فَـاتني أن أكُــون بيانـو .. !

[هـمـس]

..








مساء الخير

فيه اعضاء يتوقعون اذا جابو سيرة جنسيتي او أصلي معناها بفشلوني

ما يدرون اني اصلا ماشيه واقول انا يمنيه حضرميه

يعني ما فهمت وش اللي بخليني استحي من اصلي ؟؟

واذا فيه أحد يفكر انه بيغير تعامله معي عشان هالمعلومه بالطقاق

:يحيى:








..



..





صبحتو بكل خير

على هالمشاركه جاتني تقاييم كثير

في الواقع ما شفت عنصريه ابدا

لكن في عالم النت للأسف كثير

وشاكره لكل من قيم اسعدكم الرحمن :67:








..

[هـمـس]

..








" أنـا و أنــت مثل الحادي والثلاثين من ديسمبـر و الأول من يناير، قريبون جدًا ولكن بيننا عام ."









..

[هـمـس]

..









طلعت لنا كم مقطع لشباب يضربون بنات
ثم تباشر مواقع التواصل التشنيع بهم والتحريض عليهم
خلال 24 ساعه يتم القبض عليهم ويضيع مستقبلهم

طبعا أنا لا أبحث عن مبررات لهم
لكن هناك قوانين جديده سمحت لبعض البنات التطاول على الشباب
وهي تعرف إن القانون بيقف بصفها والشاب بيضيع مستقبله
تستفزه وممكن تتهجم عليه واذا ابدى ردة فعل قلبت الدنيا عليه

مقتبس من مدونة الشيخه النايفه

طيب ما شفتي مقطع الأم اللي تحرش ببنتها واحد ولما هاوشته ضربها

وحده كبر أمه يمد يدها عليها ! وش رايك انتي بالحادثه هاذي ؟

مهما كان حتى لو استفزته مليون بنت عيب اصلا يمد يده على وحده ما تحل له

فكيف اذا كانت كبر أمه وفي كل الحالات ضرب بنات الناس غير مقبول

استفزته غلطت عليه القانون موجود لكن احنا مو في غابه يضربون بنت خلق الله بالشوارع








..

[هـمـس]

..







الحادثه اللي انا تكلمت عنها في القصيم

حتى مبين في المقطع فعلا امرأه كبيرة في العمر

فيه مقطع ثاني صح لوحده باين انها شابه

انا عتبي الأكبر على حادثة القصيم

تقاييمي مخلصه

ياليت محد يشوف مشاركاتي انها سوالف






..

[هـمـس]

..







صراحه

العفو اللي صار اليوم يقهر

حق أهل الدم ما ختلفنا لكن شاب في بداية حياته زي الورده يروح بغمضة عين

انقهرت وانا مالي دخل بالسالفه :69:

الله يعوض شبابه الجنه








..

[هـمـس]

..










من الممكـن أن يخونك كُل شيء إلا شعورك، المرء يشعر بكل شي في أعماقه
يشعر بمن توقف عن حبه ، ويشعر أيضا بمن ينتظر منه مجرد كلمه .. يعرف










..

[هـمـس]

..











" السّماء صافيه لأن البشر لا يعيشون فيها ."









..

[هـمـس]

..









كُلما تركت مسافه بيني وبين الآخرين " نجوت "
القرب لم يعد ينفعني بشيء .









..

[هـمـس]

..










https://www.raed.net/img?id=560577











..

[هـمـس]

..







الجو هاليومين مطر ونسمة هوا ترد الروح :نبض:

لحد يحسدنا قولوا ماشاء الله :outhg!:








..

[هـمـس]

..












- لا تقذف الناس بالحجارة حتى لو كانت أبوابك من حديد، فحجارة الظلم حين تعود إليك

تكون أقوى من الأبواب ... ومن الأقفال .. ومن الحديد !











..

[هـمـس]

..










https://www.raed.net/img?id=566947












..

[هـمـس]

..








" أمــوال الرجل مهما كثرت، لا يمكن أن تغري امرأة مثقفه ومستقله ."









..

[هـمـس]

..













https://www.top4top.me/do.php?imgf=top4top_mea3d4d7425c711.jpg

#غزة_تباد









..

[هـمـس]

..










- الإطمئنان هو ما يجعلني أقترب، وليس الإعجاب او الإنبهـار .












..

[هـمـس]

..












فيه شي لي كم يوم اتساءل عنه بيني وبين نفسي

الشخص اللي كان يسوي نفسه مهتم لأمرك ويداريك ويسأل عنك

فجأه يختفي وان سألت عنه يعطيك بلوك لأيام ويشيله ويرجع يعطيك بلوك مره ثانيه

وش تسمون هالتصرفات ؟ أتحفوني

انا أسميه مختل وهذا أقل وصف يستحقه للأمانه













..

[هـمـس]

..









- برغبته رحل ، وبرغبتي لن أعود .











..

[هـمـس]

..









اللهم إجعلنا نلتقي أشباه قلوبنا و أشباه أخلاقنا اينما إتجهنا
قرب لنا يالله القلوب اللي تشتري رضانا وضحكتنا
وابعد عنا القلوب اللي نهون عليها








..

[هـمـس]

..










كنت سأرسل رسالة لطيفة لكن الإشارة المرورية " إخضرّت " ،
وحين هممت بإرسالها عند الإشارة التاليه قاطعتني مكالمه
ولأني أؤمن بالعلامات الكونية، مسحت الرساله ..










..

[هـمـس]

..












" لا تُعاتب طالما الطرق التي تؤدي الى رضاك معروفه وشرحتها بأكثر من موقف ."










..

[هـمـس]

..









https://www.top4top.me/do.php?imgf=top4top_me4aa9a2c4b0f71.jpg


اللهم امين






..

[هـمـس]

..









" اللهم طمئن قلبي بما أنت أعلم به مني
ارحني من أعباء أحملها بمفردي ولست
أبوح بها ، و ارزقني الثبات على تقلبات هذه الحياة
واجعلني دائما تحت ظل رحمتك ."









..

[هـمـس]

..












- عدو المرأة ليس الذكر المتعالي فقط، بل عدوتها أيضا المرأة الراضيه بالعبوديه .

مريد البرغوثي











..

[هـمـس]

..








اول شهر بالسنه

قررت أتخلى عن حسابين

انستقرام وتويتر بس السناب والواتس مرتبطات مره بأصحابي في الواقع واهلي واللي حولي

فصعب اني اتخلى عنهم تيك توك وجوده والعدم واحد








..

[هـمـس]

..










https://d.top4top.io/p_2936delqj0.jpg







..

[هـمـس]

..









صباح الخيرات ع الحلوين :)

طمنوني عنكم

مرت فتره وانا ساحبه على المدونه تقريبا ومشاركاتي في المنتدى صارت شبه معدومه

ان شاءالله نرجع زي قبل و أحسن

وبس والله :MonTaseR_185:









..

[هـمـس]

..








تُهمني راحة بالي فلا تستغرب من كوني أتجاهل أشياء واضحه.









..

[هـمـس]

..












https://k.top4top.io/p_29474hn6t0.jpg











..

[هـمـس]

..










" مؤخرا تصل الى قناعة أن السلحفاة كانت أكثر حكمه من الأرنب، لا شيء يستحق الركض ."












..

[هـمـس]

..








الردح اللي صاير ترند بتويتر اللي يستهدف " المنقبات " زاد عن حده

المتبرجات فرحانات بأنفسهم كأنهم مسويين انجاز ترى التبرج مذكور بالقران بأنه من الجاهليه الأولى

لا يحسبونه تطور ولا شي جديد 2024

بعدين الجنه غاليه اللي بتبيعها عشان تطلع بصوره حلوه من بيتها بكيفها خالقها يحاسبها

لكن الهجوم على الغير وعلى حريتهم بهالطريقه يضحك والله

لو احنا المنقبات نهاجمهم بهالطريقه كان قالو اعتدينا على حريتهم ولا احترمناها

لكن احنا الهجوم علينا مسموح واللي تشوف قيمتها بشكلها الخارجي هاذي عقلها فيه بلا

الله لا يبلانا صدق والحمدلله على نعمة الستر










..

[هـمـس]

..









https://l.top4top.io/p_2961wdi2u0.jpg









..

[هـمـس]

..








لو أقولكم شعوري هاليومين يمكن ما تصدقونه

وادري يمكن البعض يقولون ابالغ ولا أستعرض ولا يهموني والله

لكن فعلا والله يشهد من لما شفت بتويتر هاشتاق شمال غزة يجوّع

وانا كل ما جيت أكل اتذكرهم واتضايق على حالهم :30:

امس أول ما حطيت فطوري تذكرتهم العشا نفس الشي حتى وانا أشرب كوب الشاهي اتذكرهم بعد

وضعهم صعب صعب جدا فعلا مجاعه حقيقيه

اتابع وضع أهل غزة من تغريدات الموجودين على الأرض

من ضمن اللي كنت أتابعهم الدكتور مصطفى النجار تابعته لاخر تغريده كتبها يوم الثلاثاء الماضي

بعدها بساعات قليله شفت اصحابه ومعارفه يقولون استشهد في القصف

الله ينصرهم ويفرجها عليهم عاجلا غير آجل يارب

المحزن فعلا تبقى على رمضان شهر بالضبط وما زالت الحرب مستمره

لا بد نتذكرهم في دعائنا وفي صلواتنا

الله يبشرهم ويبشرنا بوقف اطلاق النار قريبا قبل دخول رمضان











..

[هـمـس]

..














"أتمنى أن أسكب محبتي في المكان الصحيح،
في شخصٍ يحبني حبًا كافيًا ولا يترك ندمًا في داخلي."














..

[هـمـس]

..








"يمكن للمرء أن يموت ببطء عندما يحب شيئًا ويعرف جيدًا أنه انتهى أمل الوصول إليه."









..

[هـمـس]

..














‏انا الغريب اللي تلوح له كفوف الراحلين
‏وهو يخبي دمعة عيونه ويشتال وجعه

‏والمشكلة ما هيب في دمعي ولحظات الحنين
‏المشكلة فـ اللي يروح وياخذ الدنيا معه !!














..

[هـمـس]

..








هالأسبوع ثلاثة اشخاص انتقلو الى رحمة الله من اللي حولنا

ومنهم أب وبعد ثلاثة ايام لحقته اصغر وحده في عياله وبناته

الموت لا يوجع الأموات يوجع الأحياء

الله يرحمهم ويرحم موتانا ويجبر قلوبنا وقلب كل من فقد له عزيز











..

[هـمـس]

..










https://l.top4top.io/p_2977prpq70.jpg










..

[هـمـس]

..








" الفرصة الثانية أخطر من الأولى لأنك تعلم مِقدار ما تُخاطر به ، انه قلبك ."










..

[هـمـس]

..








صبحتو بالخير كلكم :رحيق:

