تعقيب - يوم الجمعه هو اخر يوم بحياتي !

[مشكلتي]

السلام عليكم ورحمة الله
انا صاحب هذه المشكله وهذا رابط الموضوع

http://www.al2la.com/vb/t70992.html

وحاب اعقب على الكلام والردود الي انكتبت
واصحح بعض الافكار الي انفهمت غلط

مرجانه
اشكرك على ردك
اهلها مو من الي يجبرون بنتهم على الزواج
وهي قالت لي اخر شي انها رفضته
ولو اجبروها اهلها هذي اهون من الفراق بارادتها
الي يغبن بالموضوع
الي صار له كم سنه ومن بعدها احنا سمن على عسل
يعني واضح تماما انها نست الموضوع ونسيتها الي صار
لكن الان ليش نبشت الماضي واخذته عذر للفراق !!


مطر الفجر
شكرا على ردك اول شي
وثاني شي شوي شوي علي !!
ولا تتهميني بما ليس فيني
عشان طفله وكم وحده اضافوني بالكيك وحذفته بعدها
صرت لعاب واني ما استحقها
وانا اشوف خطأي معها اني كذبت عليها عشان لا اضايقها
وعشان الكيك وحذفته من وقتها ما اعرفه
كل الي كلمتهم بحياتي مايتعدون 5
حبيبتي و الطفله الي تقربلي والي بتويتر وبالكيك
وكل وحده لها تبريرها وكتبته
وكلهم مايساوون جزمة الي احبها عندي
وجميعهم مو انا الي اضفتهم عشان اصير لعاب
اللعاب الي 30 وحده كلهم يحبهم ويطلع معاهم
ماعمري طلعت مع اي بنت ولا يمكن اسويها دام بقلبي وحده
وكيف الله عوضها وهي اساسا رفضته
واما بالنسبه 8 سنوات ليش ماخطبتها
وقتها كنت طالب بالثانويه وبعدها الجامعه
واول ماتوظفت فتحت موضوع الخطبه اكثر من مره معها
لكنها قالت اجل الموضوع وخله لوقته !!!
والحمدلله انا مصلي جميع فروضي وقايم بواجباتي الدينيه
الحمدلله مو بعيد عن ربي وادعي ربي بكل سجود
وممكن تقوليلي وش الاخطاء التي لا تغتفر ؟
انا الي اعرفه ان الي يموت مشرك ماله الا جهنم
ومين احنا البشر عشان مانغفر ومانسامح
محنا افضل من خالقنا !!
وكيف اصبحت مكسوره وخذلتها من بعد فتره كم سنه
كنا في قمة حبنا لبعض وقدرت تنسى الي صار
مثل الي يسرق مني وبعدها نرجع نحب بعض ونوصل قمة الحب
وبعد سنتين اقوله لازم اقطع يدك عشانك سرقتني قبل سنتين !!
كلام غير منطقي ومو مبرر ولا عذر للفراق
الحمدلله مو مقصر معها بكل شي واعرف نفسي
وحصل مني زله من زمان وماعاد عدتها والان اتعاقب عليها !


حموود
شكرا على ردك
طلعتي خارج المله بكلامك هذا !!
نفس ردي للي قبلك
اعرف ربي الحمدلله وقارورة الخمر اول مره اخذها بحياتي
ولا شربتها رحت كبيتها لانها طلبت مني اكبها
مني راعي خمور وحتى الدخان ما اعرفه


احساس طفله
شكرا على ردك
انا قلت سكتت كثير هي كلها الي غلطت فيها كذبتي والكيك
ولكني استكثرتها والي يكرمني مره اقوله اكرمني كثير
لا تفهمين منها ان اغلاطي ماتعد ولا تحصى
انا بالغت بالكلمه وهي كلها مرتين الي غلطت فيها
وبعدين ماكنت ادري انها زعلانه
مو ذنبي اذا كتمت عن الي بقلبها انا ما اعلم الغيب
ماعمري قابلتها عشان افهم منها بدون ماتتكلم
ليش ما واجهتني وقتها وصححتني !!
ليش تكتم سنين وبعدين تفجرها بوجهي بعد ماتركت الغلط !


العوجاء
شكرا على ردك
المشكله مشاكل الاخرين يمكن مانحس فيها
ونقول عاطفه زايده ومراهقه ومدري وشو
لكن لو وقعنا فيها نبكي دم ومحد راح يفهم علينا
وزي الي قبلك اقولك كذبت عليها مرتين
خلال 8 سنواااات كذبت عليها مرتين من باب اني ما ازعلها
خليتيها اكاذيب وحسستيني كل يوم اكذب عليها !


