خابر !!
ويش انت خااااابر ؟

غير الهم
,,, والضيق
,, ودمع المحااابر

عمري انفاس الوهم ،،، دنيتي ضيّ الخيال

بين همساتي إلك ,,, كلمةٍ دايم تقال

الرضا دايم محاااااااااااال

لو تعاتب ,,,,
فــ العتب شرهة مُحب
لو يغيب الليل
وتبين الحُجُب
كلّ مافي الامر
هو


لحظة غضب

آآه من ليلٍ تعدّاني وغااااب
يجلب الحسرات وانواع
العذاااااااب
من يذر عن كاهلي
وجه الضباااااااااااااب

آآآه من عشق السرااااب



الصبح لون البياض وطاهر الغيمه
يمرّ في ساحة اجوائي ويسعدني

تتويج ليل وجبين الشمس تكريمه
من نظرة الصبح كنّ الشمس ترصدني

لاصرت في عالم اشراقه وترنيمه
ماكنّي الاّ من اشياءه يعدّدني

ماباقي الاّ نبات وبه أثر ديمه
لاهلّ غيم السهر من شان يوجدني

صدر العتب ريّح ركابك ورى الخيمه
مفقود لو زفرة انفاسي تفقّدني

تلقى على جال همسك ذود ومحيمه
ولاّ حبال الملامه ماتورّدني

ياساكن القلب يوم القلب له قيمه
مدري غريب الزمن ولاّ تعوّدني

أتبع نداء الهوى وامشي على تيمه
وأصيح لازاد ظلمك " ياهوى زدني "

وابرح مكاني واجي محلّ له شيمه
حتى صدى الصوت في قلبك يردّدني

حتى الخيال الذي بانت مقاديمه
شحّت عليه المقادير ,,, وتحشّدني

ان كان ماحلّ شرع الحبّ ومْقيمه
ياحظّ هاك الذنوب اللّي تحمّدني

وان قالوا الناس " كل دقّه بتعليمه "
عمر المشاريه ماتبعد ولاتدني

السُهد لو بان في وجهي تقاسيمه
مدري على ويش بعض الناس تحسدني

وان طاب نبض الغروب وزاد تعتيمه
ماشفت غير المكان اللّي توجّدني !


. . . .


في غضون الصمت , والريح , وهدبْك
والطريق اللي قصر لك خطوتي

لاسما يقرا , ولارملٍ كتبْك
غيرك انتي يالهبوب وهقوتي

لين زكّا القيظ جرحي واحتسبْك
عند حرفٍ مابخل في دعوتي

من متى الصحرا نخل تجني رطبْك ؟
من متى زلّ السحاب فـ " حروتي "

اقتفي بك " شمس " وارتاح بـ " نصبْك " !
لو شمال الغيم يُجْنب سلوتي !

من زرعت التين في تربة عتبْك
ماجنيت الاّ مرارة عنوتي !

في عصاتك يـ " الكفيف " آثر غضبْك
وانّقي حِلم الغضب من قدوتي !

عذق نبته ! ظل ّ شمسك ماحجبْك
لو هديل الوَرْق يجرح غفوتي !

رافد الذكرى مع المحجر سكبْك
دمعة الملح ورثاثة كسوتي !

ثار جرحٍ من فتوقه مارتبْك !
لو يخيط الغرز منبع شقوتي

عالم الأحلام " ماد " وصوت " دبْك
خيل " , لانام الطريق فـ " صحوتي "

ماخطب ودّي , ولا ودّي خطبْك
كلّ مافي الليل يضعف سطوتي

وخِبْرة الأيام , عيّت تكتسبْك !
لو شحيح الوقت , قلّل حظوتي

ابتعد عنْك , وحنيني يقتربْك
واقترب لـ " ابعد " مسافة نشوتي

جيتك من البرد لـ " عناية " لهبْك
كثر مانادى الوجع : يااااااااعزوتي !

ترتعش ! واشعل من ضلوعي حطبْك
واتحرّا ليييييين " تبرد " قهوتي

واثرني مع جمر شوقي مصطحبْك
وانت ماتسمع فضاعة شكوتي

وكان مات الصمت في شمعة هدبْك
من يقلّ رياح مركب خطوتي ؟



. . . . .



الـبــرد مـوجــة عـــذاب وحـضــن مـايـدفـي
لـــو قـدّسـتـه المـنـافـي " شـرهــة حـمـيّــا "

مـثـل الـزمـان التلـيـد الـلّـي غـــدى مـجـفـي
ريحـانـتـه تستـثـيـر " الــبــرد " مــــن غــيّــا

والمهـجـر الـلّـي جـفـاه المـوعـد " المنـفـي
"يطـوي لحـاف المسـاء ويقـول لــي " هـيّـا "

هـنــاك , يـــمّ الـحـنـيـن ووقــتــي الـمـقـفـي
ولاّ تـــراب الـجـفـاء يـــزرع لــــه " جـفـيّــا "

يالـيـت قـلـبٍ صفـالـه يـــوم , لـــي يـصـفـي
ماكـان " طـاح الحطـب " عنـدي , وبـه عـيّـا

ضجّ المكان بـ" صفيـر " الريـح , مـن خلفـي
يـلــهــج بــذكـــرٍ , يــفـــجّ الــصـــدر مــنــيّــا

إسـأل دروب السهـر عــن " مُثقَـلَـة " كتـفـي
وإسـأل دمـوع الـزهـر عــن راحــة (إ) يـديّـا

وشبّـاك " نبـض الـورَق " والشـارع المطـفـي
واوراق(ن) مـبـعـثــرات , هـــنـــاك وهــنــيّــا

واللـيـلـه الـلّــي تـجـيـب اوهــــام مـاتـعـفـي
كــنّ " الـوهـم " فــي ظــلال الـصـدر يتفـيّـا

" السوسـن " الـلّـي روت وتشـرّبـت عطـفـي
وشـلـون عـقـب التسـامـي تُـنـكـر " الـمـيّـا "

أحيـان طـبـع الجـفـاء مــن عـارِضـه يشـفـي
وأحـيــان مـــن غـفـوتـه مـاتـشـعـل الـضـيّــا

ولو كان " كلّي " يموت , ليا غدى " نصفي
"ماكـان مـات " الغيـاب " وشفتـنـي " حـيّـا "


لَــ الشاهق / فيصل المهلكي