مشاهدة النسخة كاملة : فَـاتني أن أكُــون بيانـو .. !
الصفحات : 1
[
2]
3 4 5 6 7 8 9 10 11
والزوار 10
يا أهلا وسهلا حياكم نفر نفر :نبض:
..
..
أنا قلت ما بتحلطم بس شفت مشاركه هنا وقلت لازم أعلق
أصبح الجميع مُتشابهون
بالاهتمامات الهوايات
الرغبات بالأولويات أيضاً
اصبحو على وتيرة واحده
مُتشابهون حدّ الملل!
أعشق النُدرة والفريد
من مدونة الجميله سكر :نبض:
والله ذكرتيني باللي نشوفه في مواقع التواصل !
فعلا الناس صايرين يتشابهون في كل شي
خصوصا البنات الأساور نفسها طريقة التصوير نفسها
القهوه حتى من نفس الكافيه السلسال كلهم نفسه !
والله حتى أثاث البيت باليوتيوب اغلب الناس نفسه
لدرجة حتى روتين الحياة والفطور :MonTaseR_134: ؟
جد والله ايش بهم الناس صايرين نسخ لصق ؟؟
الزبده اني أتفق مع سكر وبقوه :ah11::x150:
..
..
https://youtu.be/R4OQZZVNU4M
أحلى حفل بالحياة :نبض:
والله بدمع خلاص :298:
..
..
محد زي جيل سبيستون لحد يناقشني :MonTaseR_173:
راحت عليكم يا جيل الأبياد
اصلا مدري لا كبروا ايش بتكون ذكرياتهم :MonTaseR_94:
..
..
https://www14.0zz0.com/2021/11/18/14/196814782.jpg
تذكرت هالموضوع وقلت بقول رأيي فيه
من يومين انتشر خبر القاء القبض على مدير شركة فايزر
فيه ناس قالوا بسبب تزوير الاعراض الجانبيه لـ اللقاح
كلمتني امس وحده من الأهل وقالت لي هالخبر
وكانت خايفه وتقول لي ياليتني ما أخذته
عاد انا وهي جرعتين فايزر
البقيه وحده فايزر والثانيه أكسفورد
وما درينا الكلام المنتشر صح ولا غلط
والصوره اللي حطيتها بهالمشاركه وصلتني بالتلجرام
في كل الحالات انا قبل لا أخده استودعت الله نفسي وتوكلت عليه
وقل لن يصيبنا إلا ما كتب الله لنا
اشوف الناس صابهم هلع هاليومين بسبب هالموضوع :MonTaseR_66:
انا عادي مو فارق معي صراحه :MonTaseR_196:
..
..
تذكرت شي كمان >> يا كثر هرجك :MonTaseR_187::وحده مون:
أعتقد الاغلبيه بينهم وبين انفسهم مستغربين مني
عشان كل شوي برمزيه :MonTaseR_61:
كل شوي بمزاج كل ما حطيت وحده طفشت منها غيرتها :MonTaseR_61:
وتستمر الحياه على هالطريقه :وحده مون:
..
..
أذكركم ونفسي الصلاه على النبي + قراءة سورة الكهف :نبض:
..
..
" وقِـيل في الصّبر : هوَ القبُول الهَـادئ بأن الأمور يمكن أن تتَـحقق
بِترتِيب يختلف عن الِذي تظنّه في عقِلك ، بـتدبِير عظِيم من الله :نبض: "
..
..
أمطار خفيفه على الرياض :نبض:
الحين بيبدأ الشتاء صح الله يعين :th_freezin:
..
..
بصراحه بقول شي بس لحد ياكلني :MonTaseR_134:
انا بالنسبه لي فصل الشتاء فصل الاكتئاب :لا بالله:
لا تنصدمون :ai:
طول الوقت ارجف ولابسه نص الدولاب ولازقه بالدفايه
لا وكمان كل ما تعافيت مرضت :crying:
المهم لحد ياكلني سووا أنفسكم ما قريتوا شي :MonTaseR_197:
..
..
https://up4net.com/uploads4/up4net.com163742522526751.jpg
..
..
https://up4net.com/uploads4/up4net.com163743133383791.jpg
طحت على هالصوره من يومين :5:
ماتوا بنات عمتي عليها من الضحك
قلت أضحك بنات مسك بعد :icon10::فطسه::فطسه:
..
..
تقاييمي خلصت اللي يقيمني وما ارد عليه يعذرني
..
..
أنا كـ شخص ما احب المشاحنات والمشاكل
لكن
هالزمن الشرير ياكل الضعيف
لاحظتوا اني قلت ( الشرير ) مو القوي ؟؟
لأن القوه فاهمينها بعض الناس غلط
اذا اذيت خلق الله وما فكيت احد من شرك معناها سوبر قوي
والله معناها أنت سوبر شيطان :فطسه:
صح اني ذكرت فوق اني شخص ما يحب المشاكل
بس حقك لا تسكت عنه عشان محد ياكلك
هذا ما وصلنا له في هالزمان للأسف
..
..
الأمر ليس بكثرتهم حولك ، إنما بمن يأتيك دون أن تناديه
ومن يربت على كتفك دون أن تخبره بأنك مثقل .
..
..
المشاركات فيها مشكله بالمنتدى والتعديل كمان :3:
..
..
