السلام عليكم ورحمة الله وبركاته

كثير ترددت اني اكتب مشكلتي ..بس الين اللي صار اليوم
تعبانه نفسياً من المشكله اللي انا فيها واللي تتكرر كثير
بشرح بالبدايه لكم ظروفي وبعدها مشكلتي

انا الصغيره ببين خواتي واخواني
وحالياً الوحيده عند ابوي وامي ..متغربه بدوله ادرس بها لكن مش الغربه الغربه لأني بدولة اهل امي
انا عصبيه لدرجه لاتحتمل ...وكثير جالسه اخسر بسببها
مثلاً :: خسرت صحتي ..خسرت من الناس اللي احبهم

الموقف اللي خلاني اكتب مشكلتي :: دكتوره بالجامعه مستفزه وتحب تشوف نفسها على الطلبه
يعني اللي يجاملني ..ويتوسل لي بالروحه والجيه ذا ينجح بفل مارك حتى ولو كان متفوق او بليد

انا قدمت عرض لعمل عندنا وتعبت في اعداده ..بعد ماخلصت وشكرتني قالت كم تبين اعطيك
قلت لها ..فل مارك ..ضحكت وقالت :: وواثقه "كانت نظرتها تستهزأ"
قلت : ايه واثقه ولو مااخذتها منك باخذها من عميد الجامعه
قالت : خلاص خلي عميد الجامعه يعطيك هيا
اخذت لابتوبي واغراضي ..وقلت لها : امانتك العميله يضرب بها المثل "استهزأ طبعاً "
وطلعت ..!!!

ادري كنت اقدر ابلع كلمتها وامشيها بمزح واترجاها مثل غيري بس ليه ..انا مو محتاجه شفقتها علي
اللي صار هو غيض من فيض.تحملتها كتير ..صممت لها لعبه الكترونيه تعطيني جيد جداً
وعملي مايصلحه إلا مبرمج ..كليتي ..اخذته وشادوا فيه واخذت انواع المدح..!! على حسابي


تبيني اجي مثل غيري حتى لو متفوقين يترجونها ..!!
اللي صار اليوم خسرني دكتورتي وكمان خسرني تعب وجهد ايام

وقراري من عميد الجامعه معناته السالفه بتطول ..
مشكلتي اني عصبيه واذا عصبت اتخذ قرارات وغلط ومااتراجع عنها .
الآن اعاني بسبب عصيبتي من التهاب شديد بالقالون العصبي
ونادراً مايكون هادي ..دايم ملتهب

انا الكلمه الحلوه تجذبني ..والذوق يملكني ويمكن شفتوا هالشيء من خلال مشاركاتي معكم
بس مش كل الناس تعرف الذوق ..وانا اجتماعيه كثير
اقسم بالله العظيم تعبت ...من عنده طريقه فيها اسيطر على عصيبتي !واكون بارده

على فكره :: لو كان اعرف شخصية اللي قدامي مهما قال مااعصب لأني خلاص عرفته
بس مشكلتي باللي مااعرفهم واللي اعرف انه بس يحب يشوف نفسه
وفي فرق بين اكون ذوق ومنافق اجتماعياً
دايم يقولون عني " انتي متل عود القش يحترق بسرعه ويطفي بسرعه " بس المشكله من بدا يحترق الين يطفي يكون احرق كثير اشياء جميله !!