((يا بنت ما ينفع لنا حب شخصين))

[القارظ العنزي]

يا بنت ما ينفع لنا حب ..... شخصين
أما لنا والا لذاك ................. الوليدة
ما يجتمع يا بنت بالقلب ....... حبين
نصبح ثلاثة ما تجي ......... بالعقيدة
ان طعتني تسمع من القول ... يا زين
هذا ارضعيه وذاك عطه ..... الحديدة
خوذي رؤس اقلام وبعض . العناوين
لا ترتمي باحضانه واحذر ...... تزيده
ترى رفيقي يوفي بالعهد ...... والدين
مير البلا جلده يسم .......... الخريدة
يحط لك وسمه ان باسك .... بخدين
بوسة رفيقي تجرحك ....... يالفريدة
وانا ادري انه طيب ويطرب ... العين
وايضا عزيز بربعه وباقي .... البديدة
المشكلة خشونته زادته .......... شين
وانتي لطيفة وبالخلايق ....... وديدة
لو شفتني يالترف احلا من ..... التين
واحلا من طعم الفاكهة ..... والثريدة
واحلا من ذوقك للعسل والعسل وين
وايضا خبير في سواة ...... العصيدة

القارظ العنزي

[احلام عابره]

قلبي يبيك انت يا اغلى من العين
اجيك حافي لو ديارك.......بعيده

هذا الكلام الجد ما بحكي شكلين
وقلبي عنيد وصعب حد يصيده

ايه اعشق واحب بالقلب والعين
لكن قويه وجريئه .......وعنيده

واحب المهر كاش ماتعامل بالدين
واحب العسل وانت... والعصيده

واحب الرجل كريم وطبعه...زين
ولاهمني خشن ايدينه.. وخديده

المهم سياره وفله .... ومليونين
ويعشق جنوني واسري. بوريده

وانا معك مايسكن القلب .حبين
هوحب واحدويقعدك عالحديده

هاذي طبوعي ما تلقى بها.شين
وهذا غرامي وكل الي.... اريده


هههههههه
شكل العصيده عجبتني
وهيضت قلمي
هههههه

ابدعت يالقارض
اضحك الله سنك

احترامي

[القارظ العنزي]

انا اشهد انك يالغلا تطرب ... العين
وعز الله انك بالصبايا ...... عميدة
وانا تراني بينهم اعشق ...... الزين
واموت باللي تفتهم ..... بالقصيدة
لكن ترى ما فيه فلة ...... وقرشين
ولا فيه موتر عندنا ....... يالعنيدة
اخوك والله بالملا ممتلي ...... دين
يعني تراني يالغضي ع .. الحديدة
اعيش انا غربة مع عيشة ... البين
وان جيتكم يا قوم ما لي .. بديدة
مسكين مثلي عايش .. والمساكين
ولا يوم وحدة حطتن في .. وريده
وان جيت للضاوي ما يعطي الشين
اشحذ على بابه وطلب ..... مديده
ويقول لي اقلب بصفعة .... وكفين
مثل اليهودي ما بقلبه ....... وديدة
محتاج انا للحب رحمة مع .. اللين
صدقة عواطف والحوايج . عديدة
ان كانها يالترف حولك .... وتعنين
عجل بها والا نعيش ...... بعصيدة
ابي سلف يازين هالحين . هالحين
نشري بها الخبزة ونحوس الثريدة
نبي انتعيش لين يجي الفرج لين
من ربي اللي ما تناسى ..... عبيدة

[احلام عابره]

اليوم ياخوي وانا والصبايا نتمشين
لمحت اسمك وصورتك... بالجريده

ياساتر! ليكون صاحبي...... سجين
مسكين يالعنزي...والكلبشات بايده

فزعت وتحدرت دمعة........ العين
وقلت ياناس صاحبي من... يعيده

مرن الضاوي وقال ياحلام ليه تبكين
وعلامك فزعانه وكنك........ شريده

رديت والصوت مبحوح .....وحزين
شف صورت صاحبك قارظ بالجريده

صاحبنا وانت تعرفه ماله بدرب الشين
ناصره وخلك بجانبه ........يا عضيده

ضحك بعالي الصوت وقلي. لا تندبين
هاذي مسابقة..... شعر ......يالعنيده

دخلها صاحبنا وفاز .......بالمليونين
وياعسى ايامنا تصبح .......سعيده


هههههههههه
هيك فزت وخدت المليونين
لا تشكي الفقر بعد هيك

ههههههه

وينك يالضاوي عشان تاخد حصتك

[القارظ العنزي]

