كل تفاصيلي

[ذويقة]

بعض المشاعر ..
يصعب ( ترجمتها ) يصعب ( فهمها ) ..
يصعب بحق البوح بها .. فيكون ( الصمت ) ملاذا لها

[ذويقة]

( القواعد الذهبية للراحة النفسية )

التجاهل + التغافل + قلة الاهتمام
عدم التاثر + غضّ النظر + اللامبالاة




> جاري محاولة التطبيق ...
;26:

[ذويقة]

الموت .. فرق بين قلبي وغاليه ;(

https://2.top4top.net/p_13582tc100.jpg

[ذويقة]

كنّا نخافُ من الموت ..
صرنا نخاف ان يتاخر كثيراً ويتركنا للحياة !!

[ذويقة]

احياناً احس اني وطن [ ممتلي ناس ]
واحياناً احس بوحدتي واتحطم ..........!

https://1.top4top.net/p_1363pzab60.jpg

[ذويقة]

لا تتركني يا الله اتبع شيئاً ليس لي
واحب شيئاً لا يحبني
ولا تجعلني احلم بما اشاء
ولكن اجعلني احلم بما شئت
فهو خير لي وابقى :رحيق:

[ذويقة]

نبضة واحدة من الحنين ، تُبعثر كُل شيء :30: ;(

[ذويقة]

ساعة [ الاشتياق ] ليس لها عقارب ..
ومع ذلك تلدغك في كل ثانية تعيشُها ;( :30: :30:

[ذويقة]

لا باس ، فيوماً بعد يَوم ، ستُصبح اشدّ قُوّة ، واكثر لا مُبالاة .!

[ذويقة]

اذا كان كلامك اعمق من ان يُفهم ، فقدم الصمت عليه
وشعورك اكبر من ان يُعرف ، فحاول اخفاءه ..
بعض الامور اما ان تُفهم كاملة ، واما ان لا تُفهم ابداً
:رحيق:

[ذويقة]

"مع انتشار الوقاحة اصبح الادب مُلفتاً للنظر"



^^
من اصدق مما قيل

[ذويقة]

مساء الخير :رحيق:

https://2.top4top.net/p_1397c2gj70.jpg

^
هذا هو الطقم اللي انهبلت عليه :نبض:
≤ عشان ريحته مدري وش تذكرني :30:

[ذويقة]

https://6.top4top.net/p_1397uo0xo0.jpg

وشلونكم ؟
بالله احد عنده شوكلاتة جالكسي جواهر ؟ ولو حبتين بس ;(

قاعدة احاول امشي حالي من ذا الماكنتوش
بس ماش ما مشى الحال
اكتشفت اني ما احب فيه غير
هذيك الخضرا المثلثة + وحقت جوز الهند فقط

ابي جالكسي جواهر الحين الحين :30:
شوفو لي دبرا بالله ، والا راح ازعل هههه

[ذويقة]

اعوذ بالله من نومة اليوم
اعوذ بالله
اعوذ بالله
نمت نومة اليوم كرهت نفسي قسم
ومصدومة ف نفس الوقت
يعني كيف ممكن الواحد ينام 20 ساعة متواصلة ؟ ≤ من البنات اقصد

تخيلو نايمة من امس قبل 5 الفجر لين الحين
لا اكل ولا شرب ولا شي قسم بالله

اللهم بس قمت مرة عشان احط الجول ع الشاحن هههه ورجعت نمت

ويا اني سمعت كلام من الماما وانا نايمة لا تسالون :26;
وطنشت ع الاخر سويت نفسي فعلن ميتة وما اسمع هههههههه
زين ما جت واجلدتني هههههه
بس اشوا يوم قمت هي نايمة بعد راسي :نبض:
والا انواع المحاضرات كنت اسمعها الحين هههههههه

اذكر اني نمت تسذا قبل سنتين وقلت جعلها اخر نومة
ورجعت نمت نومة اخس منها
بس والله ما علي ملام
كله من الشي اللي من اسبوعين كنا نكرف عشانه

والحمد لله امس صار مثل ما كان بخاطرنا :نبض: :نبض: :نبض:


https://2.top4top.net/p_1401bqtpd0.jpg

^^
محتارة الف
ارجع ادق عليهم والا اطنش
لانه محد بيرد اكيد كلهم نايمين
يوم يصحون يدقون علي يحسبون اني بغيت شي منهم
ما يعرفون انه انا دقيت عشان اهم اللي داقين علي ههههههههه

[ذويقة]

كَ بُعد السمآء عن الارض ، اشعر بِ افتقآد شيء مآ ~ :30:

[ذويقة]

كل حدث سيّء في حياتك فيه لُطف خفي
لا تدركه غالباً الا اذا تمعّنت
قد لا يعجبك او لا تتفق معه
لكنه : يبقى خيراً لك لانه قدّر لحكمة ..!!

[ذويقة]

" اعان الله قلباً تمنّى ما ليس مكتوباً له "

[ذويقة]

ان ابتسم دائماً لا يعني اني لا احمل هموماً او احزاناً
بل يعني اني قررت [[[ التغلب عليها ]]] وتجاوزها ..!!

[ذويقة]

ضع ثقتك ..
في من يستطيع ان يرى فيك خمسة اشياء :
حزنك خلف ابتسامتك + حسن النية خلف فعلك
الطيبة خلف غضبك + القوة عند بكائك + والمنطق خلف صمتك

[ذويقة]

https://6.top4top.net/p_1405wnhsv0.jpg

^^
صايرة كل التقييمات ع المدونة :نبض:
عدا تقييم واحد بس

-
عسى الله يسعدكم جميعا يارب :رحيق:

[ذويقة]

https://youtu.be/4uNmgwGxiuU

^^
هذي الشيلة اسمعوها وعيشو شعوري
تقريبا من 5 شهور يوميا اسمعها
واليوم اللي ما اسمع فيه ، احسه ناااااقص :30:

[ذويقة]

ما دمت في صحتي ، واصلي فروضي
هذا هو [[ الكنز ]] والا عمرنا فاني ...!!!

