أحـمـد
03-12-21, 04:08 PM
اليوم حابب اتكلم عن قصه حب مليانه كفاح
قصه حب لو حفروا حروفها فى الصخر هيجى يزورها الاف السياح
قصه حب تفاصيلها كتير ومليانه افراح واطراح
هحكى لكم اليوم حكايتى مع حبيبتى سماح
عارفين ان سماح اكلها التمساح
وامها فضلت اسبوعين تلطم وتصوت لحد ما صوتها راح
كانت يا عينى بتلف فى الشوارع وتقول فينك يا سماح
سبتينى ليه يا بنتى دا انتى لسه صغيره والعمر كان لسه فيه براح
معقوله يا بنتى قبرك جوه معده تمساح
يعنى لما افكر ازور قبرك لازم يكون معايا سلاح
ولا اروح وايدى فاضيه وياكلنى زيك يا بنت عبد الفتاح
طيب مش كان يبقي احسن لو قتلك سفاح
او اتحرقت بيكى طياره ورمادك طار مع الرياح
او خطفك عفريت بمساعده اصحابه الاشباح
قلبى هيفضل حزين عليكى يا بنتى وعلى الشبشب الى كنتى لبساه واهو كمان راح
الله يسامحك بقي دا هو الوحيد الى كنت فى لبسه برتاح
*********************
هرجع انا بقى ليكم واحكى لكم بدايه الحكايه
من اول ما حبينا بعض للحظه النهايه
حكايه حب كبير كان ممكن يتكتب عنه الف روايه
حكايتى مع سماح الى كانت بتلبس نظاره كعب كوبايه
كانت عيونها جميله تشبه عيون ضفدعايه
مش بتريق عليها هى فى عيونى بنبونايه
ثم القلب لو حب مش هيفرق ان كان بيحب سردينه ولا جمبريايه
صفوا النيه وبلاش تتصيدوا الاخطاء يا مش هكمل الحكايه
********************
سماح حبيبتى لما كنت بشوفها كنت بحس ان الفجر لاح
طلتها كانت برقه نسمه صباح
ضحكتها بتخليها ست الملاح
كان صوتها حنين يشبه صوت جارتنا انشراح
والى ما يعرفش انشراح اكيد عارف الديك الصياح
ضحكتها رقيقه مش هكدب هى تشبه شويه ضحكه ابو صلاح
عيبها بس انها كانت بتحب النواح
وما كانتش بتسكت الا لما اقفل بقها بقفل ومفتاح
من الاخر هى كانت عندى تشبه عصير البصل مع قطعتين تفاح
*********************
قلت اسمعها افلام ابيض واسود يمكن الاقى الحل
دا عصر رومانسى والقلب ايامها كان زى الفل
الدنيا كانت غير الدنيا والكل قلوبهم على الكل
حياتهم هاديه وقلوبهم صافيه وما فيش ولا حقد ولا غل
فينك يا حلم وام كلثوم دى ست الكل
عصركم الجميل راح وسبتونى انا للذل
*********************
محتاجك يا حبيبتى تبقى ماجده او شاديه او حتى صباح
عوزك تغنى لى اهواك او حتى حبك راح
لكن كده الحياه رتيبه وتزهق وتجيب كساح
تصدقى ساعات باتمنى ياكلك تمساح
واتفرج عليكى وانتى فى بقه بتقولى سماح
واقول له كلها يا عمى خلينى ارتاح
دى واحده كئيبه وما تعرفش غير النواح
واهو ربنا استجاب لدعائى ونهايتك عضه تمساح
الله يرحمك يا اغلى حبيبه الله يرحمك يا سماح
.............
قصه حب لو حفروا حروفها فى الصخر هيجى يزورها الاف السياح
قصه حب تفاصيلها كتير ومليانه افراح واطراح
هحكى لكم اليوم حكايتى مع حبيبتى سماح
عارفين ان سماح اكلها التمساح
وامها فضلت اسبوعين تلطم وتصوت لحد ما صوتها راح
كانت يا عينى بتلف فى الشوارع وتقول فينك يا سماح
سبتينى ليه يا بنتى دا انتى لسه صغيره والعمر كان لسه فيه براح
معقوله يا بنتى قبرك جوه معده تمساح
يعنى لما افكر ازور قبرك لازم يكون معايا سلاح
ولا اروح وايدى فاضيه وياكلنى زيك يا بنت عبد الفتاح
طيب مش كان يبقي احسن لو قتلك سفاح
او اتحرقت بيكى طياره ورمادك طار مع الرياح
او خطفك عفريت بمساعده اصحابه الاشباح
قلبى هيفضل حزين عليكى يا بنتى وعلى الشبشب الى كنتى لبساه واهو كمان راح
الله يسامحك بقي دا هو الوحيد الى كنت فى لبسه برتاح
*********************
هرجع انا بقى ليكم واحكى لكم بدايه الحكايه
من اول ما حبينا بعض للحظه النهايه
حكايه حب كبير كان ممكن يتكتب عنه الف روايه
حكايتى مع سماح الى كانت بتلبس نظاره كعب كوبايه
كانت عيونها جميله تشبه عيون ضفدعايه
مش بتريق عليها هى فى عيونى بنبونايه
ثم القلب لو حب مش هيفرق ان كان بيحب سردينه ولا جمبريايه
صفوا النيه وبلاش تتصيدوا الاخطاء يا مش هكمل الحكايه
********************
سماح حبيبتى لما كنت بشوفها كنت بحس ان الفجر لاح
طلتها كانت برقه نسمه صباح
ضحكتها بتخليها ست الملاح
كان صوتها حنين يشبه صوت جارتنا انشراح
والى ما يعرفش انشراح اكيد عارف الديك الصياح
ضحكتها رقيقه مش هكدب هى تشبه شويه ضحكه ابو صلاح
عيبها بس انها كانت بتحب النواح
وما كانتش بتسكت الا لما اقفل بقها بقفل ومفتاح
من الاخر هى كانت عندى تشبه عصير البصل مع قطعتين تفاح
*********************
قلت اسمعها افلام ابيض واسود يمكن الاقى الحل
دا عصر رومانسى والقلب ايامها كان زى الفل
الدنيا كانت غير الدنيا والكل قلوبهم على الكل
حياتهم هاديه وقلوبهم صافيه وما فيش ولا حقد ولا غل
فينك يا حلم وام كلثوم دى ست الكل
عصركم الجميل راح وسبتونى انا للذل
*********************
محتاجك يا حبيبتى تبقى ماجده او شاديه او حتى صباح
عوزك تغنى لى اهواك او حتى حبك راح
لكن كده الحياه رتيبه وتزهق وتجيب كساح
تصدقى ساعات باتمنى ياكلك تمساح
واتفرج عليكى وانتى فى بقه بتقولى سماح
واقول له كلها يا عمى خلينى ارتاح
دى واحده كئيبه وما تعرفش غير النواح
واهو ربنا استجاب لدعائى ونهايتك عضه تمساح
الله يرحمك يا اغلى حبيبه الله يرحمك يا سماح
.............