ابغا اتكلم بخصوص موضوع تأخر الزواج عند البنات
توني قبل ساعه قريت موضوع وحده من الاخوات في قسم المشاكل
طبعا معروف مجتمع الحريم مجتمع فضولي وملقوف وما يخلون احد بحاله
لكن عندي رساله بقولها من هذا المنبر
فيه شي لازم كلنا نفهمه
الانسان ما راح يطلع من الدنيا لين ياخذ نصيبه ورزقه كامل
ولازم نعرف شغله ثانيه اهم
وهي لعل الزواج شر وصرفه الله عنك
يمكن لو تزوجتي عزيزتي الفتاة تاخذين واحد ما يخاف الله
مدمن مخدرات او يشرب او ما يصلي او سيئ الأخلاق
او لعلك تتزوجين وتنجبين أبناء عاقين او غير صالحين
كل شي يصرفه الله عننا فيه خير كثير ولكن احنا نجهله
اشغلوا وقتكم بشي ينفعكم ويفيدكم
لا تضيع حياتكم وسنين العمر بس تفكرون ليش ما تزوجنا
اذا مكتوب لك تتزوجين راح تتزوجين بالوقت اللي يشوفه الله سبحانه مناسب لك
اطمئنوا وارتاحوا وتوكلوا على الله فهو خير مدبر لأمورنا
واذا على الحريم وكلامهم أذن من طين و أذن من عجين
انا بنت حالي حالكم وعايشه في مجتمع الحريم واشوف واسمع
بس عشان راحة البال نطنش اي شي ما يعجبنا
بنعيش مره وحده نعيش مرتاحين افضل
وبس والله
..
..
https://www2.0zz0.com/2021/11/23/20/439564963.jpg
تستحق وبشده :نبض:
..
..
كسّر الخواطِر بمثـابة خطأ طبِي
الإعتِـذار فيه لا يرد عافِيتك
..
..
الهلاليين اليوم لحد يقرب صوبهم
الف مبروك الفوز :نبض:
..
..
" لم يكُن النضج بالعمر، إحدى الليـالي فعلت ذلك "
..
..
https://www9.0zz0.com/2021/11/24/20/926787734.jpg
من جد والله :MonTaseR_26::MonTaseR_26::MonTaseR_128:
..
..
والزوار 16
حياكم جميعا :)
..
...
https://www10.0zz0.com/2021/11/25/15/637639606.jpg
قولوا الحمدلله في كل الأحوال :نبض:
..
..
اللهم صل وسلم على نبينا وشفيعنا :نبض:
سورة الكهف تذكروها :رحيق:
..
..
https://www2.0zz0.com/2021/11/26/18/294567962.jpg
شوفوا وش لقيت في الانستقرام
هذا اللي أخذناه من مشاهير السناب
صراحه الأم شخصيتها ضعيفه مع احترامي
الكارثه اللي بالتعليقات يقولون 14 سنه صغيره على النقاب
ناسيين ايام سادس ابتدائي المدرسه تخلينا نغطي واحنا طالعين
دامها مُكلفه ماهي صغيره على النقاب
الله يستر الجيل الجاي هذا عقولهم مغسوله بسبب السناب
..
..
ما قدرت اعدل المشاركه اللي قبل
كنت بضيف على كلامي
وهيبة الأهل بدت تروح خلاص
وين الله يرحم ايامنا لا قالوا امهاتنا شي سمعا وطاعه
قد مرت علي امرأة تشتكي من بنتها لإستاذه
نفس الشي تشتكي انها رافضه الحجاب او النقاب
يا امهات انتبهوا لعيالكم وبناتكم من السوشل ميديا
والله انها كارثه على الأجيال القادمه
لو يقفلون السناب يسوون فينا خير
..
..
https://www2.0zz0.com/2021/11/26/18/294567962.jpg
شوفوا وش لقيت في الانستقرام
هذا اللي أخذناه من مشاهير السناب
صراحه الأم شخصيتها ضعيفه مع احترامي
الكارثه اللي بالتعليقات يقولون 14 سنه صغيره على النقاب
ناسيين ايام سادس ابتدائي المدرسه تخلينا نغطي واحنا طالعين
دامها مُكلفه ماهي صغيره على النقاب
الله يستر الجيل الجاي هذا عقولهم مغسوله بسبب السناب
..
المشاركه طارت بالصفحه السابقه
هاذي هي المشاركه اللي اقصدها
..
..
الأخوه والأخوات الأفاضل اللي كل يوم مشرفيني
بمرورهم وتعقيبهم هنا في المدونه الله يسعدكم جميعا
وشاكره لكم جدا هذا المرور والتعقيب :81::x117:
..
..
بما أن صعفوق مستمر بالهجوم على بنات حواء
الرد بيكون من عندي ان شاء الله :MonTaseR_96:
https://www4.0zz0.com/2021/11/26/21/720033959.jpg
البنات حلفت عليكم لا تقومون :icon10:
..
..
أخيرا رجعت المشاركات :الجوهره:
عودا حميدا :نبض:
..
...
" أنظر للأشيـاء بعين الفاقِد حتى تستشعِر قيمتها :نبض: "
..
..
" على الإنسان أن يؤمن أن الحيـاة تُشرق من داخله ."
..
..
