السلام عليكمورحمة الله وبركاته

هذي قصيده ألفها الشاعر سليمان الشدوي عن القناص ياسرالقحطاني وبما اني هلاليه <<احم هههههه

قررت اني اكتبها هنا بالمنتدىواتمنى تنال اعجابكم....


ياللي سألتم ياسر اليوم وينه ؟ ### أجيبكموأقول : وين البطل وين؟



ياسر هنا عند العقول الرزينة ### ولا يحسّبللخبول المجانين



ياسر مع الأمجاد يقضي سنينه ### ياسر هناك يطوف كلالميادين



ياسر يثمن بالكنوز الثمينة ### معدن ذهب عيار واحد وعشرين



عند الذي هم بالوفا منصفينه ### ياسر مكانه داخل القلب والعين



إبن الوطن وإن صار للجد حينه ### يهدي البشاير للوطن والملايين



موجود ياسر فوق ظهر السفينة ### ربان يحكمها من يسار ويمين



في الكاس كأس العالم وخابرينه ### وفي آسيا حيّر جميع العناوين



هذا الفتى المغوار تسلم يمينه ### لبس لباس الفخر : حٌله وتاجين



لو ترفعون الصوت ياظالمينه ### وتتوحدوا في صف ماهو بصفين



لكم هدف لكن ماتوصلونه ### مادام حجتكم بليا براهين



غنوا وحنا كل شي حاسبينه ### ونعم بياسر ثم ونعم ونعمين



وشباككم صارت لرجله رهينة ### يعتادها في كل شهرً وشهرين



أحلامكم من بعد ياسر سجينة ### وأفراحكم أبعد من الهند والصين



من جهلكم وأحقادكم والضغينة ### قامت تلاعبكم قرون الشياطين



كلامكم يا كم لنا سامعينه ### لكن صعبة توصل العرض والدين



والكذب صورتوه ومصدقينه ### مابه ضحيّة لاتحدوا السكاكين



إنتم ضحية للفقر الغبينة ### والله يستر حالكم يامساكين



واللي يوجهكم عسى الله يعينه ### لابد يأتي يوم يقضي به الدين



لو الأمانه في أياديأمينة ### ماحلت البومة بوكر الشياهين



والخاتمة يا أهل العقول الذهينة ### لاتظلمون الصقر راعي الجناحين



خلوا نظركم في مدى لمح عينه ### وخلوا الشتايم في حلوق البزارين



والا الكلام يمر شينه وزينه ### ويبقى الكلام الزين ويغادر الشين



ويبقى على مر الزمان وسنينه ### ياسر : قصيدة في قلوبالمحبين




ان شاءالله اعجبتكم ياحلوين