كل تفاصيلي

[ذويقة]

يسعد صباحكم جميعا
كيفكم ؟
شخباركم ؟
عساكم طيبين
والله احس من زمان عن المدونه
صاير ودي اسولف وافضفض شويتين قبل ما انام

شسمه لي ساعتين مدري ليه حاسه بالم حول القلب
يااااااا هو مزعجني :30:
لدرجة مو قادره اتنفس بالراحه
طبعا منسدحه وكل شوي قاعده اجلس
بس عشان اقدر اخذ نفس عميق بدون اي صعوبه

مدري هالالم ما احس فيه الا لما افقد ابوي بزياده
اليوم من اذن الفجر وانا قاعده افقده بزياده
لو تدرون في ثوب حق ابوي للحين معلقينه بمكتبته
احيانا لما افقده كثير اروح اضمه وابكي
حتى اليوم رحت وضميت ثوبه :30:
مادري حسيت بشعور كاني فعلا قدرت اضمه ;( الله يرحمه

طبعا اليوم يوم العاشوراء
وهذا اليوم اكثر يوم كان يحبه ابوي
كان يكون فيه طوال الوقت مستانس ومتحمس ومبسوط ومبتسم
اذكر من لما كنت صغيره كان يحب ويميز هذا اليوم كثير
وحتى انا بعد كنت احب ذا اليوم علشانه
كان بالنسبه لي اكثر يوم مميز بالسنه كلها
لكن الحين صار عكس صار اكثر يوم افقد فيه ابوي واتالم :30: :30:

[ذويقة]

يارب اجعل فقيدي ممّن يقولون :
{ياليت اهلي يعلمون ما انا به من نعيم} ..!

[ذويقة]

للي يهمهم الامر ..
انا بخير ونعمه الحمد لله
ومبسوطه جداً جدا
فوق ما تتخيلوون وفوق ما تتصورون

بس ادعوا لي اني على طول ابقى كذا :نبض:

وشكراً :رحيق:

[ذويقة]

اليوم تحققت امنيه من امنياتي :نبض:

[ذويقة]

مسافرين المدينه اليوم :نبض:
توصوني على شي ؟

[ذويقة]

.

.


ليتكم معي :30:

https://f.top4top.io/m_1773wvjkj0.mp4

[ذويقة]

ثُمّ ماذا ..؟
ثُم يُنير الله ما اطفأه الناس بداخلك 💐

[ذويقة]

I'm back

.

.
محد يقدر يستغني عنكم يا اهل مسك :نبض:

[ذويقة]

يارب ..
افرحني بما تحتاجه نفسي
وانت اعلم بما فيها ❤

[ذويقة]

اللهم اجرني في مصيبتي واخلف لي خيراً منها


1442/6/7
.
.
ما اقدر انسى هذا التاريخ المفجع
؛( ؛( :30: :30:

[ذويقة]

يالله انك تصبر قلبي :30: ;(

[ذويقة]

اللهم ارني عجائب قدرتك في تيسير امري :نبض:

[ذويقة]

تحسون رمضان هالسنه سريع والا بس انا ؟
حتى ما لحقنا نبارك ونهني
-
عموما .. مبارك علينا وعليكم الشهر :رحيق:
وكل عام والجميع بخير يارب :رحيق:

[ذويقة]

مساء الخير
عيدكم مبارك
جعلكم من عواده
وكل عام وانتم بخير :نبض:
> معاكم اخر وحده تعايد الناس ؛(

[ذويقة]

راح رمضان ورجع الارق
الله يعين بس
مادري وش مشكلتي مع النوم
فتره ما انام الا بالضجه وفتره بالهدوء
الحين هدوء من 5 ساعات والنوم معيي
عاد ما انلام شكله من كثر الهموم الي مربيتها انا
بس الحلو بالموضوع اني رجعت قويه مثل اول
ما عاد صرت اخاف اجلس لحالي
يااااه واخيرن بعد سنتين
التقيت سمر الاولانيه :نبض:

[ذويقة]

إنا لله وإنا إليه راجعون
اختي في ذمة الله
دعواتكم لها بالرحمة والمغفرة والثبات عند السؤال

:30: :30:
..
اللهم انها الليلة الاولى لها في قبرها
يارب هوّن عليها ليلتها وآنس وحشتها ووسع مدخلها
اللهم انها ضيفتك وانت خير مُضيف
اللهم اجعل اول ليلة لها في القبر خير لياليها
واجعل قبرها يارب في نور دائم لا ينقطع
اللهم ارحم وحدتها وثبتها عند السؤال
واجعل قبرها روضة من رياض الجنة
واجمعنا بها في جنة النعيم

[ذويقة]

https://www.al2la.com/vb/t116197.html

-

https://www.al2la.com/vb/2892208-post453.html

شكرا من القلب :رحيق:..
لكل من واساني او دعى لفقيدتي (اختي الغاليه)
غفر الله لها ورحمها واسكنها الله فسيح جناته
والهمنا الصبر على فراقها وفقدانها :30:

ممتنه لكم جميعا
ولجودي على موضوع التعزيه
ولكل من عزاني
سواء بالموضوع او الخاص والزوار او بالتقييم والصندوق
اسال الله العلي القدير ان يحفظكم من كل مكروه :رحيق:

والحمد لله على قضاء الله وقدره

[ذويقة]

https://l.top4top.io/p_2033zqqjm0.jpg
صباح الخير :رحيق:
اول مر اختفي بدون ما احس
تو ادخل واعرف صار لي 12 يوم عنكم
الزبده محد طق خبر معي ولا احد عيدني غير الفيفي :30:

[ذويقة]

https://h.top4top.io/p_2033jyz8c0.jpg
^^
اجل كذا الوضع هههه
عموما..
كل عام وانت/ي والفيفي
وجميع اعضاء المنتدى بخير
عاد كان ودي اعزمكم ع القهوه وحركات
بس يالله في الاعياد القادمه

[ذويقة]

صبحكم الله بالخير
شلونكم ؟
عساكم بخير
عاد والله اني اشتقت للمنتدى كثييير ؛(
واشتقت للعلامه الحمرا الدائريه ● حقت التقييم
الي كل ما كنت اجي احدث الصفحه كانت تطلع لي
سقى الله ايام التفاعل بس ؛3: > داريه القصور منها

المهم..
ليش ما نحس بقيمة الشي الا لما نفقده ؟
هالعباره ما لها دخل بالكلام الي قبله
بس مدري عجزت اتصرف مع نفسي
يعني انا الحين مركزه ع العباره من سنيين وكل شي
بس برضه اتهاون ، وما احس بقيمة الشي الي عندي لين ما افقده
اكتشفت ثلث حياتي كلها حسره هههههههههههه < ضحكة مغبونه

[ذويقة]

سمو المجد :نبض:
عطر الندى :نبض:
شكراً حبيباتي على التقييم :رحيق:

واكيد ممتنه الحمد لله
هو سبحانه كل ما اخذ مني حاجه عطاني بدالها الف :نبض:
لكن الحسره على التصرف الي يسلب النعم
وطبعاً اولاً واخراً بكل شي فيه خيره من رب العالمين

انا لما افقد شي عزيز على نفسي انبسط بفترة الترقب
اجلس افكر واقول يارب ايش ممكن يكون عوضه
والعوض معناه بديل
يعني لا بد منه شي مثله او احسن منه :نبض::نبض:

[ذويقة]

اذا اردت شيئاً بشده فـ اطلق سراحه
فـ ان عاد اليك فهو ملك لك
وان لم يعد فهو لم يكن لك منذ البدايه

[ذويقة]

كالعاده مواصله ومصدعه والنوم معيي
الارق مخاويني بكل مكان وزمان
خصوصا لما اصوم مدري النوم يحلف يجي
فاتني اليوم انام على سجادة الصلاة < احلى نومه
برمضان كنت انام بشرشف الصلاة وعلى سجادة الصلاة
لان لو ما الحق النوم كذا وباول ساعه بعد الفجر ، ما انام طول النهار
يعني على ما اعلق الشرشف واطبق السجادة النوم يمسك وضعية اركض يا عامر
السستم عندي جدن مضروب
اذكر زمان وحده اعرفها
كانت تنام في اي مكان السيب المطبخ عادي بال..... وانتو بكرامه ههههه
الا غرفتها مستححححيل
واهلها كان يصحونها ف وسط النوم عشان ترجع تنام بالغرفه
وهي يادوب تقوم تنخبط هنا وهناك وتوصل لفراشها وتنام بدون مخده هههههه
وقتها كنت استغرب واضحك اثرني ابتليت والله
الحين نص نومي يكون بمكان والنص الثاني بفراشي
بس ميزتي اني اقوم بنفسي وارجعني بفراشي هههههه
احيانا اقوم الاقني متلحفه
طبعن كمية الحب للي يلحححفني :نبض:

المهم اليوم عاشوراء
مادرش اوصف لكم اني اد ايش كنت انبسط ف اليوم ذا
بس مثل ما يقولون دوام الحال من المحال :30:

[ذويقة]

"سيقولون عنك انك شخص قاسي
عندما تتوقف عن المجاملات والتنازلات
وعندما تتخذ قرار الابتعاد عن كل ما يؤلم قلبك ."

