إلى : نجم ضاوي مع التحيّة .

[الخيال التغلبي]

تسلم يمينك لا عدمنا يمينك ** ويسلم بنانك بالقلم يوم سطّرت
كل المراجـل حزتها في جبينك** وحرّرتها في ريشتك يـــوم حرّرت




أخيك الصغير / الخيّال التغلبي .

[نجم ضاوي]

يسلم لي قلبك وذوقك يا الغلا ,,,
عزالله إنت منبع الطيب كله يا صبي عنيزه ,,,


القصد كلـه . . أهيض حنينك
للي لها حلـو الابيات سطرت

ياللي ريـح العطـر من يدينك
يومك على داعج العين دورت

[الخيال التغلبي]

ادخل على الله يوم ديني ودينك ** في لــحــظـــة نويت لربك وكبّرت
خفف عليّه والــولــــي ما يهينك ** خفف عليّه من قبل يحترق كرت

[نجم ضاوي]

هـذا ما جنتـه .. اليـوم يدينك
ليتك لقلبك .. ذا اليوم هكرت

ما كان ضاعت أحلى سنينك
ولا على دفتر الاحزان سجلت

[الخيال التغلبي]

ايديني يا بو ــضاوي وحطت ايدينك ** وش ذنبهن باللي تقوله وسطرت
اللـــوم يا مـشـكـاي وقـعـة ضنينك ** قلبي رمــــاني بالبلا يوم سافرت

[نجم ضاوي]

ليتني جنبك وتاخذني بيمينك
لا ضِقت في يوم .. ولا تكدرت

أكون العصا إللي تكون بيدينك
سنايدك لا جاك .. يوم وتعثرت

[الخيال التغلبي]

كفو وانت الوفي طــــالــــت يمينك ** فعلك ينومس دوم للطيب حضّرت
انا في دار الـشـرق والـحق حزينك ** يم البحر داري تفرح ان ســـــيّرت

[نجم ضاوي]

الطيب مكتوب في عالي جبينك
اختـار صحبتـك لـو إنـي تخـيـرت

متـى تصـافـح . . يمينـي يمينك
واكون من ظلمة الوحـده تحررت

[الخيال التغلبي]

انا صديقك اللـي فزّ ويعينك ** تلقاه حــــاضر في ظروفك الياحترت
تامر وتنهاني وبصبع يمينك ** قلي وانا با اجيك لو كنت في سرت


خليج سرت في ليبيا .

[نجم ضاوي]

لو ضاقت بك الدنيا في مقبل سنينك
قسم بالله حـافي الاقـدام لك سِـرت

وامسح على كتفك . . وأخفف آنينك
ولو لـي تـرى جنحـان . . يمكم طِـرت

[الخيال التغلبي]

للي نقل حمل الحمايل وش اقول ** غير المراجل سلمت له رسنها
يــقــودهــا وتتليه بالعرض بالطول ** ما تلتفت لعفون نـــــاس غبنها