[ذويقة]

لا ضاق صدري قلت للنفس ، لا باس
ما فيه مخلوقٍ من الهم خالي ;( ;( :30:

[ذويقة]

السعادة ..
لا تعني انك تعيش حياة كاملة
بل تعني انك قد قررت غض البصر عن النواقص
لو كانت الدنيا مثل ما نريد " لما تمنينا الجنة "

[ذويقة]

حافظوا .. على محتويات هواتفكم
فنحن لا نعلم متى تُغلق اعيُننا [ الى الابد ]
فتصبح اما اجراً لنا او اثماً جارياً علينا

[ذويقة]

https://1.top4top.net/p_1417yb2rd0.jpg


تفضلووو متابعيني :110؛ :رحيق:
ميلك شيك المانجو اللي يحبه قلبكم :نبض:

[ذويقة]

هذا الشتاء مدري شلون راح اقضيه ;(
رغم اني احب واعشق كل شي له علاقة بالشتاء
الا اني ما ابي هالسنة احس فيه نهائيا ، ابيه يمر بغمضة عين
لانو قسم بالله هدوءه ونفحاته بدا يذكرني بناس اللي ضمهم التراب
كل ثانية وكل دقيقة قاعدة تذكرني فيهم
يارب ارحمهم بقدر شوقي لهم ;( :30:

[ذويقة]

صباح الخير ~

شخباركم ؟

كالعادة كلهم مداومين
وانا لحالي بالبيت مع الماما وهي نايمة طبعن
قلت بدل ما اقعد اهوجس ادخل مدونتي احسن

عشان اكتب جوابي على اكثر سؤال انسالت بهالفترة

واللي هو :
وراك متغيرة انتي ؟ وليه حزينة ؟

اول شي .. احب اقوله اني مب حزينة ، هو في حزن ما انكر
بس قسمن كمية الرضا في داخلي اكثر من كمية الحزن
لذالك ..
ما احب اي احد يقول عني حزينة ، مدري احس بالاحباط وربي

والشي الثاني .. ايه انا تغيرت واعترف ، لدرجة افتقد نفسي قسم بالله
افتقد هذيك البنت اللي ما كانت تعرف معنى الحزن حتى
افتقد شخصيتي اللي قبل سنة ، وافتقد كثييييييير اشياء فيني
ولكن .. قدر الله وما شاء فعل

راح اعلمكم ايش السبب ورا كل هذا الافتقاد
تخيلو .. الشخص الوحيد اللي حبيته اكثر من امي
واللي وجوده كان مغنيني عن جميع العالم
فجاة ومن دون سابق انذار تركني وراح
ابوي [[غروري]] تاج راسي راح ، ايه والى الابد
:30: :30: :30:

رغم انه مر على وفاته 6 شهور و 6 ايام بالضبط
الا ان الطفلة اللي في داخلي جالسة معيية تنتظر ابوها
للحين عندها امل انه يرجع
بس قسم بالله طال الانتظار

يمكن محد يصدق لو قلت اني فعلن من يوم ما انولدت الين الحين
ما كنت اعرف معنى الحزن ولا الفقد والحنين ، الا بعد وفاته رحمة الله عليه
ناس كثيرين اتوفووا من المعارف والاقارب
بس مادري ليه ما عمري تاثرت ولا بكيت على فراق احد
والحين حتى لو شفت بالمسلسلات احد مات انهار بكاء وربي

العام الماضي اللي هو 1440 طلع اسوا عام بحياتي
وشهر 10 و11 و12 من اسوا واصعب الشهور اللي مرت علي
من سابع المستحيلات راح اقدر انسى الوجع اللي عشته فيهم
ولا زلت اعيشه :30:
بس وفاءً وحباً للمرحوم قررت
ووعدت بيني وبين نفسي ، اني ما راح انكسر اكثر
راح ابدا من جديد واصير واظل على ما تركني هو عليه
واعيد شخصيتي السابقة القوية وجميع العلاقات اللي خسرتها عمداً
بسبب نفسيتي ، واعيش حياة مثل ما المرحوم كان يحب

-
وكل من يقرا الحين ليتكم تنتبهون انكم تكررون نفس غلطتي
انا من زود محبتي له ما عمري فكرت انه ممكن قد يكون اجله قريب
يعني بعض الاحيان كنت اهوجس لا شفته تعبان او شي
بس كنت اقول مستحيل لاني ما كنت متخيلة اصلن اعيش لحظة من بعده

خلاصة كلامي .. ان مهما الانسان يعيش مصيره الموت ، لذالك ..
خلوكم مع من تحبوهم كانه هذا اخر يوم في حياتهم
وابد لا تكونون معهم كانهم شي دائمي ثم تندمون

[ذويقة]

" كل شي يذبل الا شعور الفقد يحوم في الذاكرة عند كل فرحة تاتي "

https://2.top4top.net/p_1437nsugd0.jpg

[ذويقة]

ليست مشكلة اذا حلمت بشيء ولم يتحقق ..!
يكفي انه جعل شفاتي [[ تبتسم .. ]] لمجرد الحلم به :رحيق:

[ذويقة]

https://5.top4top.net/p_1452lgo1f2.jpg

https://4.top4top.net/p_14520seuq1.jpg

^

^

الاشياء الباردة ما تحلى لي الا لما تكون درجة الحرارة اقل من 15
وخصوصا بعد 12 الليل ، تخلي المود عال العال خلال ثواني :نبض: :نبض:

[ذويقة]

"وَيُرهقني انّي مليء بما لا استطيع قوله" :30: ..

https://3.top4top.net/p_1459ltniu0.jpg

[ذويقة]

يحدث ان نغادر غرفنا لنتجول في المنزل
نلقي نظرة على كل الاشياء ونعود نظن انه ملل ..!
بينما هو احتياج لاشياء مفقودة لا نعرفها ;( :30:

[ذويقة]

"مؤلم ان يموت الموقف وفي صدرك كلام" :30: ..