[ذويقة]

حي الله الزائرين والمتابعين
شخباركم ؟
شسمه هالفتره مرره مرهقه ومخي مهنق ومدري وش
الزبده لي شهر ببالي سؤال كل مره ادخل المنتدى وانسى
والسؤال يقول :
انه كيف ممكن البنت ترفض من يقدم له بدون اي سبب مقنع ؟
خصوصا الخاطب لو مافيه اي نقص من اي ناحيه
البنت شلون تقنع اهلها انها ما تقدر تقبله باي حال من الاحوال
وانه مشاعرها زيرو تجاهه > فيس يبكي
.
.

راح انتظر الاجابه
> شكلي بالاخير بطب قسم مشكلتي

[ذويقة]

أعوذ بك يا الله من شعور لا يُشكى ولا يُفهم
اللهم أرح قلبي وفكري بما أنت به أعلم

[ذويقة]

مساء الخير ..
ي جعلكم تسلمون على الاجوبه والمشوره
ربي يسعدكم :رحيق:
ابي ارسلكم تقييم واشكركم فيه
بس الفهاوه لاعبه فيني لعب ؛;(


واحب ارد على الي قال ..
يعني هـ المشاعر مافي امل تتحرك بعد الارتباط ؟ دام مافي كره له ومافي شخص ثاني في البال ..
فمافي ذاك العذر الي يخليك ترفضين ... انا زيهم تري لازم سبب مقنع للرفض هههههههه
للاسف مو بس مافي امل الا مستحيل
سلمك الله انا وحده احيانا لما انغصب اتكلم مع وحده مو طايقتها اختنق
فما بالك بواحد اجابله طول عمري وكل يوم 24 ساعه وانا مو طايقته
يعني واضح المسألة مو مسألة الكره !!

الله يخارجنا بس ويرزقنا السبب المقنع

وشكر خاص لمؤيدين الرفض :نبض:

[ذويقة]

ذهب أحدهم إلى عالم دين مشهور بالحكمة والتجربة
يشتكي ويقول : حين أعجبت بزوجتي
كانت في نظري كأن الله لم يخلق مثلها في العالم !
وعندما خطبتها .. رأيت الكثيرات مثلها
وعندما تزوجتها .. رأيت الكثيرات أجمل منها
فلما مضت بضعة أعوام على زواجنا
رأيت أن كلّ النّسَاءِ أحْلى مِنْ زَوْجَتِي .
فقال الحكيم : أأخبرك بما هو أدهى من ذالك وامرّ ؟
قال الرجل : نعم !
قال الحكيم : لو أنك تزوجت كل نساء العالمين
لرأيت الكلاب الضالة في الشوارع أجمل من كل نساء العالمين .
قال الرجل : لماذا تتكلم ذالك ؟
فقال الحكيم : لأن المشكلة ليست في زوجتك
المشكلة أن الإنسان إذا أوتي قلباً طماعاً ، وبصراً زائغاً ، وخلا من الحياء من الله
فإنه لا يمكن أن يملأ عينه إلا تراب مقبرته
يا رجل ! مشكلتك هي أنك لا تغض بصرك عما حرم الله ...!

.
.


^
جعل يملا عيونهم التراب الي شررواه

[ذويقة]

ثمّ بادِر بالافعال اللّطيفة دائماً ولا تتردّد
فانّك لا تدري كَم من خاطرٍ يرى فيك جبراً

[ذويقة]

يا الله مساء خير والنصر للنصر 💛💛
ياخي قمة التوتر والرررربكه

[ذويقة]

تعويضات الله مُذهلة وتستحقّ الانتظار

[ذويقة]

صبحكم الله بالخير
طبعا مواصله ووراي دوام والنوم معيي
وشعوري مدري كيف
مره الحزن يسيطر علي ومره سعاده
تقدرون تقولون شعور الحزن الي فيني ذا الحين لو اوزعه ع العالم كله بيكفيهم
وبعد تقدرون تقولون اني اسعد انسانه ع وجه الارض

طبعا 25 اكتوبر له دخل بالموضوع
اليوم تاريخ ميلادي :نبض:
ومن الصباح جالسه افككر وشايله هم كيف انولد بالساعه 4 العصر هههههه

المهم
من جد الشعور عندي جدا غريب
وحرفيا وضعي يرثى له
عجزت افهم ابكي والا اضحك
وهل انا حزينه والا سعيده
مدري فيني صياح الف ولا اعرف ليه

[ذويقة]

اهلا اهلا
للحين اشوف الزوار جالسين تحت يالله حيهم
نمت وصحيت وقمت اشتغل
بس اشوا الشعور على ما يرام
يالله لك الحمد :نبض:

[ذويقة]

طبعا الكل نايم وتاركني
وفي شي بمخي موترني
قلت ادخل هنا لعل وعسى التوتر يخف
شسمه نسيت اقولكم باركولي وذا :3;
لي شهر وانا بديت اداوم زي الاوادم
والشهر كلو طلع زي العسل :نبض:
والحين ابي الوظيفه الي ببالي
ادعولي بس اتوفق فيها
قبل امس اقترحت عليهم ووافقوو
لكن برضه متوتره
لانه الشغل يعتمد على قدراتي وقوة تركيزي
> تخبرون التركيز صفر
الزبده دعواتكم اطلع قدها وقدود :3;

[ذويقة]

-علّمتني سوة يوسف :
"أن الجبر الإلهي إذا تأخر ، لا يأتي عادياً أبداً" .

[ذويقة]

اكثر شخص مو طايقته هالفتره
هو الي يجني على نفسه مصايب بنفسه
ومعكر حياة غيره بسبة غباءه
طبعا محد يحب يجيب لنفسه مصايب
لكن في شي اسمه "دورات"
لا تدخّل راسك بشي ما تعرف له
روح تثقف الله يخليك قبل لا تبلش عمرك
خذ لك دورات عنه وفكنا


المهم..
في معلومه عندي من زمان قلت لازم اعلمكم عشان تستفيدون
يقولك..
ثلاث مشاعر بالانسان مسؤوله عن الامراض
سواءً امراض جسديه او نفسيه
مسؤوله عن بداية اي مرض يصيب جسمك

اللي هي :
الخوف + الندم + الخجل

طبعا كلنا نخاف ونندم ونخجل لكن بشكل طبيعي
اما اللي عنده هالمشاعر زياده عن اللزوم الله يعينه
لانه من عرفت هالمعلومه بديت اركز فيها
وفعلا لقيت الي مدمور نفسياً وجسدياً يكون اكثر شخص يخاف من اي شي ويندم على كل شي ويخجل بشكككل

خلاصة الكلام
حاولو لا تخلون هالمشاعر تتغلب فيكم
وعلى قولة المثل هوّنها وتهون
ما له داعي السيناريوهات الزايده

الله يكفينا ويكفيكم شر الامراض :رحيق:

وايضا عندي معلومه اخرى
اللي فادتني كثير يوم طبقتها على نفسي
راح اكتب لكم بعدين
> عين مفتحه وعين مغمضه

تمسون على خير :رحيق:

[ذويقة]

"كُلّ سبُل الارض لن تستطيع ان تقف امام خيرٍ اراده الله لك"

.
.