الضاوي والله ما صدق يا ريش العين
ولا شفتي شكلي يالغضي . بالجريدة
صحيح ما مشي يالغلا بسكة . الشين
لكني اشبك مع كفوف ....... الخريدة
وفقري طبيعة مبطي مع كثرة الدين
من الواجب اللي نذبحه مع ... وريده
يوم الردي يجمع فلوسه من ... سنين
واكبر همومه بس يراقب ..... رصيده
انا رصيدي ابلج ذرب ن ......... يعين
عند اللوازم يرخص باللي ...... نريدة
نقسم الرزقة بيننا ......... بعهد ودين
هذي عوايد صاحبي ......... يالعنيدة
انا فقير ومن عشير ......... الفقيرين
والا كثير المال ماني ........... نديده
تطربني اللي بالحلا كلها ......... زين
ادعج غنج مثل العناق ....... الفريدة
وعيونها تشبه لعيون ...... الشياهين
من فعلها بالخرب ما له ....... شريدة
وخدودها مثل الزهر ....... بالبساتين
يا ليتني قلادته وسط .......... جيده
هذي وصايف عشقتي ..... بالمزايين
ما مثلها يا سيدي ............ بالبديدة

[taymiyah]

صح لسانكم:MonTaseR_137:

[احلام عابره]

ماني مدورة ن اصحاب الملايين
ولا الخبل صاحبي لو المال بيده

صاحبي الي مابه وصايف شين
ولو تغلى باهداب عيني اصيده

شهم صاحب نخوة لاتكلم رزين
بزنوده السمر انا روحي شهيده

زين الافعال على صدره نياشين
له حكمة في كل موقف فريده

شاريه لو غاب شهور او. سنين
روحي توده ونبض قلبي يريده

ياصاحي كل العواذل ...كذوبين
فراق الحبايب كل الي. ....تريده

جملةكلامي ياصاحبي العسل وين؟
وين الي يعرف يسوي ... العصيده؟

[القارظ العنزي]

صح بدنك taymiyah

[القارظ العنزي]

هههههههه لي عودة يا احلام صح السانك

[احلام عابره]

هههههههه
صح بدنك
هلابك هلا
سعدت جدا بمجاراتك
بانتظارك

[ام سارونا]

هههههه صراحة مجاراة حلوة يالله كملوا :x30:

صح لسانكم ويعطيكم العافية :رحيق:

[مرجانة]

استمتعت بمنتهى الكلمة

صح الله ليانك يالقارظ
و صح لسانك أحلام

جمال برائحة العسل ههههه
دمتم ..

[شاهستا]

صح لسانكم
ابدعتوا بالمجاراه ، يعطيكم العافيه

[القارظ العنزي]

اهلا هلا بك يوم جيتي ....... تغنين
شيلة طرب لشوفتي ..... والعصيدة
كل العسل يفداك يالعصب .. الادنين
واليابغيتي زود جتك ........ الثريدة
معصوبة بالموز ورمان مع ...... تين
وكل الذي بالبال واللي ........ تريده
وان ما كفى يفداكم الراس . والعين
وروحي فدايا طلتك ....... يالعنيدة
وان جيتي يم البيت نذبح خروفين
ولو تطلبين الضاوي نقطع ... وريده
انتي الغلا ما دام حنا ........ بعيدين
والياقربتي زاد والله ......... رصيده
دامك لطيفة باللي مثلي .. مسيكين
مثل الرضيع اللي تولع ........ بديده
والا يتيم ضاع ما له ......... قريبين
امه توفت والاهل .......... والبديدة
يلعب به الضاوي على حد ... سكين
وقام يتلاعب حتى بحرف القصيدة
انا دخيلك عن عذاب .... الشياطين
وانتي فهمتي مقصدي .... يالعميدة

[القارظ العنزي]

صح بدنك ياسمينة كلك ذوق

[القارظ العنزي]

صح بدنك مرجانة هذا من لطفك

[القارظ العنزي]

صح بدنك والابداع في مرورك عيوق