من يومين ودي أعلق على قصة فتاة الأوبر اللي حصلت بمصر تقريبا قبل حوالي أسبوع

القصه وما فيها للي ما يعرف الضحيه اسمها حبيبه عمرها 23

طلبت سيارة اوبر وركبت فيها عادي وبعد كم دقيقه

رمت نفسها من السياره على خط سريع

طبعا أكيد تقلبت بالشارع وصابتها اصابه خطيره في الدماغ

وللان في غيبوبه وعندها نقص شديد في الوعي والادارك ونزيف بالمخ ما وقف

حالتها صعبه من الاخر الله يشفيها ويرفع عنها ويطمن اهلها عليها

قالت للشخص اللي أنقذها سواق اوبر كان بيخطفني

للان محد أخذ اقوالها بما أنها في غيبوبه والشرطه ما قدرت تشوفها قبل تغيب عن الوعي

القصه كامله بتفاصيلها موجوده على اليوتيوب بس كتبت التفاصيل المهمه منها

اللي كنت بقوله من زمان ومن سنين اعترض مره على ركوب اي بنت مع سواق لحالها

سواء سواق اوبر او أي تطبيق حتى لو كان سائق خاص

فيها مخاطره كبيره وعيال الحرام كثار والشيطان شاطر

ولا بعمركم يا بنات تركبون مع أي شخص غريب عنكم لحالكم

حتى انا شخصيا مرات اضطر اركب مع سواق لكن لحالي من سابع المستحيلات

محد يأمن أحد بهالزمن اللي يخوف خافو على انفسكم

البنت الله يرحم حالها ويرفع عنها ويلطف بأمها واهلها

مدري وش شافت من هالشخص لدرجة انها ترمي نفسها من السياره على خط سريع

اي شخص معترض على قيادة المرأة يشوف هالشخص كامله في يوتيوب اكيد راح يغير رأيه

الله يحمي بنات المسلمين ونرجع نقول لا تركبون مع اي شخص غريب عنكم لوحدكم لو تنطبق السماء على الأرض

لا تقولون تطبيقات عليها رقابه ومضمونه محد مضمون الا رب العباد وبس

ياربي وحوش على هيئة بشر الله يحمينا

حافظوا على أذكاركم بالذات دعاء الخروج من المنزل








..

[هـمـس]

..












8 مارس

اليوم العالمي للوليه على قولة طاغي :smoke1:

كل عام واحنا قويات وجميلات وناجحات والكوكب بدوننا ماسخ وماله طعم:MonTaseR_207::ياعبيط:

أشوف احد منكم يا الفريق الثاني يعترض :1z503033:

للبنات كلهم اللي هنا :MonTaseR_132:












..

[هـمـس]

..










مبارك عليكم الشهر

الله يتقبل صيامنا وقيامنا يارب










..

[هـمـس]

...










على كثر ما رمضان حلو وراحه نفسيه

على كثر ما يقلب المواجع ويذكرنا بالناس اللي فقدناهم

فقدان الموت هو اللي نتذكره في اوقات الفرح او المناسبات

الله يرحمك يا بوي ورمضانك في جنات النعيم يارب

مكانه خالي في كل وقت










..

[هـمـس]

..





شفت اعلان زين هالسنه عن غزة

لا تنسونهم من دعواتكم في هالثلاثين يوم

حياتهم صعبه قتل في كل مكان يا إما بالقنابل او الصواريخ او قنص بالرصاص

يا من الجوع والجفاف والنزوح وضعهم كارثي

الله ينصرهم ويلطف فيهم






..

[هـمـس]

..








صبحتو بالخير كلكم :رحيق:

من يومين ودي أعلق على قصة فتاة الأوبر اللي حصلت بمصر تقريبا قبل حوالي أسبوع

القصه وما فيها للي ما يعرف الضحيه اسمها حبيبه عمرها 23

طلبت سيارة اوبر وركبت فيها عادي وبعد كم دقيقه

رمت نفسها من السياره على خط سريع

طبعا أكيد تقلبت بالشارع وصابتها اصابه خطيره في الدماغ

وللان في غيبوبه وعندها نقص شديد في الوعي والادارك ونزيف بالمخ ما وقف

حالتها صعبه من الاخر الله يشفيها ويرفع عنها ويطمن اهلها عليها

قالت للشخص اللي أنقذها سواق اوبر كان بيخطفني

للان محد أخذ اقوالها بما أنها في غيبوبه والشرطه ما قدرت تشوفها قبل تغيب عن الوعي

القصه كامله بتفاصيلها موجوده على اليوتيوب بس كتبت التفاصيل المهمه منها

اللي كنت بقوله من زمان ومن سنين اعترض مره على ركوب اي بنت مع سواق لحالها

سواء سواق اوبر او أي تطبيق حتى لو كان سائق خاص

فيها مخاطره كبيره وعيال الحرام كثار والشيطان شاطر

ولا بعمركم يا بنات تركبون مع أي شخص غريب عنكم لحالكم

حتى انا شخصيا مرات اضطر اركب مع سواق لكن لحالي من سابع المستحيلات

محد يأمن أحد بهالزمن اللي يخوف خافو على انفسكم

البنت الله يرحم حالها ويرفع عنها ويلطف بأمها واهلها

مدري وش شافت من هالشخص لدرجة انها ترمي نفسها من السياره على خط سريع

اي شخص معترض على قيادة المرأة يشوف هالشخص كامله في يوتيوب اكيد راح يغير رأيه

الله يحمي بنات المسلمين ونرجع نقول لا تركبون مع اي شخص غريب عنكم لوحدكم لو تنطبق السماء على الأرض