فاطمئن :رحيق:

[ذويقة]

امس نمت العشاء ساعة 10 وربع تقريبا
وصحيت الساعة 3 بالليل
ورجعت نمت الساعه 5 الا ربع
وصحيت بعدها بنصف ساعه يمكن او اكثر
بس ياخي كمية السعاده بهالنوم
جاني حلم قسم بالله اني بمجرد جيته سعيده

الحلم عباره عن شي تفسيره يعتبر بشاره
السعاده والبهجه + الامان والطمأنينه + الفرج القريب

عاد اقولكم لي كم اسبوع احس قلبي ناغزني
كني مسويه شي غلط
او اني ظالمه احد
مدري .. الزبده الشعور مره مقرف
انك تدور سبب لتانيب ضميرك ولا تلقاه

لذالك متامله زود بالفرج القريب بعد هالحلم
انا من النادر يجيني حلم
اغلب احلامي احلام العصر
او حلم له تفسير واضح كوضوح الشمس

والحمد لله على الطبطبه الإلهية :نبض:

[ذويقة]

"رحم الله من يمر بفترة عصيبة ولم يفقد لُطفه مع الناس ، وكأن ألمه زاده لينًا"

[ذويقة]

يالله كمية الراحه بهالليله :نبض:

[ذويقة]

مساء الخير
اكثر شي يشدني في مدونتي هو لما اغيب وارجع ادخل المدونه
الاقي الزوار جالسين تحت يشاهدون محتواي المتواضع
كنهم منتظرين جديدي بلهفه ههههههههههههههههههه :نبض:
المهم..
شعوري وجسمي ياا هو متمردغ
قبل امس الساعه 3 بالليل نزلنا في المسبح لكم ان تتخيلو الجو بارد كيف
والمويه تقول موية براده قسم بالله
شفت البنات نزلوا وحماس واكشن قلت ما اخليها بخاطري ههههه ونطيت
اعترف تهورت وجالسه ادفع الثمن
والله كنه احد مردغني رايح جاي ومسح فيني البلاط ههههههه
معليه اهم شي اني تعلمت حركه جديده الي هي النطه في المسبح > جتها ام الركب يوم جت تنط اول مره
طبعا نطيت مع الكَفَر ذاك
لانه هذي ثالث مره في حياتي انزل المسبح
السباحه والمسبح مره مو جوي
وللامانه هالمره حبيييت
استمتعت بالنطه اكثر شي
والسطل ذاك الي يتعبا ويطش
اداني احساس اني قطعة ثلج بالفريزر هههههه
وبس حاسه اني انجزت شي يوم حاربت شعوري تجاه البرد
انا وحده تحب كل شي له صله بالشتا الا البرد سبحان الله ههههههههه مدري كيف

[ذويقة]

https://c.top4top.io/p_2176ao3ev1.jpg


.
.
صباح القهوه ~ :نبض:
زمان عن رفع الصور وحركات

المهم.. هالكوفي مطير لي نومي وخرّب اومّ الروتين
كان لازم انام 7 الصباح والحين 11 ؟



وايه جتني بشاره حلوه مع هالصباح :نبض:
الواتساب كله الف مبروك والف الف مبرووك
يالله لك الحمد ويا عسى دايم هالتباريك :نبض:

[ذويقة]

كلّ الذينَ اعرفهم ماتو في حادث ثقة :30: ..

[ذويقة]

ما بها الوحدة ؟
أليست أجمل من النفاق والكذب !

[ذويقة]

اللهم لا تجعلنا بحاجة لغيرك
وأنتَ أقربُ إلينا من حبل الوريد ...��

[ذويقة]

عندما تركب القطار الخطأ
حاول ان تنزل في اول محطة
لانه كلما زادت المسافة
زادت (تكلفة العودة)..:30:

-
-


صباح الخير

[ذويقة]

شعوري الحين ما ينوووصف
ما حسيت هالقلب ينبض لاحد بعد مماته

شكراً يارب على هذا الشعور الحلو واللطيف الي لا يمكن ينوصف
اتمنى ان ربي يرزق كل مسلم هذا الشعور وهذي السعاده الي انا فيها الحين :نبض:

طبعا اليوم كان يوم مهم في حياتي
كان يوم مختلف واستثنائي
كان يوم جميل جدا
كل لحظه فيها كانت لحظة سعاده وفرح
واهم شي اهم شي اليوم قلبي تعب من كثر دقاته ههههههههههه :نبض:

[ذويقة]

البعض لا يقترب منك لمواساتك
بل ليتأكد ويطمئن (انك تتألم :30: ..)

[ذويقة]

يُقاس الألم بأثره لا بسببه
وأتعجّب كيف يجرؤ إنسان أن يقول لآخر
أن الأمر لم يكن يستحق ..!!

[ذويقة]

الأمرُ معقد ، كـ غيمةٍ لا تعرف ما الذي أصابها فـ بَكَت

[ذويقة]

لا تُحاول الإنتصار في كلّ الخلافات
فأحياناً كسب القلوب أولى من كسب المواقف

[ذويقة]

لا تحسدوا الناس على نصيبهم من الفَرح
لمُجرد أن نصيبهم من الحُزن لم يُرى :30: ..

[ذويقة]

اولاً: الله يمسيكم بالخير
ثانياً: كل عام وانتم بخير :رحيق:
ومبارك عليكم الشهر الفضيل
ثالثاً: اعذروني ع الغياب الطويل
مير والله الظروف والنفسيه ما كانت تسمح
رابعاً: هذاني رجعت لكم :نبض:
خامساً: محتاجه دعواتكم :رحيق::رحيق:


-
سادساً واخيراً: عندي كلام لمسك الغلا (المنتدى)
شسمه عندك خبر انك قد اهديتني اجمل شي في الحياه ؟!!

بس جدن آسفه ماقد جا ببالي اني اشكرك
او اطري لك حتى
والحين يوم فقدته جيت اشكيلك

ايه امس فقدته وودعته للابد
ودموعي معيّيه تهجد :30: :30:
الله يصبرني يارب

[ذويقة]

https://c.top4top.io/p_2300l0iqy1.jpg




https://b.top4top.io/p_2300tzeiz0.jpg

حاطين لي مغذي وقناع الاوكسيجين

والسبب الله اعلم بوه
تقريبا من شهر ونص وانا حالتي النفسيه بالقاع
وكل هذا من وراها
ما عمري اخذت مغذي ، بس اليوم استسلمت :30:

ترا الحياه من دون عافيه ولا شي
حرفيا مانب مستمتعه بشي من بعدها

يالله اني اسالك ان تكرمني بالعافيه الدائمه

[ذويقة]

صايمه اليوم الحمد لله :نبض:
ونايمه من بعد الفجر > ما قد ذاقت نوم ف نهار رمضان
يمكن اول مره بحياتي تركت صيام
3 ايام ما صمت ، وانا ما فيني شي ، وفيني الف علّه مدري كيف
الزبده دوبي اليوم احس برمضان
الايام الي مرت كلها كانت زي ايّام العاديّه
احس ان بعض الطقوس والعادات لها دور عشان تحس وتستشعر




-
-
قبل انسى
شككككرا لكم :رحيق:
والشر ما يجيكم :رحيق:
ي مرسليلي التقييمم وحركات
اجل وحشتكم انا وانا ما عندي خبر ؟ :نبض::0741:

[ذويقة]

المهم وانا اقلب المدونات
الا وشوفو مين لمحت اسمه
شوفو منور القسم ؛(؛(
الا والله منور المنتدى كله
https://www.al2la.com/vb/t103465-14.html
يالله ي حبني لهالبنت :نبض::نبض::نبض:

يسوم والله انك نورتي المنتدى مليون ترليون

شسمه الف مبرووك الامومه :نبض:
من مشاركاتك عرفت انك جبتي بنوته
عسى الله يجعلها من مواليد السعاده
ويخليها لك :نبض:

[ذويقة]

https://i.top4top.io/p_2306sr3np0.png


صيام والعالم هدوء
وانا جالسه امشي من اليوم
لعلّي احرق بعضا من المشاعر السلبيه مع السعرات الحراريه

[ذويقة]

"هو عيدٌ دائماً ، طالما ان العائلة بخير." :نبض:



-

عيدكم مبارك يا اهل مسك الغلا
وكل عام وانتم ومن تحبون بالف خير

[ذويقة]

مساء الخير
كيفكم
شخباركم
ان شاء الله طيبين ومعدلين نومكم

انا نومي للحين مش ولا بد
بس يالله خذيت اجازة اسبوع يمديني فيه اعدل نومي

المهم .. اخذت اجازه لشغله مهمه اهم من النوم
فكرت اسوي لي تحاليل من الى
لانو من شهرين وانا فيني تعب مو طبيعي
بس عشان رمضان قلت اسويها بعد العيد براحتي
ما كنت ادري اني راح اطيح مرتين يعني انا ما اجلت تحاليلي لبعد العيد الا عشان ما اضيع وقتي ووقت الناس معي برمضان وصارت شخخبطه اكثر اطيح عليهم وحوسسه وقلق
واروح المستشفى بعز الزحمه بس يالله الحمد لله انها عددت

المهم لحقت اسوي لي تحليل واحد قبل رمضان بيوم
والنتيجه كانت تمام قالو ما فيك الا العافيه يمكن تتوهمي
والله اني قلت الحمد لله من ناحية النتيجه
لكن سلامات كيف بيقولو يمكن تتوهمي ؟
انا ما اداني المستشفيات ما اطيق ريحتها
جايه عشان متوهمه بس بالتعب :30: !!
مادري كيف مستهينين بتعب الناس

