الحكم بين البراقع والسفور
بين بدويه وحضريه
الحكم
صرت الحكم بين البراقع والسفور
تخاصمن عندي نحيلات الخصور
قالو نبي نســـــمع وخلقله حضور
قم بحكم العدل مـــــــــابين البنات
البدويه البرقع
تقدمت مــــــــن تلبس البرقع دلع
اهل البلد حضـــــار ولكل اجتمع
قالت بلانا من خــــراب المجتمع
طشن بــراقعهن ويمشن سافرات
طشن بــــــراقعهن وطشن العبي
تجيك تمشــي وانت تحسبه صبي
وان قلــــت يابنت الحلال تادبي
عين يطيعن ذا البنات الغـــاويات
كن المره رجال شــــف الباسها
بدله فرنجــــــي وتحلق راسها
لو لي قــــــــــره كتمت أنفاسها
بنتن شــــريفه ماتسوي ذسوات
ترا الســــفور تجيك مافيها حلا
من الـــــــذي يهشدلنا كل الملا
يحرم على رجلن عشقنا ماسلا
شيبهوننا با الخيول المسرجات
الحكم
جات السفـــور وقلت لا تتكلمي
تحضري وتذهبي وتــــــــولمي
خلينا نخلص منها وتقدمــــــــي
حنا بتلشنا بينكم يــــــــا الغاليات
لحظه وجاها الدور وقلـت تفضلي
لاتغضبي مـــن هرجها لا تزعلي
الحق يعلــــــــــى والحقيقه تنجلي
وش ذا المشاكل بينكم وانتم خوات
السفور
الحضريه
قالت بــــــــراقعهم نسينا دورها
والا زمنهـــــــا ونتها جمهورها
حنا البدور الـــــــي تجلا نورها
يشرق ضوانا فا اليال المظلامات
حنا على المكشوف والعالم تشوف
اما البراقـــــــــع ياحكم غشولوف
مافيهم الــــي كاملاتن با الوصوف
الا عيونن من البــــــراقع طايرات
حنا بنات الحورربات الجمال
الي تغطالاتغـــــرك با الخيال
يقع بهم دايم غشيمين الرجال
هذا صحيح القول والعلم الثبات
قلت انتهاالموضوع والحكم استوى
جميعكم بلوا على أصحاب الهوى
عزالله انـــــــا لو جمعناكم سوى
بنات حـــــــــــوى كلكم متكاتفات
الحكم
لاتخدعونا با المشاكل والخصام
نعرف ســـــولفكم ونعرفكم تمام
كلمه صريحـــه قلتها عند الختام
تزاعلون اليوم وبكره راضيات
تزاعلون اليوم وبكره راضيات