سجل حضورك بأجمل الأبيات الشعرية على ذوقك ● تجديد ●

[رِقة أُنثى]

:



جملة صباح الخير مع شوفتك غير
حي القـبال السمح والخاطر الولف

الورد وأغـصـان الشجر والعصافير
حتى الصباح يـقول يا مرحـباً ألف :نبض: .



/

[الوسم]

يا قمر شفت نورك وأنت حولي تدور
في زمن جفّل القمراء شبح ظلها
الغلاء والوفاء يبقى بخافي الصدور
و المشاعر تتوه و مثلك ايدلّها
تنتظرك الحديقة والزهر والطيور
جلسة الود تنتظرك مع زلها
كان ودك بكلمة راس عند المرور
والحكايات فلة و أنت من فلها

الوسم

[بحه عتب]

في خاطري كلمة وفي خافقي جرح
وفي نظرة عـيوني قصيد وســوالف

كـم نظــرةً مـني ما تبــغالها شـــرح
تعـكس شـغف قلبٍ مـن الحـب تالف



:81:

[الوسم]

ما دام القلوب الطيبة وقفت صفي
و جتني تقدم لي شهادات واقلادة
مع طلعة الطابور يا فرحتي صفي
لأنك على صوت الزغاريد معتادة

الوسم

[بحه عتب]

كنت اشوفه كل ماغنو الامااكن
وجيت قبل العطرر يبرد م لقيته

للاماانهہ م قدرت أنسااھ لكن
كبريآائي حدني غصب ونسيتهہ!!

[الوسم]

انتظرتك بس طيفك ما وصلني
ودي إن ارضاك يحتل المدينة
عطني من ألوان طيفك واخذ مني
كلما في البيت و اكنوز الخزينة
الوسم

[بحه عتب]

آللي جرحہ آلوقت م يلحقہ عيب
و آللي جرحہ آلھجر يفقد مزآجہ

جرح آلزمن مصيرھ آيآم و يطيـب
و جرح الھجر ما اظن يوجد علاجہ !

[الوسم]

البارحة كنت أرفع الصوت للشوق
واليوم لا صوتي ولا الشوق موجود
سلكٍ يوصل بين الأحباب محروق
حتى ولو إنه مع الجو مشدود


الوسم

[زياد الشمري]

صح لسانك يالوسم
'
،

‏بعتني برخيص لو مشراك غالـي
‏ما يساوي حبنا جرح الضميـر
‏-
‏لا تذكّرني بوقتٍ قد مضـى لـي
‏لا نسيت اللي مضى جـف النظيـر

[سحاابة عطر]

قصرت في حقك وانا غصب عني
ياجعل ما ربي يقصر لياليك
وشلون اعافك وانت فيني ومني
الشك خله يابعد عين مغليك.....

[عذب]

والله غريبة قصة الشوق فينا
واكثرغرابة فالهوى كيف نشتاق
لاصاروا اغلا احبابنا في يدينا
نقسى ولاكنا حبايب وعشاق
وان ابعدوا عنا عليهم بكينا
نذرف عليهم دمع الأعيان حراق
حنا كذا نبخل على الي يبينا
ونسمي انفسنا عظيمين الأشواق

بوحي

[ذو مبدأ]

عين بها لوعة الاشواق ملحوظة
ما كل من هب ودب يملاها

لك دون غيرك حقوق الحب محفوظة
يا اعز هالناس في قلبي ويا اغلاها

[ذات]

http://store6.up-00.com/2017-04/149179547867431.jpg

[عذب]

ياما كتمت اشياء واشياء واشياء
والي كتبته شي من شي مخفي
ياما دفنت اموات في جوف احياء
والي لقيته من عنا الوقت يكفي
بوحي

[شموخ أنثى]

مادام عرش الغلا ، فالصدر تحتله
لو تكثر الناس حولي ..لايهمونك ..!

[الوسم]

اشتقتلك في ساعة ما معي غير
طيفك يجي بالقرب و يلف يمي
وهواجس (ن) تقبل و تقفي مغاوير
و حب (ن)تمشى مع شرايين دمي

الوسم

[عناق الغيم]

_
كم ذبحني غيابك واستحيت اسألك
انت توله علي .. كثر ما اوله عليك

[شموخ أنثى]

‏
أنا على وضح النقا صنت مبداي
أموت قبل أفقد مقامي وأنا حي
ٰ
من تزعله يمناي ترضيه يسراي
ومن راح من لاشي يرجع بلا شي

[سحاابة عطر]

حزمت الشعور .. وقلبك من الجفا ماحسّ وصار الوله .. موضوع خارج من يديني انا ماطلبت الكون كله .. طلبتك بس تكون الحياة بكل ما تعني ..

[الوسم]

ليه العرب في آخر الوقت قاسين
ما عالجوا ولد العرب من صوابه
لو ينظرونه ضيع الخط بالعين
ما يرشدونه درب بيته وبابه

الوسم

[شموخ أنثى]

‏مساك انا والورد والعطر والشوق
ومساك شعري لا تخيلت .. عينك
.
ومساي نظرة عينك وحكيك الذوق
مساي نبض العشق بيني وبينك

[دُرة]

-

يومها بين ايديني والغلا عادي
ويوم قفت تفجر حبها فيني
كنها حطت التوقيت بفؤادي
لامشت حبها يفجر شراييني
قبل تقفي وانا متماسك وهادي
وعقبها ضاق كل الكون في عيني
غلطتي كنت متراهي ومتمادي
كنت احسب الزمن والوقت يمديني
واثر من لا تغانم فرصته غادي
اه يا فرصتن ضاعت من سنيني !

[الوسم]

‏من يجحد الوجعات ما هو بجاحد
ومن يدمح الزلات ما هو بمسكين

ومن يجمع الصفين في صف واحد
افلح من اللي يقسم الصف صفين.

صباح الخير ❤"

[أمنية بيضاء]

هذي هـي الدنيـا من الباب للباب
وعن القدر ياناس .. مـابــه مفـره

جينا عليها أغراب و بنروح أغراب
ويابخت منهو يكفـي الناس شره

[شموخ أنثى]

‏سلام مثـل الغيث تحيا به القاع
يحـيي قلوبن ماتحـب القطيعه
،
قلوب تربطها الاخـوه بالاجماع
تتبادل المعـروف فـوق الوسيعه ✋

[عذب]

كثيراشياء بالدنيا تضايق طيب النية
وانا من جورها ياصاحبي ضايق ومتضايق
اشيل الهم في صدري وصوت الآه مخفية
ومن يسأل عن احوال المزاج اقول له رايق
بوحي

[الوسم]

كل تفاصّيلك لها بَ عيني مُواري
وش تبي مني ؟ وأنا عيُوني تشيلك

[ذو مبدأ]

بعض العرب لا شاف نعمة حسدها
حاسد ويحسد فالسماء حايم الطير
وبعض العرب لاشاف نعمة حمدها
من طيب قلبه ، وده الناس في خير

[سحاابة عطر]

ما حسوا بـ جرح الفراق الناس ، ما حس فينا الاّ مدامعنا حتى القصيد المرهف الحسّاس ، بكا علينا .. ما بكا معنا !*

[أمنية بيضاء]

لو انّ الحظوظ تباع للناس وسط السوق
غدينا لها في زحمة الناس وزاعه


بحسب البشر والله خلقها دمى و عروق
وكلًً على جده و ساسه و مرجاعه


لكن الحظوظ بدبرة الله للمخلوق
ماهي حسب قوة عقله و قوة ذراعه


تحت الارض والا فوق والله بعرشه فوق
ومقياسنا عنده بتقواه و الطاعه

علي بن ضاوي

[عذب]

وش فيك ناوي تشمت كل عذالي
وانا دفنته بقلبي شي يهول
تنشدعن الحال كنك تجهل احوالي
الحال باقي على ماكان مثل اول
اسري مع الهم والضيقات تبرالي
واسامر الليل مهما ليلنا طول

بوحي

[اسير الطموح]

على سبيل الظلم وعدم الانصاف




‏انا المشتاق .. وهم اللي يشوفونك !!!!!!!!!
‏

[أمنية بيضاء]

‏عين الله ترعاك ياللي عن بالي ما تغيب !