بما أن المنتدى تعدل وصارت الأمور زينه
ياليت المدير الله يعطيه العافيه يشوف حل للتقاييم
صراحه متأزمين كل ما قيمت شخص ورد علي
عشان أنا ارد عليه لازم اقيم شخصين :MonTaseR_56:
الوضع يحرج ويأزم بنفس الوقت صراحه :MonTaseR_166:
..
..
" عليك أن تعي ان الحُب الذي يضعه الله في القلب
لا ينتزعه إلا هو ، لا غياب ولا إعتياد أو مسافات
تستطيع نزعه، حتى الخذلان لا يفعل . "
..
"
..
" إنَّ الدُعـاء قــوة :نبض: ."
..
..
مسيتوا بالخير جميع،
وصلني هالتقييم من الأستاذ رايق
سبق وكلمتهم والله .. وتناقشنا في ذا الموضوع .. هم لهم وجهة نظر معينه .. وبيلاقوا مشاكل كثير من بعض الاعضاء في التقييمات عشان كذا قننوها
بس هذا مو حل
فيه منتديات اخرى تمنع المسيئين من التقييم
هذا حل ممتاز بس كذا كلنا متوهقين،
والله تجيني احيانا باليوم عدة تقاييم واتوهق كيف ارد عليهم
مو الكل يتقبل اني أقيمه لأني محتاجه اقيم غيره
واساسا التقاييم كذا نصها تروح ( كباري ) مثل ما يقولون ما نستفيد شي
خصوصا قبل 500 مشاركه حتى رسايل خاصه ما فيه
وسيلة التواصل الوحيده التقاييم فقط
ادري كثير اعضاء يشجعوني على كلامي هذا
ادارتنا الكريمه هذا نقد بناء والله
المنتدى زي الفل بس هاذي نقطه تحتاج إعادة النظر فيها والإنتباه لها
وسلامتكم
..
..
انا وين ما اروح لازم الناس اللي تغث يطلعون لي :MonTaseR_94:
ما علينا
مسائكم عود وطيب :نبض:
..
..
https://www13.0zz0.com/2021/12/02/04/627860517.jpg
نكتة الأسبوع :icon10:
هذا حال الناس بعد رصد أول حاله من متحور أوميكرون
الله يستر علينا يس :MonTaseR_159:
..
..
اللهم صل وسلم على أطهر الخلق
سورة الكهف + الدعاء في آخر ساعه من نهار الجمعه
أذكرونا في دعواتكم :رحيق:
..
..
توني هاليومين عرفت ان طرح الأغاني بالمنتدى ممنوع
شي جميل والله
ليش تطرحون أغاني اصلا؟؟ الإنسان مفروض يحسب حساب الموت في كل شي
ممكن تطرح رابط أغنية ويتناقلونها الناس
وتصير لك سيئات جارية الله يكفينا الشر
ان لم يكن لك صدقه جاريه فلا يكون لك ذنب جاري
انتبهوا رعاكم الله
..
..
والزوار 15
حي الله من زارني وشرفني :رحيق:
..
..
كـل منَّا يعيش وهو يحمل سرًا لا يستطيع البَوْح به لأحـد .
..
..
مسيتوا بالخير
طلعت مشوار ابو ساعتين يا اني تجمدت من البرد :MonTaseR_153:
اللي يقول الرياض ما فيها برد جيبوه عندي أتفاهم معاه :MonTaseR_56:
بعيدا عن هذا الموضوع
العزيزة جودي الف لا بأس عليك ما تشوفين شر
أجر وعافيه يارب :نبض:
..
..
رسالة اليوم
https://www11.0zz0.com/2021/12/04/19/889591079.jpg
..
..
والزوار 13
https://www9.0zz0.com/2021/12/04/19/456633917.jpg
حياكم حياكم :81::نبض:
..
..
اللهم ارحم ابي الذي رحل من الدنيا دون أن يودعني واشتاقت له روحي ولم تجده ربيّ ارحم من نام بأحضان التراب وارحم وحدته يا أرحم الراحمين
..
..
حبايبي الأعضاء والزوار خصوصا الصائمين بما أنه اليوم اثنين
دعواتكم للعزيزه جوري ربي يقومها بالسلامه وترجع لنا وهي بأفضل حال
اليوم عندها قسطرة نسأل الله لها السلامه والعافيه
..
..
اللي يضيعنا بالقصد ، مش بيلاقينـا حتى بالصدفه.
..
..
" من يَـستثنيك يستحقُـك ."
..
..
اليوم لا تقاييم ولا اعجابات بالمدونة وش السالفه وين الناس :MonTaseR_146:
ما علينا
من امس فيني زكمه مدري حساسيه الزبده بدت فيني أمراض الشتاء
الله يعديه على خير بس :shutup:
..
..
أحسن شي لما تكون مو داري عن بعض خلق الله
وقاعد بزاويتك المفضله ومستمتع. ومنشغل بنفسك
ومع هذا تحصل فئه من البشر منشغلين فيك وانت مو داري عنهم اساسا :y2o01875:
..
..