السهم الاخير
شكرا على ردك
من وشو اتوب ؟ شايفني مرتكب كبائر ؟
وش الي ابعدني عن السراط المستقيم ؟؟
وايت جراه وايت مواعيد الي تتكلم عنها انت ؟
انا ماتعرفت على غيرها عنوه
جتني اضافتين بالكيك وبعدها حذفته ولا طولت معاهم
اتكلم عن الي بوجودها لان وجودها يغنيني عن كل البشر


بنت الشرقيه
شكرا على ردك
مو شرط الي اوله غلط اخره غلط
ياكثر الي حبو بعض وتزوجو ومرتاحين مع بعض
واذا كانت طريقتنا غلط الزواج هو التصحيح للغلط
شكرا لك


متنحه
شكرا على ردك
بس ماقد سمعت بالحب القرد المنتوف ذيله اشرحيلي عنه
انا اشوف اي شخص يقول مو حب ولعب ومدري وشو
ما اشوف انه يعرف الحب اصلا عشان يميز الحب
ولا عمره عاش تجربة حب في حياته
او عاش تحربه وحده فاشله وانضحك عليه

عابرون
شكرا على ردك
ادري مافي شي مستحيل على ربي
وهذا الي جالس احاول فيه الحين
طالما مهي على ذمة شخص راح احاول ارجعها
حتى اخر قطرة مني
والبنت الي كلمتها بغيابها هذاك الوقت غير عن الحين
معروف العلاقه تبدا صغيره وبعدها تكبر وتتمدد
وذاك الوقت نحب بعض بس مو لهالدرجه الي الحين
ولا يمكن يكون بعدها بنت لان قلبي للحين معها


اتمنى انكم تفهمون الي كتبته زين
خلال كل هالفتره غلطت عليها في الكذبه والكيك
وكلها تركتها وماعاد عدتها
ومو انا الي رحت ادور الغلط
ماني لعاب ولا خاين ولا راعي دشره
زي ما اتهمتوني
استنفذت فيها كل ما املك من مشاعر واحساس وحب
ماعاد فيه امل احب وحده بعدها ولا يمكن
وحتى لو تزوجت الي بتاخذني بتاخذ جسد بدون روح ومشاعر
لاني استنفذتها مع وحده وعطيتها كل ما املك
وراح اتزوجها من باب زواج لكن خالي من اي مشاعر
وربي يشهد علي كم احبها حتى هذه اللحضه
حرام 8 سنين تطير بالهوا عشان غلطه قديمه !
ماغلطت بخيانه فعليه مازنيت ولا رقمت ولا رحت ادور بنات
مافي احد بالكون ماقد كذب
مستحيل يحصل باستثناء الانبياء
كل البشر يكذبون لسبب او بدون
وانا كذبت عليها عشانها هي عشان ماتتضايق لو قلت الصدق
واذا جرحتها بكذبه ليش تداوي الجرح بشي اعظم من الي سويته
الفراق اعظم من الجرح ومن الخيانه
كل شي يتعوض ويعالج وينسى مع الوقت والمعامله
سواءا كذبه او جرح او خيانه او اي شي
الا الفراق موووووت بطيء
وصدقوني جميعكم ماحسيتم بالي مريت فيه
ومافي احد راح يعرف معاناتي
الا شخص مر بنفس تجربتي
مر بمرحلة فراق اعز مايملك واغلى مايملك وكل مايملك
لذلك كلكم غير مبالين ولا حسيتم بالي فيه بل تهجمتم علي
على كلن انا راح احاول فيها انها ترجع بكل ما املك
طالما مهي على ذمة اي شخص حتى اخر قطره مني
وانا عارف هي الحين جالسه تتعذب وتحاول تنساني
ومستحيل تنساني ولو تزوجت وعاشت 20 سنه
دامها حبتني من قلبها 8 سنوات وبيننا ذكريات ماتنسى
ومواقف وقصص واحلام واماني كلها ماراح تنساها
ولا انا راح اقدر انساها
ليش الواحد يحكم على نفسه بالعذاب والسعاده بيده
هي بيدها انها ترجع ونتزوج وانسيها كل شي مر بحياتها
وهي عارفه قد ايش انا صادق بكلامي
لكن للحين احس ان فيه طرف ثالث دخل بيننا وسبب هالفراق
وهي بنفسها قالت لي عن بنت خالتها انها تزاعلت معها بسببي
لان بنت خالتها كانت تحب واحد 10 سنوات وفي الاخير تركها
وهي كانت ناويه تتزوجه لكن باعها وباع عشرة السنين معها
والحين تبي حبيبتي تصير مثلها وتتركني وخيرتها بيني وبينها
وخلتها تنبش بالماضي وترجع تذكرها في الي صار بعد مانست
مو كل الشباب مثل بعض
نااادر جدا شاب يحب وحده وصادق معها ويبي يتزوجها
واغلب الي يحبون مستحيل يتزوجون حبيباتهم
والشباب يعرفون كلامي

[الدانة]

وعليكم السلام ..


شاكرة لك على تعقيبك ...بس بسألك ...تدل باب البيت ؟


روح اخطبها ..وخذ معاك واحد حكيم ..واهلك


وهنا ... بتضع النقط على الحروف


وبالتوفيق

[عابرون]

‏"الفراق أكبر من الجرح والخيانه"

أي والله كل شيء ينحل ويهون إلا الفراق اللي بلا سبب

واضح أنك عاشق ومتيم بها

ومن خلال سطورك لموضوعك أحسب أنها خلاص

تزوجت وتقفل الباب

ويمكن مايكون فيه خطبه من الأساس وقالت لك كذا عشان ترجعك لها

الحمدلله الباب مفتوح لك

أخطبها مره ومرتين وعشر

الله يجمع بينكم ع خير ‏

[مطر الفجر]

مطر الفجر
شكرا على ردك اول شي
وثاني شي شوي شوي علي !!
ولا تتهميني بما ليس فيني
عشان طفله وكم وحده اضافوني بالكيك وحذفته بعدها
صرت لعاب واني ما استحقها
وانا اشوف خطأي معها اني كذبت عليها عشان لا اضايقها
وعشان الكيك وحذفته من وقتها ما اعرفه
كل الي كلمتهم بحياتي (http://www.al2la.com/vb/t71065.html) مايتعدون 5
حبيبتي و الطفله الي تقربلي والي بتويتر وبالكيك
وكل وحده لها تبريرها وكتبته
وكلهم مايساوون جزمة الي احبها عندي
وجميعهم مو انا الي اضفتهم عشان اصير لعاب
اللعاب الي 30 وحده كلهم يحبهم ويطلع معاهم
ماعمري طلعت مع اي بنت ولا يمكن اسويها دام بقلبي وحده
وكيف الله عوضها وهي اساسا رفضته
واما بالنسبه 8 سنوات ليش ماخطبتها
وقتها كنت طالب بالثانويه وبعدها الجامعه
واول ماتوظفت فتحت موضوع الخطبه اكثر من مره معها
لكنها قالت اجل الموضوع وخله لوقته !!!
والحمد لله انا مصلي جميع فروضي وقايم بواجباتي الدينيه
الحمدلله مو بعيد عن ربي وادعي ربي بكل سجود
وممكن تقوليلي وش الاخطاء التي لا تغتفر ؟
انا الي اعرفه ان الي يموت مشرك ماله الا جهنم
ومين احنا البشر عشان مانغفر ومانسامح
محنا افضل من خالقنا !!
وكيف اصبحت مكسوره وخذلتها من بعد فتره كم سنه
كنا في قمة حبنا لبعض وقدرت تنسى الي صار
مثل الي يسرق مني وبعدها نرجع نحب بعض ونوصل قمة الحب
وبعد سنتين اقوله لازم اقطع يدك عشانك سرقتني قبل سنتين !!
كلام غير منطقي ومو مبرر ولا عذر للفراق
الحمدلله مو مقصر معها بكل شي واعرف نفسي
وحصل مني زله من زمان وماعاد عدتها والان اتعاقب عليها !