[فآآرس]

والله اني مالقيت اوفا من اللي
لو يغيب اسنين للعشره وفا

ووالله انّي ما لقيت اشين من اللي
وقت ضيقك غاب عنّك واختفا





حرف فآرس ..

[الوسم]

جاك مرسال المحبة يحمل إعجابي و شوقي
ما يبي غيرك بديل و لا مع غيرك علاقة
شاف فيك من المزايا كل غاياتي و ذوقي
في حلاك وفي رضاك وفي تعابير طلاقة
الوسم

[فآآرس]

وابتدا ليلٍ جديد
وابتدا فيني الوله
.
ياااقريب وياابعيد
خذ من الوقت اجزله
.
انت يالقلبك جليد
ماضي حبّگ تذكره ؟












حرف فآآرس ..

[الوسم]

يا سلام يرفع القدر و يشيله
فوق راس النايفة تحت الثريا
للخيل ألي ثبت حبه وكيله
يسكن بوسط الخميلة ويتهيا
مال ميزان الغلاء و أكبر دليله
يدخل القوس المدور وتفيا

الوسم

[فآآرس]

ما الومگ لو قطعت
دام احبابگ كثير..

بس تگفى لو سمحت
لا تعشّم.. ثم تطير








فآآرس

[الوسم]

أفرح ليا لديت يمي وأحييك
وأفرش لك المدخل حرير وقوافي
وأقول لو صديت ربي يهنيك
خذ راحتك يا جعلها لك عوافي

الوسم

[سحاابة عطر]

ما أبغاك تتركني مع الحظ لا جاد..ضُم الوعد من قسوة البرد و إدفه صُدفك ما أبيها , أبي منك ميعاد وفاك عندي , خير من ألف صدفة ..!

[الوسم]

سألت الزمن عن بيض الأيام وين تحروح
ليالٍ مضت و أيامها وين ألاقيها؟
ليال الطرب يوم السعد والهنا والبوح
تلاشت وأنا في الذاكرة ماسكٍ فيها

الوسم

[عذب]

ياسخافات السكوت ومتعبات الهمهمه
ياانكسارات الحروف الي تراجف خايفه
ياضياعات المعاني في شفاه الترجمه
يااختناق الهرجه الي فالمحاني طايفه
ياكلام العين يالي كل قلب يفهمه
ليه تسكت عن غرام في عيونك شايفه
ليه ياصوت الحناجر كل بوح تكتمه
ضاقت انفاس المشاعرلين ماتت واقفه
بوحي

[moonlight33]

علمتني اهواك واذكرك واعيد
وعلمتني اسلك مسالك سبيلك
وعلمتني حرمان روحي من العيد
وعلمتني انسى جروحي واجيلك

[سافانا]

فمان دموع عينـي والغـرام وحبـك المرسـوم
مثل نقش الحجر في وسط قلبي لـه أثـر باقـي


للشاعر صالح السكيبي

[الوسم]

نسيم الصباح تداعبه نوته و الورد
يزفه مع رش المطر جوه الصافي
مطر نوته و السيل يحيي الفياض الجرد
سحابه يشوق العين تحت الساء ضافي
تنحى ديار(ن) ما لها في غلاها ند
سقاها سحاب المزن في جوه الدافي

الوسم

[الفاقد]

مــــا صـفـالــي يــــوم حـطـمـنــي الــكـــدر
صــار خـلـي يـشـتـري فـيـنـي و يـبـيـع
صــابــرٍ والــجـــرح يـكــبــر بـالـصـبــر
وا عـــذاب الـقـلـب مـــن جــــرحٍ وســيــع

[ذات]

ماعاد أقول الكلام إللي أحسه قوي،
لأن الكلام القوي .. ماهو مجرد كلام.

[عذب]

يبطون والله مايجون فمكانك
مكانك الي في خفوقي مكانه
قلب العطا والحب يازين صانك
مايختلف لو يختلف به زمانه
باقي على ذكرك وحافظ حنانك
عندي عهود الحب مثل الأمانه

بوحي

[الوسم]

مساء الخير يابوح الحنين وقمة الإحساس
مساء الخير يا فرحة بيوت الحي وأعياده
مساء الخير يا رمز الجمال و معدن الألماس
مساء الخير يا طلة شعور القلب وأمجاده


الوسم

[شموخ أنثى]

‏ياللي بحنانك تنتهـي كل ا لأوجاع
أنت الوحيد بدنيتي شي ضـروري
حبك ملكني واستقر بين الأضلاع
وانفاسك العذبه عبيري وعطوري

[عذب]

انا احمدلله ماعلى خاطري غير
فرض الصلاة وطاعة الوالديني
واعرف بأن الرزق يبدا مع الطير
مكتوب للانسان يومه جنيني
والعمر مهما طال يالفاهم قصير
محد يبي يعمر طوال السنيني
لكن عسى الله يجعل اعمالنا خير
ويكتب لنا الأحسان في كل حيني
بوحي

[دُرة]

.


‏انا لي قلب من ليلة فراقك ضاع
‏مع إني كنت أطوّق حوله ضلوعي
‏

[الوسم]

يا شعوري كيف أعبر شعوري كيف أقول
ودي أكتب كلمةٍ أحتفظ بحروفها
كلمة صغرى وفي لفظها شرحٍ يطول
وفي لحن قولي تبين كثير وصوفها
الشعور يفور طاغي و أنا نفسي خجول
و أتحاشا الغلطة الطايشة و أطوفها

الوسم

[فآآرس]

الحكي وياك نوع من الجنون
فيه سحر وفيه احاسيس ووله

ليت دقات الدقايق من تكون
قدم عيني يا غلاي مطوّله






حرف فآآرس ..

[ابن الهيثم]

‎رب مـن أيـن لـ الـزمان صباه
‎إن غـدونـا وصـبـحـه ومـسـاه

‎لن يـرى الحـب بعدنا من حداه
‎نحـن ليل الهـوى ونحن ضحاه

[عذب]

المعذرة ياشوق لوراحـــــت الروح

مدام وصلك مقفيـــــــات مــزونه

الموت لاجامنك يازين مســــموح

كان الغلا بالمـــوت جهز كـــــفونه

مادام عرق الوصل بالصد مذبوح

اصبــــــر لشــوق قلوبنا يدفنونه

واليا دفنت الشوق اكتب على اللوح

مرحوم ياقلـــــــــب تهاوت ركونه

بوحي

[جديلة ورد]

نبتسم حتى لو إن الحلم : تآلف
نزرع :الآمآل لــكن ؟ وش جنينآ

ننجرح ونقول : عآدي مآ يخآلف
وكل جرح ؟يوصي الثآني : علينا

[عذب]

على شفايفها رقد احمر التوت
نام وتلحف من شهد شفتيها
والسكرالي فوق الاطراف منحوت
احلى عبارات الحكي ذاب فيها

بوحي

[سحاابة عطر]

آرميك شوك ، وترجع لـ خاطري ورد ، !! الله .. يـا مجمل ( وفاك ) بـ حياتي ،

[دُرة]

.