ما علينا ..
حاسه ان البلا عندي بالفيتامينات
لانه محد قدر يحدد وش فيني
غير ثاني مره يوم رحت عند دكتور العائله
قال هذي ليش منهاره !
تصدقون كلمته هذي ساعدتني كثير
لانو حتى انا ما كنت اعرف وش فيني
الا يوم قال منهاره
كنت احسب فيني ضعف من الصيام ومن قل الاكل
لكن يوم قال منهاره عرفت تقريبا وش مشكلتي
طبعا حالة الانهيار ما تجي عبث
انا الفتره ذيك ما غير كنت اعصب على كل صغيره وكبيره < من الزعل
وكل اللي سويته عشان اسيطر على حالتي بطلت اني اعصب نهائي
لان بنفسي حسيت ان اعصابي رايح فيها
يعني حرفيا بلا مبالغه من 19 رمضان للحين ما عصبت ولا مره
اعرف اذا عصبت انهرت
ما غير اتجنب من اشياء تنرفزني او تعصبني

احس ودي اشطح واقول (لا تتكلم عن القوه اذا انت ما جربت تسيطر على تفكيرك)
>اصعب شي في الحياة هو السيطره على التفكير

لاحظت ان مجرد التفكير ببعض الاشياء يمكن يسبب لك حالة الانهيار
^
وطبعا كذا تسيطرت على حالتي
الخلاصه .. عرفت ان (كل احد دواه عنده)
يعني لو ما ساعدت نفسي كان يمكن ما صمت ولا يوم برمضان
ولو اني للحين ما اعرف وش سبب ضعف الاعصاب عندي
الا اني قدرت اداوي نفسي بنفسي لفتره من الزمن

وطبعا كتبت ستين الف موضوع مع بعض بس يالله مشّوها هالمره

[ذويقة]

طبعا هذي اول مره بنفسي راح اروح المستشفى
والمشكله ما عندي خلفيه ابددد
يعني شلون اخليهم يسوون لي تحاليل الي ببالي
مثلاً تحليل حق فيتامين d هذا انا اعرف له
مافيه شرط صيام ولا شي
اما التحليلات الثانيه ما اعرف هل يحتاج صيام ؟
والفيتامينات b1 وb2 وb12 باي تحليل يبين ؟
حتى فيتامين a و e والغده الدرقيه
اي احد عنده خلفيه يعلمني
ما ابيهم يمشّون كيفهم عليّ ويسحبون دمي الف مره :30:
وكم مره يحتاج سحب دم لتحاليل مختلفه ؟
او عادي يقدرون يسحبون لتر مره وحده ههههه
> اهم شي الابره ما تنضرب اكثر من مره

[ذويقة]

اووراانوووس :نبض:
ي قدمك ي شيخه يوم تناديني ذووذوو
سقى الله ذيك الايام الي الكل كان مدلعني هنا بذوذو ؛(

طبعا لو في احد يبي يشوف الطاقه الايجابيه بحد ذاتها تمشي وتتحرك وتاخذ وتعطي يجي يشوف ((أورانوس)) :نبض::نبض::نبض: < انواع الكاريزما ماشاء الله ما تنوصف بكلمتين


المهم على طاري القهوه ..
اول شي انا احب كل انواع القهاوي
ثانيا يختي قد ذقت قهوه عربيه لاهل الطائف وربي ريحتها هنا للحين بمخي
العام اختي كان عندها فترة شغل بالطايف وكان في كافي عندهم بالدوام تقول كل ما طفيت رحت اطلب لي قهوه عربيه من غير اي طلب معين المهم من يوم ما رجعت هي ما غير تمدح لي قهوتهم رجعت من غير ما تستكشف سر البن تبعهم
وقبل فتره رحنا عند اخوي قامم صلح لنا دلتين قهوه الا يوم ذاقتها اختي انهبلت تقول نفس طعم قهوة الكافي ذاك واخوي يوم سالناه من وين له البن ؟ قال قد خذاه بالكيلو من الطايف ولا يذكر من وين بالضبط ؛( :30::30:
انا عني اول رشفه ما حسيت بذاك الطعم الي هي كانت توصف لي
بس وربي حرفيا ادمااااان ادمااااااان من اول مره
مدري هو طعمها كان حلو ولا ريحتها
الزبده شي يمخخمخخخ
وحظنا ما لحقنا ع هالبن الا بآخر الدله
كان في قرطاس ساده ما كان فيه اي علامه تدلنا عليه
دله اخيره وقرطاس ساده هههههه مين قال الحياه مو حلوه مين هههههه

[ذويقة]

https://i.top4top.io/p_2342ad5gm0.png


^
شنو هذا ؟
وانا اقول شبلاني فجاه
اثره مفعول الحديد

من شوي افطر مع الوالده
قلت لها ما لاحظتي اني صرت ابلع الاخضر واليابس
قالت لو تسمني اقول
قصدها لو اسمن راح تصدق كلامي هذا
مهما اكلت مهما شربت بعين امي لقمه وجغمه
وهذي اكبر معركه بيني وبينها لدرجة احيان احسني عاقه :30:
الله يرزقني برها بس ويطول بعمرها

المهم .. داقه بالنعمه بس برضه من الجوع مش قادره انام

[ذويقة]

"ما استبّ اثنان إلاّ غلب الأمهما"


^
احيانا الاقي عباره تختصر الكثير من الشرح
دايما ودي اني اوّعي بعض الناس ان مش كل الانتصارات حلوه
بعض الانتصار تكون فيه انت اللئيم والدنيء ، وبس

[ذويقة]

https://i.top4top.io/p_23501syar0.jpg

موسوسه !! افا بس افا ​

عاد الدكتور ي صبره على وسواسي
كل ما استلمت نتيجة لتحليل اروح اقوله ابسوي تحليل فلان الفلاني
يقول ماله دخل ي بنتي بعدين يقول حاضر عشان تتطمني

طبعا بعدين اعلمكم ايش من التحاليل والاشعه سويتها
لانو باقي كم تحليل براسي لا سويته اعلمكم بالتفصيل يمكن تستفيدون > تقصد الناس الي مثلها الي يهابون من المستشفى والتحاليل والامور هذي < اكتشفت اني كنت مثقله الموضوع بزياده

اهم شي الحمد لله صحتي جيده الان :نبض:
والتعب احيانا احس فيه لكن بالنسبه لشهر شعبان انا بنععمه لا تعد ولا تحصى

[ذويقة]

صباح الخير :رحيق:
وبما انو نومي مسوي لي فيها يعنني بسدح لكم معلومه تفيدكم
المعلومه هذي انا اعرفها من زمان لكن تاكدت منها الحين يوم جاني تعب من حيث لا احتسب

تقولك المعلومه انو تدمير الجسم او الجسد تعتبر اخر مرحله
بمعنى انو لا يمكن اي مرض او اذى يصيب جسمك كذا فجاه ، فيه قبلها مرحلتين لا بد تمر منها

وهي كلها ثلاث مراحل باختصار < مدري تنقال عنها مراحل ولا لا
المرحله الاولى: فكره سلبيه
والمرحله الثانيه: الحاله النفسيه السيئه
ثم بعدها المرحلة الثالثه: الي هي امراض ومشاكل الجسد بانواعها

لو تلاحظو الفكره السلبيه بالمرحله الاولى
يعني هي اساس تاسيس الحاله النفسيه السيئه
والحاله النفسيه الغلط معروف تسبب مشاكل في الجسم

يقلك اي مشكله جسديه مربوطه بالحاله النفسيه
حتى لو عطسه او صداع بسيط

وممكن الحاله النفسيه السيئه تؤدي الواحد لامراض من الصعب يقدر يتعالج منها

ارجع اتكلم عن الفكره السلبيه الي بالمرحله الاولى وايش تاثيرها على النفسيه

ودي انو اي احد يقرا هذا الكلام يفكر معي ايش ممكن يكون سبب تدمير حالتك النفسيه !
طبعا تكون فيه اسباب واضحه كوضوح الشمس
مثلا احد قريب منك توفى
واكيد تعرضت للكثير مثل هالصدمات في حياتك
لكن بالحقيقه هذا مو سبب تدمير لحالتك النفسيه
السبب الرئيسي هو التفكير والتفريط بالفكر على الاشياء السلبيه الي صارت بحياتك < وحتى الفكر على اشياء سلبيه بمجرد الخيال

