يا حسافة

[أنا فداهم]

لا هنت يالغالي على حسن الضيافه
‎إسمع قصيدة واحدٍ فيك مصدوم

‎يوم الفراق أكثر شيٍ ن أخافه
‎واليوم تتركني ضايق و مهموم

‎قلّ الوصل ما بيننا يا حسافه
‎مدري من الظالم و من المظلوم

كل ما أقرب تبتعـد بــ المسافـه
وأقول في نفسي مقدر و مقسوم

يا ليت لي قلبٍ ينساه و يعافه
بعد طاحت من ذكرياته النجوم

أول علاقتنا شوق و حنين ولطافه
وآخر علاقتنا سهر ليل وهموم

كتبت له أحاسيسي بليا كلافة
مثل نزل المطر من جوف الغيوم

و يوم الفراق اللي كنت أخافه
صرت أشوفه اليوم مقدّر و مقسوم

[امتلاكي صعب]

صح لسانك

كلمات جميلة رغم الحزن

الفراق مقدر و مقسوم

كلنا راحلون


:MonTaseR_11:

[دافي]

صح لسانك
والله يرزقك بحبً جديد عفيف تتزوجها
ولا عاد تذوق الفراق
:MonTaseR_61:

[نجم ضاوي]

يا كاتب الابيات . اعطني اوصافه
هو ساكن الارض او فوق الغيوم

اعطيني العلوم دون ادنى كلافه
ما احب اشوفك . ضايق ومهموم

ابي انشر صورته . عبر الصحافه
يمكن تجي .. من اخباره .. علوم

وابشر بفزعتي يا راعي الضيافه
يا راعي الشيمه وراعي السلوم

لاتعتبرها مني . يا الغالي لقافه
لا تلومني . كاني استاهل اللوم

اوجعتني يوم انك تقول ياحسافه
دموعي .. وسط العيون .. تحوم

اعجبني أنا قافك والبيوت شفافه
حسيتني ظالم وانت الذي مظلوم

فهمت .. انا المعنى . وسط قافه
ومعنى كلامي وسط القاف مفهوم


قصيده رائعه ولها معاني دفينه ونار تتأجج بين الضلوع ...
جزله من شاعر جزل وراقي فالله درك ...

صح للسان وسلم النبض والبنان ...

لا خلا ولا عدم ...

[مفاهيم الصمت]

صح لسآنك
أبيآت رائعه
سطرت فأبدعت
إستمــــر :قلب ازرق:

[أنا فداهم]

يالضاوي لي حرفٍ تعلق بميهافه
خايف يطيح بالبحر وما يعرف يعوم

الصمت أحسن من حكي الصحافه
على الكلام الناس لا تشره ولاتلوم

صارت الذكرى مثل طعم السلافه
شرذمةٍ عانقت سما وتزاحم نجوم

عزاه يا وقتٍ أعيشه وما أخافه
اليوم بنفس الوقت أصبحت مهزوم

اللي رقبتهم طاولت رقبة الزرافه
جنب دربهم أحسن من توقع ولا تقوم

واللي تبي اسمها ترى ماهي مضافه
جاتك رسالة واضحة حبرها مختوم


.

صح منطوقك أخوي الغالي نجم ضاوي كفيت و وفيت

[السامر]

انا فداهم قصيدك جميل ويزيد جماله مشاركة الشاعر نجم ضاوي الله يسعدكم