فكر بنفسك ثم نفسك ثم لاشيء
كون اناني لاجل نفسك لاتهتم الا بنفسك اكرمها واسعدها دور ع راحتها
انت تصلي + تقرا قران +تذكرالله وتستغفر > انت ف نعمه محروم منها من يمشي ع رجليه !!
حاول تقتنع نفسك انه م يصيب المسلم خير له وامره كله خير
ذكرر نفسك بإن الله إذا احب عبد ابتلاه وانت قادر تتاقلم مع وضعك وتعيش
سؤال : اعاقتك م لها علاج بالطب سواء عملية او علاج طبيعي؟
المهم قول الحمدلله ربك م ينسى احد وم يحرم ويعطي الا الحكمه ؟!
م تدري ربي وش كاتب لك بكره
ولا تعرف الغيب لاتشغل نفسك بتفكير ب اشياء انت تجهلها .
ليش تفكر بالزواج وانت للحين م كونت نفسك ؟!
ادرس اجتهد لاجل تنجح وتحقق اهدافك م عليك فاحد لاتهتم فاحد
انت مش معاق دامك قادر تروح وتجي تدرس و تنجح وبإذن الله راح تتوظف وتتزوج بس قول يارب
احسن ظنك بالله وفوض امرك له
وكرر دايم "اللهم اجعل همي الاخرة"
راح تخف همومك وترتاح.
اما اصدقاءك حط فبالك هم لابيدهم نفع ولاضر وابتعادهم عنك مزاجيه لا اكثر ~
ويكثر المزاجيين بوقتنا الحالي اليوم معاك بكره ييسحب بعده يكون له مصلحه يرجع لك وهكذا.
بنصحك بالاكثار من الدعاء والاستغفار ولاتحمل نفسك فوق طاقتها وتتعب بالتفكير عيش يومك وانسى الماضي
لاتفكر ف الايام الجاية "كله بيد الله "
م عليك الا انك تدعي وتفوض امرك كله عليه ..
اما "العربيه " م راح تتفكك مساميرها اكيد مثبته والله يكون بعونك ؛ وبعد تقدر تشتري عربيه كهربائيه تحركها بزر اريح لك > يمكن تحصلها بتقصيد من مكافاة الجامعة اسال عنها فالنت..
وكمان راح اذكرلك شخصية ابحث عنه بقوقل " غانم المفتاح " يعيش بربع جسد يبلغ من العمر 12 سنه تابعه ع الاستقرام شوف مقاطعه وكلامه متاكده راح يتغير تفكيرك.
خل تفكيرك ايجابي اتجاهل اي شعور سلبي .

ربي يسرلك ويوفقك ويسعدك