صباحكم فرح ومسرات يارب
توني من شوي كنت في تويتر
قريت مشكلة بنت تقول عمرها 29 سنه
أمها ترفض الخطاب بدون سبب وودها الناس يشورون عليها كيف تتصرف
الغريب شفت فئه عددهم مو قليل والله
يقولون لها هذولي اهلك وكيف تتكلمين عنهم كذا وما أعرف ايش
انا وضعي صار كذا؟؟؟؟؟؟؟؟؟
ما ادري البنت غلطت بإيش
لأنهم اهلها يعضلونها ويحرمونها من حقها اللي شرعه لها رب العباد
يعني الأهل حسب تفكير البعض لو دمروا حياة بناتهم او أبنائهم
خلاص يسكتون ؟؟ ايش المنطق الغريب هذا !!
ترا الدين ما قال اذا الأهل عضلوا بناتهم البنات يسكتون
واصلا ودي افهم عقلية بعض الأهالي ليش تحرمون بناتكم حق من حقوقهم
ايش الأنانيه هاذي انا ماني فاهمه هالنقطه
ليش اخلف بنات واحرمهم حقوقهم اذا كذا ماراح اخلفهم من الأساس
مع كامل احترامي انا اشوف هالفئه هم من الفئات اللي غير مؤهله للزواج ولإنجاب أبناء
أي شخص قبل لا يخلف أبناء ويجيبهم على الدنيا
يفكر فيهم زين مو يجيبهم ويطلع عقده النفسيه عليهم
صراحه ما تمنيت اقرأ هالمشكله ببداية اليوم
ملاحظه : ادري البعض راح يقول وش عرفك أنها صادقه
حتى لو ما كانت هاذي صادقه
فيه نماذج بالواقع كثير مثل وضع هالبنت،
فيه ناس بعيدين كل البعد عن الدين ويجهلون فيه الكثير والكثير .
..
..
نشوف هالايام مثل هالحالات لكن هل هي صحيحه . هو فكره عشان فك الولايه والوصايه من الاهل خلفها حسابات خارجيه ماننكر وجودها لكن تعتبر حالات نادره لكن مثل اللي يشهرون نفسهم نفس اللي طلعو رهف القنون انها مظلومه وتشوفي الان وش سوت بالخلرج
حياك الله استاذي الفاضل
اتركنا من البنت اللي في تويتر
فيه حالات مثل كذا كثيييييير في الواقع
رهف القنون كلامي ما يشملها لانها مو من الفئه المذكوره
ما ننكر أنه فيه ناس تعضل بناتها
بهالحاله تسكت البنت لين يوصل عمرها خمسين سنه؟؟
ايش الحل برأيك؟
انا ما جبت سيرة الهروب اصلا
اساسا الهاربات ما هربوا لهالسبب
لكن فعلا هاذي مشكله موجوده في المجتمع
المرأة ما زالت مضطهده عند بعض البشر
للأسف
..
..
والزوار 32
بسم الله الرحمن الرحيم خفت :MonTaseR_64:
أول مره اشوف هالعدد في مدونتي :MonTaseR_85:
حياكم الله نفر نفر شرفتوا :اطياف الارض:
..
..
كلامي اللي كتبته عن المعضولات اليوم الصباح
وصلتني عليه تقاييم الغالبيه راحوا في وادي ثاني
ركزوا في كلامي راح تفهمون وش المقصود
ما ادري ليه العرب ليش عندهم حساسيه من مواضيع حقوق المرأة
شخصين فقط اللي وصلت لهم الفكرة
..
..
فيه مظالم عظيمه للبنات ، وفيه بنات منحرفات ابتلو اهلهم والسوشل ميديا تطفح
عزيزتي انا ما تطرقت لهالفئه كلامي كان واضح ومحدد
ايش علاقة السوشل ميديا ؟
اذا قصدكم عشان قلت قريت مشكلة بنت في تويتر
اتركوا عنكم هالمثال اللي ذكرته
فيه امثله في الواقع انا شخصيا شفتها
..
..
متخيلين صار لي أسبوعين قاطعه القهوه :3: !
لما أخذت الجرعه الثانيه من لقاح فايزر بعدها بثلاثة إلى أربع ايام
صار معي ألم في المعده شديد ولوعه والشهيه صفر بمعنى الكلمه وهالحاله استمرت أسبوع وزياده
من وقتها وانا قاطعه القهوة لليوم.
ما أدري هالأعراض صارت لناس غيري ولا أنا بس
..
..
https://up4net.com/uploads4/up4net.com163890258328131.jpg
الكلام صحيح عند بعض النساء مو كلهم
يمكن من قسوة التجربه كل وحده واسبابها
..
...
https://youtu.be/PxKmxNXqr-0
أكثر قارئ أحب اسمع له لما أكون في مزاج سيئ
سبحان من أعطاه هالصوت الشجي ماشاء الله
..
..
كل اللي قيموني اعذروني تقاييمي مخلصه
لما ترجع راح أرد عليكم
..
..
يسعد مساكم
كأنه جودي طولت علينا ؟ :298:
الله يحفظها ويكتب أجرها ويرجعها بالسلامه يارب
..
..
مقطع اصاله مع زوجها فائق حسن بحفلتها أمس
أغلب البنات منزلينه في سنابهم :SnipeR96:
والله يا هو الجفاف العاطفي لاعب فيكم لعب :138::Dl3:
..
..
يومين مرت على قسطرة جودي وللحين ما فيه اي خبر
الله يحفظها من كل مكروه ويرجعها بالسلامه
..
..
صباحكم مسرات
كنت في مدونة الجميله روح مضيئه
وقالت كلام حبيت أعقب عليه
بتكلم عن موضوع " النقاب "
أذكر مرة قرأت كلام لـ شخص يقول
أن النقاب يبرز جمال العيون و يخلي التركيز على العيون أكبر
يعني لما تلبسونه كأنكم تسوون إغراء بعيونكم
عكس لما تكون الوحدة محجبة ما يكون التركيز كبير على العيون
وما يبرز جمال العيون
لما قرأت هالكلام حسيت بشعور سيء جداً و تقرفت
رحت أدقق وأشوف شكلي وأنا بالنقاب
هل صدق يبرز جمال العيون ولا ؟
لأن ما كنت مفكرة ب هالشي ولا جاء على بالي
و لأن نظرتي مو كذا أبداً
بس لما ركزت شفت أنه فعلاً يبرز جمال العيون
أول شي كلام الشخص فيه شيء من الصواب
اللي تحط مكياج او ماسكرا او كحل وتلبس نقاب
راح تبين جميله مره لأن مو باين الا عيونها يعني التركيز عليها
وترا مؤخرا صار النقاب أنواع واشكال
اعتقد اغلبنا شفنا فئه من البنات يلبسون نقاب فتحته واسعه بزياده
لدرجة تحس خدها باين من كبر الفتحه
المقصود من كلامي حسب النقاب نفسه
النقاب العادي ماراح يظهرك بمظهر واو عزيزتي الفتاه
اما الأنواع الجديده راح تخليك ملفته للنظر
اضافه على كذا لبس العدسات المكياج الكحل
كلها اشياء ليش يستخدمونها البنات للزينة طبعا
الأصل في الحجاب عدم إظهار الزينه لغير المحارم
الزبده من كلامي كله الزينه تساعد في لفت النظر والنقاب برضو حسب شكله
اما اللي تلبس نقاب عادي وما تتزين أبدا ما راح تلفت نظر أحد
وبس
..
..
السلام عليكم
عاجزه عن الكتابه
دموعي سبقت حروفي
كميه رسايل وتقييمات نستني ما مررت به
احبكم
لي عوده
وعليكم السلام ورحمة الله وبركاته
حي الله هالطله :نبض:
الحمدلله على سلامتك يا غاليه
اخر الأوجاع يارب اهم شي طليتي علينا :MonTaseR_159:
خذي وقتك وانتبهي لصحتك
..
..
والزوار 19
يا هلا يا هلا :نبض:
..
..
قبل لا أسجل خروج لازم أعلق على وحده شيطانه مره :x59:
ابشري عمتي.
بنصبر عليها الين تتعافى علشان يمديها تهج اذا شافت العجرا
تبينها تتعافى مع العجرا :v:
المفروض بقومتها بالسلامه جودي
نسوي لها حفله نجيب لها ورد كيك
مو عجرا الله يصلحك بس :لا بالله:
أجيب لك كم كيلو من قهوة بيشه بس تنسين العجرا :MonTaseR_98:
العرض حلو أدري :x59:
..
..
صباحكم طاعه :نبض:
والله يا هو برد ما غير لازقين بالدفايه :MonTaseR_153:
اليوم جمعه اذكركم بالصلاه على النبي وقراءة سورة الكهف :نبض:
..
..
مسيتو بالخير
اليوم غاطه عنكم خلصت كرف البيت وفضيت وجيت
شفت تعقيب النايفه وحبيت أعلق عليه
وبوريكم الأعتراف الناري اللي إعترفت فيه اليوم
نبدأ بالتعقيب
،،
ومن المواضيع التي كنت ارغب بالتعقيب عليها
تدوينه للاخت همس عن عضل البنات في المجتمع
طبعا ارسلت لها تقييم على عجل وفي عز انشغالي بالجود
لكن لم يكن واضحا " وفصلت " علينا الهمس
طلعت مقاطعه القهوه
ماتنلام يوم تفصل علينا
بتتنمرين علي ليوم القيامه شكلك زي ما تنمرتي على هنادي :shutup::MonTaseR_141:
يا خيتي والله دوم أسلوبي ينفهم غلط تحسبوني فاصله عليكم وانا العكس >> الحده مشكله :23:
بس كان عندي إشكاليه بأنك تطرقتي لموضوع آخر
الشق الثاني من التعقيب
نرجع لقضية العضل بالمجتمع السعودي
استفحلت هذه المشكله مع بداية توظيف البنات
صارت البنت شيك مفتوح للأب مايفرط فيه بالساهل
كثير من المعلمات تم عضلهن
نحن نتحدث عن حقبة التسعينات الهجريه وماتلاها
لاتجرؤ الفتاه على الإعتراض
بل انه من المعيب أن تصرح باحتياجها للزواج
ناهيك عن جُرم معارضة الأهل
انا شخصيا أعرف عوائل تم عضل البنات فيهم اثنتين وثلاث واربع وليست واحده
الآن للأمانه الوضع تغير
وعي الأباء زاد
وعي المجتمع نضج للدرجة اللي ينتقد الأب عاضل ابنته
البنت امتلكت جرأة المطالبه بحقوقها
صحيح أنه مازال هناك حالات فرديه لكن لاتقارن بالحقبه الزمنيه الماضيه
نجي للنقطه اللي إستفزتك
الحديث عن "المنفلتات " من عقال الأسره بحجة الضغوط
سواء عضل أو غيره
أنا لا أجد مبرراً لانحراف الفتاه حتى لو طحنتها الحروب وليس الأهل
الآن الحجه الدامغه لمن سلكت طريقاً منحدرا هو لوم الأهل
الله يكون بعون الأهل اللي ابتلوا بها
طبعا انا لا أتحدث عن من تطالب بحقها
بل أدعمها والله ينصرها
لكن إياك أن تحيدِ عن طريق الحق والفضيله
والله يا النايفه أعرف لك بنات غير موظفات ومع هذا " معضولات "
تتوقعين إيش الأعذار ؟؟
الأغلب لازم تاخذ واحد من نفس ديرتها ما ينفع تتزوج من ديرة ثانيه
أو يرفضون بحجة أنهم يبغون لبنتهم الأفضل وتمر السنين وهم على هالحال
وحده من قريباتي أبوها رحمة الله عليه قبل أن يتوفى
كان كبير بالعمر ومريض وأصيب بشلل من آثار جلطه قويه
كانت الأم ترفض الخطاب يُقال ما ودها تزوج بنتها إلا لواحد من عيال أختها
المصيبه ما خطبوها أصلا واحد تزوج والثاني ولا فكر فيها أساسا
بعد ما طول الوضع كذا بالأخير تدخل أخوها الكبير ووقف الأم عند حدها
وتزوجت البنت شخص من منطقه ثانيه طبعا الأم كانت معارضه
الآن هالبنت عندها أربعة اطفال الله يبارك لها ويرزقها برهم
لكن إلى الآن كثير بنات معضولات بس ما عندهم الجرأة يطالبون بحقهم
اذا مثلا فكرت البنت تروح للمحكمه وترفع قضية عضل
المجتمع بياكلها نظرهم هاذي سوت شي ما ينقال !
مع أنها طالبت بحقها وأصلا ليش الأهالي يوصلون بناتهم لهالدرجه
المشكله فيه مطلقات أهاليهم يرفضون خطابهم ليه ؟؟
بحجة يخافون يتطلقون مره ثانيه
ترا هاذي نماذج بالواقع مو من وحي الخيال او من مسلسل
أما النقطه الأخيرة
أنا شخصيا مُقتنعه تمامًا بأن الهاربات ولا وحده فيهم كانت معنفه
هاذي قناعتي الشخصيه عاد لحد يشره علي :MonTaseR_64:
ما هربوا إلا عشان الحريه اللي يتغنون بها في الخارج نسأل الله السلامه والعافيه
ولا في زمننا هذا كل القوانين صارت بصف المرأة
الحين بوريكم الإعتراف الخطير :الجوهره:
اما التنمر والمحارش شغلتي وش اسوي
:shutup::shutup:
ليه كده يختي :eiwp:
الله لا يطيح أحد بلسانك بيتنتف من التنمر :xss:
..
..
أشوف هالأيام كثير من أخواننا الشباب هنا معارضين لوظيفة المرأة
اولا انا مو نسويه ولا اطيقهم بس نتكلم بالمنطق
ليش وظيفة المرأة زاعجتكم لهالدرجه؟؟
ما ادري وين المشكله اذا توظفت؟
دامها متربيه وحاشمه نفسها وين المانع!!
ترا المرأة وجودها مهم في أغلب المجالات
سابقا كانوا الناس معارضين توظيف النساء في المولات
أنا حاليا كـ زبونه لما أدخل محل فيه بنت مثلي
آخذ راحتي أكثر عكس ما يكون رجال أنحرج
فيه كثير بنات ما يفضلون يتعاملون مع رجال في أغلب الأماكن
بعدين ترا الأغلب يتوظفن لـ حاجه المرأة اذا توظفت تكون مستقله ماديا وهذا أهم شي
بصراحه فيه بعض الذكور وليس الرجال
لما تكون أخته زوجته المهم اللي مسؤول عنها بلا وظيفه
يستحقرها ويهمشها وممكن ما ينفق عليها النفقه اللي تكفيها
بعدين معروف احنا كـ نساء مصاريفنا واجده ترا
ومن فوائد الوظيفه كمان ممكن مع الزمن لما الله يفتح عليها
تحوش لها مبلغ محترم تشتري بيت بزنس تستثمره في شي ينفعها
ليه تبغون المرأة بس تجلس في البيت ؟؟؟
اللي تبغا الخراب بتخرب حتى وهي بين أهلها
مواقع التواصل فيها الطالح يغلب الصالح
يعتمد على أخلاقها وتفكيرها اللي تعرف حدودها ماراح تنجرف ورا أي شي
الموضوع يعتمد على شخصية البنت.
توظفوا يا بنات محد يسندك بعد الله غير وظيفتك ومالك .
..
..
صباح الأخبار الحلوه :نبض:
اليوم فعلا صباح غيييير والله
وحده من أحب و أقرب المعلمات الى قلبي تم عقد قرانها أمس
يارب توفقها وتسعدها وتمم لها على خير :نبض:
هالإنسانه جدا كانت تراعي البنات
أنا شخصيا مره كان علينا اختبار نهائي نهاية الفصل الدراسي الأول
وجاني ظرف مفاجئ سبحان الله وما قدرت أذاكر
رحت للإختبار مو مذاكره ولا شي
راعت ظرفي جدا واعطتني فرصه أختبر يوم ثاني
فيه ألطف من كذا :24::نبض:
فعلا اللطف في التعامل مع الناس يبقى مخلد في الذاكرة
عاد هالمعلمه درستني سنتين وكانت أفضل سنتين بالحياه
فعلا المعلم الجيد يبقى أثره في نفوس طلابه طول العمر
..
