بما انك رجل مايعيبك شلل وانا اخوك وعندك اكبر دليل على ان بنات بلدنا فيهم الخير اللي تزوجت هذاك نسيت اسمه اللي قفز بالمسبح وانشل شلل كامل تزوجته وهي راضيه تماما الرجوله مفقوده في كثير من الأماكن وموقعها فالقلوب مو فالمظاهر اذا قلبك متعلق بالله بينصرك ويرفع شانك افهم ذا الكلام زين

بالنسبه لنظرتي للشخص المعاق لما اشوفه بصراحه اشفق على نفسي انا
لانه الله اذا احب عبدا ابتلاه وماتدري يمكن انت عند الله افضل من كثير مايكفيك هذا الشي؟
صدقني محد خالد بالدنيا ميتين ميتين يمكن اللي تعانيه اليوم يخليك تفرح بكره واللي مرتاح اليوم يمكن يبكي دم بكره

الدنيا ماتبقى على حال
وانت لاتقعد تتابع تصرفات البشر حتى لو معك لانك بتتعب
تابع دراستك واثبت نفسك بعلمك
بن باز رحمه الله يعرفه المشرق والمغرب وهو كان يملك اقوى اعاقه (العمى)
ولكن قلبه كان بصير بالقرآن والحديث

وللمعلوميه ماقلك تخصص دين لا أي علم تبرع فيه ترا لك فيه اجر حتى لو فيزيا نفس الشي

وانا اعرف انه أي شخص عنده اعاقه يجي قلبه طيب ويسامح وذكي جدا ماشاء الله
سامحهم وخذ اجر وانتبه على دراستك

اخوك قيس