((يا عيد عايدنا قبل ساعة العيد))

[القارظ العنزي]

يا عيد عايدنا قبل ساعة ............ العيد
وقبل العياد وقبل ذبح ........... الضحية
يا عيد انا بغربة ودار ........... المساعيد
وكل نسيني حتى ضاوي ........... البلية
كنت احسب انه صاحبي ويحسن الصيد
واثره دياني ما يصيد .............. الرمية
وكنت احسب انه صيدته سيد .... الغيد
خطو الهنوف العايزة ........... الغشمرية
واثر رفيقي ملبد ن ............. والملابيد
والا على شداده يذب ............... الثنية
ولا عنده غير الولع .............. والهرابيد
ولا يوم قال انه يتصدق ............ عليه
واليوم وقفة ما ذكرني ولا .......... ازيد
ما غير اقول يالله براع ........... الحمية
ذاك الكريم اللي يود ............ الاجاويد
يفطن عليه المغترب .............. يا هنيه
يرحم غريب كنه مقيد له ............ قيد
تساوت الدنيا وموته ................ سوية

القارظ العنزي

[ام سارونا]

صح لسانك
الله يفرج كربتك
وكل عام وانت بخير
والله يعود العيد عليك وانت باحسن حال
:ورده:

[احلام عابره]

ياعيد عايدهم قبل ساعة العيد
ومن قلبي وصل للقارظ...تحيه

وقله عساه بديارنا دوم. سعيد
ومن شوقي ياعد اوصله هديه

وياعساه من عواده والهنا يزيد
وياعساه برضى..... رب البريه

و امانه توصله سلامي.. ياعيد
وقله بعمان تنتظره ..العدوانيه


القاظ المبدع الجزل
صح الله لسانك
وكل عام وانت بخير
وعساكم من عواده:MonTaseR_11:

[الفيفي2017]

صح لسانك شاعرنا وكل عام وانتم بصحه وعافية

[القارظ العنزي]

اللهم آمين يا سمينة وصح بدنك وكل عام وانت بالف خير

[القارظ العنزي]

يا عيد عايدها من ديار .... المساعيد
من روضة بسمة والشيخة . الهاشمية
عيدك مبارك والاهل ......... والاواليد
عشيرة العدوان اهل ........... الحمية
هديتك وصلت يا بعد كل ...... عربيد
واحلا من شربة الماي ........... الهنية
وان قاله الله جيتكم وانتم ..... العيد
على النقا يالترف ........ ما هي خفية
انتم هل بيوت الكرم ...... والصناديد
يا حظ منه عندكم له ........... حظية
سلم على ربعك عيال ....... الاجاويد
اهل الكفوف الطيبة ........... والندية
وابشر ترى القارظ قريب ما هو ابعيد
لا بد ما يشرف منزل ........ الاجودية

صح بدنك وكفو يالذيبة بنت عدوان احلام عابرة وكل عام وانت بالف خير وكلك ذوق . واشكرك على جميل الدعوة والمجاراة .

[القارظ العنزي]

الفيفي 2017 كل عام وانت بالف خير وصح بدنك

[فراشة كريستالية]

صح لسانك شاعرنا
وكل عام وانت بخير وصحه وسلامه ❤ وينعاد عليك بالصحه والعافيه

[القارظ العنزي]

صح بدنك بنت عدنان وانت بالف صحة وخير وسعادة يارب

[نجم ضاوي]

يا القارظ وشبك .شايل علي المناقيد
وش ذا الخوي .. اللي . . ينقد خويه

تنكرني . . المعايد . . نهار . . العيد
وانا .. عايدتك .. قبل العيد .. بشويه

ارجع الى الواتس هو ضمن الشواهيد
يا الزعتري . . ليه دايم .. تقسى عليه

تقول عني .. غشيم .. في عالم الصيد
وانا .. ما اصيد . . إلا جذع .. ولا ثنيه

لا صدت .. اصيد . . منتوقت . . الجيد
حتى .. ولو هي .. في وسط . محميه

وانت ويش هو صيدك . يا صاحب الكيد
اما .. يكون ثعل .. ولا .. تكون جعريه

خذ .. مني .. العلم . . والعلم .. الاكيد
حبك .. من .. رب العباد .. جاني . بليه

[القارظ العنزي]

عسى الجعر ياكلك في نقرة الصيد
وتصبح عشا لثعيل ...... والا خوية
صيدك جرات الفول ومعايد . البيد
تركض مع الغيلان في .... جرهدية
والا الزعتري فيه من سيد ... الغيد
لو شفتها تموت موتة ......... شقية
عذبتني في عشرتك ما بها .... فيد
الا الشقا يا قليل ............... الاذية
تركض ورا الخفرات صيدك هرابيد
بس السوالف والغلا ......... سولفية
والا ترى حنا مع حبة .......... العيد
ناخذ من الخفرة مصة ....... اشفيه
...........

[وهج]

صح لسانك يالعنزي
وكل عام وانت بخير

دومًا نصوصك ساحة جاذبة للإبداع
والمبدعين فدومًا نستمتع بما يدور
من مجاريات لطيفة أصدقاء حرفك

أبدعتم جميعًا وصح لسان نجم ضاوي وأحلام
أثروا المكان بحروفهم الجميلة


تحياتي للجميع

[القارظ العنزي]

وهج صح بدنك ، وهذا من لطفك ورقة احساسك وذوقك لاهنت . والا فأنا احد المشاركين في هذه الساحة ليس الا . وما نحن الا بكم ، ولسنا بدونكم شيء يذكر .

[نجم ضاوي]

اعرفك يا القارظ ما تحب الا العوايد
عجوز شماء .. شكلها تقال . سعليه

ويش عرفك يا الجلف في عالم الديد
انت في حياتك تمص نداغه ورضعيه

يا شيخ روق .. لا تجيب . بنا .. العيد
مجنون .. يبالك رقيا .. وماء .. مقريه

يا شيخ روقنا .. من . بعض . المناقيد
يا عسى تاكل .. بعض .. رجليك الربيه

تذكر .. زمان اول .. يوم كنت .. عربيد
يومك .. معى ذيك . . ومره .. مع ذيه

هذا قافي .. رسلته مع ساعي البريد
والمعذره .. في تأخر .. قافي . شويه

[القارظ العنزي]

يالشايب اللي مهنتك ترضع . الحيد
وش عرفك بالديد ....... والديد ليه
انا اللي اسرح وامرح مع سيد الغيد
ياما سريت الليل بذيه ......... وذيه
خلك مع الكهلات العجز .... الملابيد
وانا مع اللي بالحلا ......... غشمرية
الياوصفت الجيد والموت ... بالجيد
والياوصفت العين عين ...... عذية
والخشم سلة سيف في كف صنديد
وذبابه اللي مثل راس ....... الحنية
والا الجدايل غطن الشمس . بالعيد
ساعة نثرهن فوقنا لعن ........ ابيه
لو شفتها ترقص على الكف . وتزيد
كل ما طلبنا لمسته مع ...... اشفيه
هذا غرامي ما هو حلم .... الهرابيد
والا انت عمرك ضاع وما لك هوية

["أكتفاء"]

يسلمك ربي وكلك ذوق

[القارظ العنزي]

الله يسلمك أكتفاء والذوق ذوقك