لا تقولون تطبيقات عليها رقابه ومضمونه محد مضمون الا رب العباد وبس

ياربي وحوش على هيئة بشر الله يحمينا

حافظوا على أذكاركم بالذات دعاء الخروج من المنزل








..


..






وماتت الضحيه

ودفنوها امس بس ما اعرف متى بالضبط بعد الظهر أو بعد العصر

انا لله وانا اليه راجعون

الله يرحمها ويصبر أهلها ومحبينها

حرام بنت مثل الورده تروح كذا بسبب استهتار شركة توصيل في اختيار موظفيها

الله يحفظنا ويحفظ بنات المسلمين

القصه تعور القلب وتقهر اهم شي حقها ما يروح








..

[هـمـس]

..







ووصلنا للعشر الأواخر

مثل كل سنه نقول رمضان سريع مره وما حسينا فيه

ما بقى إلا اخر عشر أيام ولا ننسى ليلة القدر وفضلها

استغلوها زين رمضان كل سنه بينعاد لكن يا ترى هل نحن بنكون موجودين ؟؟

الله يعطينا واياكم جميعا طولة العمر ويتقبل منا في هالشهر الفضيل







..

[هـمـس]

..









كل عام وانتو بخير

ينعاد عليكم وعلى حبايبكم بالصحه والعافيه يارب

عساكم من عواده :ورده:







..

[هـمـس]

..














" لقــد عشت معك شعور أول مرة من كل شي، وهذا يكفي لأتذكرك دائمًا :نبض: ."















..

[هـمـس]

..






صبحتو بالخير

طمنونا عنكم

صح اني مختفيه ما اشارك هالفتره

لكن اتابع من خلف الكواليس

لفت انتباهي الشريط الأحمر اللي فوق مع اني ما اعرف وش السالفه

بس متى البعض يفهم ان المنتدى يعتبر مساحه

مو حلبة مصارعه ولا فرد عضلات كلها كم رد تكتبه وتسجل خروج

شفنا كثير كذا بالمنتديات مدري وش يستفيدون

اتركوا الناس تتنفس وترتاح شوي العالم الواقعي مليان ضغوطات

لا تضغطون الناس زياده هنا وكل واحد ينشغل بنفسه أحسن

الرأي اللي ما يعجبك تجاهله الشخص اللي ما يعجبك سوي نفسك مو شايفه

الأجواء المشحونه طاقه سلبيه :69:








..

[هـمـس]

..








صباح المطر والأجواء الزينه

بس الأخبار للأسف مو زينه :69:

ما أعرف اذا الكل شاف خبر اطلاق نار شاب على أخته

عمره 18 وعمرها 42 يعني تجي كبر أمه بالراحه

قتلها بالرصاص عديم الرحمه والمرجله :MonTaseR_147:

كل هذا عشان اشترت سياره تقضي فيها مشاويرها هي وعيالها

كيف برز توه من يومين متخرج من الثانويه العامه يتجرئ على قتل أخته !!!

فارق العمر بينهم مخيف وبغض النظر ولو كانت أكبر منه بسنوات قليله

ما يجوز قتلها بأي شكل من الأشكال

لكن الطامه الكبرى عشان احتاجت سياره لها ولعيالها يقتلها ؟!

شكلنا لسى في الجاهليه مو وصلنا عام 1445 ؟؟؟

الله يصبر عيالها مصيبتهم مصيبه خالهم قتل أمهم

وأخته اللي بمقام أمه بعد :30:

لا حول ولا قوة لا بالله

الذكوريين اللي مثله خطر على كل النساء

يارب يكون من نصيبه القصاص قريبًا

الله ينصر المظلومات









..