قصيدة للشاعر سعد علوش اعجبتني وحبيت اشاركم اياها
بيوم فراقنا الأول ,,
تغير موعد النوم
مكان القهوة الأولى وشكل الإفطار
بيوم فراقنا الاول ,,
شربت اول زقاره من بعد مده بدون أعذار !!
وأنا ماشرب زقاره من بعد مده بدون أعذار !!
بيوم فراقنا الأول ,,
أحس إني بديت انحل
أحس إني بديت اقصر
شعرت إني أنا المدري من تذكار !!
بيوم فراقنا الأول ,,
عرفت إن العطر ماهو من الأزهار
هو الباقي من الأزهار !!
وعرفت إن الملابس خدعة الخياط
وإنها في الأصل أسوار
وعرفت إني .. بدون ادري .. اعرف أسرار
بيوم فراقنا الأول ,,
عرفت إن الزمن واقف وموب دوار
وعرفت إن الحياة اصلا اعاده ماهي استمرار
بيوم فراقنا الأول,,
ذكرت إني نسيت اختار
شلون يكون هذا اليوم !!
شلون يدوم هذا اليوم !!
وقررت ان اصور شمس هذا اليوم
واصورني معاها داخل الايطار
عشان تدوم ,, وعشان أدوم ,,
ولا تغرب ,, ولا انهار