتجي تجي
مره مرتين ثلاثه لين يروح الخوف من هالشي
انا كنت اخاف من السنوركل .. الي هو الصيد في البحر على عمق ثلاثه الى خمسه امتار .. بمسدس البحر وبدون اسطوانة اكسجين
وكل مانطلع بحر اقول لصاحب البوت .. وقفلي ابغا انزل .. ويوقف واجهز نفسي .. وامسك المسدس .. وهم ينتظرون انزل .. اخر شي ارجع البس واتعوذ من بليس واقضب ارضي .. طبعا يتونسون علي لين مادوخ .. وانا كنت اخاف .. من القروش وثعابين البحر ( الشاقه )
. اكثر من ثلاثين مره اسويها واجهز نفسي وابطل
واخر مره يوم طلع النور وقلت لخوي .. شوفلي منطقه خمسه متر بنزل سنوركل .. قامو الشباب يتونسو علي .. قلت علي الحرام لانزل وزي ماتجي تجي .. والله ويوقف .. واجهز نفسي والبسلك الشورت القسفوري الي لو شافه القرش مايقاوم .. واخذ مسدس البحر وبدون اي تفكير توكلت على الله واستودعت نفسي الله .. وطبحت
اخذت نفس ونزلت .. وانتف اول سمكه واطلع .. وكل مايطري علي القرش واتوهم انه بيجيني وبيعرط برجلي اخذ نقس وانزل .. والله يوم انكسر حاجز الخوف .. واعجبتني الشغله
والحمد لله من بعدها صرت باي مكان اطبح اذا كانت نظارتي الخاصه بالبحر معي ..
فالشغله بسيطه .. يبغالها مواجه وعزم