هل هذا طبيعي في زوجي؟ [الأرشيف] - منتديات مسك الغلا

مشاهدة النسخة كاملة : هل هذا طبيعي في زوجي؟

مشكلتي

11-01-22, 03:16 AM

سلام عليكم
متزوجة ما اكملت السنه ويشهد الله زوجي طيب التعامل ومرتاحه منه الحمدلله ولكن حصل حوار
خوفني نوعا ما وهو طبعه كثير مع التلفون يتواصل واشوفه يكلم اصحابه ويتواصل معهم
كثير كتابة مش بالصوت اقصد وايا كانت البرامج ما اعرفها هذي مساحته الخاصة وعادي مرات يعطيني جواله وقت قصير يراويني شي و الوتساب وانستقرام عادي يطلعون بالاشعارات
المهم
حصل موقف وقلت انت ماتسولف معي كثير قد اصحابك اغلب الوقت وش تسولف فيه
هالكثر قالي اسولف معهم سوالف شباب او سياسة ولعب كوره و اوقات سوالف قلة ادب!
وانه اعرف زوجي محترم وماقد شفت عليه تصرف مخل..الا انه بالجوال من ايام الملكه
قلت وش يعني قلة ادب وليش تتكلم في قلة الادب قال اقصد سوالف شباب عيب بالنسبة للحريم
مثل ما اكو سوالف بنات خاصة عيب بالنسبة للرجال يعرفها قلت مافهمت فهمني وقال ماعرف اشرح

وقال زلة لسان مش المقصد انها قلة ادب المقصود انها سوالف شباب عيب للحريم
هذا طبيعي ولا فيه شي؟؟
مرات اقول طبيعي لانو لو كان فيه شيء كان ماتكلم بهصراحة معي ومرات ما ادري
احسه موقف غريب؟

ياريت تجاوبوني وشكرا

M.ahmad

11-01-22, 06:36 AM

مخك هذا يحتاج له فورمتنق لأنه قاعد يدور مشكله مع الزوج

طيب لنفترض كشفتيه قاعد يغازل بنات وش يعني بتسوين ؟
بتبوسيه على راسه مثلاً .!!

ياهانم نصيحتي حافظي على زوجك بعدم التدخل في خصوصياته
ومادامه قال لك بأنه قاعد يتكلم مع أصحابه فلابد عليك تصدقيه حتى لو كان يكذب

من جهه أخرى بقول لك بسر الإنجذاب :
إذا كنتي تريدين زوجك يهتم فيك أكثر من جواله أشغليه بالحب والإهتمام
عادي غسلي له رجوله أو دلكي له ظهره أو طقطقي له أصابعه أو إلعبي معه كوكح ترين حريم الأجانب مع أزواجهن مو أحسن منك
بختصار / دلعيييييييييييييييه

روحَ

11-01-22, 10:13 AM

وعليكم السلام ورحمة الله

عادي وطبيعي جداً لا توسوسين وتخربين علاقتك فيه
الحريم عندهم سوالف خاصة وما ينفع الرجال يعرفونها
والرجال عندهم سوالف خاصة ما ينفع الحريم يعرفونها

وعلى فكرة ترى زوجك وفي
لأن لو ما كان وفي ما بيكون واضح وصريح ل هالدرجة
الخاين واللي عنده خرابيط وأشياء مو زينة يحب يلف ويدور كثير وما يكون صريح

زوجك الواضح لي أنه تكلم بعفوية وحسن نية وما كان متوقع أنك ممكن تشكين فيه

يعني هو واثق فيك ومتوقع منك أنك تفهمينه
ف أنتِ بعد خليك واثقة فيه لأن مافي شي يستاهل الشك بموضوعك

ترا الرجال بطبعهم ما يحبون سوالف الحريم

طبيعي أنه يسولف مع الرجال أكثر لأن أكيد بينهم اهتمامات مشتركة
وهذا ما يعني أنه ما يحبك أو مو مهتم فيك
بس يمكن يحب تكون له مساحة خاصة ووقت خاص لنفسه
وما يحب لما تنشبين فيه طول الوقت > يعني خليه يتنفس

