مخك هذا يحتاج له فورمتنق لأنه قاعد يدور مشكله مع الزوج

طيب لنفترض كشفتيه قاعد يغازل بنات وش يعني بتسوين ؟
بتبوسيه على راسه مثلاً .!!

ياهانم نصيحتي حافظي على زوجك بعدم التدخل في خصوصياته
ومادامه قال لك بأنه قاعد يتكلم مع أصحابه فلابد عليك تصدقيه حتى لو كان يكذب

من جهه أخرى بقول لك بسر الإنجذاب :
إذا كنتي تريدين زوجك يهتم فيك أكثر من جواله أشغليه بالحب والإهتمام
عادي غسلي له رجوله أو دلكي له ظهره أو طقطقي له أصابعه أو إلعبي معه كوكح ترين حريم الأجانب مع أزواجهن مو أحسن منك
بختصار / دلعيييييييييييييييه

وعليكم السلام ورحمة الله

عادي وطبيعي جداً لا توسوسين وتخربين علاقتك فيه
الحريم عندهم سوالف خاصة وما ينفع الرجال يعرفونها
والرجال عندهم سوالف خاصة ما ينفع الحريم يعرفونها

وعلى فكرة ترى زوجك وفي
لأن لو ما كان وفي ما بيكون واضح وصريح ل هالدرجة
الخاين واللي عنده خرابيط وأشياء مو زينة يحب يلف ويدور كثير وما يكون صريح

زوجك الواضح لي أنه تكلم بعفوية وحسن نية وما كان متوقع أنك ممكن تشكين فيه

يعني هو واثق فيك ومتوقع منك أنك تفهمينه
ف أنتِ بعد خليك واثقة فيه لأن مافي شي يستاهل الشك بموضوعك


ترا الرجال بطبعهم ما يحبون سوالف الحريم

طبيعي أنه يسولف مع الرجال أكثر لأن أكيد بينهم اهتمامات مشتركة
وهذا ما يعني أنه ما يحبك أو مو مهتم فيك
بس يمكن يحب تكون له مساحة خاصة ووقت خاص لنفسه
وما يحب لما تنشبين فيه طول الوقت > يعني خليه يتنفس

وحاولي تفهمين شخصيته
وتشوفين اهتمامات ومواضيع مشتركة بينكم
عشان تسولفون مع بعض

وترى في نوعين من الرجال
نوع يحب اللي تدلعه كثير وتهتم فيه

وفي نوع يحب اللي تتدلع عليه كأنها طفلة وتهتم بنفسها أكثر
وتكون صعبة الإرضاء لأن يحب لما يتعب عشان يرضيها
كذا يحس نفسه واااو البطل الخارق


وف النهاية
الوفي بيكون وفي بكل الحالات لأن هذا طبع فيه
والخاين خاين لو تعطينه عيونك

أنتِ زوجك زين ووفي ف لا تسوين مشكلة من ولا شي

وبس والله
موفقة إن شاء الله =)