منتديات مسك الغلا | al2la.com - عرض مشاركة واحدة

**تآجر السعُاده** · 12-09-15, 06:36 PM

المشاركة الأصلية كتبت بواسطة آسيرة حرف

وعليكم السلام ورحمة الله وبركاته

الفاضل / فوق مستواك

اسعد الله مساك
موضوع حلو ويا كثر كثر كثره بينا اقصد بين الجميع
يعني يستحيل مانتعرض له
انا تعرضت له والله

يعني بما اني عشت الموقف حقيقه اجابتي حقيقه من واقع وليست خيال اتعايش معه

انا ما احب احد يمشيني ع مزاجه ابداً
اللي بمزاجي اسويه
ولا يهموني العالم بما اني ماسويت شيء يستدعي الغلط ابد
يعني باختصار شخص يضر الارض كلها ماضرني اماشيه واعتز برفقته
اخلاقه سلوكه تهمهه هو ماتهمني
ولا احكم ع الاخرين بما يقال عنهم
احكم عليهم بعد ان اقول انا عنهم بما شاهدته منهم
يعني
صديقتي متهاوشه مع واحده انا وش لي بهواشكم
مايهمني ابداً وش بينكم وش استدعاكم لجل تسون كذا

انا لا اخير انا من اختار
راح اترك البنت اللي خيرتني واقول لها انسيني فاهمه وش انسيني
اما الثانيه وش ذنبها
بما انها تمام معي ماحاني شيء منها ما اح اتركها ابداً

صارت لي ايام الجامعه وش سويت
دقيت ع البنت الثانيه وقلت لها عندك بلوزه لونها كذا وتنوره كذا
قالت ايه
قلت اجل بكره البسيهم ليه وش السالفه
ابد انا والشله نبي نطقم نفس اللون ونبيك معنا

طبعاً ماطقم احد غيري انا وهي

ادري بتقولون وشوله كذا اسيروه
احب اعاند
عشان تتوب الصبيه ذيك
وبالفعل قهرتها حركتي

واعتذرت مني لاني حتا ماعينت لها ولا رديت ع اتصالاتها
خيرتني واخترت ابعد عنها
وخلاص قبلت اعتذارها لانها تاكدت انها غلطانه
وقلت لها اشكالاتك مع الاخرين لا تحشريني بينها
انا ما اترك اي احد لجل ان الاخرين يبون هاكا يستحيل ماجاني شيء منه ما اسيبه حطي هالشيء ببالك
عشنا وشفنا

اللي يمشي معي سيده امشي مع سيده واللي يعاكس الخط
مالتفت له اواصل طريقي

موضوع رائع صحيح اختلاف الرأي لايفسد للود قضيه
لكن كيف تمسحون اثنينهم من حياتكم
مع ان الطرف الاخر لايعلم بما دار بينكم من مكالمه
وليس له دخل بها

انا صحيح من النوع اللي باب يجيني منه الريح اسده واستريح
بس صعبه لو اني انا بمكان الطرف الثاني
واللي متهاوشه معها كلمت كل صحباتي
وخيرتني وياهم
وكلهم تركوني بسبب ذنب مو ذنبي ودون علمي
مكالمه من سخيفه تنهي علاقتي بالاخرين ليه

بالفعل وقتها صدمه
ليه ماكلموني واستفسرو مني
ليه تركوني بسبب شخص اخر

هل هذا الجزاء استحقه انا ام هو

ماعلينا
تقبل ردي وعبق وردي مع خالص احترامي لسموك
آسيرة حرف

شكرا اسيره عالمرور

بس اذا الاثنين خيروك يعني نفس الشرايك ههههههه

يسلمو عالمرور