أنا وزوجي بنتطلق بسبب الحشيش

[مشكلتي]

السلام عليكم ورحمة الله وبركاته
انا اختكم تكفون ساعدوني تكفووون تعبانه نفسيا كنت منومه لي اسبوعين وطلعت اليوم الحمدلله
تعبانه نفسيا جداً لدرجة محد متوقعهاااا
اهلي ماعاد احد يحس فيني 💔
خلاص ابي المووووت ابيه فعلاً مالي حياه بعد زوجي حبيبي اللي قضيت معاه أجمل أيام عمري
انا بنت عمري 23 سنه كان يحبني ولد من جماعتي وانا صغيره وخطبني واهلي وافقوا الا ابوي كان يقولي انا موب مرتاح له قلت ي ابوي ابيه
عاجبني وارتحتتت مررره لما شفته
قال ابوي طيب وملكت عليه وقضيت اجمل اجمل اجمل اجمل ايام عمري معاااه يكلمني طول الوقت. وحتى هو بدوامه يرسلي هدايا لين باب البيت يشحن لي يدلعني دلع موب طبيعي لدرجة البنات يقوولون لي شنو مسويه له وانا مو مسويه شي له بس دعيت الله يحط مكانته بقلبي . يعني مدلعني دللللع مب طططبيعي والله ... وهو شاب وسيم حنون طيب عمره 30 سنه مدرس. يحافظ ع صلاته . . جلست ملكة عليه سنه عشان شرطي اتزوج بعد الجامعه ومرت هالسنه .
وجاء اليوم اللي فيه وفاتي صارت
باقيلي شهر بس واتخرج وحوسه امتحانات وبحوث جاني ابوي واخوي الكبير قالولي .
الرجال ماعاد نبيه اطلبي الطلاق منه وحقه كله بيرجع له انا جلست متنحه سااعه فيههم حتى كتبي طاحت من يدي قلت لا ذا زوجي ماني متطلقه ابوي قاالي ي بنتي الرجال مب زين وصلنا كلام عنه قلت وش هالكلام اللي واصل لكم عنه
يمكن أحد حاقد حاسد مايبني اتزوجه
قالوا لا وسبحان الله وقتها ذاك اليوم زوجي ماكلمني اليوم اللي قبله بس ارسلي رساله بالواتس طبعا انا مشغوله باامتحاناتي مادققت زين
واتصل اتصل اتصل مارد عليييي ابددداً.
هنا فعلا انصعقت رحت لاخوي الثاني قلت وش فيه
قال هو بالسجن قلت لا مستحيل امس مكلمني قال اليوم مسكوه قلت ليش طيب ليشش
قال مسكو مع عيال عمه حشيش ورموهم بالسجن قلت طيب هو ماياخذ واخوي جلس يهديني
ويحضني وانا ابكي ابكي ابكي. ي ليتهم ي ليتهم خلو اختباراتي تخلص وصعقوني بهالخبر
وطبعا ماعاد ردي علي الا بعد10 ايام كل شي مقفل واخواته يقولون لي عنده ظروف ماقالولي بالسجن عشان مايجرحوني
وبكيت ذاك اليوم كله حتى اختباري مارحت لاختبار وحملت هالماده . تنومت بالمشفى اطلطع واخرج ع هالحال لين قبل رمضان .
وصرت اتواصل معاه وهو يتواصل معاي ويحلف لي انه مب له وماقد اخذ هالاشياء وقالي كيف اخذها وانا معلم مربي اجيال
مرت الاايام وماطلقني واهلي يرسلون له طلقها
طلقها جاء بهالعيد وطردوه أهلي .
وانا خلاص تبلدت مو عارفه شسوووي والله احس الحياه مقفله بوجهي اش الحل بالله ي جماعه💔
هل فيه حل لسا ماطلقني اخر رساله بيننا امس
قلت له اش الحل قال اهلك مابيقتنعون اش تبغيني اسوي حاولت بكل الطرق مافي فايده
خلاص طريق مسدود لما قال طريق مسدود حذفته من السناااااب وقفلت جوالي وابكي الى الاااااان

[إحساس شاعر]

::
مشكلة مؤثرة فعلاً .. لكن كل مشكلة لها حل ،
قد يكون خطيبك مظلومًا والدليل أنه خرج من السجن في وقت وجيز لو ثبت عليه شي يمكن تطول إقامته هناك لا سمح الله .
والذي يبدو بل المتوقع انك لا تستطيعين إقناع والديك وأخوانك لأن فكرة تعاطي الحشيش مترسخة لديهم .
وليس المهم أن يقتنعوا هم بل الأهم أن تتأكدي أنتِ أن خطيبك فعلًا بريء أو أنه ترك هذا الطريق بلا رجعة ..
ولا عيب أن يخطئ الإنسان مرة ولكن العيب أن يتلو المرة بمرة.

==
الأنسب أن تطلبي الآن من أهلك مهلة طويلة للتفكير شهرين ثلاثة - سنة . وأوعديهم أن تقرري بعد ذلك
وخلال هذه الفترة تأكدي من حال خطيبك واستشيري واستخيري ..
واحذري أن تطلبي الطلاق الآن أو بهذه السرعة فهذا فيه شيء من عدم التثبت والقول بالظن ..

وتأكدي - إن شاء الله - إذا كان خطيبك بريء فعلاً فسيتغير رأي أهلك وأخوانك خلال هذه الفترة . المهم اطلبي مهلة للتفكير ,,

الله يوفقك ويختار لك الصالح ..

[هولستن رمان]

الله يفررج همممك يا رب .. مشكلتك غويصه جدا و دام ابوك واخوانك رافضيين هالشيء مستحيل تتزوجي بالرجل ذا والله يرزقك بأحسسن منه ممكن خيره .. ولا بأس اذا حاول هو مره اخرى او بإرسال احد مثل ابوه او اعمامه او خواله لأبوك و يتفاهم معاه و عليك بالصلاة الوتر اخر ليل وادععي الله .. و اذا مكتوب لك الزواج منه الله يوفقك ،. كلن ما بياخذ الا نصيبه بالهدنيا و تقبلي مروري :(

[غـيـر مـهـتـم]

اغلب الرجال كانووو محششين سكيرين مروجين

تزوجو


المهم يمكن زوجك صج مو ماخذ شي يمكن عيال عمهم هم يخششون

نضرب لك مثل لو شفتك امك مع صديقتي صديقتك تدخن تروح امك تهاوشك عشان انك تدخن انتي تحلفين م دخنتني بصدقك ولا تصدق اللي شافته ضربت لك مثل فيك عشان تفهمين

اهلك ما شوفو اسمعو بس ع اي اساس احكمووو

يمكن هو ماله دخل انتي كلمي ابوك حولي معه كلمي رجالك افهمي منه

ابكي م يفيد واضح انك تبيه حوالي عشانه

[looly]

:

لا حول ولا قوه الا بالله
دام اهلك قالو لك مو مرتاحين له لا تزعلي بس اكيييييييييد انه معهم دام ما صار شي احمدي ربك عرفته على حقيقته وصدقيني يا اختي حتى لو كان بياخذ ذا الشي مسسستحيل بيقووووول بيكذب ترا انا من اول ما قال مربي اجيال خفت وشكت بامره وانا مالي دخل !!..

حتى لو كان مربي اجيال فيه الصالح وفيه العكس الله يهديهم ويصلحهم :67:

انتي لا تزعلي ولا تشيلي هم شي ادعي ربك واتوكلي هوو احن بالعباد:ورد:

انإ من رائي الله يعوووووضك خير , ويسعدك ووويوفقك وين كنتي:81:

[سعــــود]

_





ولله مشكلة ..
انّ رفعناها للشارب ..
وأنّ طمناها للحية ..

يمكن هو ماهو راعيها لعيال عمه هو برئ
يمكن هم يلي يحششون اهو لا ماهو راعيها
هاذي كله كلام لا يؤدي ولا يجيب دامه انه انمسك من هالسكة ومن هالطاري خلاص ..
الرجل النظيف يلي مايعرف هالحجات مايمر عليها ولا يدور أصحابها حتى ولو كان عيال عمه ..

هذا شر والله رده عنتس وكفش الله قبل ماتعلقين برقبته ويجيكم عيال تكون حياتك أسوا ..
نحن رجال ونعرف دهاليز هالامور وخفايها .
الرجال مانبي نظلمة لكن خلاص دام وصلت السمعه الى هالامور الابتعاد افضل


الواحد لا اخذ قطرة بيره فيه نسبة بسيطة كحول اهو مسافر برا ضاق صدره سنة وأستغفر ربه
فمبالك حشيش ومخدرات وربما اشياء ثانية بعد ..
وسالفة انه مدلعك ويعطيك شي طبيعي في اول حياة جديدة تصير كذا
العلم بعد مايخذك وتقعدون كم سنة وش يصير ..



انا اقول استخيري ربك واتركية والخيرة فيما اختاره الله واسمع كلام ابوك واخوانك :0741:

[سآلفـَة قـ لمْ]

حلفيه على المصحف اذا حلف انه مو راعي هالسوالفروحي لابوك وقولي له .. اذا ماخليتنا نتزوج فلا تستقبل اي احد جاي يخطب
خليه يفهم انك شلتي فكرة الزواج من راسك .. وخليك صارمه ولسانك جاد بالموضوع

وقتها اذا ابوك واخوانك يهمهم مستقبلك راح يوافقون ويتمون الموضوع
اهم شي رجلك اذا حلف لك .. اطلبي منه ما يطلق الا بطلب منك وخذي عليه عهد

اسوء احتمالين ممكن تحصل .. اهلك يا انه يموت ضميرهم ويخلونك مرميه عندهم او يحولونها محاكم وما راح يستفيدون شي اذا الولد ماعليه شي

:msn-wink:

[إحساس طفله]

اسغفري وادعي ربك ان مشكلتك تنحل .
زوجك لو من جد يتعاطى حشيش او يبيع ماكان خرجووج بِـ هذي الفتره القصيره ..
لكن انتي خلي اهلك يسألون قبل لا يظلمون الرجـآل ..
ربي يسهل اموورك يارب

[مسكك الغلا]

_





ولله مشكلة ..
انّ رفعناها للشارب ..
وأنّ طمناها للحية ..

يمكن هو ماهو راعيها لعيال عمه هو برئ
يمكن هم يلي يحجششون اهو لا ماهو راعيها
هاذي كله كلام لا يؤدي ولا يجيب دامه انه انمسك من هالسكة ومن هالطاري خلاص ..
الرجل النظيف يلي مايعرف هالحجات مايمر عليها ولا يدور أصحابها حتى ولو كان عيال عمه ..

هذا شر والله رده عنتس وكفش الله قبل ماتعلقين برقبته ويجيكم عيال تكون حياتك أسوا ..
نحن رجال ونعرف دهاليز هالامور وخفايها .
الرجال مانبي نظلمة لكن خلاص دام وصلت السمعه الى هالامور الابتعاد افضل


الواحد لا اخذ قطرة بيره فيه نسبة بسيطة كحول اهو مسافر برا ضاق صدره سنة وأستغفر ربه
فمبالك حشيش ومخدرات وربما اشياء ثانية بعد ..
وسالفة انه مدلعك ويعطيك شي طبيعي في اول حياة جديدة تصير كذا
العلم بعد مايخذك وتقعدون كم سنة وش يصير ..



انا اقول استخيري ربك واتركية والخيرة فيما اختاره الله واسمع كلام ابوك واخوانك :0741:




اتفق مع رأي سعود


حتى وان كان برئ لن يسلم من الكلام والاتهام

[اللورد يحيا]

الله يعينك وييسر حالك

مشكلتك مشعبكه ولكن حلها الوحيد هو بيد أبوك فقط

حاولي تقنعين الأقرب لك يقنع ابوك بأن لا تريدين زوج غير هذا الرجل وإن شاء الله يتيسر أمرك

وعليك ترديد دائماً ( الخيرة فيما إختاره الله ) سواءً رفض أو قبل ..

[الصولجان]

/

الله المستعان ..!

ان قلت اسمعي كلام اهلك مصيبه !

وان قلت صدقيه مصيبه اكبر !!


الزمن ذا يخوف وأغلبهم صاروا حقين مزاج !


اذا تقدرين تتحملين امور المحششين خذيه وروحي

استريه واذا بتتذمرين !!

استخيري ربك .. موضوع ان زوجك يحشش مو سهل ابدا

ابدا .. شي مولم .. وشي مؤسف


الله يختار لك الخيره الصالحه

[ذو مبدأ]

رديت على الموضوع والقصد كان موضوع آخر
.. آسف

[جَســـــوُرْ..،]

طيب ، هو طلع من السجن وين التهمه اللي عليه ..؟ أنه كان مشتبه فيه و لا كان مع عيال عمه

خذي العلم ، بلا سمعه بلا كلام فاضي اذا الرجال حلف لك انه برئ و الحكومه طلعته من السجن ببراءه فما عليك من كلام الناس

خل ابوك ، يجيبه و يحلف بالقران ان ماله ذنب لا بالتعاطي ولا بالتجاره و يروح يفحص دمه و اذا انه سليم توكلي على الله ..

و لا تتنازلي بسرعه او تتضايقي من زوجك كونه قالك الطريق مسدود ،، فهذا شي طبيعي للإنسان لما يشوف الكل ضده و هنا يبين له معدنك تتخلي عنه او لا ..

[مطر الفجر]

عليكم السلام
لابد ان يثبت برائته ويخضع لاختبار وتحليل المخدرات والحشيش
ان كان نظيف وخالي مما نسب اليه
فانك انقذتيه ونصرتيه واخذتي حقه هذا زوجك شرعا
وليس بالسهل ان تتخلي عنه لمجرد شكوك اهلك وعدم اثبات صحة الاتهام الموجه اليه
تابعي قضيته والتحقيق بها حتى بدون ان بعلم اهلك ابحثي عن احد معارفه او اخواته
كثير ناس كانو ضحايا بسبب الذين حولهم
حاولي ان يستمر التحقيق في اتهامه بالحشيش
لاتستسلمين ولا تضعغين ياعزيزتي الحياة ابتلاءات واختبارات
كوني قوية وخذي حقه
وان ثبت انه فعلا يتناول حشيش احمدي الله الف مره لانه ابعدك عنه
وكوني على ثقه بان الله كتب لك الافضل
وبكل الحالات لاتحزني
بالتوفيق ان شاء الله

[NORAH]

استخيري الله ووكلي امرك له والدعاء خاصة بالثلث الاخير
من الليل ان يسرلك مافيه الخير

[عاشق الحرية]

المشكلة تكمن في تلكـ القاعدة ( الشر يعم والخير يخص )

وهذا ما جعل أسر كآملة تتأثر بسبب واحداً منهم سواء ذكراً أو أنثى ...

ونسينا قول الله تعالى: {وَلَا تَزِرُ وَازِرَةٌ وِزْرَ أُخْرَى}

فحسبنآ الله ونعم الوكيل


لو كان فعلا ثبتت عليه الشبهه لما خرج من السجن بهذه السرعه ...

ولكن تظل الولاية بيد أهلكـ وهم أعلم بمصلحتكـ ... وربما كان في ذلكـ خيرا
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}


وفي الختام عليكـ ...

وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ(45)



تحية طيبة

عاشق الحرية

[آلمتفائله]

سوو تحليل حق المخدرات والحشيش يحللون دمه قبل لاتظلمونه

يمكن يطلع بريء وماسكينه مع عيال عمه

ولو فعلا فيه شي ليش بيطلعونه من السجن بهالفتره القصيره

وانتي لو حسيتي مرتاحه وطلع مافيه شي خلاص توكلي على الله

احسن ماتظلمونه

باختصار انا مؤيده لرد جسور

موفقه والله يكتب اللي فيه خير

آلمتفائله ..:81: