اليوم تلقيت صدمة خفيفه من الصدمات اليوميه ..
رحت مجلس الامهات اليوم <- امهات
المهم قالو فيه تكريم للامهات و الطالبات .. و انا شايله من راسي التكريم ..
قلت اروح عشان بنتي تنبسط اني جيت ..
اول شي طلعت بنتي من المتفوقات و كرموها <- كانت بتبكي من الفرحه خخخ
انا استغربت لاني كل يوم اتهاوش معها ع المذاكره و الواجبات .. تطلع روحي ..
قلت يمكن بالدف خخخخخ
المهم و اطلع لأبلتها : يعنني اسأل عن بنتي و انا مدري وش بسأل عنه خخخ
اول ما شافتني و تجلس تمدّح ف بنتي و فيها و فيها .. انا وجهي كذا ->
و اجلس اتلفت بينها و بين بنتي .. قلت لها و الله !! <- شوي و يبان اني مستغربه
الشيء اللي بغى يفطسني .. يوم قالت الابله : الله لو فيه منها ثنتين
و قتها بغيت اقول لا لا كذا اوفر كثري منهااا .. الحمدلله وحدة و يالله فيها الله يخليها و يصلحها
الحمدلله اني تمالكت نفسي و سويت اني متعوده على بنتي و هي شاطره خخخ
على طول مسكت بنتي على جنب و قلت لها انتي وش تسوين للأبله ؟؟
قالت اي شي تقوله ادنق براسي و اقولها حاضر
شفتو اللي يقولون يوديك البحر و يرجعك عطشان <- هذي بنتي
مرره سألتها قلت ليه يا بنتي انتي ف المدرسه غير و ف البيت غير ..
بكل بساطه قالت بيتي و اخذ راحتي فيه ..
بكل امانه اقنعتني