لذالك .. (راقبو افكاركم) من الآن الله يسعد روحكم
انا يوم قررت اطبق هالمعلومه عانييت حسيت انه ما عندي شي اصلا افكر فيه
لكن مع الايام عرفت اتعامل مع تفكيري السلبي غير ابدله بالايجابي

بالنهايه الوقاية خير من العلاج

واتمنى اني وفقت اوصل لكم المعلومه :رحيق:

[ذويقة]

الله يعين
معزومه الليله
والنوم معيي
اقوم متاخره
ووجهي يكون مفقع نوم
شلون احط ميكب ههههههه
وايش البس اصلا
عاد من زمان عن العزايم والمناسبات وناس جدد
معزومه من قبل اسبوعين
بس كنت مكنسله الفكره
وامس جاني اتصال وليه وذا قلت تمم
ولين الحين ما قررت وش البس اصحى واقرر
المشكله مكان الحفله بمدينه ثانيه
يعني لزوم نتجهز من بدري

عاد اعترف لكم بشي > اعتراف الاعجاب ما قبل النوم ههههه
يا اني معجبه ومقتنعه بذوقي واختياراتي وتنسيقي لنفسي الكثير ما يعجبهم
لكن عندي اقتناع كبير بذوقي مستحيل يتغير لاحد
اما لغيري الوضع عكس اي شي يلبسون احبه فيهم
الا الشي الاوفر ما احبه في نفسي ولا في احد غيري
واحب الاختصار ف كل شي
سواءا ف اللبس ف الاكسسوارات ف الميكب
ما عدا الايلاينر والكعب هههههه
بس برضه مش الكعب الي يجي زي القلم
والايلاينر احب العب فيه وابدّع الا المناسبات الكبيره دايما اجيب العيد هههه :30:

وبس .. اصحى وادور لي لبس بلون غامق وفخم
ويارب القى شي ساده بدون فصوص الي يرضي ضميري

[ذويقة]

في مثل هذا الوقت من العام الماضي
رحلت اختي من دار الفناء الى دار البقاء

خلال الثلاث سنين
فقدت ناس غالين جدا على قلبي
في شهر 7 عام 1440 توفت عمتي فجاه
وبعده بشهرين توفي والدي رحمة الله عليه
والعام خالي توفى وعقبه بشهرين اختي توفت
رحمة الله عليهم وجمعني بهم في اعالي الجنان

[ذويقة]

ارررررق
طبعا كملت اكثر من 24 ساعة والنوم ما له اي طاري
لانب نايمه ولانب واعيه شي
مدري وش اسوي لو مصحصحه اقوم انجز اعمالي
حرفيا جالسه اطالع السقف والسقف يطالعني

[ذويقة]

https://j.top4top.io/p_2365rwrad0.png



قلبتي المواجع ي همس
الله يرحم آبائنا ويرحم جميع اموات المسلمين

..
من وانا صغيره اعرف ايش هو الوجع
لكن ما عرفت الفرق بين الوجع الحقيقي والغير حقيقي الا يوم فقدته :30:

[ذويقة]

https://e.top4top.io/p_2368q58tb1.jpg

احترام اكثر من كذا مافيش :نبض:
عادتي اول ما اصحى ادور جوالي
واليوم اصحى والاقي هذي الورقه جوه الكفر
احس بابكي اول مره يحترمون نومتي ويتركون لي رساله كذا بكل حب واحترام ههههه
مكملات الفيتامين دال اخذها اسبوعيا يوم السبت
بس امس طلع عن بالي من قوة التعب
كنت مواصله من عصر الجمعه لين البارح الساعه 3 يعني 31 ساعه بدون ولا اي غطه بس اهم شي خلصت الكثير من الاشغال والمشاوير الي كنت مؤجلتها من شهر تقريبا

[ذويقة]

قال رسول الله صلى الله عليه وسلم
خيرُ الدّعاءِ دُعَاءُ يومِ عَرَفَة
وخيرُ ما قُلْتُ أنا والنّبيّون مِنْ قَبْلي
"لا إله إلا الله وحده لا شريك له له الملك وله الحمد وهو على كل شيء قدير"

[ذويقة]

يالله وش ذا
الظهر دخلت هنا وعيّدت عليكم
والحين اكتشف اني ما اعتمدت المشاركه
زين انها ما طارت
معليه بعتمد الحين :نبض:

*****

تقبل الله منا ومنكم صالح الاعمال :رحيق:
كل عام وانتم بخير وعيدكم مبارك :رحيق:

يمكن انا الوحيده الي مسيطره على نومة العيد
احلى شي عندي بالعيد لما الكل يدخل بالغيبوبة واكون انا صاحيه مصحصحه
تعودت على كذا من عشرات السنين
العام بعيد الفطر وقت الظهر كذا دخلت معاهم بغيبوبه ويوم صحيت ​تحسفت على عمري
احب الجو الهادئ حق اول ايام العيد :نبض: ما اقدر افوته

عاد من كثر المواصله امس قريب المغرب وصلت لمرحلة الهلوسه لانو لي كم يوم ما انام الا 4 ساعات في اليوم والعاده انام 9 ساعات

الزبده احد جرب الهلوسه الي بمعنى الكلمه ؟

انا من كثر ما اواصل مريت بمراحل غريبه وعجيبه مش بس الهلوسه
مثلاً مرحلة انك جالس تصلي تقوم وتسجد مثل العالم وانت نايم حرفياً وتحلم بعد هههههه
امس وانا اصلي فجاه اكتشفت اني جالسه احلم وقطعت صلاتي مرتين لكن من غير فايده رجعت احلم من جديد
واضطريت اكمل بنفس الوضع لانو ما كان باليد حيله

المهم اكتشفت فيني ميزه جديده الي هي اني لما انام بالصلاه لساني ما يوقف هههههههههه


الزبده ناويه على نومه محترمه الليله
لا قمت رديت على بعضهم
من كثر السهر والمواصله هالعيد مخي ما هو بمصحصح

[ذويقة]

انا الوحيده الي ما اكلت ذرة لحم لين الحين
مادري ويش مشكلتي
احيانا اكل واحيانا الله يديم النعمه
مادري نباتيه او مش نباتيه
اذا اكل اكل اللحمه اللي تكون مره ذايبه والي تجي بدون عظم
اما كبده وتقاطيع وهالسوالف
ابدددددا ما قد ذقتها حتّى

[ذويقة]

"اذا ماكلتي كبده وتقاطيع فاتتك نص متعة الحياة"
^
الكبده شيء معقول اما التقاطيع حرفيا الله يديم النعمه
انا البيض يالله يالله اكله هههههه
فما بال الشحوم والكبده والتقاطيع
متعة الحياة كلها عندي والعشق هو الرز
رز ابيض احمر بني اصفر :نبض:
بالغدا او العشى او بالفطور
اي وقت ما عندي مشكله ما امل منه
عاد الاعتراف بالحق فضيله
المشكله فيني موب فيكم نعمة ربي تحللونها
انا يوم اقعد اكل البيض واللحوم تجيني تخيلات مدري كيف وهذا الي مانعني وبقوه
الله يشفيني بس هههههههههه

[ذويقة]

الفقد شين لكنه حق.. بس اذا تبين تنسين الفقد نصيحه تصدقي لو بريال يوميا ترى الصدقه تهدي الروح وتخليك مرتاحه لانك تنفعينها بقبرها.. عسى الله يريح بالك ويهدي سرك
^
الله يسعد صاحب هالفكره :رحيق:

ونرجع لموضوعنا السابق
يبيلك دوره عن ثلاث عجايز صنتين يمشن بعصا وواحده مهذري ويغصبونك على اكل لسان وكرش الذبيحه
^
طبعا هو كذا الواحد يمكن يتعود والشغله هذي تقوم فيها الجدات وجداتي متوفين منذ زمن بعيد وامي الله يطول لي في عمرها انسانه لطيفه جدا مستحيل راح تجبرني على هذا يعني محد بقى فوق راسي عشان انجبر ع هذي الاكلات
حتى الازواج جايين مرره كيوتيين هالايام ما لهم هيبه هههههههههههههه وفوق هذا نلاقيه راعي الاستيك او الباربكيو باي وجه يقول لي على لسان وكرش

عاد يوم اني صغيره كنت اكل نخاع العظم
طبعا الفضل يرجع للاهل كل ما كان يطلع باكلهم العظم ذاك الي فيه النخاع نادوني
واجيهم جري بكل لهفه
لا وانا ووحده من خواتي كنا نتسابق عليه ههههه يعني الي يوصل اول يكون من نصيبه وكذا
وللامانه للحين اتذكر طعمه كان مره لذيذ بس ما عاد اقدر اكل بسبب تخيلاتي الزايده :30:

[ذويقة]

https://e.top4top.io/p_2389dt8uv0.jpg


ما كنا ماشين صح ؟
ياخي احب التقييمات الي تجيني هنا :نبض:

حرفياً مادري متى راح اكبر عن هذي التفاصيل الصغيره

[ذويقة]

https://k.top4top.io/p_2390wqma00.jpg

حبيباتي دققو فوق الخط الاحمر الي بالصوره
انا يوم اقول تفاصيل صغيره ما اقصد التقييمات
التفاصيل الصغيره هو اني احب اسم مدونتي يكون بملفي من فوق لتحت
وما يقاطعه اي موضوع آخر

اما التقييمات تفاصيل جدا جميله والبعض منها تصنع يومي على قولتهم :نبض::نبض::نبض:
ويسعد مساءكم :رحيق:

[ذويقة]

يالله هدتني السخونه
اعذروني ياللي ما قدرت ارد على تقييماتكم
انا التصويت ما مداني اصوت
توني استفيق
مع اني دخلت اكثر من مره بس دخت وطلعت

العام داهمني كرونا قبل الحج
من بعده هذه ثالث مره تجيني سخونه
والا كنت من النوع الي كل بين سخونه وسخونه كنت اخذ فترة سنتين اقل شي
بس يالله الحمد لله :رحيق:


قبل انسى
شكرا لكم على التصويت
صعفق طاش كندي & احمد العالمي & متأمل
والصدق اني فرحت على المصوتين اكثر من التصويت نفسه
يا جعل ربي يسعدكم :رحيق:

[ذويقة]

على طاري ام حسن ههههه والعين والحسد
امس شفت اسد بحلمي > اول مره تشوف
ويوم استفسرت قالو لازم التزم بآيات العين والحسد

عاد يبيلي ادور احد يقرا علي كل يوم ويحصنني :30:
احس البلاوي كلها تجيني بسبب اني مهمله في موضوع التحصين

[ذويقة]

ي عيني ع التوقيع الجديد :نبض:
تفاجئت يوم دخلت هنا اقول في نفسي مين ذي الي خاشه مدونتي
اثر الاداره حاطين لي توقيع :نبض:

المهم جايه من قسم همومنا ومشاكلنا
قريت موضوع (اخذها كزوجه صعبه)
صراحه ما استغربت من كلام صاحب الموضوع كثر ردود الاعضاء بالموضوع نفسه
مدري مستغربه من استغرابهم
هو مجتمعهم غير عن مجتمعنا والا وش السالفه
انا من وعيت شاب راسي من هالقصص
وهنا كل الي ردو بالموضوع حسيتهم متفاجئين !!
لدرجة ان البعض يحسب الموضوع وهمي ههههههههههههه
معليش جلست اضحك وانا اقرا ردودهم

المهم..
في مثل هالموقف بنظري الغلط كله يرجع للبنت
مو معقوله كيف اربع سنوات وهي ما حست انه قاعد يلعب عليها !! > وين راحت الحاسه السادسه الي عندنا :30:
وطبعا هو والي شرواه الغلط راكبه من ساسه لراسه
لكن دايما في مثل هالعلاقات انا اشوف المبادر بالغلط هي البنت نفسها
يعني موش ممكن انو اي علاقه تبدا من غير (الضوء الاخضر) من قبل الستات
وهذا الضوء الي والله يوديهم بستين داهيه من حيث لا يعلمون
وادناهم هالموقف (اخذها كزوجه صعبه) الي انحطت فيه هذيك المسكينه

[ذويقة]

https://a.top4top.io/p_24061sx7u0.jpg

انني هنا :نبض:

لي اكثر من سنه ونص ما جيت المدينه
عشان هيك عم احس حالياً اني اسعد انسانه بهالكون :نبض:

[ذويقة]

طبعا قبل كل شيء الف الحمد لله على سلامتنا
تو كملت نومي عقب السفر الشاق والمتعب
عاد ما احتاج اشرح لكم كثير بالي صار معنا بالسفر
لانو مدونة صعفق طاش كندي تشرح لكم النص، والنص الثاني اشرح لكم انا

*https://www.al2la.com/vb/3164017-post1405.html

عاد الخطه كانت العمره
قلنا اول شي نزور المدينه وبعدها المكه والعمره
يوم جينا نطلع من المدينه رحنا وادي الروحاء< كانت من ضمن الخطه
عاد الي ما يعرف لازم يبحث عن هذا المكان ويزوره، عني انا حسيت بانجاز يوم قريت عن هذا المكان ويوم دريت انه وادي من اودية الجنة< كانت اول زياره لي :نبض:
واهم شي شربت من موية بئر الروحاء :نبض:


المهم كان كل شي على ما يرام لين وصلنا بدر ويوم جينا نتعشى الا وواحد من عيال اخواني طاح علينا فجاه اتبهدلنا بالاخير وديناه المستشفى، قالو لازم يجلس 24 ساعه تحت الرعايه (المشكله ما كان فيه اي سبب واضح لطيحته) جلسنا محتارين بالسياره ما ندري وش نسوي نستاجر لنا شقه والا ساعتين ونمشي، وراحت علينا ساعتين ثلاث بالحيره
(وانا الي ذبحني هناك الجو المكتم لاني كنت قادره اجلس جوه السياره ولاني كنت طايقه الجو بره لانو اساسا تخنقني اجواء المدينه الي فيها بحر او الي قريبه من البحر، الجو المدبك يخنقني)
المهم سوو للولد تشيك آوت من المستشفى يوم شافو وضعه تمام وجينا نمشي الا السما بدت ترعد وتبرق، وذاك الهوا القوي ومع الغبار، يعني الكراسي والاشياء الثقيله كانت تسبح في الارض من قوة الهوا تقول اعصار فعلا
ويالله طلعنا من هناك الا المطر بدا ينزل وانقلب الطريق سيول ويالله يالهواجيس مشينا كم متر وغرزنا وبنفس الوقت وبنفس الطريق غرز اخوي سيارته ورانا (كنا 3 سيارات) الثالثه ضيعناها باول الطريق، عاد ما اقدر اوصف القلق والتوتر الي عشته، كنا مغرزين من تحت ومن فوق امطار قويه وصوت الرعد وخيوط البرق
بالاخير دق اخوي ريوس بكل ما عنده وطلعنا عكس لين مسكنا الخط
(الي ما يعرف طريق بدر هو خط واحد للرايح والجاي)
كانت الدنيا مغبشه ي دوبك تشوف مترين قدام والسياره جايه من قدام بعض ما تدري مين يجي يصقعك او انت تصقع احد
عاد ما خليت دعاء وما قريته، تبت وتشهدت وتصدقت ههههههه وقتها دار ببالي كل انواع الحوادث الي شفتها بحياتي :30:
المهم استمرينا واستمر معنا المطر لين محافظة رابغ وبعدها خف
الزبده السفر الي يقطعونه ب 4 ساعات قطعناه ب 16 ساعه لكم ان تتخيلو التعب والمشقه

ما عليه اهم شي الحين انا في بيتي وتحديدا بفراشي ومكمله نومي تسع ساعات :نبض:
والحمد لله دائما وابدا :رحيق:

https://e.top4top.io/p_2410uans10.jpg
هنا حددت لكم بالخط الاسود المكان الي انحشرنا فيه
والخط الابيض الي قطعناه تحت المطر
عاد الصوره سرقتها من مدونة صعفق هههه

[ذويقة]

https://k.top4top.io/p_2413mlm7d0.png

لا ، كدا كتير وربنا :نبض:
العاده نسبة التقييم تكون اعلى من اللايكات
لكن هالمره عكس
صدق تفاجئت
مشكورين وربنا :نبض:

كلمة (وربنا) ترا اكبر دليل اني ما عاد صرت اكره اللهجه المصريه :نبض:
عاد اعلن براءتي عن نفسي
لحد يروح ورا بالمدونه حقتي
مدري ويش كنت اتعاطى وقتها
وكمان في سبب راح اوضحه لكم بعدين

[ذويقة]

https://l.top4top.io/p_24209e7fg0.jpg
وشاء الله ان ازور هذا المكان مجدداً :نبض:

بحياتي اول مره اجي المدينه كذا مرتين بفتره قصيره
اشوا لقينا فرصه نعوض البهدله الي صارت معانا بالمره الي فاتت
اكتشفت ان كل ما زاد عدد السياره معك بالسفر
تكون البهدله اكبر
الحين سياره وحده ومرتاحين

المهم الصوره لقطتها امس قبيل المغرب :نبض:

