خطيبتي

[مشكلتي]

السلام عليكم ورحمة الله وبركاته

مساء الخير

بقولكم كيف صارت الخطوبه عشان تكونو بالموضوع
نادتني اختي وجيت حصلت زوجة اخوي واخوي وخواتي متزوجات وامي جالسه
كنت مستغرب من اجتماعهم اكيد في شي قالت اختي انت ليش اكثر وقتك لوحدك
مهموم قلت ولاشي اخوي يدري بكل شي واثق منه مايقول لحد انا احب وحده
اخت زوج اختي لما تطلبني اختي غرض اجيب لها واحصلها البنت اعجبت فيها بطريقة اسلوبها
واسمع تتكلم مع اختي ادري اللي اسويه غلط بس مادري صار شي بداخلي حبيتها على طول
شفتها نظره اعجبت فيها ادري والله غلط اللي اسويه بعد فتره سمعت انها تزوجت وكنت محزن عليها وماشوف غيرها بالدنيا وعلمت باخوي بكل شي قال شوف غيرها قلت مستعد استنيها مابغي الا هي
المهم لما قالت اختي اشفيك لوحدك قلت ولاشي قالت طيب اجلس قلت مستعجل قولي اش عندك
قالت طيب اجلس واقولك جلست قالت احنا خطبنا لك فلانه اللي هيا اخت زوجة اخوي
قلت مابغي اتزوج بدري عالزواج قالت اللي تنتظرها راحت سكت انا قلت طيب
المهم هم سوو كل شي تمت الخطوبه بعد الخطوبه صارت تتشكوى لأختها واختها تقول لأخووي
ااحس طفشت من مشاكلها لاحد يقولي انت غلطان تتصل كل شوي تقولي مواضيع تافه
مره اتصلت علي وتقولي مشاكلها مع اختها ومره مع اخوها لدرجة تنزل صورتي بانستقرامها
انا خطبتها وملكة عليها بس باقي ماتم الزواج احس مره اسلوبها مره خفيف
يعني مستخفه اذا اتصلت ومارديت تجلست تتصل مره ومرتين لما ارد حتى لو نايم واذا رديت عليها ماعندها سالفه قولو لي الحل بس مايضرها بشي

[مرجانة]

انت عارف ان السبب الحقيقي في عدم تقبلك لها هو رغبتك في البنت اللي راحت بنصيبها و تزوجت

مدري ايش اقول
لك الخيار إما تتقبل الواقع و ترضى بهذي البنت و تفتح قلبك لها و تحاول تنشغل و تهتم فيها إليما تخف مشاعرك ناحية البنت اللي تحبها
و عش حياتك مع زوجتك و ناقشها بالأمور اللي ما تعجبك عادي ما فيها شي

و ان شاء الله تكون لك مثل ما تحب و تتقبلها في حياتك كزوجة و شريكة حياة

و إن ما كنت تقدر و كارهها ، و بعدك مو مستعد للزواج لا تجبر نفسك عشان ترضي اهلك
لأنك بتظلم بنت الناس .. اتركها و بعد ما ينسيك الوقت و تكون مستعد تزوج


الله يعينك و يهدي بالك يا رب و يكتب لك الخير

[' خآلدية الهوىَ]

لازم تقنع عقلك الباطني ان اللي تبيها رأحت وان هاذي هي زوجتك وام اطفالك
ما ادري حسيت من كلامك ان ودك تنهي الخطوبه ب الطلاق وتبتعد عنها
لاكن طالما البنت اخلاق وماشي يعيبها لاتتسرع وحاول تتمسك فيها
الامور والمشاكل هذي بين الزوجين في كل اثنين تحصل
وانت لاتتوقع انك بتتزوج وحده نفس طبايعك لا طبعا انت طبعها ب اللي تبي
وقول لها كذا غلط وكذا مايعجبني لين ماتتطبع هي بطبعك او انت تعشق طبعها
الله يوفقك ويكتب لك الذريه والسعاده الحياه محتاجه صبر ,

[إحساس طفله]

طيب قبل لا تتم الخطوبه والملكه انت صليت استخاره ولالا
حاول تصلي وشوف ان ارتحت اوك وان ما ارتحت طلقها ..
وريح نفسك لا تظلمها وتتعب بنت الناس معاك ..
الله يكتبلك اللى فيه الخير

[مطر الفجر]

عليكم السلام
ارجو ان لا يغضبك ردي
لكن ان لم تكن مستعد نفسيا وعاطفيا بالارتباط من هذه الفتاة
لا تعلقها ولا تخدعها بمشاعرك الزائفة وتؤذيها ويتم الطلاق !
اتركها لمن هو كفؤ لها ويحافظ على مشاعرها
ما الفائده انت قلبك معلق مع غيرها ولا يحل لك هذا
اما ان تهدم حياتها قبل ان تتزوج بها فانا اقول لا تؤذيها
اجعلها ترى نصيبها وانت ابقى عالج نفسك
حتى تكون مهيئا نفسيا ومستعدا للارتباط
وانت من تقرر متى ترتبط وليس اهلك واخواتك !
تحيتي ....

