صديقتي تدخل بحياتي

[مشكلتي]

كيـف الحـال طيبين؟ حبيت افضفض لكم
الناس تدخل بحياتي عندي صديقه كل ماترسل لي تدخل بحياتي تسالني ليش ماتدرسي واطلبي من اختك واخوكِ مع العلم ان حالتنا الماديه كويسه لكن اخوي عنده التزاماته واختي صعب تعطيني لظروف ثانيه خاصه ربي يعلم بها ولا ابي اذل نفسي انا وصديقتي انهينا دراستنا هي كملت برا عشان تشتغل وقريب تتعين وانا ما اقدر اسافر اكمل عشان اتعين صرت اغار منها واحسدها واتنرفز من تدخلها كلما تكلمني ماعندها الا موضوع الدراسه والتعيين وزوجها واولادها وانا مازالت مارتبطت وما ابي الحرام كنت بتزوج بس اهلي رفضو لان كنت ادرس وقتها وماباقي شي على الدراسه الا فصل دراسي واحد واذكر ان صار خصام ولازال للان اهلي رفضو مو انا لو وافقو كنت تزوجت ومن يومها مافي احد تقدملي بعد و اتمنى اكمل ادرس مثلها واتعين وتمنى امووور بخاطري ماغير اندب حضي و حالي اذا اشوف صديقاتي عملو انجازات وانا لا ابي اسوي شي يغير روتيني و حياتي بس ماعندي خبرة وكيف اتعامل مع البنت هذي واقوي حالي واقود حياتي بنفسي وما اتحسس من كلام الناس اي كلمه تقلب مزاجي وتعكر يومي واي كلمه تستفزني

[M.ahmad]

هذي فطرتها وطبعها مستحيل تستطيعين تغيريه مهما تكلمتي أو أعترضتي
ولكن خليك ثقيله معها في الكلام
حاولي إذا سألتك سؤال أو فتحت لك موضوع لا ترغبين الكلام فيه قولي لها ( خلينا نغير الموضوع )
وبهذي الطريقه تكونين تجنبتي الأمور التي قد تحز في خاطرك

[شباصة منحاشة]

وانتِ مالك شخصية ؟
ولا رأي

ولا كيان

انتِ من سمح لها
بالتدخل في حياتك


حررت جزئية من الرد من المدير


:MonTaseR_56:

و اخجل اذا جات عيني صدفة بعينك و اصير

مربوك و حاير بامرى من فرحى ابغي اطير

و الله يا اجمل عمري فعيوني ما لك مثيل

تساوى الروح و تغلي و تكون عنها بديل

و اخجل اذا جات عيني صدفة فعينك و اصير

مربوك و حاير بامرى من فرحى ابغي اطير

[رَوْحٌ]

يمكن هي قصدها تهتم مو تتدخل
يعني شايفتك مثل أختها وتهتم فيك وتفكر بمصلحتك وكذا

و أنتِ تقولين أغار منها وأحسدها
والحسد تمني زوال النعمة
لو تمنيتي الشر لغيرك كيف بتحصلين اللي تبين !

لما تشوفين النعمة عند غيرك قولي الله يزيدهم ويبارك لهم

وبعد في مثل يقول
" إذا لم يكن هناك عدو في الداخل
لن يكون هناك عدو في الخارج "

يعني الكلام اللي تقولينه لنفسك
بتسمعين الناس يقولون نفسه

أكيد أنتِ تفكرين كثير ليش ما تزوجتي
وتخافين من كلام الناس
ولما تخافين من شي بتشوفين الكل يتكلم عنه
وحتى لو ما يتكلمون وما يقصدونك
أي وحدة تتكلم عن تأخر الزواج راح تتوهمين أنها تقصدك

ترا محد يموت قبل ما ياخذ رزقه كامل
وأنتِ ما تدرين يمكن يتأخر رزقك بس يكون أحسن منهم
أهم شي لا تقارنين نفسك بغيرك ولا تفكرين كثير وتشيلين هم
عيشي كل يوم بيومه

يمكن تكونين في نعمة بس مو شايفة
و ترا الزرق مو بس زوج ووظيفة وفلوس

ركزي على الموجود و على النعم اللي عندك
واشكري ربك عليها عشان يزيدك ويرزقك أكثر

قال تعالى : ( لَئِن شَكَرْتُمْ لَأَزِيدَنَّكُمْ)


اعتبري كل شي يصير اختبار لصبرك
اصبري
واستغفري كثير
وإن شاء الله الله يرزقك كل شي تبينه

[جلجامش]

الان سوق العمل مفتوح للجميع تحصلي وظيفة اكيد
اذا توظفت تستقلي ماديا وتنشغلي عن القيل والقال
وماتكوني بحاجة احد وتكوني صداقات جديدة
املي وقتك بعمل لان لفراغ مدمر :wild:

[أمل.]