[ذويقة]

اجعل ابتسامتك تغير الناس من حولك :نبض:
ولا تجعل من حولك يغيرون ابتسامتك !! :30:

[ذويقة]

يارب ،، اغرس فِيْ قَلبِي نبضات راحة لا تَنْتَهيْ :نبض:

[ذويقة]

في ودائعك دائماً يا الله
روحي , وعافيتي , وديني , واهلي , ومن احب
ليطمئن كل قلقٍ | يبعثر نفسي ~

[ذويقة]

https://j.top4top.io/p_1467egvdj0.png

^

الف شكر لكل من قيمني فردا فردا
خصوصا لمن دعا لي ولابوي
جعل ربي يجزاكم خير ويسعدكم
ما تقصرون :رحيق:

واعذروني والله
ما قدرت ارد عليكم تقييم
لانه الظروف والنفسية ماش هالفترة

وش صابني مدري ;(

[ذويقة]

فى مثل هذا اليوم نورت الدنيا بوجودي :نبض:
يوم الثلاثاء قبيل العصر تشرفت
في 1415/5/20 هـ
-
بس للامانة مصدومة من عمري
لانه ابد مافي شي فيني يثبت اني بهالعمر > عدا العقل
احس توني ما عديت العشرين لسا
قبل اسبوع رحت عند ناس وسالتني وحده عن عمري
صراحة قلتلها 23 مراعاة لشعورها
لاني دارية ما تصدق لو قلتلها عمري الحقيقي

[ذويقة]

انا والله طاب خاطري كثر ما جمعت اعذار لمواقف تفسيرها واضح :30:

[ذويقة]

"ولا تُنبت في قلبي وُداً لمن لا يصونه يا الله" ..

[ذويقة]

دايماً اقنع غيري ان ما في شي يستاهل تتضايقون عشانه بس ما اقدر اقنعني للاسف ;3: :30:

[ذويقة]

مشكلتي .. اني اصمت حين يحتاج الوضع "الكثير من الكلام" ..

[ذويقة]

"اللامبالاة نوع من السلبية ولكن تحتوي على الكثير من الايجابيات"


^
انشششهد وربي

[ذويقة]

شديدة الملاحظة لذالك اسباب زعلي دائماً | مجهولة ~ ;26:

[ذويقة]

"هُناك ذِكريات جميلة تخطر في بالك فَجاة وَتجبرك عَلى الابتسام مَهْمَا كَان مِزاجك سيّئاً"

[ذويقة]

مساء الخير :رحيق:

https://b.top4top.io/p_1483jvl370.jpg

^
^
^

شوفو وش اللي شاغل بالي هالايام
(نقص في الوزن) !!!!!!! كيييف مادري ؟؟؟
ابي ارجع وزني زي ماكان ابي ازيد ست سبع كيلو زي زمان بس شلون ؟

تخيلو اكثر هدف ابي اوصل له هالسنة واحققه هو هذا
بس والله يا انه صعب علي لا تسالون

زمان قبل اربع سنوات وزني كان مثالي مع الطول يعني
بس اذكر اختي الكبيرة تعبت فجاة
طلع عندها مرض وقالو لها العملية ومدري وش
وراحت تتعالج برا وقعدت كم شهر هناك بعيد عننا

المهم بذيك الفترة نقص من وزني كيلوين
قلت اكيد هذا من التفكير وذا

وطبعا كيلوين ما يسوى شي
بس انا من النوع اللي وزنهم ثابت ما يتحرك
حتى لو شو ما اكلت وشو ما سويت
لا ينقص ولا يزيد
لدرجة دايمن يحذروني من يشوفون او يسمعون اني كثرت شوكليت او بطاطس ومن ذي الاشياء
واضطر اعطيهم رياكشن مستغرب اني تو ادري وذا وما عاد اكل خلاص > عشان ما يصكوها عين ههههههه

المهم
ف مادري والله ليه وزني قاعد ينزل من نفسه بدون سبب
لانه هذيك السنة يوم نزل عرفت سببه
اما السنة هذي ما اعرف والله
تخيلو في اول السنة شهر واحد نزل ثلاث كيلو مرا وحدا
والحين نزل كيلوين اكثر :30:

طفشت من كثرر ما ازعجوني بسؤالهم
كل ما قابلت احد ؟ قبل يسال اخباري يقول
وش صار لك ؟ وش فيك ؟ ليه ضعفتي ؟
صرت ما ارد عليهم والله
ياخي يمكن مستانسة وابي انحف انتم وشدخلكم ؟
واللي يموتني قهر اكثر اللي يجي يقول انتي ليش ما تاكلين ؟
لا وكانه يعاتبني هههه وكلي لك هذا وخذي لك هذا ؟
قسمن يكون ودي اهفه بكف يلف وجهه مرتين
بس نضطر نجامل شنسوي عشان خاطر امي بس
لانه هي دايمن تعطيهن فرصة يتكلمون

المهم طبعا انا ما اهتميت لكلام احد
الا لما وزني نقص من الوزن الطبيعي
يعني يبي لي الحين 800 جرام فقط عشان يوصل للوزن الطبيعي
ثم ابي اوصله للوزن المثالي > سبع كيلو !!!!
بس مدري كيف والله صعب

-
واللي بيسالني شلون وزنك ما يتحرك
وكيف كان ثابت طول هالسنين ؟
بقوله من المشي والله يوميا امشي اقل شي نص ساعة
وبعض التمارين اللي ما ياخذ اكثر من عشر دقايق

احس هذي اكبر مصيبة صايرة انه وزني قاعد ينقص وينقص
وانا مو قادرة استغني من ذي التمارين والمشي
المفروض اوقف بس متعودة من صغري ما اقدر
بالكثير يومين ثلاث ثم احس بتعب وارهاق وخمول بشكل مو طبيعي
اللي يخليني ارجع على نفس الروتين

لذالك ..
اذا حسيتوا انه تواجدي قل
ف لا تقلقوا واعرفوا اني مشغولة بتحقيق الهدف هههههههههههههه

[ذويقة]

"لا شيء يُتعبني ، كَـ لحظة احن فيها لِـ شيء بعيد .!" :30:

[ذويقة]

تصدقون موضوع السيلفي حيرني كثير
العالم وش كبره وما لقيت فيه احد يشبهني !!!
طبعن شبيهي لو لقيته بعد ما كان سدحت صوره هنا
بس اخذت الموضوع عناد وقعدت اكثر من ساعتين ادور بقوقل
وللاسف من غير فايدة ، ما لقيت ولا ابن ام احد له شبه فيني
حتى بالواقع لا خواتي يشبهوني ولا انا اشبههم
ولا فيني شبه من امي ولا اخواني
بس فقط احس الشخص الوحيد اللي كنت اشبهه هو ابوي :نبض:
وبرضو هذا مجرد احساس اني اشبهه
والا محد عمره قال لي بتشبهين ابوك
زمان كنت اقول اني اشبه اختي اللي قبلي > بالملامح يعني
بس قالو اصلن انتي فاهمة غلط معنى كلمة الملامح
واقنعوني صراحة اني فعلن ما اشبه ولا وحده من خواتي لا من بعيد ولا من قريب
اما بالطول والعرض نشبه بعض كاننا توائم :نبض:
< سنفورات كلهن هههههههههههههههههههههههههه لحد يتريق

[ذويقة]

الموت ما منه محال ومفرات
الموت درب (ن) كل الاجيال تمشيه
فلو ان دمع العين بيرد من مات
ان كان دمعي سيل اليوم واديه

الله يرحمك يابوي :30:

[ذويقة]

https://b.top4top.io/p_15006s5gi0.jpg

^
احلى شي بالشتاء ..
كوب قهوة + مع شخص اللي قلبك يحبه :نبض:

واللي قلبي يحبه ، اختي :نبض:
هي الوحيدة اللي بالبيت ذويقة مثلي ودايمن تعطيني جوي
اما البقية ما عندهم ذوق > واضح محد معطيها وجه غيرها
كل ما اشتهيت قهوة قالو سيري !!!!!!!!!
في احد يرفض قهوة بالشتاء ومن ايد وحدة ذويقة ؛( ههههههه
بس ما عليه مكتفية باختي وجودها يغنيني عنهم كلهم
دايمن تقول لي تم :نبض:

وهات يالسوالف اللي ما تخلص :نبض: :نبض:

[ذويقة]

عندي سؤال من الجميع بصراحة وصدق

ما هو انطباعكم عني ، عن ذويقة ؟

اللي اخذتوه خلال هالسنتين سواءً من المدونة
او المشاركات والتقييم ، او من السوالف اللي بالخاص او الصندوق ؟

اتمنى الكل يكون صريح > يعني ما نبي كلمات رسمية
حبوبة وطيوبة وحنونة ومن ذا الكلام ههههههههه
وعادي حتى لو احد وده ينتقد ينتقد
راح اتقبل نقده بصدر رحب :نبض:

اكون بانتظار تقاييمكم :رحيق:

[ذويقة]

مساكم الله بالخير جميعاً
شسمه حبيت اقولكم ..
اني مررررررره مبسوووطة هالايام ومروووقة
وبديت اداوم من اليوم الصباح
الدوام اللي يحبه قلبي :نبض:
تقريبا بعد انقطاع سنتين كاملة :30:
-
وبس والله
ادعوا لي بالتوفيق والثبات :رحيق:

[ذويقة]

يقال في علم النفس ..
سبب عدم قدرتك على اخراج شخص من تفكيرك
هو ان الشخص ذاته يفكر فيك :رحيق:

[ذويقة]

مؤلم انك لا تعرف ما بك سوى انك [ فاقد شيء ] تعجز عن وصفه .!

[ذويقة]

صباح الخير :رحيق:
اولا .. باركولي مشاركاتي وصلت 6000 :نبض:
ثانيا .. ابشركم قدرت ازيد من وزني كيلو و300 جرام :نبض: < يعني صار وزني الحين طبيعي
ثالثا واخيرا .. تخيلوو من امس وانا بس قاعدة اتبوسم < بآلغت ههههه
ليه ؟؟؟؟؟
لانه فيه وحدة امس جت عندنا بعد مدة ، يوم قابلتها قالت لاختي هذي اتغيرت
عاد انا طنقرت من جوا لانو زهقت صراحة هالفترة كلن بيسال عن وزني وليه نحفتي وذا :26;
سالتها اختي للاحسن او للاسوء ؟
قالت ي شيخة احلوت وقعدت تمدححححححني هههههههههه :نبض:
طبعن سويت نفسي ما اسمع وانا وقلبي كلنا كنا منصتين من جوا ومستمتعين نسمع لها هههههههههههههههههههههههههههههه

>>> مو قصة اول مرا انمدح
بس والله احس طبيعي هالشي الواحد تلقائيا يستانس
خصوصا لما يجي شخص يمدحك وانت ي دوبك تعرفه وتعرف ماوراه اي مصلحة
عكس اللي يجاملونك ويكونوا عارفين انك عارف انهم يجاملون هههههههههه

[ذويقة]

عندي سؤال من الجميع بصراحة وصدق

ما هو انطباعكم عني ، عن ذويقة ؟

اللي اخذتوه خلال هالسنتين سواءً من المدونة
او المشاركات والتقييم ، او من السوالف اللي بالخاص او الصندوق ؟

اتمنى الكل يكون صريح > يعني ما نبي كلمات رسمية
حبوبة وطيوبة وحنونة ومن ذا الكلام ههههههههه
وعادي حتى لو احد وده ينتقد ينتقد
راح اتقبل نقده بصدر رحب :نبض:

اكون بانتظار تقاييمكم :رحيق:

https://k.top4top.io/p_1512us7pq0.jpg

هههههههههه الله يسعدك يا صاحب/ة التقييم
شدني انطباعك خصوصا سالفة موافقتي للتعدد
صحيح اني كنت من اللي يملكون هالتفكير المميز
بس للاسف كنت طفلة ما افهم
مع الايام اكتشفت اني اكثر شي اعاني منه
واكثر شي ممكن يقهرني هو [ الغيرة ] :30:
ف طبيعي لو بكرا زوجي تزوج علي لا سمح الله
متاكدة ثاني يوم بيصلون علي
هذا لو اكون احبه
اما اذا ما احبه اقول والله فكة ههههههههههههههههه

[ذويقة]

لحد يستغرب من كلامي اللي فوق انه زوجها وكيف لو تحبه وما تحبه
تصدقون اني شايلة هم هالشي والله دايما افكر واسال
كيف راح اقدر احب زوجي المستقبلي ؟!!
لانه تعرفون انا ضد الزواج عن حب ولاني مع التقليدي ابد
الزواج اللي افضله للحين هو زواج بين ابناء الاعمام والخيلان
لكن للاسف بعد حادثتين طلاق عندنا صار هالشي من الاستحالة يصير ويتكرر
ف امري لله ..
لانه الظاهر مصيري اتزوج واحد لا يعرفني ولا اعرفه والله اعلم متى راح احبه هههههههههه
يضحكوني هذولا اللي يكونوا مخطوبين امس ، ويكتبون لبعض
ما اقدر اعيش بدونك واموت وخرابيط من ذا الكلام هههههههههههههه
ابي اعرف شلون يحبون بعض بهالسرعة !!!!!!!
لا والبنت تتصل على اهل خطيبها ليه عشان توصيهم عليه ههههههههههههههههههههههههههههه
صحيح انه موجود في القران "وجعل بينكم مودة والخ ...
لكن هذيك المودة اللي المفروض مع الايام تكبر وتزدهر
بس للاسف هنا يسوون العكس
كل المودة والمحبة تكون بعد الخطبة او الملكة وفجاة تختفي بعد الزواج والوضع ينقلب تماما هههههههههه

[ذويقة]

الجو خورافي اليوم :نبض:

https://h.top4top.io/p_1515zn9ul1.jpg

[ذويقة]

كيفني بالتصوير ؟
>>> محترفة صح :نبض:

https://g.top4top.io/p_1515g03r70.jpg

[ذويقة]

صباح الخير :رحيق:
شلونكم ؟
امس جتني رسالة ع الخاص
هو صحيح اني زعلت منها بس من جد كنت مخطئة يوم كتبت والخ ... بنصف الاية
والمرسل الله يجزاه خير فعلن فتح عيني بكلامه وبملاحظته
نسخت الرسالة هنا كاملة مكملة عشان بعدكم تستفيدون منها
لكن اللي مستغربة منه انه المشاركة لها يومين
ليه ما احد لاحظ هالشي غير شخص واحد ؟؟

السلام عليكم ورحمة الله وبركاته
مبارك عليكم حلول شهر رجب اليوم الثلاثاء

اخت ذويقة

اتمنى من الله العزيز الحكيم ان تكوني وافراد اسرتك الكريمة بالف خير

من خلال تواجدي بالمنتدى ومتابعتي لاغلب المدونات
والكثير منهااتابعها باستمرار ومدونتك منهم
لاني احترم اقلام الجميع وقلمك كما احترامي للجميع

اسجل هذه الملاحظة البسيطةتعقيبا على هذه المشاركةلك بمدونتك:

(لا والبنت تتصل على اهل خطيبها ليه عشان توصيهم عليه
صحيح انه موجود في القران "وجعل بينكم مودة والخ ...)



واتمنى ان تتقبلي ملاحظتي بصدر رحب دون تشنج اوتعصب
ومن اخ يغار على دينه كما انت ايضا
واعتقد جازما ومتاكد انك تغارين على ديننا الحنيف
وارجو ان تتقبليها من اخ لك..
يقدرك ويحترمك ويتمنى لك الخيروالجميع ايضا

ترددت بكتابة الملاحظة برسالة خاصة
تجنبا للاحراج والقيل والقال
ولكن لابد منها افضل ما انبهك علنا وامام الجميع

تعلمنا سواءا من اهلنا او الجهات التعليمية المختصة
او المجتمع المدني الذي ننتسبه اليه
حتى بدورات تعليم وحفظ القران في العطل الصيفية في ما مضى
ان نحترم الاخرين جل احترام
فما بالك كتاب الله القران الكريم
عندما ننقل كلام الله من القران الكريم

ان نبدا بالبسملة ( بسم الله الرحمن الرحيم )قبل قوله تعالى
وان نختم ب ( صدق الله العظيم )

وليس الخ ...
لانه كلام الله

وانت انسانة محترمة وتحترمين والديكي والاخرين
فلنتعلم احترام ديينا واحترام كتابناالقران الكريم
كي لاتتكرر معك هذه الاخطاء وتعتادي عليها
لك مني كل تقدير واحترام
وفقك الله لما يحبه لك ويرضاه

اخيك (....)

كل الرجاء ان لاتزعلي مني
زعلك غالي علي ولا اريد منك الا الانتباه حين نقل كلام الله
تحياتي لك بكل ود واحترام

[ذويقة]

ولآ شي
بس حبيت اطمنكم اني لساتني عآيشه وبخير الحمد لله :نبض:


> ادري اكيد وحشتكم وذا ههههههه

[ذويقة]

https://j.top4top.io/p_1540oj1gs0.jpg


ابوي ..
اشتقت لك .. :30:
يا عسى قبرك نعيم

[ذويقة]

قبلوا آبائكم ..
احتضنوهم ..
استغلوا وجودهم ..
فوالله ان فراق الاب لا يطاق ;(;(

[ذويقة]

خبر عاجل !!!!!
تعلن هيئة علوم الفلك عن ضياع القمر :30:
> امانه لحد يقولهم انا وين :110;
خلوني اجننهم شوي هههههههههههههههه

[ذويقة]

مساء الخير
كيفكم متابعيني ؟ > ع اساس وحده مشهوره يعني هههه
والله اني كل ما حاولت ارجع المنتدى زي قبل يطلع لي شغل من تحت الارض ويشغلني
المهم اعترف لكم بشي
انه بين كل فترة وفترة يمر بي وقت مدري كيف احساسي يكون فيه
الزبده اني ابتعد عن الناس عن العالم كله
لما اكون تحت تاثير هذا الاحساس او الحاله هذي
ومحد يعرف هذا الشي الا ذولاك الي قريبين مني حيييييل :نبض:
انفداهم بس :رحيق:

[ذويقة]

https://j.top4top.io/p_1566cqlx41.jpg

https://i.top4top.io/p_15668pz0z0.jpg

مسيتم بالخير جميعا
كيفكم ؟
شايفين اللي فوق بالصوره والله ياهو غابنّي
هذا انا طلبته من لندن من وحده كانت جايه وجابت لي
بس صراحه والله خساره فوق العشر علب صلاحيتها انتهت
اول الفتره يا اني كنت متحمسه اخذها بنظام وانتظام
لانها بس فيتامينات على قولتهم ، حقت ( الشعر + والاظافر + والبشره ) وما لها اي اعراض جانبيه
وطبعن هذي اول مره بحياتي غامرت واقتنعت اخذ هيك ادويه
لكن اكتشفت شي بعدها سلب كل ابو حماسي
تخيلو اول كان علبه وحده هنا بالسعودية ب 240 تقريبا
والحين فقط بثلاثين ريال !!!!!!!
اموت واعرف ويش سبب تخفيض سعرها كذا فجاة ؟
والله هالشي خلاني اوسوس صدق واوقفها حول ثمان تسع اشهر
لكن امري لله بديت اخذها ثاني الحين بعد الكثير من التحقيق والتاكيد عنها بس واضح الحماس ابد مو ذاك الزود
لاني وحده يالله ترضى وتعترف بشي اسمه دواء او ادويه ، سواءا يكون بروفين او حتى فيفادول وبنادول ، انا ما اخذهم الا بحالات طارئة جدن
ومحد يقدر يعرف انو هالشي كيف مريحني ومحميني بعد الله من الامراض

المهم شسمه حاولت مع اخواتي ياخذون هالفيتامينات معي ولا تروح تترمي
بس ما منهم فايده اخذو حول خمس ست ايام ، واول ما درو اني مو معطيهم الا عشان صلاحيتها ع وشك الانتهاء هههههههه بطلو ههههههههههههههههه

والله ما منهم فايده الحين وين بيلقون اخت مثلي يهتم فيهم تسذا ، كنت مستعده اذكرهم كل يوم بعد وجبتهم الرئيسية بس ماش ما قدرو مجهوداتي ههههههههه

هالفيتامينات عذروبها مثل باقي الفيتامينات انك ما تقدر تاكل ببطن فاضي لازم يكون الكرش ممتلئ ، عشان تسذا انا بعد دايما اتهاون واحيانا انسى

وبالنسبه لمفعولاتها صراحه ما لاحظت اي تغير
بس اللهم اظافري كانت تتكسر كثير بس الحين احس فيه تحسن
والشعر بعد ما لاحظت فيه اي تغير زي ما هو
اما البشره نقدر نقول شي من لا شي كنك حاط بي بي كريم ههههه

وطبعن اكثر شي اللي استفدت فيه باستخدامها ما يصلح اقوله هنا بمكان عام
> اصلن مين قلك تقولين ههههههههههههه
مير الصدق هالشي الوحيد اللي خلاني اتمسك بهالفيتامينات للحين
لدرجة ما اعتقد حتى بالمستقبل اقدر استغني عنها :Dl3:

[ذويقة]

كارثة ان يجتمع ..
عقل ناضج وقلب عاطفي في جسد واحد
..(فلا عقلك يرحم قلبك ولا قلبك يُنصف عقلك)..
:30: :30:

[ذويقة]

كان لي ( أب ) ..
يحب رمضان ويفرح به
واليوم هو في قبره :30: ..
اللهم بشره بالفردوس الاعلى
..
اللهم في كل دقيقة تمر على ( أبي ) في قبره
اسالك ان تفتح له باباً تهبّ منه نسائم الجنّة
وتونس وحدته ، وتهوّن عليه [ وحشة القبر ] :30: ..

[ذويقة]

اولن .. صباح الخير
وثانياً .. مبارك علينا وعليكم الشهر :نبض: :رحيق:
والله يا اني مكسوفه هنا من بعضهم
كل ما رسلولي شي يوم اجي ارد عليهم انشغل بشي ثاني
وهذا طبعن مو استخفافا للمرسل
بالعكس بس مدري وش صابني
الحين من قبل رمضان مرسليني تهنئة وحركات
وانا تو ارد عليهم امس !!!!!
ابشركم ..
مو بس هنا حتى بالواقع صايره تسذا
> الله يشفيني بس
اقصد يشفي جميع مرضى الفهاوه

[ذويقة]

.. alwafa
آي ميس يو سو متش :30: ..
سويت الحلا اللي انتي طرحتي طريقته هنا بالمنتدى
بس صراحه ما لقيت عندنا بايركس مناسب للحلا ذا
كلهم يا كبير جدا يا صغير ما في وسط
لذالك .. سويته في زبديه ومشيت حالي

https://h.top4top.io/p_1579ww7vu0.jpg

-

https://i.top4top.io/p_15799plyd1.jpg

[ذويقة]

رمضان السنة هذي عكس رمضان العام تماماً
حالاً واحوالاً + شغلاً ومشاغلاً + شعوراً ومشاعراً
يعني انا قاعده اقارن نفسي بنفسي
الاقني مو نفس سمر اللي كانت العام
سواءاً بالشخصيه او الاسلوب والتفكير
في كل الامور شتان ما بيني وبين سمر الاوليه
طبعن هذي اكثر سنه تالمت فيها وتعلمت
نضجت اكثر صرت ما اهتم للكثير من الاشياء
عرفت كيف اتغاضى عن الكثير من الامور
واهم شي عرفت ان كل شي بالحياه قابل للفقد
ما في شي دايم كل شي مؤقت

-

المهم ما عليكم
تخيلو اليوم صمت بلا سحور
نمت تقريبا قبل اذان الفجر بساعتين
وما صحيت الا لما كان باقي دقيقتين فقط
ما قدرت الحق لا لقمة اكل ولا جغمة موية
لكن انششهد والله اني استاهل هالشي

> ما تتسحر الا باخر عشر دقايق ههههههههههه

[ذويقة]

https://j.top4top.io/p_1590kjzjk0.jpg

https://k.top4top.io/p_1590e3jxq1.jpg

^

^

اول مره اسوي دونات بالنستله
والا العاده اسويها بسكر مطحون
طلعت الذ مليون مره من قبل
> لما اكلوها بغو ياكلو اصابعهم وراها
من جد من كثر ما امدحوها وامدحوني
انرفعت معنوياتي :نبض:

عاد لحد يدقق بالشكل لاني والله فنانه اعرف اضبط زين
لكن هنا اذكر كنت اشتغل من ايد والثانيه كنت ماسكه جوالي هههه
لذالك طلع شكله هيك معوج :30:

[ذويقة]

"اللهم العون لقلبٍ يريد الثبات على طريقك" :رحيق: ..

[ذويقة]

اقترب العيد .. واقتربت معه
ذكريات ناس تحت التراب
يارب .. كما اسعدونا وهم معنا
فاسعدهم وهم عندك :30:
-
الله يرحم كل غالي فقدناه

[ذويقة]

مرّ عَام عَلى فرَاقك وكانَّه بالامس ..
عامٌ مضَى يحمِل في طَيَّاته حُزن رَحِيْلك ،
كَم هي قَاسيَة الحياة تَخْطُف منْك اعز انْسَان
لتَمُوْت قَبْل مَوْتِك :30: :30: ~

رَحِمَكَ الله يَا مَنْ اوْجَعَنَا رَحِيْلُك :رحيق: ..

[ذويقة]

الجمعة الاخيرة من رمضان
اللّهم حالاً طيباً وبشائراً تطرق المسامع
وافراحاً تهطل لها المدامع :نبض:

[ذويقة]

"هو عيدٌ دائماً طالما ان العائلة بخير" :رحيق: :نبض: ..

[ذويقة]

الجو حر حر ي دافع البلا يمديه الكرونا مات اكيد


مساء الخير ..
شسمه جبت لكم ايسكريم عشان ما مداني بالعيد نضيفكم ونقهويكم وحركات قلت الحين ابرد على كبودكم :نبض:

https://f.top4top.io/p_1614ehrko0.jpg

[ذويقة]

https://j.top4top.io/p_161979trb0.jpg

^
^
عيديتي :نبض:

من ثاني ايام العيد وانا ابي اصوم الست
لكن الوضع ما يساعد
في كل زاويه حاطين شوكولاته جالكسي
يعني الحين شلون الواحد يقدر يصوم
لو عشاي وغداي اقدر احذفهم يومين ثلاث ع التوالي
اما شوكولاتة جواهر جالكسي من جد يبغالها صبر وعزم وحزم هههه
وغير كذا نظام نومي صاير ليلي بقوه
تعبت وانا ابي اعدله
حتى لو انام وحده بالليل من ياذن الفجر اقوم اقعد
روتين صحي لكن ابد مو وقته

[ذويقة]

كثيرة هي الارواح من حولنا
وقليلة هي من تفهمنا
فربما لا نحتاج الى ارواح
بقدر حاجتنا الى مشاعر وعقول تشبهنا

[ذويقة]

https://k.top4top.io/p_1622jio9l0.jpg

قانعين .. وحلمنا جداً صغير
بس عاد الوقت عيّا يحققه ..!

[ذويقة]

"اخاف على نفسي كخوف الام على طفلها"

[ذويقة]

اللهم بشرني بالخير كما بشرت يعقوب بـ يوسف
وبشرني بالفرح كما بشرت زكريا بـ يحيى
اللهم اهد امنياتي افاقة من سباتها وقل لها | كوني ..!

[ذويقة]

https://h.top4top.io/p_1628073oj0.jpg




.
.
وضعي الان :نبض:
المود عال العال مع جالكسي
>> مستعده تهزمهم تهزيم

[ذويقة]

الدنيا حلوة ..
وانا [ احلى من فيها :نبض: ] ..


-
ما هيك ؟ >>> (فيس يرمش) :110;

[ذويقة]

الله يكثر الايام اللي اقضيها ..
[[ ببال مرتاح ونفسيه حلوه ]] :نبض: ..
الله يبعث لصدري الرضا وكل الرضا :رحيق: ..

[ذويقة]

https://j.top4top.io/p_1639aolf90.gif


.
.

لا اهتم بمن يكون معي رائعاً في البداية
وانما اهتم بمن يبقى معي دائماً حتى النهاية
ففي البداية كلهم رائعون ~

[ذويقة]

والاهمال الذي يأتي بعد الاهتمام
هو عبارة عن قتل نفس بريئة بغير حق ..!

[ذويقة]

مساء الخير :رحيق:

كالعاده توني صاحيه
صار كذا روتيني الثابت انام الفجر واصحى الوقت ذا
الزبده مدري وش فيها عيوني بتنزل دموع
وبغزاره ...
لو احد شافني الحين بيحسبني ابكي قاعده
وجهي متنفخ نوم + وعيوني متعفطه دموع
كاني هالكه نفسي بالبكا

مادري من وانا صغيره احيانا اصحى الاقني كذا
البلا هالشي مستمر من صغري بس مو دايم بالسنه مره مرتين
وهذا الي مخليني انسى اسال الدختر تبعي

[ذويقة]

شسمه ع طاري النوم وسواته
مادري بالضبط صوتي وش نوعه
لكن يا هو متعبني ومسبب لي قلق بالحياه
من اصحى من النوم يكون متغير ميه وثمانين درجه
لدرجة بطلت ارد اتصالات بشكل نهائي
لانه الطرف الثاني يقعد يتعذر لي كانه سوا جريمه هههههههه
انحرج والله من اعتذارهم لي يحسبون انهم صحوني من النوم العميق واكون انا صاحيه من زمان
اذكر عمتي زوجة عمي دقت علي قبل فتره وانا تو غفيت وقتها
وهي من سمعت صوتي قالت شكلي اتصلت بوقت غير مناسب
قلتلها عادي والله كلميني
كنت حاسه عندها شي مهم تبي تقوله
بس هي عيت تقول لي شي
ويوم صحيت عرفت انها كانت تعبانه واخذوها للمستشفى
المهم ..
ما عليه ماجوره ان شاء الله < تقصد نفسها بالصوت ذا ؛(

[ذويقة]

https://j.top4top.io/p_1645o3rej0.jpg

.
.
والله هيك كافي وزياده :نبض:
الحين لو ما سمعت كلمه حلوه سنتين قدام مب فارق معي
لانه حلاوة كلامك يكون طاغي على كل الكلام

[ذويقة]

الذي يحبك يستخدم نفسه ليُسعدك
أمّا الآخر الذي لا تعرف حقيقة حبه لك فيُفكّر دائماً
كيف يُسعد نفسه باستخدامك .!

.
.

#حقيقة

[ذويقة]

سيبقى هُدوئي هُو عتابي لكُل من خاب ظني به

[ذويقة]

تعبانه .. :30:

وحاليا بالمستشفى
قبل امس فجأه طحت عليهم
من قو التعب ذاك الوقت حسيت انه اخر يوم في حياتي

دعواتكم ؛( :رحيق:

[ذويقة]

يسعد مساكم متابعيني
اولا .. احب اشكر من اعماق قلبي
لكل من دعى لي او سال عني
وافين والله ما تقصرون شكرا لكم :رحيق:
جعل ربي يسعدكم دنيا وآخره
-

ثانيا .. ابشركم انا بخير الحمد لله :نبض:
وحالتي الصحيه تمام كانها استقرت < ما بغت تستقر ؛(
وان شاء الله مع الايام يكون فيها تحسن اكثر واستقرار اكثر
ويصير كان شيئا لم يكن

[ذويقة]

مكافحة المخدرات تحذر من تعاطي الحشيش حيث يؤدي للإدمان ؛
ومن علامات تعاطيه:
-احمرار العينين
-الجوع والعطش
-التبلد في المشاعر
-الضحك المفاجئ بدون مبرر
-بطء في التركيز وضعف في الذاكرة

^^
من شوي كنت اتجول بتويتر
الا ولقيت ذي التغريده لفت انتباهي بشده

عدا الضحك المفاجئ ..
كل العلامات اكتشفتها فيني خلال السنتين الاخيره

المهم تهقون اني بديت اتعاطى وانا مادري ؟ هههههههههههههههههه

[ذويقة]

الهدوء الذي يراه الناس بي ، متى سأشعر به ؟ :30: ..

[ذويقة]

صباح الخير :رحيق:

https://www.al2la.com/vb/t110104.html
^^
بعد مده نزلت موضوع
طبعا جمال محتواه اجبرني انزله :نبض:
وللامانه الصور مكبشرتها من حالة الواتس خخ

[ذويقة]

[1442]
الله يجعلها سنة خير على الجميع
خاليه من الكدر والضيقه والخيبات
الله يجعلها سنة تحقيق الامنيات :نبض: