سجل حضورك بأجمل الأبيات الشعرية على ذوقك ● تجديد ●

[العــاني]

-

ثنتين لو مهـما حصل لا تجي فيك
كـره الـرفيق ،،،وحـب من لا يودك

. والثالثة كانـك تبي النـاس تعطيك
مكانتك ..فاعرف مع الناس حدك

-

[متمــردة]

إنهدّ حيلي
من عــذاب إنتظارك
وأخفـــيت جرحــــي مــابي النــاس يــدرون

أرمي سلاحي
وأعترف بـ إنتصارك
بكيت وأنا اللي كنت اضحك على اللي يحبون

[العــاني]

-

الصبح ماهو بس شمس وعصافير
الصبح : بسماتك ، وصوتك ، ونورك .!

يعني صباح الورد ، والنور ، والخير
مفروض ماتنقال ..غير بـ حضورك

-

[مـسًٌُُتـ,رٍيَح]

لوتدري يا عمري كم بالخفا ناديت
من كثر ماعانيت والحيره بظنوني
والله ياعمري ماشفتني بهالحال
ويا الحزن رحال لون الحزن لوني
حبيبي حبيبي بعدك انا ماقوى
وانطالت الشكوى حبك سكن روحي

[تيه ..!]

يا مَن تلوّن في الطِباعِ أما ترى
ورقَ الغصونِ إذا تلوّنَ يسقطُ!

[الوسم]

‏تعال عيّد علي و العيد بوجودك
يهدي لنا منظر الفرحة و ذكراها
العيد عيدك وعطر الورد بورودك
ياأجمل حضورٍ يبي قلبي ويهواها
اسمع وعطني غلاك وحلو مردودك
يزينها من شفاك و حلو معناها

الوسم

[غباب]

واجد أعيوبك لكن أستر و أغطي
أخاف لا نخسر بعضنا على يوم
لا لا تشيل امن الملام وتوطي
يكفي أنا ناقص وجع راس و هموم

[العــاني]

-

بـ إغّترابي عَنك لـ جروُحي وُطن
ۆ بـ إنتمآئي لك احسّاس الغَريب

كنّت لي عقب الهَوى مُوت و كفّن
انسّحآبك موُت رغم انك قرّيب

-

[غباب]

شاعر ٍ أشعل حياته من ضياك أعياد
لجل طيفك يكتحل من واهج النظره
شاعر ٍ أمسى خفوقه للجروح أبلاد
كل مادق هاجسك في خاطري نجره
جيت أضمك والعشق رحلة عنا وجهاد
يوم قلبك فلّ شوقه وانتثر سحره
سامح الله كل جرحٍ من جفاك أزداد
سامح الله غيرتك والحب والعشره

[العــاني]

-

ياقلب ماتفهم ترى الناس عافوك
تطرد وراهم وش تبي من وراهم

ياقلب مالك عندهم قدر باعــوك
بارخص ثمن ياقلب غيرك خذاهـم

-

[سافانا]

لا تسقني ماءَ الحياة ِ بذلة ٍ
بل فاسقني بالعزَّ كاس الحنظلٍ
ماءُ الحياة ِ بذلة ٍ كجهنمٍ
وجهنمٍ بالعزَّ أطيبُ منزلٍ

[حَمد]

البارحة ..
كنتي في بالي بخور
كنتي في عيني أماني
وكنتي أنتي ..
فـ الشفاه الذابلة
فـ الصمت
عرس !!
يباب وأغاني ..
الله يالبارح
كثييير إشتقت لك
وصرت بـ غيابك
شجر !!
وأورقت لك ..!!
وإمتلت روحي سوى
واشرقت لك ,

[سلمان]

هديتك بالعيد بيت كتبته
عساك من عواد هالعيد يازين

كل عام وانتي بخير لمك حملته
باقة ورد مذهبة تغري العين

[الوسم]

اطلب وكل الطلب يرخص لعينك
لو طلبت الغالية يرخص غلاها
الشعر لأجلك ومن شارة يدينك
أنت معنى الشعر و أول مبتداها
المشاعر لو صفت بيني و بينك
أشرقت من أرضها وأنور سماها
شرف اللي غايته نظرات عينك*
والرموز أللي وسط عينك قراها*
من زمان تغيب يا المحبوب وينك
خل شمس النور تشرق في سماها

الوسم

[غباب]

‏تعال والله ما بقا غير ذكراك
تعال يا نبض الحياه الجميله

يشكيك قلباً .. ما تعود لفرقاك
حيثك ملكت القلب وانهد حيله

العين تبكي يوم تذكر سواياك
وتذرف على فرقاك في كل ليله

[شاهستا]

ربينا على العفه ولانقرب المنقود*
ونملك نفوس ماتربت على الذله ..

[خفوق الروح]

اجمل عطايآ الوقت بالدنيآ صديق
‏ليآ ذكرته ، تلحقه ، كلمة ، كفوو.

[شاهستا]

يا سيّدي أنا الفقير ابن الأصول
اللي يشوف إن الهوى فرصة عمر

[طاغي النظرة]

جمالك طبيعي بالمساحيق وش تبغين
مايحتاج ........ للمكياج منتي بمحتاجه
كريم الاساس وحمرة الفم وكحل العين
ترى .... اللي مصنعها مايعنيك بأنتاجه

[حَمد]

أبي أكتبْ
عشان ألقاك من أوَّلْ
وأبي أشطب عشانْ أقراك وأطوِّلْ
سهرت الليل بذنوبي
نسيت العطرفي ثوبي
وطرت بحرفك الأوَّل ..!
مساء الحرف كله فالغرام يهون
دموع الصوت .. أو حتى دموع الكون ..!
أنا عاشقْ
قبل هذي الحروف وذي
ومن عشقي بديت أهذي ..!
جمعت لحسرتي فالليل نجم الصبحْ
وعشت بعطرها فالصبح ضحكة جرحْ
أبي أكتبْ
وأبي أشطبْ
وأبي أرجع من الأولْ
أقول أحبْ ....!!!!!!

[قُنبره]

-







سلهمي بعيونك الثنتين دايم
‏وإحرقي قلبي بنظرات المحبّه
‏
‏وإتركيني طول عمري فيك هايم
‏مثل نظرات البعيد اللي مشبّه
‏
‏لو هلك يدرون ؟ ما حطوا تمايم
‏دامها بالشرع سنه مستحبّه
‏
‏انتي المفروض يحذف لك عمايم
‏من شغاميم العيال الملتهبّه
‏
‏مرتكب فالشعر لعيونك جرايم
‏كل بيت اقصّ لك راسه واذبّه

[غباب]

اسهر انا وضيقتي وآجر موالي
تعبت من كثر مازارتني اوجاعي
وكثر ما اتخيل انك واقف قبالي
ياصاحبي كيف رحت وليه علمني ؟

[العــاني]

-

يا بعض الإزعاج ما غيرك يسليني
‏حلاوة الوقت بعض أحيان بإزعاجه

‏يمر لمحة بصر من رمشي وعيني
‏ويسبب إحراج قلبٍ مبطي إخلاجه

-

[أبعاد]

مالِك فصول محايدة،
‏طول السنة وانتي ربيع

‏في الصيف شمسِك باردة
‏وفي البرد نارِك قايدة
‏
يادهشة العمر اللي راح
‏كل عام وانتي عايدة ..

[العــاني]

؛"


‏فج الخلا لاضاق صدرك علاجه
يغنيك عن بعض المجالـس والإزعاج

سحابـه البـارح قفتهـا عجاجـه
يلعب بها صلف الهواء مثل الأمواج

//

[الوسم]

دامك ألي بعت من يشري غلاك*
لا تزايد في غلاه ولا تسوم*
كان ذا طبعك وفي سنة هواك*
لا تعاتب من نساك و لا تلوم
الوسم

[مارغريت]

ياحزينة ...
من نساك بعِز حِزنك تذكرينه ؟
صدقيني ، مادرى هالبحر عن حِزن السفينة
ياحزينة .. ضحكتك تسعد مدينة ..
تسعِد الطفل الصغير الي مايعرف "يمينه"
ياحزينة .. مايحبك ، لو يحبك ؟
"ماترك عينك حزينة"

[قُنبره]

-






عسى دربٍ به كثير التعاسير أقدامك ما توطي اطرافه

[مـسًٌُُتـ,رٍيَح]

دَعِ النَّدَامَةَ لا يَذهَب بِكَ النَّدَمُ
فَلَســــتَ أَوَّلَ مَن زَلَّت بِهِ قَدَمُ

هِيَ المَقَادِيرُ وَالأَحـــكَامُ جَارِيَةٌ
وَلِلمُهَيمِنِ فِي أَحــــكَامِهِ حِكَمُ

[حَمد]

كن الدقايق تنتظر
‏مع قهوتي | طيفك
‏-
‏ودّك تجي أو أنصهر
‏أو أشتعل .. كيفك

[أبعاد]

‏و ان مرّ في صدرك وجع ! حاول تنام
‏النوم ابو حزنك وقاسي سكوتك ..

‏لا تشتكي للعالم .. العالم ! أوهام
‏لو الحكي واقف على اطراف صوتك .

[العــاني]

-


للروح حريه و للذنب غافر
ضميني الليلة و بكره تغلي

مو كل واحد عنده ذنوب كافر
شوفيني أحبك و أدّخن و أصلي

-

[حَمد]

‏وش قصّتك؟
‏ليه الحكي نصّه يضيع بـ غصّتك..
‏كابرت لكن ماقويت..
‏كان يتعكّز صوتك المكسور في عز الكلام..
‏وكنت أنتظر متى بتطيح..
‏اللي فهمت إنك جريح

[العــاني]

*


الحُب يصلح وبعض أحيان ما يصلح
‏ماهو بموزون في زينك ولا .. شينك

‏مافية شيء أسمه اللي ينكسر يصلح
مشاعر الناس ماهي من ... مواعينك​

-

[وهج]

" سكّر بنات انتِ ما هو سكّر نبات
أحلى وأمرّ انتِ على أدهى وأمرّ "

[مـسًٌُُتـ,رٍيَح]

مستغربة ..؟ إني قدرت اتجاهلك

وتمرني طيوفك ولا أشتاق لك

لا يا سبب كل الجروح

اللي معي وعيت تروح

معاد باقي لك معي إلا القليل

ذكرى وليل بعد الرحيل

اللي عجزت أستوعبه

كنت احسبك فرحه عمر

عدت ولا يمكن تمر

كنت احسبك كل الأمان

وصرت لي غربة زمان

ما كنت أظن إنك في ليلة ترحلين

وأصير أنا كل الصبر وانتي السنين

مالك عذر أدري بغيابك تكذبين

وأكذب عليك إن قلت لك مشتاق لك

مستغربة … مستغربة … مستغربة

[شاهستا]

أنا هشّة شعور ، أبكي على الأطلال
وضح فيض الحزن بعيوني الخدرا

شعور الفقد كسّر له عزوم رجـال
أجل وش هي سواته في عزم عذرا ؟

[مـسًٌُُتـ,رٍيَح]

لاطاح معكاز الهقاوي على القاع
اثبت على ساق الصبر في محلك .!

[غباب]

تكفى طلبتك ياطريق اللي رحل
لاتمنع الخطوة ولاعنه تحول
كلمة تهزك لو بقى فيك العدل
هي مٌنيتي ألقى بهالدنيا عدول

[خفوق الروح]

كل الصور ما تمرّ الذاكرة بعدك
‏كنّي على صورتك علّقت ذاكرتي

[العــاني]

-

"قوي العزايم يحفظ السر ما ذاعه"
‏وضعيف الروابع تعرفه من مراوغته
‏ٰ
‏تدور السنين وتظهر اشكال خداعه
‏تبيّن خوي المصلحه عقب مصلحته

-

[الوسم]

ما ني براضي ولا بزعلان بالحليل
و خيرة عساها خير للي نواها
لصارة القصة هقاوي وتمثيل
خسران من هو بالعواطف قراها

الوسم

[مـسًٌُُتـ,رٍيَح]

مالك الا حل واحد فديتك
كان ودك من همومك تعدي
ابعد عن العالم وناسك وبيتك
تعال في قلبي وما جاك عندي .. فديتك

انا الذي لو طال دربك مشيتك
واوعدك ياغالي وانا عند وعدي
لو باعتك دنياك انا اللي شريتك
افرش لك احساسي والحفك ودي .. فديتك

[العــاني]

-


لا اخفيت [ سر الحب ] وشلون ب.. اخفيك !
وانت ب.. ( ملامح ساعتي ) لا انتظرتك !

يآمرني احساسي .. [ احبك و اداريك ]
وأنا ( على نفسك ب.. حرصك ) .. امرتك

ابعدت عنّك اي ( ريبه و تشكيك ) !
..... ومن كثر حرصي لا إتضايق .. ( خسرتك )

-

[غباب]

شفتة وجيتة سارح البال مشفوق
جاني وهو ملهوف عجل مسيرة
ضميت حبيبي كامل الحسن والذوق
وارويت شوقي والزيارة قصيرة
مني يبي ومنة ابي شوف برفوق
مدري اسيري مدري قلبي اسيرة

[العــاني]

-

ياعازف الحزن لا تعزف علـى أوتـاري
أوتاري اصلاً من الأحـزان معزوفـه

خذ باقي الجـرح ودروبـي ومشـواري
وأجمع سنين العذاب وشتت طيوفه

-

[حفيد الأكابر]

كثر المشوره والتردد وجع راس
يا كم حلم من التردد تبدد

اقدم ولا يدخل على قلبك الياس
ثق في تفاكيرك وطور وجدد

عقلك معك والعقل للشخص مقياس
يعني مثل ما قيل قارب وسدد

[خفوق الروح]

قلبي في محبـــــتك مآبآع وشــــرى
والله إن يصون حبك إلى يوم الحشر

:رحيق:

[سحاابة عطر]

عليها الملام ولاعليها السلام ابدن
يدين تبي قصرت ايديني ولا طالت..

[آلنـور]

‏ماحد بيموت من المفارق يابعدي
شفني على قيد الحياه أكبر دليل
جرحك ؟ جميلٍ صان وجه المهتدي
والله يقدّرني على رد الجميل ‎

[تــرف]

ان شفتني مغليك احذر من الصد
ترى التغلي درب تشتيت الاحباب

ولا يغرك اللي يقول لك اثقل وشد
ترى اغلب الفرقا من شور الاصحاب

[تــرف]

لو يميل الحظ والخاطر يشيّن
مارجيت من البشر عطف وسند

[تــرف]

راح وترك حبهَہ سجينن بالأعماق
وغنىء على لحنَ الفراق انتهيناا

[تــرف]

ورزقي على الي اعطى شيء مامنه

ولا يدين العرب تعطي ومنانه

وان شحوا الناس ربك يعطي الجنه

مايغني الا كريم الوجه سبحانه

[إشراق !]

حبيبتي .. للحين أجهل دروبك
وللحين احس العيد كذبه وتخمين
.
احنّ .. وبالي كل ليله .. يجوبك
لكنّي .. ما ادري متى إنتي .. تْحنين
.
ماني بـ عارف وش سبايب هروبك
عنّي .. ولكن إنتي اللي .. تعرفييين
.
العام كنت اشاركك .. ( لون ثوبك )
والحين مدري وين صرتي وانا وين

[مـسًٌُُتـ,رٍيَح]

آه يا أنا يا أنا آه يا أنا
ويني أنا كل هالسنين
آه يا أنا يا أنا آه يا أنا
نبهني صمتي للحنين
عيش الحزن عيش الألم وحدك
وخلني أعيش دنيا الهنا بعدك
ما أنتظر رد وعذر
ما عاد يهم بالنسبة لي ردك
فكرت أنا فكرت .. قررت أنا قررت
أنسى أنا حبك هذا بعد تفكير

[سلمان]

شلون انام والغاليه مالها اخبار
الصدر ضايق من عناه وهمومه

ياليتي ادري دنيتي ويش به صار
فوق الثلاث شهور غابت علومه

[حفيد الأكابر]

الناس للناس هذا كان بالماضي
ماهوب هالحين جعل الله يسهلها

اليوم محد لأحد في هالزمن فاضي
كل حياته ب هالدنيا يعابلها

[خفوق الروح]

تراني على ماقيل ذا الليل وضعيّ غير
‏تدّاحم هواجيسي على صدري بـ قوه .'

[سلمان]

شلون اعيش الحب مع شخص محبوب
شلون ابين بين ذولاك حبي

الله عطاة سلوب مع شكل مرغوب
بيدة قلوب كثار واتلاة قلبي

[مـسًٌُُتـ,رٍيَح]

لو ,, تسأل عيوني يمطر سحاب الملح
لو ,, تلمس شجوني ينبت في قلبي جرح
واشلون اشلون ,,ا شلون انا ارضى الصلح ...
ناظرني يا خلي ,, جرحٍ انا كلي
واشلون اشلون ,, اشلون انا ارضى الصلح
صار الخريف حبي ,, حزن وورق اصفر
ودعني يا قلبي ,, وخل العذاب اقصر ..
كافي جراح ,, راح الي راح
وراحتي من ياترى يردها ...

[غباب]

ياللي لك وجيه القصايد مطاليق
ولك الوفا لو طوَل الوقت غدره
شفت السحاب اللي بروس الشواهيق
باكر تشوف أعز مافيه حدره

[شاهستا]

راضوها لا زعلت عوّدوها عالدلال
عيشوها في رخا ضحكوها لا بكت

[سلمان]

احبتي بالله
كل ما اكتبة في جميع ارجاء المنتدى
من بوحي المتواضع وشكرا


شجاك من حبي على شان تنساه
ماضنتي قلبي لغيرك يسيري

حب مثل حبي لكم وين تلقاه
دور مثيلك ياعديم الضميري

[حفيد الأكابر]

نصيحتي لا تظلمون وتضرون
وصدوا عن عيوب البشر واستروها

ولغيركم حبوا مثل ما تحبون
ونفوسكم بالناس لا تشغلوها

[مـسًٌُُتـ,رٍيَح]

ذللت قلبي للصبر معك تذليل
يا غربة ايامي وكل احتراقي ..
ذكراك في دنيا ذكراي في ويل
عيش العذاب وذوق طعم الفراقي ..
ارحل مع النسيان وبرحل مع سهيل
ماعاد في قلبي لك اليوم باقي ..

[مُترفه]

من راح من كيفه وكيفه يوديه ؟
‏خله على كيفه .. وكيفه يجيبه

[شاهستا]

سمعنا قولة الدنيا فسيحه ، والدروب وساع
وصبرنا لين صارت في محاجرنا مغز ابره

[سلمان]

اسج واسرح وارتجف لاتعرض
لي وانسحب من مجلسي ما اطيقي

[مـسًٌُُتـ,رٍيَح]

لوتدري يا عمري كم بالخفا ناديت
من كثر ماعانيت والحيره بظنوني
والله ياعمري ماشفتني بهالحال
ويا الحزن رحال لون الحزن لوني
حبيبي حبيبي بعدك انا ماقوى
وانطالت الشكوى حبك سكن روحي

[خفوق الروح]

بسألك باسم المحبه وأبيي رد السؤال
‏ليه حال القلب في غيبتك ماهو قوي ؟

[مـسًٌُُتـ,رٍيَح]

قله اللي وصلني منه يكفيني عمر
كيف يبرا طعن سكين الغدر
قله كان لي عنده قدر
لا تلاقينا امام الناس يسلم
يسلم .
لا يبين أي حد انه متألم
لا يخلينا حكايا كفايا ما جرى منه كفايا
لا يخلينا حكايا كفايا ما جرى منه كفايا

[الوسم]

أحيان تنساق المشاعر على الكيف
و أحيان تبقى مثل بير و غطاها
و أحيان ترحل من ديار المواليف
لحست ببرد الشتاء من جفاها
وإن جالنا ذكرى غلاها مع الطيف
ترجع مشاعرنا لها من غلاها

الوسم

[مـسًٌُُتـ,رٍيَح]

أنا جيتك من الفرقى أدور راحتي وياك
تعبت من الفراق اللي طوى روحي وغربالي
أنا متعب من جروحي ومن همي وجيت أنخاك
دخيلك لا تخليني كثر همي طوى حالي
أنا مقدر على غيابك ولا أقدر يوم فيه أنساك
ترى لو غبت عن عيني حشى ماغبت عن بالي
أدور لك عذر وأنسى همومي كلها لرضاك
وأحسك دوم في قربي وأشوفك دايم قبالي
حبيبي مانساني الشوق ولا قلبي نسى ذكراك
تمر أيامي أنا بغيابك وأحس إني أنا لحالي
تعال و شوف وش سوت بي الدنيا بعد فرقاك
أحس الكون من بعدك من إحساس الفرح خالي

[خفوق الروح]

"يحدّثُني الحبيبُ حديثَ ودٍ
‏فأبسمُ ثم أطلبُ أن يعيدا

‏وليس صعوبةً في الفهمِ لكن
‏أحبُ حديثه حبّاً شديدا ❤

[إشراق !]

لا تشتكي ، ومْن التخاذل ما قتل
الحبّ في هذا الزمن مافيه خير !
'
لا يرتفع سقف الطموح ، وتنخذل
اللي يحبّك .. راح يبقى لـ الأخير
'
واللي تحبّه .. لو يحبّك بـ الفعل ؟
كان الكلام بـ داخلك .. ماهو كثير
'
وإذا الرسايل .. بينكم بدت تِقل ؟
تأكد انْها .. زايدة معْ شخص غير

[غباب]

بالبال / لو هو غيابك طال
صوره رسمها خيالي لك
ولامن طرت صورتك بالبال
لك فز شوقي يناديلك
الحال الله يعين الحال
غرقان بك وبتفاصيلك

[سلمان]

لاتشتكي جروحك دخيلك تمهل
ناظر جروحي منك ربي حسيبك

شف جسمي اللي من الغرابيل منسل
جسم به الخفاق عيا يعيبك

[أبعاد]

‏نمشي على الارض دام الارض ممتده
‏و ان اظلم الليل ما تهنا و لا ضعنا

‏عشنا التجارب و ذقنا اللين والشده
‏و عجايب الوقت توجعنا و تنفعنا

[سلمان]

تحريتك على الميعاد
عسى المانع يكون الخير

شقى قلبي وهمي زاد
لعب في عقلي التفكير

[شاهستا]

أنا لي مزاجٍ كأنه العود والكبريت
أدآريه من لمس البشر وإحتكاكاته

[وضحى]

الحياه اللي مابين المغادر والوصول
‏لا تضيعها . . بما لا تطيق ، وتدركه

‏كل مايمنعني الوقت مـن حاجه اقول
‏شي ما الله كاتبه لي .. مافيه بركه
‏

[مارغريت]

يا مدينه
ثرثري بعض الحكايا ،
رددي بعض المواويل القديمه ،
دثرينا لا إمتلينا ، بالحنين
واوعدينا - باللقى - لو تكذبين :0741:

[غباب]

ب هالزمان الصدق محتاج لاغاثه
والصدوق بهالزمن هذا يضامي
في مجتمعنا مايعيش الا ثلاثه
المنافق .. والمطبّل .. والحرامي

[مارغريت]

وين أسافر ؟ مال نسيانك طريق
كيف يهدا البال وغيابك جمر ؟

كل يوم تمر في بالي ، وأضيق !
لو سمحت اليوم ، تقدر ماتمر ؟

[العــاني]

-

صمتك عن الزلات طيب وشجاعه
‏تكبر بعين الي على الطيب رباك

‏خلك سوات الضلع عزم و مناعه
‏لايزعلك هرج الردي لو تقفاك .!

-

[خفوق الروح]

‏كم يزيد الصمت هيبة نفوس الصامتين
‏مثل مايكشف خوا ناقص العرف الكلام
‏ٰ
‏ودك تحدد لبعض الأوادم كلمتين
‏السلام إن جيت وان جاك مردود السلام

[سلمان]

ان جيت ابشكيله شقى القلب وبوح
مايستمع شكوى حبيب الحبيبه

ان رحت كرر قولتة منت مسموح
شلون اجي وابجيتي مادريبه

[مـسًٌُُتـ,رٍيَح]

‏وش يحدك لـ السهر . .
‏دامه نساك !
‏لحّف أحلامك وطبطبها ونام !
‏وإن رجع لك . .
‏ولو كتب بك ألف بيت . .
‏مد له جرحك وقل له : مو حرام ؟

[خفوق الروح]

يوم تجرح .. أنا ما كنت : بارد شعور
‏كنت أبزعل وخفت مْن الفراق وضحكت !

[ناصر767]

‏يا الله على بابك يا فتّاح الأبواب
مافيه غيرك يقصد العبد بابه
ٰ
إن راح رزق حاسبينٍ له حساب
ياالله برزق ما حسبنا حسابه

[سلمان]

مدلي يدك ياميت القلب واسمع
شكوى مريض في ملاقاك يرتاح

من غبت حتى اليوم والعين تدمع
النوم والفرحة وقلبي معك راح

[سَمآء]

انا متعود على الفقدان من صغري
ضيعت الآحلام قبل اضيع احبآببي '

[مـسًٌُُتـ,رٍيَح]

https://i.ytimg.com/vi/QSvAa19WmtI/maxresdefault.jpg

[حَمد]

‏لا تحسب اني بتبعك يوم قـفيت
‏مـثل ما وداك الـمـكابـر يجـيبك :)

[سلمان]

كلن يبيه وفي ملاقاة يحلم
ماهوب وحدي واجد اللي تمنو

الشكر لله ثم للي تكرم
ريحني من ترديد ياليت مع لو

[أبعاد]

_






........ لو ان الوقت يلمس فيك شعره
‏خطفتك من عنا الوقت وظروفه !

........ اجي مابين طعناتك وبينك
‏واشيلك في ضلوعي عن كفوفه !

[انفآس]

ليت لي قلبٍ على الدنيا بليد
كان ما جاني قبل نـومـي ارق !

[غباب]

ظامي من اسباب المودة بلاعتاب
عاتب فديتك ما يجي منك كدري

[حَمد]

‏على الله ينخلق صُبح و .. نعود
‏لا بقايا
‏ولا وجوه
‏لا مرايا
‏ولا حدود
‏مشتاق أنا لحد الوجود !
‏لا تسألن عنّي معك ؟
‏أنثرني فيني
‏وأجمعك
‏أحتاجلك قد الزمن
‏قد اللي عايش به وطن قد الصُدف قد الوعود
‏مشتاق أنا لحد الوجود ! :MonTaseR_2: