ما يـلـقـط الـحـبّـة يا غـيـر الدجاجة
والا الصقر يكفخ بـجـنـحـــان ويطير
ويـعـجـبـك بطلعه ثـم لحظة رواجه
والـيـاخـفـق له خـفـقـة كـلـهـا خير
يرمي لك اللي يشغل القوم تـاجه
فيه الـمـعـزّة والــعــــزاء دون تقصير
أحذر يجي شرواك شروى الخواجة
لا يـفـصـح بكلمة ولا يـفـصـح بـغـير
وبعض البشر بالزول ما غير عـاجــة
والا كـمــا المخيول في مزرعة حير
ولا ينكسر باســــك بساعة مواجه
خلّك كما الـفـرســان عنتر مع الزير
هذا زمـــــــــــان فيه سادت انعاجه
وهـبّـت علينا من هبوبه مـعـاصـيـر
قـالـوا حـمـاقــة قلت عندي علاجة
ترى الـحـمـاقـــة عندنا شكلها غير
كمــــــــــ احمق هدّيت حدة مزاجه
واصــبـــــح اديب وصار يكتب تعابير

القارظ العنزي