عندك ضعف شخصية
وصاحبتك منافقة
وانتي وهي حسودات
غيري مافي قلبك
يغير الله حالك
ودامك تبين الزواج ليه ماعارضتي قرار اهلك
بدال اللوم والصياح
الحسد يضيع البركة

[امان]

اعطيها بلوك وريحي راسك .
واشتغلي على نفسك على هوياتك سجلي بمعهد تحفيظ قرآن منها تحفظي وتاخذين اجر
وتكوني صداقات مع بنات الحي ، اذا عندكم جمعات ومناسبات احضري اطلعي اختلطي بالناس .

الزواج نصيب ورزق في التوقيت اللي ربي كاتبه لك راح يصير .

[السهم الأخير]

الفاضي يشتغل قاضي

أغلب الناصحين ينطلقون من كونهم أحسن منك وأكثر خبرة حاليا مهما حاولوا يغلفوا النصيحة بأنها خالصة ونية طيبة.

من خلال استعراضك للمشكلة أتوقع أن عندك مشكلتين وحده ماديه والثانيه أهم منها وهي مشكلة عاطفية والرغبة في الاستقرار وهذا حقك الشرعي بل الفطرة .

طالما مافي حاليا من يحقق لك رغبة الدراسة والتطوير الذاتي والالتحاق بوظيفة ، أرى إنك تكثفي جهودك في البيت وربك كريم لعل وعسى يجيلك عريس طيب وبن أصول ومقتدر ماليا فيعوضك اللي فاتك في المشكلتين وتصيري في مكان أكثر قوة ومعد تربشك ذي بنصائحها واستعراضها لانجازاتها .

العالم كذا
ليش ما تزوجت ؟
ليش ما جاكم عيال ؟
ليش ما سجلت العيال فروضه ؟
ليش ما تجيب بنت لأخوها الوحيد ؟
ليش ما تجيب للبنت اخت ؟
الولد يبغاله اخ ؟
ليش ما سجلتهم في جامعة كذا ؟
ليش ما زوجت البنات ؟
ليش ما كونت مستقبل للولدين ؟
لين تدخل قبرك . يجون عند عيالك

الله يرحم ابوكم ، ليش ما تسوون مثل ما سوا لكم؟ كافح وناضل


أنا أقول : ورا ما تفكنا من شرك وخيرك وتخلنا نعيش محد فاضي لتطبيق نظرياتك ونصائحك واذا فيك خير انفع الامه وخلنا نشوف منجزاتك أنا حياتي ما بها شي يخليك تجيني اسناد .


وهكذا الحياة اللي فاضي يقلب روحه قاضي ويوجهك سوي سوي لا تسوي لا تسوي واسمع كلامي .

قولي لها جزاش الله خير والله يرزقش ويعطيش . لعد تفتحي لنا هالمواضيع لأنها لوعت كبدي جايين نرتاح ونسولف اذا ماعندك الا كذا ترا بيتي أبرك لي وسري في بير وكلنا جينا بنات ٩ شهور من بطن امهاتنا محد جاي مغلف بكاكاو مركز أو نوتيلا . خلينا نعرف نعيش اللي فينا كافينا ماني ناقصه بيع كلام ولا أنا من اللي يخيطون في السماء قمصان .

ربي يسعدش

[زهرة الثلج]

اول شي عزيزتي من الناحية الاسلامية والنفسية ما تطلعي ع انجازات غيرك والاحسن.
اطلعي ع الأسوأ.. وشوفي الأسوأ واحمدي ربك ع حظك.
يعني عمرك ٥٠ سنة وما تزوجتي مثلا ؟؟

في ناس عمرها هالعمر او صار معها شي لا سمح الله ومنعها من الزواج او الانجاب.. صار عندها حرب فقدوا أولادهم وأهليهم

ناس جعانين بردانين...
شو في هالناس حبيبتي واشكري ربك.

من ناحية تدخل صديقتك والحساسية ( توضيح وتحديد السلوك)
قولي لصديقتك مثلا واعترفي لها بأسلوب مؤدب ومحترم:

Sorry, but I do not want to talk about it!

نعم. الاجانب صريحين وخلص.
بتقولي لها : " اعذريني..لكن لا ارغب بالتحدث عن هذا الأمر!"

عجبها اتفهمت.. اذن هي صديقة كويسة وكتر خيرها.

ما اتفهمت..، مش حدا غاصبك تردي عليها.

وأُعذر من أنذر ببسااطاا !
١+١=٢.

انتها.


والله يهديكي ويوفقك بحياتك.

ولا تنسي شكر الله ع كل نعمة صغيري وكبيرة !

... تقدير النعمة شيء مهم عزيزتي.. والا ..تروح منه.

ونقول: يا ريت نرجع لكذا وكذا. خلص ما بدي اكتر من هيك !


Take care!

[جرح كبير]

نفس الموال ونفس الكلام وين ما امشي

الله يوفقك

[سلطان الجبل]

https://www8.0zz0.com/2023/07/10/21/103678631.jpeg (https://www.0zz0.com)


عليكِ بالاستغفار يا اختي