‏ان كان لك حاجه ولا لك قدره
‏لك رب له قدره .. ولا له حاجه

:رحيق::نبض:

[عذب]

ياحلم عطنا وعد في الحب يلهينا
خل انتظار الوعد للنفس تلهى به
ياطاري اليأس لاتقتل امانينا
وش عاد لو الوعود تصير كذاب

بوحي

[مسكك الغلا]

تدري وش اللي بالخلايق يمشيك
ويحط لك بالناس ( قيمه ) و ( شيمه )

طيبك و أخلاقك و صادق مباديك
ونفسٍ بشوشه بالتعامل حشيمه.

[عذب]

الي تملك خافقي والروح
من رمش عينه مكن سهومه
له نظرة من صابته مذبوح
منها قلوب العشق مكلومه
من جسمها عطرالربيع يفوح
غرو ينام الورد بهدومه
بوحي

[بحر الحب]

غدر الزمان لطالما...رقصت على جثث الأسود كلاب

[الوسم]

يمك الشوق انحنى يوم حبك فيه ساد
والسرورإن غبت عني معك غاب السرور
يمك أحلامي سرتبي على خد الوساد
وناولتني عند بابك مفااااااااتيح العبور
من سرى في ليلة البدر ما خاف السواد
ومن رقا في قمة المجد نوره زاد نور

الوسم

[شموخ أنثى]

سويت لك من داخل القلب فنجال
بنه أحاسيسـي و هيلـه طموحـي

الھيل أبقى معك فـي كل الأحوال
و البن أحبـك يابـعـد روح روحـــي

[وهج]

الموت جاك وهو تقلبه الظنون
ولا لك إلا الصبر وش وداك له

[عذب]

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

[الوسم]

لو لمستي نبظ قلبيي من يدينك تعرفين
حسي النبض الغلاوي تعرفين إنه يبيك
وان بقت يمناك فوقه مع حنانك ساعتين
قلت لك يا نورعيني جعلها تسلم يديك

الوسم

[فخامة ملك]

ﺗﺒﻲ ﺍﻟﺤﻘﻴﻘﻪ ﻋﺎﺩ ﻭ ﺍﻟﻌﻠﻢ ﺍﻟﻮﻛﺎﺩ
ﻳﺎﺯﻳﻦ ﺣﺒﻚ ﻟﻮ ﻭﺻﻞ ﺣﺪ ﺍﻟﺠﻨﻮﻥ

[رِقة أُنثى]

-








على فقرك وفقتي بِ الجمال الحُور
توالفك الاماكن والطيُور الشرد ، ضحَك
شباكك ونادى عليك النور ، ونبت مع
طلتك على جدارك ورد .

[آلنـور]

‏يا رفيق الصبح والحكي اللذيذ ،
يا وسادة خاطري صبحك جمال ..

[شموخ أنثى]

‏لا ضقت من دنيتك ، وأستاءت أحوالك
لا ينشغل بالك .. وجاهد على : صبرك

لا متّ بكره ، معك فـ القبر .. أعمالك !
الحزن ، والضيق .. ماهي داخله قبرك

[ابن الهيثم]

.


‎أنت السعادة و الكآبه
‎و الوجد حبك و الصبابه
‎أنت الحياة تفيض بالخصب
‎المعطر كالسحابه
‎منك الوجود يعب
‎فرحته و يستدني شبابه
‎و على عيونك تنثر
‎الأحلام أنجمها المذابه
‎و على شفاهك يكشف الفجر
‎الجميل لنا نقابه
‎أوحيت للشعراء ما كتبوا
‎فخلدت الكتابة
‎و همست للخطباء فارتجلوا
‎البديع من الخطابه
‎و خطرت في التاريخ طيفا
‎تعشق الرؤيا انسكابه

^

حـواء العظيمة لـ غازي القصيبي رحمه الله ..




.

[عذب]

انا جديدي جرح من جور الأيام
هذا جديدي كان تبغى جديدي
فيني جروح ضايمتني من اعوام
متغلغله بالروح داخل وريدي
يكفي على قلبي من الهم منضام
ارجوك لا تترك جروحي تزيدي
لوباح مكنوني فلانيب مـلام
من حر مافيني يذوب الحديدي


بوحي

[الوسم]

ياألي صباحك سعد قلبي و عيني
سكر غلاك القوس فيني وحدد
يا غصن موزٍ مع فروعه يليني
ميل علي بأجمل غصونه ومدَّد
يا أجمل قوامٍ شفته أجمل سنيني
فارع على كل الغصون وتسيد

الوسم

[عذب]

مهما كتبنا عن مشاعرهوانا
يبقى بعضها داخل القلب مدفون
ماكل من يتبع هوانا لقانا
في الحب مانتبع هوى الي يقفون
الا الذي في الحب يشري غلانا
نشري غلاه ومسكنه داخل النون
نعطي وفا واخلاص للي عطانا
ونترك هوى الي بالمحبة يمنون
وحده بوحده بالجفا من بدانا
والي تعنوا في هواهم يعذرون
بوحي

[الوعد القاطع]

يـا مـاخذ الـروح وش الـلي مـابقى فيني
أخـذت روحــي وساكــن نبض خافقهـــا

غــلاك عـنـدي وشـوفـك فـرحة أسـنيني
أحسـاس خافق لسـاني صــدق يـنطقها
:
/
|

[رِقة أُنثى]

-















غني على هذا الصباح الداكن
الشمس من لحنك علينا تشرق
انتِ نجاة اللي يحبك لكن ، انا
الوحيد اللي بحُبك غرق .

[الوسم]

صاحي و مستانس و معجب و محتار
و ينقص علي من منتهى الأنس حاجة

حاجة ملاها السر قيمة و مقدار
و ألي ورى الأبواب ذكره سماجة

فيها من الغيمة سحايب و مطار
و فيها من الوردة ليان و غناجة

الوسم

[عذب]

ياكتاب الأماني وين كل الورق
كم قريتك ليالي مالقيته مناي
مالقيت بسطورك غيرليل وأرق
والحروف الكئيبة خاب منها رجاي
منك عنوان حظي يالكتاب انسرق
مابقى غيرصفحة حبرها من شقاي
كل حرف من الآمال فيك احترق
والمعاني الحزينة زودت في عناي

بوحي

[mohalbrans]

احرمت عيني نومها وقلت النوم عيا يجيني
سرت افكر بماضي جروحه صارت قديمه

[ســاراْ]

اه يا ذيج المدينة ..
هناك يمج التقينا ..
بس بحبنا ما ارتوينا..
عيون الدنيا جانت بس علينا ..
الگلب بقة واحد ..
بس تفاركت ايدينا ..
اه يا ذيج المدينة ..
من رجعنا والتقينا..
ماحچينا..
بس بچينا..

يارب الكل يفتهم لهجة الشعر :نبض:

[شموخ أنثى]

‏ﻭﺩﻱ ﺃﺣــﻄﮓ ﻓﻲ ﺿﻠﻮﻋﻲ ﻭآﺧﻠﻴﮓ
ﻻ آﺑــﻮﮒ ﻳﺴﺄﻟﻨﻲ ﻭﻻ آﻣـﮓ تجيني

ﺣﺘﻰ آﺧـــﻮﮒ ﺍﻟﻠﻲ ﻳﻌﺰﮒ ﻭﻳﻐﻠﻴﮓ
ﻳﻨــﺴﺎﮒ ﻓﻲ ﺻــﺪﺭﻱ ﻭﻻﻳﺒﺘﻠﻴﻨﻲ

[الوسم]

لو سمحتِ من بعد إذنك دقيقة
وإن تكرمتِي فزيديها دقايق
شوفتك فرحة و بُعد منك ضيقة
ما تحمل غيبتك بد الخلايق

الوسم

[الوعد القاطع]

بهذا الكون ياخي تكفــــي ضحكة سنونــك
هذا شاهدتها عيوني صراحة يصعب التصوير

حقيقة مؤلمة عيني تناظر شخص من دونك
وحبــري جف لو يكتب ويتغزل بعشق الغيـــر
:
/
|

[الوعد القاطع]

أشوفك كون في عيوني وكل الكون في عيونك
ولو عمري أعيش أكتب صعب الوصف والتعبير

أنا عشتـــك بحــس القلب أبد ما يوم خليتـــك
ولا فكرت اعيشك نوع من الاهمال والتقصير
:
/
|

[الوسم]

يا زاير الدار أنت أللي محليها
قدم يمينك ولك يمناي تسبقها
جب لي علومٍك مع الفنجال نحكيها
لون الذهب لونها والطيب يلحقها

الوسم

[عذب]

تدري وش الي بالهوى يقتل الود
جو الغموض الي يلف الأماكن
لاجيت تحمل في يدك باقة الورد
ضاعت حروفك بين يمكن ولكن

بوحي

[الوسم]

الوقت يشكي غرابيل و هموم و تعب
وأنت اللذي ترسم النقطة على ظلها
شكواه ماحلها من غيرك أطلق شنب
ليتك تشخص سبب شكواي و تحلها

الوسم

[عذب]

عسى ماباس ياقلب جريح وخاطره حساس
عسى ماجورياصدر كفيف احلامنا قده
كتبناها لذيذ احلامنا في صفحة الكراس
على بيض الورق نكتب وحبر آمالنا مده
على القرطاس نبنيها آمانينا على قرطاس
وهبات الهوى دايم تهز الحلم وتهده
ولوطاحت امانينامن اوراق الرجالاباس
تزودنا محطات الرخافي ساعة الشده
ولوطالت مسافات الأماني مالحقناياس
نقول الخير والخيرة عسى لوطالت المده
بوحي

[نـجـم]

تعال السولف معك لو ربع ساعه
سـوالفك حلـوه تـزيل الهمومـي

همن ليا صديت شرع شراااااعه
والنوم صار الجفن منه محرومي

[مسكك الغلا]

استغفـر الله كـل مـا دق قلبــــي
واستغفر الله كل ما ترمش العين
.
يـالله تغفرلي ذنـــوبي يــا ربي
وتغفر ذنوب اللي معي قالوا آمين

[الوسم]

يا صباح النسيم ألي بجوه مطر
يا صباح الزهور ألي على عودها
يا صباح العبير ألي مشى وانتثر
مع نسيم الصباح بريحة ورودها
يا صباح السحاب ألي لفى وانتشر
ظلل الوردة من الشمس بحدودها

الوسم

[الفاقد]

اشُوف انِگ وَطنُ ،
لگِن وَطن يستَٱهِل " ٱلهِجَّرٱن "
وِش آقسَى مِن شعُور ٱنِي مَعك
وَ ٱحِس بَـ ٱلغرِبـه !!

[الفاقد]

هذي هي الدنيا متاهات وأحزان
كلن يــــــدور راحته ما لقاهـــا
تبي لها صبر مع شوي نسيــــان
مع ضحكة تخفي دموعك وراهـا..!!

[عذب]

الشوق في قلبي تعدا المجره
خذ لفة بين الكواكب والأفلاك
خايف عليه من الوله لايضره
كم ليلة في ليل الأشواق ناداك
ليتك تلبي خاطر الشوق مره
وتفرحه قلب تمنى ملاقاك

بوحي

[ذو مبدأ]

تبغى تصير انسان عايش براحه
لا تشغل التفكير باوظاع غيرك

واصنع لنفسك في حياتك مساحه
وابعد عن العالم وريح ضميرك

[الغانم]

قبل ساعه وقفت وصـــرت اراجع ذكريات العام
ومــــر الذاكــــــره شـــيئآ ندمت اني تذكــــــرته

ياليت اللي مضى يرجع على الواقع بدون احلام
ودمــــع العــين مغـــرورق على عـيني ونثـــرته

،،
الغانم

[دُرة]

‏أنا لا عطيت أغرق عطا و أصبر لين يمل الصبر مني
ولا صدّيت رحت و الصدّه هي الصدّه !