_______

يا اخي الكريم كن على ثقه بانني لا اهاجمك
انا اريد مساعدتك
ربما اسلوبي كان قويا واندفاعي نوعا ما لكنني تألمت لاجلك و الله يعلم
رغم اخطائك انقهرت عليك لانك تريد تذهب للخمر
وتريد ان تعمل كل معصية وذنب لم تعملها من قبل
لاجل من ؟ لاجل فتاة انت احببتها وهي لم تعد تريدك لانك اخطات وكذبت ؟
حان الوقت لتكمل حياتك كل شيئ به خير من الله
وانت قلت انك احببتها من ايام كنت تدرس يعني كنت مراهق
والان انت ناضج امامك الكثير لتنجزه
اما بالنسبه للتي بتويتر والكيك
لماذا اصلا تضيف فتيات وانت لديك من تملئ حياتك ؟
او بالاحرى مافائدة هذه البرامج لكي تدخلها من الاساس ؟
ان كنت ستقول للتسليه حسنا ساقول نعم تسلى وتفرج
لكن لماذا تضيف وتتحدث ؟؟؟
انت ايضا مخطئ جدا جدا جدا
انت لم تذكر لي النقطة اللتي قلت لها بانك سوف تخطبها وهي اجلت وتهربت
هنا الان انا اخذت موقف سلبي منها وصدقني يا اخي
لو كانت تريدك ستوافق عليك بنفس اللحظة ولن تقول لك اجل الموضوع !!!
وان كانت تحبك بصدق ستطلع جميع مافي قلبها حتى وان غلطت عليك
وقلة احتارامها عليك و نعتتك بابشع الصفات
لكنها سترجع بعد ذلك وتتصافى القلوب وتنسى
وليس تسكت وتحمل في قلبها وتتظاهر بانها سامحتك ثم بعد ذلك تطعنك !
بعد ردك هذا تبين انها هي ايضا غلطانة
وصدقني ربما هي ايضا لم تكن الفتاة المناسبة لك
والله يعلم الخير لكل شخص

اخي الكريم ان كنت تضايقت من ردي اعذرني
لكن كن على ثقه باني انقهر جدا ان رايت شخص يريد التوجه الى الحرام
بارادته ولاجل دنيا فانية

تحيتي لك ...

[روزا]

,


قريت لك من البدايه
وفهمت حالتك مشكلتك انك خربت ثقة حبيبتك
فيك والثقه اذا انعدمت كل شئ ينعدم
حتى لو الحب له سنين
فيه ناس تغفر وتتقبل الغلطه من باب
المحبوب ماله ذنوب
وفيه ناس تموت ولاتتقبل الخيانه
يمكن هيا شافت منك شئ خلاها
تبعد عنك وتترك ,
وهيا لو كانت من النوع اللي يغفر
كون على ثقه أول مابتخطبها بتوافق
عليك بدون تردد, لان اللي يحب
مستحيل مايغفر ل عشيقه بذات
لو شاف من اللي يحبه كيف حاله
بعد مافارقه وكان صادق وعدل غلطه
اكيد بترجع العلاقه افضل بكثير من السابق ,
وبالحلال بيعشوا نعيم من هذي الدنيا
انت اذا باقي لك فرصه لاتخليها اخطب اكثر
من مره صدقني بترضى عليك وبتوافق لو كانت
متأكده انها بتكون معك مرتاحه ,
واهم شئ ارضي ربك عشان يرضيك
اتمنى لك حياه كلها رضى وتوفيق .

[صعفق طاش كندي]

الحياه ماتوقف على احد .. حاول تطلع نفسك من الدوامه الهنديه هذي


واذا تدل باب بيتهم روح دقه قبل غيرك يدقه

[ضوء القمر]

من قريت مشكلتك الاولى وانها انخطبت ورح تتزوج تالمت كثير ورجعت لي ذكريات قديمه
لذلك ماحبيت اعلق ولا اكتب شي وشفت ردود الاعضاء اللي ماعجبتني ابدا ابدا (مو كلهم )

بس الحمدلله ف توضيحك هنا تقول انها ماوافقت عليه
يعني الامل موجود تصدق وربي حسيت بقلبي ارتاح هههههه
المهم سالفه انو كلمت بنات غيرها ف برامج التواصل الاجتماعي هذي مااعتبرها خيانه
لااننا نصادف مرات اننا نتواصل مع الجنس الاخرر ف البرامج والمنتديات
الخيانه هي لما تطلع معهم وتكلمهم وتقولهم احبك ومن هالحركات
الحين انت كل اللي عليك انك تثبت حبك وتمسك بها
عشان كذا توكل ع الله وروح اخطبها
عشان الطرف الثالث ينطم وما يكون عندها سبب لبعدكم عن بعض
اخطبهاااا وتوجوا حبكم هذا بالحلال

الله يوفقكم ويجمع شملكم :t:

[ترياق مصر]

سجل بعضوية وراسلني وانا اقسم ليك انك هتغير رائيك

ومن غير ما تراسلني

:81: الورده دي رخيصه اوي طول ما هيا قودام عنيك

نفس الورده دي لو انا شلتها من قودامك هتغلي اوي وهتحارب عشان تاخدها ولما تاخدها هترجع تزهق تاني

ده الي انت فيه

[آخيل وطروادة]

انصحك بالرياضه العنيفه

وان امكن ادخل ملاكمــه .. ?