وحاولي تفهمين شخصيته
وتشوفين اهتمامات ومواضيع مشتركة بينكم
عشان تسولفون مع بعض

وترى في نوعين من الرجال
نوع يحب اللي تدلعه كثير وتهتم فيه

وفي نوع يحب اللي تتدلع عليه كأنها طفلة وتهتم بنفسها أكثر
وتكون صعبة الإرضاء لأن يحب لما يتعب عشان يرضيها
كذا يحس نفسه واااو البطل الخارق

وف النهاية
الوفي بيكون وفي بكل الحالات لأن هذا طبع فيه
والخاين خاين لو تعطينه عيونك

أنتِ زوجك زين ووفي ف لا تسوين مشكلة من ولا شي

وبس والله
موفقة إن شاء الله =)

شاهد عيان

11-01-22, 10:49 AM

^
الأخت روح مضيئه ماقصرت قالت كل شي

موفقه ،،

صعفق طاش كندي

11-01-22, 12:24 PM

اخلعيه :MonTaseR_89:

لاتوسوسين
اذا فيه شي مدسوس من طرف زوجك بتبينه الايام
اهم شي حاليا انه طيب التعامل معك

لاتوسوسين
شي طبيعي توكم متزوجين
مع الوقت انتي تقدري تخلي اكثر وقته معك
باسلوبك واهتمامك

أمل.

11-01-22, 02:39 PM

مرحبا زوجك طبيعي وكل إنسان
وله خصوصياته
فكرة ان مافي شيء متخبي بين الازواج
غبية شوي
اللي مهم بالزواج الناجح
التفاهم والاحترام
حياته مع اصحابة تخصه هو
حياتك مع صحباتك واهلك تخصك انتي
ترا الزواج مشترك ولكن ليس إندماج
وتتبع حياة
وكشف مستخبي
دامه طيب ومعطيك حقوقك
بطلي عرق كونان
وعيشي حياتك
ولا تحكي هالشغلات لخواتك
وصحباتك
لانه تخصك انتي وزوجك
وفالك التوفيق يارب
......
نجي لابو دلع المدير
شنو تنقع رجوله
وتدلعه
شايفها ركن مساج
هي تعطيه حقوقه
وتحترم حضوره وغيابه
وتقوم بواجباتها
وبيض الله وجهها
انتم يـ الرجال يهمكم تكونو محور الحياة
الشغلة متكافأة إذا دلعك دلعيه
اعطاك اعطيه
البذل الزائد مردها للخيبة
كوني معتدلة
لاتلغي كيانك ليرضى عنك سي السيد :smoke1:
أي رجال يعطيك نصيحة
فيها مبالغة تجاوزيها

ahmed 22

11-01-22, 10:27 PM

والله شوفي
من جانب تاني
لو انتي من البنات اللي طلعت من بيت أهلها
لبيت زوجها .. واختلاطها بالحياة قليل
فسؤالك منطقي .. مش وسوسة علي ما اعتقد ..
اعتقد مجرد التأقلم وفهمك لحقوقك وواجباتك
مع الوقت يكفيكِ ..

لا ترهقي بالك كثيرا
وتعرفي علي نمط حياة زوجك بهدوء
ليس إلا .. طالما ماشوفتيش منه شر ..

اما فكرة
السوالف والكلام سواء قلة أدب او بأدب
فالفكرة فيه هو مش فيكي أنتي
لو في خط فاصل في التعامل
بينك وبين أصحابه .. فلا ضرر ولا ضرار

ده سلوكه قبل الجواز
ومش أنتي مثلا اللي هتغيريه بعد سنة جواز
لو شايفاها صفة عاوزاها تتغير ..

ومش وحش علي فكرة
أنك حاطة صورة لزوجك أحلي في خيالك
وعاوزة الصورة زي ما هي ما تتغيرش ..
لعل وعسي الحياة توفر ليكم السبل
عشان تكملوا بعض بالحلو

بس صعب الحياة تكون مثالية للدرجة
مافيش حلو بيكمل
خليها في دماغك برضه

حنين'

11-05-22, 05:00 AM

يا بنتي أنتِ تحاولين تخترعين شي يضيق خاطرك؟
غاويه نكد و مشاكل ؟

لا تفكرين بهذي الطريقة ابداً ولا تدققين في توافه الأمور
و رد زوجك على استفسارك منطقي وطبيعي
مثل ما يكون عندك سالفة خاصة بالنساء ما تنفع زوجك يسمعها ؛ هو بعد بني آدم مخلوق بشري عنده سوالف خاصة بالرجال ما ينفع تعرفين عنها .