[شَتاتْ.]

انت خطبتها وانت اصلا مب متقبل الارتباط بغير الي تحبها
وبعدو شكلو البنت برضو ماجازت لك وماتقبلتها زود
طيب ياخوي ذا زواج وارتباط لمدى الحياة مب فتره مؤقته
يعني ذي علاقه تخصك مفروض انت بس الي تقرر وتختار
بدون ظغوطات لا اهل ولا غيره
واذا فيه وحده بقلبك؟ كيف قدرت تخطب ثانيه؟ شذنبها المسكينه
انت قاعد تظلمها معك ولا وحده ترضى تتزوج واحد يحب ثانيه

اذا منجد انت ماتبي تتزوج واهلك خطبو لك بدون مايشاورونك
مافات شيء توكم فالبدايه الانفصال الحين ولا بعد الزواج
راجع نفسك ومشاعرك وفكر كويس اذا انت تبيها تصير زوجتك وام عيالك او لا
ولا تنسى تستخير والله يكتب لكم الي فيه خير

[عاشق الحرية]

أنـت أكثر إدراكـاً أن الزواج قسمة ونصيب
وأنه عشرة عمر ومستقبل أجيال ...

من تزوجت ذهب لنصيبها وإعلم أن الله أراد لكـ ولها الخير بذلكـ

المشكلة لاتكمن في خطيبتكـ الجديدة المشكلة تكمن في عدم تقبلكـ لهآ وتعلقكـ بالسابقة

كما كنت على أتم إستعداد لإسعاد الأولى فأسعد الثانية فهي أصبحت حلالكـ وهي أحق بالتضحية من بقايا مشاعر إستغلها الشيطان للتفريق بينكـ وبين زوجتكـ

ملاحظة : أكبر خطأ إرتكبه أخوكـ هو إفشاء سركـ لمعشر النساء ...حاول قلب الطاولة عليهم بتصرفاتكـ قبل أن يقلبوهآ عليكـ أنت بأقوالهم ..!


تحية طيبة

عاشق الحرية

[باخ]

,



شوف وانا اخوك
راح اعطيك الزبده
انت مو راعي زواج

من كلامك و طريقه تعاملك للامور ما راح ينفع تتزوج
انا من رائي اتركها تشوف نصيبها عشان ماتتورط معك


وانت لا كبرت و عقلت ذالك الوقت تزوج
وبطل هالحركات التافهه



.

[وطن قلبي]

عليكم السلام
عزيزي شوف العلاقات كلها ممكن تمشي حالك مع اي احد
الا الزواج
الزواج ياتكون انسان واقعي وتعيش حياتك
ياتكون انسان غير واقعي ومتمسك بوهم ماراح يوصلك ولا راح ترتاح ولا راح تريح اللي حولك
الحب اللي بقلبك من طرف واحد واحتمال مايكون حب مجرد اعجاب
انتبه لنفسك تغلط على خطيبتك على حساب حب مزيف

ركز على النقاط الايجابية في خطيبتك
سولف معها وعلمها باهتماماتك
افتح لها قلبك
مو تقول ماتقبلتها وخلاص
كل شيء له حل
والحل عندك

ياتكون رجل عند كلمته لما رحت تخطبها ووافقت عليها
ياتكون رجل لا يعرف مايقول ولا يؤخذ بكلامه
واعذرني على هالكلام
الموضوع جدا نرفزني
وانتبه لنفسك من الظلم


ودي

[السهم الأخير]

السلام عليكم ورحمة الله وبركاته

أخي الكريم

الحب أنواع والعشق أنواع والعهد والذمة مراتب ولكل شيء ثمن

من وجهة نظري :

أنت رجل عاقل ولازم تعطي الأمور حجمها . البنت صارت على ذمة رجل آخر فلا يحق لك أن تعشقها ولو سعيت بشكل مباشر أو غير مباشر للحصول عليها عن طريق طلاقها من زوجها فهذا خطأ كبير وذنب عظيم.

أخي الكريم لا تهدم بيتا لتكسب حجرا

الإنسان الكريم لا يعلق نفسه بما يملكه الآخرين وما ليس من نصيبه .

أنت تهرب من الخير والأجر وتبغى تعلق نفسك بعشق لا يحل لك ولا يناسبك وليس لك فيه حظ أو نصيب؟

المسلم دائما يتاجر مع ربه تجارة رابحة فليش تترك التجارة الرابحة وتلجأ إلى تسجيل اسمك في قائمة العشاق المحرومون من العشق؟

إذا كنت رجل عشق فاعشق زوجتك وادع الله أن يجمعكما في الدارين على الخير والنعيم .

صدقني ما بني على باطل فهو باطل فلا تتعلق بقلب ليس لك فيه حظ أو نصيب .

الله يوفقك وشد الهمة الدنيا أقوى وأقسى من العشق وأرق من دموع العذارى وأجمل من لمعان البدر