آنا ؟ صديق الليل و الحلم العتيم

[أَلِفْ]

ما اعاتبك لو غاب حاديك القديم
يا صوتي اللي من أذاهم مستعار
كان الزهر يوله على هبّ النسيم
في وقت ملّ الغصن جور الانتظار
مثل الحنين ، الحزن في صدري مُقيم
يحطب من ضلوع الصبر ويشبّ نار
آنا ؟ صديق الليل و الحلم العتيم
نفسه ؟ عدوّ النوم و اسفار النهار
من خلقة الدنيا وانا طبعي .. حليم
واحشم صغار القوم من قبل الكبار
ماا عشت دور المنظلم ! والله عليم
اني ظُلمت ، و مدة ايديني قصار
كنت احتضر في وادي الهم وأهيم
واعيش لحظاتي رهين الاحتضار
ما قلت لك ؟ ماتت مشاريه النديم
ما عاد له عند الليال السود ، ثار
وجروحك اللي من عرفتك فالصميم
صارت على مَر الزمن / ذكرى مَرار
لا زلت انا ذاك المغفل .. و الغشيم
اللي تزيده شيبة ( احزانه ) ، وقار
معهم رحلت ! وكل ما جيت استقيم
على الصبٍر ، يغري خطاي الانكسار
هذي سنين ، سنيييين ! ما مرتك غيم
و لا نلت من غصن اللقى طيب الثمار
ادري مقصّر بس ... " والله العظيم "
اني من اول جرح لاخرتي ، دمار
إطلب وما دون "الوصل" ؟ قلبي كريم
يا هازم احساسي على غير انتصار
الخلق شماتة ! و انا دمعي ، لئيم
واغلى اثنين بعمري لـ " دار القرار ..
و اللي بقى من ذكرهم ريح ، و هشيم
الريح ناسي ، و الهشيم انا ، و طار

[حبيب]

لاهنت رائعه ومميزه
مشكووور

[أَلِفْ]

شاكره لك تعليقك

[azOoOoOoz]

صح اللسانك
قصدة جميلة
الله يوفقك ويسعدك

[أَلِفْ]

صح بدنك وصح لسان شاعرها

شاكره لك تعليقك

[فزعة بدوي]

ذوق رهيب في الاختيار

كل الشكر

[أَلِفْ]

تسلم أخوي ..
شاكره لك مرورك وتعليقك ..

[عيووش..]

سلمت يمناك
على روعة هذا الطرح الجميل .

[أَلِفْ]

ربي يسلمش
وشاكره لش مرورش