واذا هو اغلب وقته ساكت حاولي تجيبين سالفة عن اهتماماته وشوفي كيف بيتفاعل معك
ربي ييسر لك أمرك

موفقه :ورد:

نجمة

11-07-22, 03:27 PM

سألتيه ليش ما تسولف معي
حلو
مجرد ما قال كلمتين
اصبح هناك شك ووسوسة
وحلفان يمين من المسكين
وتوضيح وتصحيح
وبالأخير لصقتيها في المنتدى
المسكين لو قال حوار
او طلع فيه طبع سيئ
ايش بتسوين فيه
لأنك متزوج انسان
انسان
يحب ويكره ويغضب ويزعل ويطفش
اعطيه مساحته يرحم امش
والسوالف ماتجي بالغصب
وانتي عروس الان شوفي وش هواياته
وشوفي هواياتك وحاولي تخلقي انتي حوار
بينك وبينه ولا تقولي ليش وكيف ولماذا
بل اضحكي اذا في نكته
واذا حاجة غامضة هزي راسك كأنك فاهمة
واحكي له قصص الطفولة
ع الاغلب هي الباب لما يقص طفولته وكذا تنفهم شخصيته
وتلاقي مليون شغلة تتكلموا فيها

النايفه

11-08-22, 12:55 AM

أول شيء أحسني الظن دائما
والثاني " لاتدققين "
والثالث تجاهلي ما استطعتِ لذلك سبيلا

أظن ان زوجك صادق فيما ذهب اليه
ابني حياتك معه بشكل سليم وصحيح

عاد دلعيه او راعيه او افهميه فقط

،،

اما مايخص نقع اقدامه بالماء :19:
والله لو يكلم الجن الأزرق مانقعتها له :SnipeR95:

:5:

غَـزل ،

11-08-22, 01:58 AM

'

لانك حديثة زواج ف بعض الامور تتضخم بعيونك

اولاً
انتِ مع صاحباتك او قريباتك تصير بينكم سواليف ماتنقال قدام الزوج
ايضاً هو كذلك في سواليف بين الشباب من باب الدعابة تنقال

نصيحة ابدية لحياتك
ابعدي عن تدقيقك بسواليفه :thumbdown:
لان لو دققتي وتسالينه ع صغائر الامور الرجال بياخذ حذره وماراح يحس ب الامان
بداية حياتكم حتى تحسين انه كتاب مفتوح عطيييه الامان
حتى اتجاه عيوبه .. لان مستقبلاً راح يجيك ويسولف لك عن سواليف ربعه بدون ماتسالينه :110:
خلي الحياة بينكم مررررنة
لا تعززين فيه صفات من خيالاتك مو موجودة فيه
الرجال الحمدلله اجتماعي وله حياته الخاصة ومساحته :SnipeR103:
موضوعك مايعتبر مشكلة حبيبي من واقع تجربة
عيشي حياتك وخلي الرجال يسولف بررراحته التامة لان انتِ المستفيدة بنهاية
:MonTaseR_10:

متأمل

11-08-22, 02:16 AM

ً
ً
لا مو طبيعي ولازم تشوفين لك حل :MonTaseR_98:
وتراه يكلم بنات من وراك ويواعدهن
لذلك انتبهي من كلمة قلة ادب
لإنك بفكرك المتسع وفهمك الفضفاض
اكتشفتي بان وراها دواهي وكذا

اقول تعوذي من ابليس واركدي
واحمدي الله اللي يسر لك الزواج
وحفظك من الحرام
ورزقك الحلال
وحافظي على بيتك وزوجك
وبلاش حركات مراهقات
اللي يسوون انهم فاهمات كلش
وبالاخير هن الخاسرات

لذلك طنشي اي وسوسة
لانها من الشيطان
وكوني اكبر من كل التخيلات
واحمدي الله اللي رزقك بالزوج الصالح
وغيرك والله ترا يحلمون
في اللي انتي توسوسين فيه

ان اقتنعتي فهذا دليل عقلك الواعي
وان ما اقتنعتي راح تبكين دم
على كل تصرفاتك الغبية

واعتذر على اسلوبي العامي
ولكن فهمت بإنك ما راح
تفهمين الا كذا :MonTaseR_189:

تقديري

ِ

بنادول

11-08-22, 03:06 PM