انخطبت واهلي احرجوني

[مشكلتي]

سلام


اول حاجه انا عمري 18 خطبني واحد والحمدلله وافقت وملكت و هلي محححرجيني صرت ما اكل من كلامهم
ياعيني على العروس كاشخه شكله بيجيك ومن هالكلام وبغمزون لي واذ جاء يضحكون لاشافوني مشتاق لك ومدري ايش واذ دق يضحكون هاه دق؟ اوك حلو بس المشكله مررررره صرت ما اكل بنفس السفره معاهم ولا اجلس معاهم وخاصه اخواني الي ماكسيني تعليق حتى لما شرينا لبس العيد واوردي اهلي وكذا لازم يشوفك فلان. والله تعبت منهم بس يحرجوني! كيف اقولهم بطريقه حلوه مايحرج ني

[رويدا محمد]

وعليكم السلام

الكل كذا لازم يحرجون تصير
اشوفها ليست مشكلةة عادي ههه
ممكن شخصيتك خجولةة بزيادةة
ان شاء الله يفيدونك الأعضاء

[مسكك الغلا]

انتي حساسه زياده عن اللزوم

اعتقد الاغلب هكذا


وفقك الله والف مبروك

[مطر الفجر]

وعليكم السلام
مبروك مقدما
لا تبيني لهم انك منحرجه والا يزيدون الوضع سوءا
ويستمرون باحراجك
موفقه عزيزتي :81:
تحيتي لك

[همسة الروح]

وعليكم السلام
عاادي الوضع
بس لانك منحرجه وهم شافوا كذا زادوا معااك
خلك طبيعي ولا تهتمي كثير
بالعكس اضحكي وافرحي
وأحيانآ سوي أنك ماسمعتيهم :icon20:
والله يسعدك ويوفقك في حياتك :81:

[ريم الغلاا]

وعليكم السلام ورحمة الله وبركاته


الف مبروووك

ربي يسعدكك ويهنيكك

مثل ماقالوا لك البنات حاولي ماتوضحين انك خجلانه من كلامهم

خليك عادي وردي عليهم علشان يسكتون ويبطلون يحرجونك

يعني اذا قالوا لك كاشخه علشان فلان

قولي اكيد بكشخه له

لاتسكتين

[جَســـــوُرْ..،]

أسال الله أن يتمم لك بالخير .. و أن يوفقك في حياتك الزوجية ..

الصبــر أجمل حل ..

[آنثے م̝̚لآئـکﯾھَہّ]

وعليكم السلام
عادي تصير عند الكل اخواتي جننتهم بالتعليقات لما يتصلو رجالهم في فترة الملكه ^_^
وازيدك حتى بالنظره نعلق عليهم
بس مجرد مزح وشقاوه لا تصيري حساسه بزياده خذيها بمزح وردي عليهم
الله يوفقك ويسخركم لبعض ويتمم لكم ع خير

:رحيق:

[Syr!an Flash]

بعتقد مشكلة بسيطة كتير
اهم شي تكوني متفقة مع خطيبك وبتكوني بتحبيه
وكلو بهون

[نقاء]

الله يعينك انا لو مكانك كنت بدفن نفسى حخخخ احراج وربى

[مجنونهـآ]

الف مبروووووكك

ااااههههههههههههه ي عيني ع العروووس شكلك كتبتي هنا عشان يشوف كلامك خطيبك خخخ
امزح

المهم هذا الششي عادي
وبعدين انا دايم احرج اخواتي اسبوع اسبوعين وبعدين يصير عندهم عاادي

الله يهنيتس

[غيوم الأمل]

يسعد لي ايامك يا عسل
بأسوي زي اهلك يا عيني على العروس المستحية هههههه
الف مبروك الله يتمم عليك يالغاليه
وترى الوضع عااادي جدا وكل بنت تتعرض لمثل هالمواقف خاصه من الاخوان الشباب
ويمكن بعد يحرجون خطيبك وانتي ما تدرين
خليك طبيعية ما عليك كل ما غمزوا ولمزوا بأي شئ اضحكي وابتسمي وقولي عادي زوجي من ابسط حقوقي
وكل هالخجل راح يروح بمجرد ان تتزوجي
فطرة الفتاه وطبيعتها خجلها وهالشي حلو في كل بنت
من الأفضل انك تضعين امام نصب عينيك التطنيش ولا كأنهم يتكلمون

عموما الله يوفقك يا الغالية

[عاشق بصمت]

الف الف مبروك وعقبال للعزاب

[ادمنت حروفك]

الكل يفتخر بهاذ الشي بس انتي خجوله