..
فتحت تويتر اشوف ترند هاشتاق وفاة الشيخ دعيج الخليفة
إنا لله و إنا اليه راجعون
عظم الله أجركم أهل الكويت
اللهم ارحمه واغفر له وثبته عند السؤال
وارحمنا إذا صرنا إلى ما صاروا اليه
كل من عليها فان
..
..
طلعت السوق ساعه ورجعت متكسره ع الاخر :MonTaseR_187:
مدري كيف بعض الحريم يتمشون كل يوم بالأسواق ما يتعبون ماشاء الله عليهم
انا اكتشفت عظامي عظام عجيز :30:
الله يعطينا الصحه والعافيه يارب :نبض:
..
..
والزوار 36
صبحهم بالخير والمسرات يارب :نبض:
الله يسعدكم يا الزوار ويسعد كل من مر هنا من الاعضاء وضغط على الاعجاب او التقييم
ممتنه لكم على المتابعه :رحيق:
..
..
مسائكم فل
https://youtu.be/QniKfeUr4fs
هالفيديو يثبت أن وظيفة المرأه واستقلالها المادي ضروري جدا في زمننا هذا
اسمعوا الفيديو للآخر هذا مثال حي من الواقع
هالإنسانه أغلب كلامها درر مع أن غالبية الرجال ما يطيقونها
..
..
همس - متأمل - رايق - الفيلسوف
شكراً لكم
بس حبيت أشكركم لأني استفدت منكم
من مدونة الجميله روح مضيئه
يقول النبي عليه الصلاة والسلام خير الناس أنفعهم للناس
العفو عزيزتي مفروض اي شخص عنده معلومه ممكن تنفع الناس
لا يكتمها يقولها لعل يستفيد منها غيره
ولو أني انا ما اشوف نفسي ان كلامي البسيط فيه فائده عظيمه
أغلب كلامي هنا بالمدونه ارائي الشخصيه ووجهة نظري
شكرا لك يا غاليه على مرورك هنا :)
..
..
فيه عائلات بالسوشل ميديا محترمين جدا واولادهم على قدر عالي جدا من الادب والأخلاق
لكن فيه شي مؤسف حقيقه
انهم ما يربون بناتهم على الحجاب وهذا شي مفروض يزرعونه في بناتهم من الطفوله
مثل ما نعلمهم الصيام والصلاه والحجاب كمان شي مهم و أساسي
هنا دور الأسرة مهم جدا لأنها نقطه حساسه
..
..
مساء البرد >> معليش بس هذا وضعنا اليوم :69:
شلونكم وش اخباركم وش مسويين
مدونتي لقيتها في الصفحه الثانيه قلت أرجعها للصفحه الأولى :0005:
تدفوا والبسوا زين لا تمرضون :34:
..
..
ميهاف شفتك بالزوار :0741:
الله يحييك دوم يا بعدي :نبض:
..
..
" إنّ مجاعـة الفِكر اليوم، أفجـع من مجاعة العَيش " .
..
..
مساء الجمال على اكثر وحدة تتذمر من البرد يا جمال الشتاء ويا جمال جوه،،،،حلو خليها دائما بالصفحه الاولى
مساء السعاده وراحة البال :رحيق:
وش أسوي ما احب البرد يتعبني :MonTaseR_145:
قبل الكورونا لما كنت اداوم حضوري بالشتاء كل كم يوم مريضه :MonTaseR_56:
شرفتيني يا وهم الذكريات :نبض:
..
..
لا تسخـر من أحلام الناس مهما كانت سخيفه، ولا تتنـازل عن أحلامك مهما كانت صعبه.. لا طعـم للحياة بدون أحلام .
..
..
https://mrkzgulfup.com/uploads/163943497716561.jpg
:فطسه::فطسه:
..
..
بالعكس أنتِ أكثر وحدة استفدت منها وأنتِ ما تدرين
لما أرسلتي التقييم
تقييمك جاء في وقته كأن الله جابك في الوقت المناسب
لأن ماكان في تركيز أبداً
ولما خذت الحديد على طول رجع تركيزي
ورجع نشاطي .. الحمدلله
لا تحسبون أي شي تسونه صغير =)
انا دائما احب اتكلم عن تجاربي لعل يستفيد منها احد
اما بخصوص نقص الحديد صرت خبره هههه
انا عالجته بنظام غذائي جربت الادويه ما نفعتني ابد
والحمدلله إنك استفدتني وكملي الى ان يوصل للمعدل المطلوب
اللي يحب اتكلم عن النظام الغذائي اللي جربته وانتهت مشكلة نقص الحديد ومخزون الحديد عندي
يخبرني في التقاييم وراح اتكلم عنه .
.
..
وصلني تقييم واحد عن النظام الغذائي بخصوص نقص الحديد
راح أكتبه في وقت لاحق لما أكون مصحصحه ومركزه
واشوف فيه احد كمان حاب يسمع عن الموضوع ولا لا
مع اني في كل الحالات راح اكتب عنه بطلب عضوه
...
..
اول شي قبل لا اتطرق لموضوع النظام الغذائي
اول شي ببدأ، بالاعراض
انا في البدايه اول علامه ظهرت علي تساقط الشعر
كان شعري يتساقط بشكل غريب
بعدها صار عندي اعراض اضافيه
خفقان شديد
صداع شديد بالمسكنات ما يروح ولا يخف
انسداد في الشهيه
ألم في القلب خصوصا في فترة الصيام
تعب وارهاق
دوخه مستمره مع رغبه في النوم
انعدام التركيز
ضيق في التنفس او كتمه
الخفقان كان قوي لدرجة سويت تخطيط قلب كان واضح جدا الخفقان
استخدمت علاج الحديد كبسولات شهرين ما فاد
بالأول سويت صورة الدم اللي هي فقر الدم ونقص الحديد
الحديد كان ناقص والدم شي بسيط
استخدمت الادويه ولا شفت أي تحسن
كنت كل شهر اسوي تحليل دم ما شفت النتيجه تغيرت
بعدها طلبت تحليل لـمخزون الحديد
هذا حسب كلام الطبيب اسوء من نقص الحديد العادي بدرجات
هنا بديت في النظام الغذائي وهو :
اكل كبدة الخروف لو مره في الأسبوع
الورقيات ضروريه انا كنت اكل فقط البقدونس
اضافة الليمون وعصير البرتقال للحديد ضروريه
مثال مع الكبده او اللحم لازم اضافة الليمون وشرب عصير البرتقال
يوميا شرب علبة عصير خوخ من اي شركه تفضلونها
شوربة العدس مع الليمون كمان
اشياء تأثر على امتصاص الحديد
شرب المنبهات مثل الشاهي والقهوه بعد الحديد
لازم يكون بعد ساعتين او اكثر حتى ما يؤثر على الامتصاص
قبل الحديد منتجات الكالسيوم والالبان نفس الشي
قبل الحديد بساعتين سواء كان الحديد عن طريق الغذاء او الدواء
الجدول اللي كتبته فوق هذا عن تجربه شخصيه
الكبده لو تحبونها عادي حتى لو تاكلونها يوميا
بس انا ما احبها فـ كنت فقط اكلها مره بالاسبوع
انشروا كلامي هذا لأي شخص عنده نقص حديد
أنا عانيت بسببه معاناه شديده جدا
لدرجة من شدة ألم القلب وصلت لين عيادة القلب
الله يحفظكم جميعا
...
..
والزوار 12
الله يحييكم ويحيي كل عضو مر من هنا :نبض:
..
..
" الأشيـاء لا تتأخر، بل يَختار الله لها موعـدها الصحيح "
..
..
" والنـاقص يسعَى لإيذاء غيره لـ يشعر بالكَمال .! "
..
..
" كَيف تؤمِنون بـ وعود البَقاء وكُل من عليها فان ؟. "
..
..
https://mrkzgulfup.com/uploads/1639595116611.jpeg
والله هالشقره يا هي ادمان :نبض:
بعد انقطاع عن القهوة لأكثر من اسبوعين اليوم عدلت مزاجي بقهوة عربيه
خلاص خرمانه ع الآخر لين متى مسويه فيها قاطعتها >> ما تقدرين أصلا :MonTaseR_211:
النايفه تعالي أشربي فنجالك :Hbz01935:
..
..
من اليوم ورايح همس أعز صديقاتي
و أعز الحبايب كمان :Dl3:
..
..
مسيتو بالخير جميعا
شلونكم عساكم بخير
كنت من شوي في مدونة أستاذنا رايق
أبشع ما قيل في الحب وكُتب
تدرون ايش ؟؟!!
أحبكي
تكفى تكفى تكفى …. لا تنطقها ارجووووك
يخرب بيتك من حالك شو عم تؤل انته شو عم تؤل
قال ايش … قال (أحبكي )
وربي عصبت وانا اكتبها … كيف لو اسمع احد يقولها
على الله … اشوف أحد كاتبها
مشاركته هاذي ضحكتني كثير والله :138:
تدرون أنا متى يجيني نفس شعوره مع كلمة ( أحبكي )
لما أشوف احد كاتب ( حتي ) بدل حتى :b:
جد والله نفسي أدخل على المشاركه واعدل الغلط :MonTaseR_94:
والله مدري وش يطلع ذا مرض ولا تدقيق زايد مدري عاد :icon10:
المهم أتمنى لكم ويكند سعيد :نبض:
..
..
اللهم صل وسلم على أطهر الخلق حبيبنا وقرة أعيننا :نبض:
اكثروا من الصلاه على النبي وقراءة سورة الكهف
..
..
https://mrkzgulfup.com/uploads/163970036443341.jpg
بالضبط
..
..
" نعيـش في أرواحنا غرباء لا يعرفنا إلا الله. "
..
..
https://mrkzgulfup.com/uploads/16397010249011.jpg
لا تدفون والله حلوه :icon10::فطسه:
..
..
والزوار 16
صار لي كم يوم مو شايفه هالرقم في الزوار :v: >> هالفيس ما يذكركم بالنايفه
نورتوني :نبض:
..
..
والزوار 24
لا خلاص الفيس اللي فوق سحبته :869:
شرفتوني :نبض:
..
vBulletin® , Copyright ©2000-2024,