وجلب الكيس الخاص بتدريب الملاكمين وتخيل انها حبيبتك
وستمر بلكمها كل ماتذكرتها .. ?

وقل بصراخ عالي

لماذا تركتيني يامجرمــه .. ^_^

اعذرني اخي لا اريد الاستهزاء بقصتك لكن فعلا
انت اما تعي جيدا انها تتسلا بك ونتهت القصه

او

انت فعلا جرحتها ليس فقط ماذكرته بل ماخفي اعضم
فلا يعقل انك طلبت ان تخطبها ولم توافق الا لهذه الاسباب

لذلك اسمع نصيحتي وبداء من الان باول خطوه .. ?

اجلب كيس الملاكمه وعلقه وبداء التدريب .. !!

تحياتي
آخيـــل

[Designer]

الحياه ماتوقف على احد .. حاول تطلع نفسك من الدوامه الهنديه هذي


واذا تدل باب بيتهم روح دقه قبل غيرك يدقه

بإختصار

[مسكك الغلا]

الحياه ماتوقف على احد .. حاول تطلع نفسك من الدوامه الهنديه هذي


واذا تدل باب بيتهم روح دقه قبل غيرك يدقه




خير الكلام ماقل ودل

[شهد أومان]

السلام عليكم
الشئ الي بدايته غلط فنهايته غلط !
لاتقول لي ناس كثير حبو بعض وتزوجو !
واذا كنت انت بالثانوي فكم كان عمرها ؟
انت تحاول تدخل نفسك بدوامه م تقدر تخرج منها
من هي عشان تدمرر نفسك عشانها !!
اذا هي نستك فانت بعد انسها
يمكن مو سهل بس بعد مو مستحيل
وحسيتك جدا واثق انها تحبك ! لو كانت تحبك م تركتك
ذاتا حركة سخيفه انها جمعت ثم انفجرت
فاذا انت كذبت غشان م تزعلها هي ايضا كذبت انها مسماحتك عشان م تزعلك !!
فهمنا يمدي اقول ان العلاقه مبنيه على عدم الثقه وعدم الحرية
لو كانت واثقه ومرتاحه كثير معك راح تصارحك من البداية ماراح تخاف انك تتضايق
وعسى ان تكرهو شيئا فهو خير لكم :ورد:
اخي بالله بما انك طلبت المساعدة فانا اقول تقرب الي الله اكثر واكثر
وادعي الله لها ولاحبائها
لانه اذا تحب فمستحيل تدعي على احبائها والي هو زوجها او خطيبها
قلت انك ماتبي تتزوج اي بنت لانه قلبك متعلق بحبيبتك !
اذا اشغل نفسك بالطاعة والعمل وقراءة الكتب وكلشئ مفيد
انسى انك تعرفت على انسانه وحبيت وحاول تبدا من جديد
وتزوج لما تحس نفسك متهيا عشان م تظلم بنت الناس
مع تمنياتي لك بالتوفيق :ورد:

[الصولجان]

/

مشكلتك عاطفيه !

لكن اذا جاد ادري. فيك الخير

ومافي انسان معصوم من الخطا باتتاً


نقول نزوه ! لكن بعد ما تتزوج سوا فيها ولا بغيرها


احذر ثم احذر تعيد الماضي ..!


لانو يرجع لاهل بيتك ويما شفت في مجال حياتي


اغلب الطلاق نزوه واخرتها فراق وشك وهم وغم


والله يستر عليك وعليها وعلى الجميع

الله يسعدكم هذا الي اقدر اقوله

[الصولجان]

/

توني قريت قصتك !

اغلب شبابنا عادتهم بعد ما تملك وحده قلبه

ويثق فيها وتثق فيه يكسرها ؟!


ما ادري هي هوايه هي جنان واستهبال

هي ايش مدري بس الاكيد انو ما يملي عين

الرجال الا ....؟ مع احترامي طبعا لجميع الرجال



لكن تقدم الى بيت اهلها واطلبها شرعاً

سالفه تشرب خمر ! تشرب حشيش

تشرب بلاوي انا اقولك اذا فرقكم القدر

معنى رب العباد ! ( مو شايف خير بينكم )..!


ارضى بما قسمه الله لك !

ولا تجزع من حكم الاله !! في النهايه مقدر ومكتوب


غير كذا .. اذا قابلت ربك ما بتنفعك قاروره الخمر وآخر يوم في حياتك ومدري ايش

الله خلقنا نعبده وليس نحب عبده ونعذب الروح والجسد

ارجع لعقلك .. كل شخص له نزوه

اذا باعتك من اول غلطه معها حق انا مره مثلها واحس

انصدمت لكن الاكيد اذا تحبك !


بترجع


! :eh_s(8):

[7moOod]

يعطيك العافية أخي ع الرد
أنا ابداً ما خرجتك من المله
ومن أنا لكي أحكم عليك بهذا الأمر

كلامي الي قلته في الرد السابق
يقال لكل مسلم بعيد عن ربه
يقال لي ولك ولكل مسلم
مافي أحد معصوم من الخطأ

ومضمون كلامي في الرد السابق
هو ان تعود لربك فقط لاغير

وانا مازلت متمسك بردي
لكي أكون أمين معك ومع نفسي
هذا هو الرد الذي اجده مناسب

اولاً تقرب الى الله وأعلم
أن شراءك للخمر هو الخطوة الأولى
للمعصية والبعد عن الله ولكن الحمدلله
أنك رميتها وربي هداك

ثانياً..
أذا لم تخطب من أحد
بإمكانك أن تخطبها وتضع
النقاط على الحروف

قبولها أم رفضها هذا شي
يعود لها وقد تقول ما تقول
ونحن أيضاُ قد نقول ما نقول

نحن الآن نبحث عن الحل لمشكلتك
بنظري هذا هو الحل

ربك ودينك ..
ثم من تحب ..

وأفعل ما بوسعك للوصول إليها
بشرط أن لا تغضب ربك أو اهلك

وسلامتك

أتمنى لك التوفيق والسعادة
في حياتك


:رحيق:

[المثنى]

يا اخي خلاص انتهاء الموضووع
هي تزوجت ادع لها بالتوفيق
وانت تزوج و وبتنساها مع الوقت
الله يهديك بس

[مشكلتي]

السلام عليكم ورحمة الله
تعقيب ثاني على موضوعي هذا

تعقيب - يوم الجمعه هو اخر يوم بحياتي !

اشكر كل من رد وكل من عطاني الامل
ولكن برضو فيه افكار انفهمت غلط
افهمو ياناس انا ما اضفت اي بنت
يوم انفصلنا وقتها تكلمت مع وحده بتويتر
لا حبيتها ولا شي لسه مجرد كلام عشان انسى الي صار
وبعدها خلاص انتهى كل شي بمجرد عودة حبيبتي
واما الي تقربلي هي الي اضافتني
رغم انها تعتبر طفله هذيك الايام
وكمان ماطولت مجرد ايام وحذفتها
واما الكيك هم اضافوني ولا طولو وحذفت الكيك كله
وانتهينا على كذا
انا مستحيل اضيف اي وحده واكلمها
المشكله مجرد محادثه لا تتعلق بحب ولا شي وانتهت
ما اشوف انها خيااااانه عظمى تستوجب الفراق !!
واني كسرت قلبها وعدمت الثقه عشان كذا !
لا طلعت مع بنت ولا سويت فعل شنيع !!
انا ما اقلل من خطأي نعم اخطأت
ولكني تركت الشي هذا وماراح اعيده وربي شاهد
وصحيح الحياه ماتوقف على احد
بس صدقوني ماراح اقدر انساها مهما كان
لين اموت مجرد ماراح اشوف اي شي يذكرني فيها
راح اتذكرها او اسمع اسمها او قبيلتها
او حتى الحي الي هي فيه
كل شي راح يذكرني فيها وبكل الذكريات معها
وهذا سبب كثيرر من المشاكل بين المتزوجين
بسبب حب قديم ما قدر ينساه او ماقدرت تنساه
الي يدخل القلب ويسكن فيه سنين ويصير جزء منه
مو سهل ابدا انه يخرج منه للابد
وادخلو اقسام مشكلتي بالمنتديات
وشوفو كيف العالم المتزوجه تشتكي من عدم نسيان الحب القديم
رغم الزواج وسنين بعد الزواج وحتى بعد الخلفه
لايزال الحب القديم بالذاكره

على كلن كلامي هذا مو سبب موضوع التعقيب هذا
بل انا الان اريد خطبتها ولكن
لازم اعطيكم التفاصيل كامله حتى تساعدوني
لان وضعها صعب شوي والوصول اليها اصعب
ممكن تختلف عن باقي العوائل
وابغاكم تعطوني افكار عشان اوصل لها
طبعا هي مدلله من اهلها كثير وقبيليه بحته
وعائلتها عائله غنيه نوعا ما
ومافي احد يقدر يجبرها على شي ابدا
لكن هي رفضت 6 عشاني والسابع الان اذا كانت صادقه
هذا خلال سنه وحده 7 رفضتهم
وطبعا هالشي سبب مشاكل مع اهلها واخوانها
لان رفضها كان بدون سبب او اسباب تافهه
ولو تقدمت انا لها طبعا راح تنضغط كثير من اهلها
وهي عارفه لو رفضتني ممكن تكبر مشاكلها مع اهلها
وماعندها اسباب مقنعه لرفضي حتى لو تكرهني
وماتقدر تقول لاي احد عن الي بيننا
لانها راح تكون نهايتها بالعربي
بس ما اتوقع توصل انهم يجبرونها علي
بحكم اني الثامن وصعبه ترفضني بعد

هذا شي والشي الثاني
كل الي املكه رقم جوال امها
لانها احيانا كانت تكلمني منه
وقلت بسيطه اخلي امي تكلم امها
لكن امها من النوع الي ( كيف عرفتونا ومين رسلكم علينا )
لدرجة انو وحده كلمتها تخطب لولدها
ورفضت تقول مين الي رسلها عليها
وفي الاخير قالت اجل ماعندي بنت للزواج
متخيلين كيف حتى الام عااااائق لوحده
يعني كيف نقنعها ووش نقولها
هي تبي تعرف من فين مرسلوين عشان تسال علينا

طبعا امي انا سهل اقناعها وماترفضلي طلب مهما كان
حتى لو قلت صديقي نصحني بهذي البنت
وهي تقربله لان اسماء الالقاب تتشابه صديقي والبنت
وعطاني رقم امها عشان اخليك تكلمينها
ورفض اننا نقول مرسولين من فلان
فابي رايكم وافكاركم حتى اوصل للبنت
بعد ما نعدي عائق الام

طبعا ليش ابي اخطبها وهي تكرهني او تركتني لسبب
لاني واثق جددددا اني راح انسيها الي صار
واخذت عهد على نفسي اني انسيها حتى بيت اهلها
وهذا وعدي لها من سنين وماراح اخلفه
حتى لو كانت كارهتني بالبدايه
عندي استعداد اصبر عليها لين اعدل نظرتها فيني
زي ماخليتها تنسى الي صار والي هو سبب الفراق الان
لكن زي ماقلت لوجود طرف ثالث رجع الماضي وكبره بعيونها

اما بالنسبه لي ما امدح نفسي لاكن
مافي سبب مقنع يخليها ترفضني
الحمدلله مصلي ولا ادخن ولا راعي سوابق
وموظف بشركه راتبها مايقل عن7 الاف رغم انها مؤقته
وانتظر تعييني الحكومي والي بيكون على المرتبه السابعه
واما السكن عندي شقة ملك كبيره بعمارتنا
وساكن بنفس المدينه واحوالي الماديه الحمدلله ميسوره
يعني الحمدلله مافي اي شي يخليها ترفض
وهذي تحتسب لي من ناحية ضغط اهلها عليها
وودي انها تنجبر وتنحط في موقف مافي مفر منه
لاني عارف انها راح تتغير وجهة نظرها فيني لاحقا
وكثير الي تزوجو رجال يكرهونهم وحاولو رفضهم بدون فائده
والان الوحده تبوس التراب الي يمشي عليها زوجها
بعد ماكانت رافضته تماما !!

الان زي ماقلت ابيكم تساعدوني بافكار
عشان نقنع امها فيها ونوصل للبنت
وحتى افكار لامي اذا فيه افضل من فكرتي
وهذا اخر كرت املكه للوصول اليها وخطبتها
وبعدها اسال الله ان يجبر على قلبي ويصبرني

[آخيل وطروادة]

كما نصحتك سابقا بكيس لعبه الملاكمه ..?

انصحها هي هذا المره اذا راتك مباشرة ان تلكمك
مباشرة بدون تدريب لانك تحتاج للكمه تصحيك من
ما انت فيه .. ?

تقول استطيع ان اقنع امي ولكن كيف اقنع ام البنت .. ?

تتخوف ان ترفضك وانت تعلم انها تحبك .. ?

تقول انك متمكن من اسعادها وماشاء الله عليك راتب جيد جدا

وبيني وبينك وانا اخوك مزنوق بكم فلس

يمكن احتاجك بسلفه ..:MonTaseR_68:

ام البنت بنفس وسيله اقناع امك اقنعها كذلك قل لامك
صديقي الذي دلني عليهم هو لا يريد ان يذكر اسمه
وقل لامك اذا سالتها ام حبيبتك ان تقول الشخص الذي دلنا
عليكم لا يريد ذكر اسمه فاعل خير .. ^_^

ثانيا ام البنت سوف تعرف القصه لكن سوف تعبرها
لا تخشى من هذا الشي فالام قلبها هو قلب ابنتها
سوف تكون مساعده لك ليس كما تتخوف انت

وكل مشاكلك لا تحتاج للتفكير هي جدا سهله وهذا
مايطلق عليه عذر اقبح من ذنب ..?

لا تجعل الايام تذهب منك اذا كنت صادق وتقدم اليوم
قبل غدا واذا رفضتك هي فهذا يعني نهايه القصه وتعلم
انها ليست من نصيبك ولا تحمل نفسك ذنب ويرتاح ضميرك

لكن بعتقادي انت لا تحبث عن حلول بل تبحث عن اعذار ..?

تحياتي
آخيـــل

[مطر الفجر]

الانسان يستطيع ان يعيش بدون حب
لكنه مستحيل ان يعيش بدون كرامه !!!
يا اخي لماذا تفرض نفسك على فتاة لا تريدك ؟
اغلى واثمن مايمتلك الانسان هو كرامته
كيف تريد ان تجبرها عليك وتعيش معك في بداية
انها مجبورة عليك وهي تقول لا اريدك

من لا يريدك ولا يشتريك لايسوى ريال واحد فهمتني ؟
ربما انت كبرت بالعمر لكن عقلك مازال مراهقا
ارفع نفسك وحافظ على كرامتك
والبنت بدالها الف بنت ولا تصر على شيئ قد لا يكون في صالحك
ثانيا ان تقدمت انت الان ستكون خطبتك باطله ولا تجوز شرعا
لانك تقدمت للخطبه وانت على علم ومعرفه بالخاطب
اللذي تقدم لها قبلك !!
لا يوجد هناك امل طالما انها رافضتك
لو كانت تريدك فانها سوف تسهل الاسباب
وتطلب ان تتعرف على اختك وانها صديقتها
وخطبتها لك لانك اخوها
لكن الفتاة واضح لا تريدك ولن تتسهل امورك
ان كانت هي من ترفضك

تحيتي

[ضوء القمر]

اذا عندك اخت بيسهل لك الامر
اذا البنت موافقه عليك والمشكله فقط ف امها فهالشي سهل
اهم شي ان البنت موافقه اذا خطبتها

ممكن اذا معك اخت او خاله او عمه قريب عمرها من عمر البنيه فممكن تساعدك وتتعرف عليها وبكذا تتسهل الامور
ومو لازم امك تكلم امها ليش انت ماتروح وتخطب بدون تدخل الحريم

لكن انا بغيت افهم واتمنى ترد
اللي خطبها هي وافقت عليه او لا ؟؟؟؟

اذا لا فلا تترردد روح اخطب

[السهم الأخير]

أنا بقولك الكلام اللي يوضح لك كل شيء

البنت اعتبرها أختي أو بنتي .

يا فلان ابن فلان كانك رجل عاشق ومتيم وأسير طرف أكحل على قولة الشعراء فما راح تضرك التوبة والاستغفار حتى لو لم تكن مذنب.

يا فلان بن فلان كانك رجل زواج تعال بيتنا وأخطب رسمي وتزوج بعد عيد الفطر .

يا فلان ابن فلان كانك رجل يهتم بعلوم الرجال فكر بعقلك وخل قلبك على جنب الحياة حكمة ماهي جلسة مشاعر.

يا فلان ابن فلان كانك رجال يضحي عاهد ربك وعاهد زوجتك أنك راح تأخذها على الميثاق الغليظ كانك تعرفه .

لو كانت ابنتي لن تكون لك زوجة حتى أشوفك في المسجد بعد صلاة الفجر 40 ليلة .

غير كذا أنت رميت كلمة ما حسبت لها حساب .

مافي شي يخليها ترفضك . بيت وراتب ووظيفة حكوميه .

مبروك ملكت العالم وقلوب العذارى بهذه المبررات.

لن تكون لك زوجة حتى تشرب المر علقما أو سما زعافا.

اعشق زوجتك يا فتى دع عشق العشاق لأهله

هذا قولي وأرفض تزويجك ابنتي .

انتهى ردي والسلام عليكم

[صعفق طاش كندي]

نفسي اعرف وش صار عليه