[ذويقة]

https://www11.0zz0.com/2022/09/01/08/854514097.jpg (https://www.0zz0.com)
ي عمري الي وحششتها :نبض: > ي جعل ما يوحشك غالي
اولا اشكر للي صوت لي
احمد العالمي & كوكب
ثمن انتي ي الي تمدحين خطي

مع انو انا ادري وانتي تدري والكل يدري انو خطي ماش هههههه
اصلا يوم شفت اسمك من ضمن المشاركين استحيت وسحبت ع المسابقه لكن بالاخير ما حبيت افوت جائزة تاتي :نبض: ال500 مشاركه هههه وشاركت باخر نص ساعه
ويوم شفت عندي 2 تصويت وربي ضحكت، قعدت افكر وش الي حدهم يصوتون لي هههه الله يسعدهم يارب

المهم كلمة وينك مع علامة استفهام تراها ع الجرح
تصدقين الكل يسال نفس السؤال
بس مدري ويني

https://www11.0zz0.com/2022/09/01/08/823922739.jpg (https://www.0zz0.com)

كذا وضعي ^ حتى بالواتس
يعني معاكم ومو معاكم مدري كيف

المهم لحد يتعود على غيابي وبس
ويسعد مساء الجميع :رحيق:

[ذويقة]

https://k.top4top.io/p_244158sci0.jpg
عجزت اتخطى هذا التقييم
قلت لازم احفظه عندي بالمدونه للابد
مع انه هذا من قبل اسبوعين لكن لازم انه ينحفظ هنا


كان ودي اقول لصاحب/ة التقييم
بما انك قرات كل حرف وكل كلمه في مدونتي انك تحلل شخصيتي من خلالها وشكرا ههههه

وايضا شكرا لك على 62 لايكات اخرى
ومتابعتك شرف لي وربي :رحيق:

[ذويقة]

ما اعرف متى يكبرون ويفهمون
ان الويكند للراحه وللنوم فقط
حرفيا اكرررره طلعات الويكند
امس العشاء ما صدقت اني احط راسي وانام
الا واهلي كلهم يبون يطلعون ويتمشون
اضطريت اتهاوش معهم للاسف هههه عشان قعدتي بالبيت
الزبده خذيت لي نومه زي العسسل
ومن 4 الفجر جالسه لحالي مصحصحه ومروووقه
والبيت كله مكبر المخده
هدووء واستكنان مو طبيعي

اخيرا ما عندي شي اليوم اسويه !!!!!!!
والله اني اشتقت
يعني كنت مشتاقه اناظر للسقف كذا وهو يناظرني هههههه
المهم حتى الاكل بالويكند احس حلاته بالفراش
زهقققت حرفيا من كلمة طالعين خارجين رايحين جايين

[ذويقة]

لي سنين ما اطلع بيوم الوطني مكان
مدري ما احب الازعاج
لكن هالسنه صاير في تغيّر
حجزو استراحه من اليوم
وانا غير اني رايحه معهم الا وقاطه بععد :نبض:

الزبده كانو متفقين ع الساعه 4 العصر
وللحين محد له حس
وانا ماسك معي الروتين الصحي
مع اني نمت امس ساعه وحده الليل
عشان اقدر على نومة الصباح
لكن قايمه من اذان الفجر
شكلي كالمعتاد حتى اليوم راح انام العشاء
بس اهم شي ما تفوتني مسابقة تاتي :30:

المهم..
قصيت لي غره :نبض:
صار اول مره بعمري غرتي توصل للكتف
وقصيتها اليوم

مع انو ما كان لي نيه ابدددد اني اقصها :30:

استغليت وضع الهدوء استغلال
حطيت لي حنه بعد :نبض:

والحين بروح اغسلها بشوف اللون كيف :نبض:

[ذويقة]

صباح الخير..


صدق الي قال من زان نومه زان يومه
من صحيت وانا قافله معي
متعوده انام بدري حتى ما اتعشى
امس كانت اخر جولة حق مسابقة تاتي
واخذت غفوه بسيطه بعد ما حطيت لي سبعه وعشرين منبه قبل الساعه 10 عشان ما اخسر في اخر الجوله
المهم .. بعدها جيت انام
الا واختي الصغيره جت تنطنط فوق راسي
عشان ايش عشان اكون صاحيه مصحصحه بعد يومين في العزيمه
وما نمت الا الساعه 2 الليل
وتلقائي قمت الساعه 5 الفجر
يالله ي الصدااااااع والغثيااااان
وفوق هذا انحرمت من شي اليوم الي كان قلبي يحبه
في محل عندنا يبيعون فيه شوربه
من سنين واحنا ناخذ منهم وكذا نشرب بالكاسات بدون اي اتيكيت
المهم قبل سنتين دريت انهم يخلطون مرق التقاطيع او الكرش فيها
وانا يوم سمعت كذا هجرتها سنتين
والشوربه هذي يحبها قلبي
ما قويت
من كم يوم جلست اقنع نفسي واكذب ع الخبر واقول الي قالها يمكن اشاعه
الحين ما تهنيت فيها شهرين
اليوم وانا اشرب الاقي ف كاستي قطعة كرش > الله يديم النعمه بسس

ليه ليه كل ما حبيت شي من قلبي
اضضطر ابتعد عنه :30:

[ذويقة]

صبّح صبّح
عطوني كاسة ماي بالله
ياخي محدثتكم توها ترجع بعد قضاء 8 ايام خارج التغطيه
مدري احيانا اخربها
الاسبوع هذا اعطيتني اجازه من نفسي
وبدون سابق انذار لاي احد
فجاه اختفيت وسحبت ع العالم كله

المهم.. حسيت بشعور غريب يوم رجعت البيت بعد هالمده
لدرجة اني سويت جلسة بكاء
دمعه عقبها دمعتين
ثم ثلاث واربع
وبعدها اررررررتحت
مدري وش كان شعوره

المهم.. على هالطاري
قبل كم سنه كنت من النوع الي مستحيل اصيح بسهوله حتى لو شنو
كنت اشوف البكاء نوع من الضعف
وكنت اقاوم
لكن الحين نظريتي تغيرت
صرت اشوف البكاء مصدر القووه
حرفيا احس كل ما بكيت صرت اقوى

لذالك.. احب انصحكم فيه
بس اهم شي انتبهو مش قدام الناس < لا زالت تشوف انه ضعععف

وانتبهو يمر عليكم موقف حزين وتمشونه
لازم تعطون كل حزن حقه
لا تتجاهلون ابد الرغبه بالبكاء
اجلسو صيحو لين ما تحسو انو ما عاد بقى من الدمع شي
ياخي شعور هالعباره (كيوم ولدته امه) بمعنى الكلمه < ​من ناحية الراحه الي تجي بعد البكاء
^
ويا حبذا لو هالجلسه تكون على سجادة الصلاة :نبض:



والمعذره :رحيق:
ما عرفت ارد بالتقييمات وانا خارج البيت وخارج التغطيه :30:

[ذويقة]

ما فائدة ان يكون الإنسان محبوبًا
وهو لا يملك شخصًا واحدًا على الأقل
ليتحدّث معه عمّا يؤلم قلبه؟ ..:30:

[ذويقة]

1444/3/25
الحمد لله دائمًا وابدًا على كل حال
اللهم اجرني في مصيبتي واخلف لي خيرًا منها



.
-
اللهم إني أشهدك بأني قد رضيتُ بكل ما أردته لي
من عطاء ومن حِرمان من جبر ومن كسر
من فرح ومن ألم ومن نجاح ومن فشل
رضيت بما قسمته لي
فأرضِني بفرح وجبر من حيث لا أحتسِب

[ذويقة]

اللهم آمين :رحيق:..
شكرا لكم على الدعوات الحلوه والجميله
وابد الله يسلمكم ما فيه شي كايد
الدعوه هذي انا اقولها في كل صغيره وكبيره
يعني الحمد لله ما في خبر وفاه ولا شي

صارت لي حادثه بسيطه في طريق الحياه
وحسبي الله ونعم الوكيل فيمن كان السبب
واللي بسببه انحطيت في هذا الموقف

حرفياً ما عمري وصل فيني هالمواصيل
اني اقوم ادعي على احد :30:
لكن هالمره ما برد قلبي الا بهالطريقه

كان فعلاً اسبوع مرهق جداً > من كمية الالم والصدمه
من الاربعاء الماضي لهذا الاربعاء
والحمد لله اولاً وآخراً


واكيد الحياه حلوه رغم مرارتها
بكرا راح انسى ولا كانه شي صار


والمهم والاهم شكرا لكم والله للمره الالف :رحيق:..

[ذويقة]

عبارتي اللي دايما اقولها للناس (اعطو كل حزن حقه) احيانا ماعرف اطبقها بنفسي
طول الاسبوع الي راح كنت طريحة الفراش
والسبب اني ما اعطيت لنفسي فرصه انها تاخذ وقتها من الحزن والارهاق
حاولت اني اتجاوز الموقف دون لفت المزيد من الانتباه
لكن بالنهايه صحتي هي الي دفعت ثمن

المهم لا باس
اخذنا الوقت الكافي من التعب
حدثنا وفضفضنا
عانينا وتعافينا
وراح نبدا من جديد

ودام اني دعيت على احد بالعلن
راح اقول بعد انو ما عاد في خاطري شي على احد
واني نظفت خاطري وسامحت

احس انك تكون شايل بخاطرك شي على احد اثقل من انك تسامحه بينك وبين نفسك
لذالك دايما اني اسامح لنفسي ولذاتي بغض النظر عن حجم الاذى او الشخص

[ذويقة]

اول مره يصير معي انه امس كان يوم ميلادي وانا دوبي اتذكر الحين > دليل ما عندها وقت تحك راسها
طبعا ما عمري جتني هديه ولا قد سويت حفله واحتفلت ولو بكيكه صغنونه في هذا اليوم بس انه دايما يكون في بالي
كل سنه اجلس اتخيل واتامل واروح افاجئ ماما واقولها يمه مبروك تتربى في عزك ان شاء الله تقول على شنو تحسب انه صدق فيه بشاره جديده هههههه

عاد انا من مواليد يوم الثلاثاء
دايما اهلي يطقطقون علي بسبب اني مولوده فيذا اليوم
يقولون خُلق المكروه يوم الثلاثاء

لكن انا حبي ليوم الثلاثاء غير
صحيح احب كمان يوم الاثنين والجمعه ويوم الخميس بسبب الاجازه لكن الثلاثاء عندي يوم مميز احسه كذا يوم هادئ ودافئ وكافي خيره شره وعلى قولتهم لا ينكد ولا يسعد احد
وطبعا فيه تشابه طبع بيننا احسني حرفيا كافيه خيري وشري

المهم لي 25 سنه وانا حاقده على راعي البقاله
بعلمكم سالفه ولحد ياخذها طقطقه ماني ناقصه ههههه
يقولون يوم انولدت جدتي ارسلت اخوي البقاله عشان يجيب الكيكه > عاد مدري وش نوع الكيكه الي كان يجي من البقاله وقتها

المهم وراعي البقاله تلقف وسال اخوي على شنو فرحان وتبي الكيكه ويوم درى قال فرحانين على انه جاكم بنت !!!!! عموما التمس العذر لاخوي على انه ما رد عليه بسبب صغر سنه والا لو الحين متاكده كان جاه رد كذا ............. هههههههههههههههه

المهم صباحكم ومساءكم رضا وسعاده :رحيق:

[ذويقة]

عاد وحشتني مدوناتكم بزااااف
لي اكثر من شهر وانا ما دخلت الا مدونه ومدونتين
هالحين بقعد لكم قعده اصبروووو هههه


المهم نسيت اكتب لكم التاريخ الميلادي تبعي
بالهجري 1415/5/20
بالميلادي 1994/10/25
احس تاريخي مميز حبتين ما هيك؟

شسمه لاحظت اني كاتبه فوق اني حاقده من 25 سنه
قلت لازم اعلمكم انه هذا مش عمري هذا سلمكم الله (عمر الحقد) الي انزرع تجاه راعي البقاله

طبعا مافي مانع اني اكتب لكم هنا عمري الحقيقي من ورى الشاشه
لو بالواقع مستحيل اعلم احد الا الدكاتره
ما احب اجلط الناس ع الفاضي
اول يحسبون اني اكذب عليهم واكبر عمري
لذالك الحين يوم يسالوني اجلس اكذّب عليهم واقول لهم على حسب توقعاتهم
طبعا مش بس انا حتى خواتي ونجلس نكذّب عليهم بالترتيب ههههه
خواتي كلهم فوق الثلاثين عداني والي بعدي
ومحد يبان عليها عمرها تقول حرفياً شلة المراهقات هههههههههه
ويوم يسالنا احد كم اعماركم نقول وننقص اعمارنا على حسب ما تقول اكبر وحده من بيننا

مره من المرات وحده من خواتي الي اكبر مني 7 سنين قالت انا عمري 23 والي بعدها قالت 22 وانا قلت 21 والي بعدي قالت 20 جلست المراه حيرانه تقول لامي جبتيهم كلهم بفرق سنه وماما ما عندها كيني ميني على طول افضحتنا هههههههههههههه

اختي الي بعدي اخر العنقود للحين تسوي يعنني كبرت وما تخبي عمرها احيانا لما احد يسال هي على طول تعلم عمرها واحنا نتبهدل وعلى حسب نكبر
ان قالت 25 اقول انا 27 والي اكبر مني تقول 28 وهكذا

واحيانا ننقفط لما وحده من اخواتي الكبار تكون مكذبه عليهم بعمر اصغر وانا اجي اقول عمر اكبر هنا ننقفط عيني عينك هههههههه
لو بيدنا نقول توائم وننهي السالفه كلها ههههه اعرفهم يصدقون

على فكره انا ترتيبي الخامس بين خواتي لذالك احس اني لازم اعذر راعي البقاله على تفكيره القديم والله يعين بناته ان كان عنده بنات

[ذويقة]

صباح الويكندددد الجميل :نبض:
ونسجل دخول لجل عيون ميهاف :نبض:
اخر مره اتفقت معاها اني معاد اعيد هالحركه واغيب الغياب الفجائي على قولتها
لذالك قلت لزوم ادخل هنا واخربط شويتين بالكلام

المهم.. التقييم هذا يقول:

والله انكم ...... انتي وخواتك .. بس امكم ممتازه ما عندها خرابيط تفضحكم ههههههه / حي الله هـ الطله وشكرا والله على تقييمك الجميل ربي يسعدك .. على فكره كلها سنه وتشرفين عالم الثلاثين يعني ودعي ايام المراهقه خلاص ههههه

ياخي حرام انت كذا عم بترشرش الملح ع جرح مفتوح موضوع التوديع هذا عندي اصعب موضوع تخيلو عمر الزهور هذا ما عاد ارجع له ثاني :30:؟
اما ايام المراهقه ما اظنها بتخلصشي كذا بسهوله هههههه يعني لحد يشيل هم هههههه

ولو جينا للصراحه يعجبني عالم الثلاثين احسه اجمل وامتع مرحله من مراحل العمر لكن للحين مو متقبله فكرة الدخول لهذا العالم بسبب الفارق الكبير بين عمري وشكلي وعقلي
معليه المهم..

https://g.top4top.io/p_2554ns5fk0.jpg

^
^
سالفة انه الاغلب هنا يحسبني من جده ترا ما فهمتها صدق
يواد من جد ايش الهرجه ؟
ايش الهرجه يوااااد ؟

هههههه

ولو فيه احد باقي يحسبني من جده عادي يقدر يرفع يده

[ذويقة]

[اللّهُمّ رُدّ قُلوْبنا إلَيكَ ردّاً جَميْلاً]..:رحيق:

[ذويقة]

ينفع الحين اكتب مبارك عليكم الشهر والا ؟
يالله يا ذا المكان اللي وحششني صدق :نبض:
المهم كيفكم شخباركم ان شاء الله طيبين ؟
وكيف رمضان معاكم ؟
انا رمضاني الحمد لله زي الفل متاكده ان احد داعي لي من هنا (فيس يبكي) :رحيق:..
بعد ما صار لي العام كنت خايفه من طاري رمضان والصيام لكن اللهم لك الحمد والشكر
والله ان العافيه نععمه ما بعدها نعععمه
اسال الله ان يشافي ويعافي جميع من يعاني من مرض او اذى
وبس حبيت ادخل هنا واهنيكم كذا من بدري ههههه


عاد اكتب لكم بعدين كيف اني تشافيت وتعافيت بعد نفسياً > عشان تستفيدون

[ذويقة]

1444/10/6
اللهم لك الحمد حتى ترضى ، ولك الحمد اذا رضيت ، ولك الحمد بعد الرضى

.
.

ينفع اقول لكم الحين..
كل عام وانتم بخير ، وعيدكم مبارك ؟ ههههه
فعلا ودي اعتذر على قلة حضوري وعلى عدم ردي لبعض التقاييم بس دامني امون عليكم وذا اكيد ما يوصل الامر للاعتذار اكيد :27:

وبس والله..
ما عندي حاجه اكتبها الحين
قلنا لا نتاخر بزياده وندخل ونهني :نبض:

واسعد الله صباحكم ويومكم بكل خير وسعاده :رحيق: