((هنيكم يا اهل الوطن والسعد فوق))

[القارظ العنزي]

هنيكم يا هل الوطن والسعد ...... فوق
باميركم ساس الكرم ......... والسماحة
هنيكم في رؤيته كلها .............. ذوق
الذوق راقي والبراعة ............ سلاحه
نجل المليك اللي بنى المجد .... ويلوق
بنى لكم مجد وسيع ........... المساحة
والبحر الاحمر بالخبر يطرب .... الشوق
يطرب له اللي معتني ......... بالسياحة
يا ليتني في ديرتي والحق ..... الحوق
احجز مكاني بينهم ............. بالبراحة
اما اتجول فوق الاطعاس ...... وعروق
والا اتشمس مفترش شاطي ...... راحة
والا مع اللي بالسفينة بها ......... سوق
ربانها متخصص ................ بالملاحة
تجري بنا من حولنا كل .......... غرنوق
هذا يطير وذاك يرخي ........... جناحه
أخير من ديرة هل السرق ....... والبوق
دليلهم خلى السياحة ............. مناحة
هذا يبتزك ياخذ الطاق .......... مطبوق
وهذا تهديده معلنه ........... بالصراحة
ما ينفعك جيبك وقفلك ...... وصندوق
والله ابتدفع والا تسمع .......... وقاحة
خلك بدار ما حوت كل .......... مطفوق
دار المعزة تعتزي في ............ صلاحه
وخل الردي يجلس على الدرب مفهوق
يندب بحظه وينشغل ........... بالنياحة
والبحر الاحمر شوفته تجلي ..... الموق
وتغوص أعماقه او تعوم ...... بضحاحه
من شوفته تبدع على كل ....... طاروق
ويذكر عليك اللي بعيد .......... أمراحه
يطري حبيب كامل الزين ........ زملوق
أدعج غنج كله جمال ........... وملاحة
فايق جماله بالغنادير ............. مرموق
متميز من بينهن ............... بالفصاحة
ما شفتها بالزين مع كل ......... مخلوق
من شافها قامت تزايد ........... جراحه
قربه علاج اللي من الشوق .... محروق
يزيد شوقه ويتزايد .............. جماحه
يا ديرتي الله يجيرك من .......... العوق
ويسعد بك شعبك في مساه .. وصباحه
يا ديرتي مانتي رخيصة ولك ..... شوق
مير اللي مثلي منجبر ........ في مراحه
حبك بقلبي مسكنه كل ........... معلوق
يجري بدمي يا بعد كل ............. واحة

القارظ العنزي

[الصولجان]

-

الله يعلي شانك وقدرك

قصيده جزله .. وبيرقك

مرفوع ...

ماشاء الله واصل يا الطيب ..

ديارنا عامره باذن الله ..

ديار الكرم والجود ..


صح منطوقك السموحه رافض .. التقيم ...

ولكن فيما بعد


:bye1:

[القارظ العنزي]

تسلمين يالعذبة كلك ذوق واللي بخاطرك وصل حفظك الباري . وصح خفوقك .

[ماضي الماضي]

صح لسانك شاعرنا القارظ


تميز وابداع منقطع النظير

ايها القلم الذي لا يتوقف


تحيييااااااتي

[القارظ العنزي]

تسلم يالغالي ابو ماضي والروعة تكمن في مرورك الكريم

[ماجده العتيبي]

القارظ العنزي دائم أجدك
متألق من إبداع إلى أبداع
حتى في اختيار معاني الكلمات
ولا أعرف كيف أقول لك إعجابي
وكما عرفتك من كتاباتك أجدك متألق
ما أقول ألا ربي يعافيك ونحن من قرائك
بنتضار جديدك 💐

[القارظ العنزي]

كله من ذوقك والله يعافيك يا بنت الهيلا ماجدة العتيبي .

[شموخ رجل]

صح لسانك
عساك علي القوه

[القارظ العنزي]

صح خفوقك 7up