((يا ليتهم في شيبتي عوضوا ذاه))

[القارظ العنزي]

عطيتهم من دم قلبي ....... ومالي
تبي الحقيقة باعوا اللي ... عطيناه
وربيتهم بفلوس حوشي ... وحالي
تبي الحقيقة باعوا الحوش والجاه
ضيعت عمري لاجل صغار وتوالي
يا ليتهم في شيبتي عوضوا .. ذاه
بديتهم قبل الاهل ........ والعيالي
والمشكلة رجال ما هم .... خونداه
وراحت سوالفهم بذا لك ... وذا لي
وعفت المقاسم بيننا ... ما قسمناه
من عفتهم عفت الطمع في حلالي
وخليتهم للدون وربي هو ..... الله
وان صار ما لك من عيالك رجالي
يا جعلهم للنار ويلحق ....... بعماه
عسى العوض باللي جنيته . وتالي
هو هقوتي شبيه ابويه .... حلاياه
ياخذ عليهم لو تطول ...... الليالي
الواجب اللي من سنين ن فقدناه
وترقد عيوني ويشرح الورع بالي
يسود الورع ويسعد القلب طرياه
هذا الكلام الصدق ما هو .. تسالي
هذا عذاب سنين وسنين ... ويلاه

القارظ العنزي

[ابوالليل]

ياولد خالي لاتزيد .........انشغالي
وش حيلة اللي حاربونه..... خوياه

جارو الغوالي والليالي .........طوالي
في ذا الزمن راعي الوفا صعب تلقاه

ودي اعيش العمر مرتاح....... بالي
وانسى هموم القلب وانسى... بلاياه


صح لسانك
انا اشهدانك قلت الحقيقه

[القارظ العنزي]

لو كان همي عيشتي .... والحوالي
مبطي اغتنينا وقصرنا زان .. مبناه
مير المروءة هي مساحة ... مجالي
هي مطلبي للروح وللقلب . مشهاة
الياشفت خطاة الضيف يرتاح بالي
والنفس تطرب الياتنور ..... محياه
ولولا المراجل ما فقدت .. الحلالي
وياكم قرش بالمراجل ...... دفعناه
هذي حياتي يا بو الليل ان . تسالي
شرحت لك ظروفنا ... وما خسرناه

[نجم ضاوي]

يا صاحبي مثلك . . بهالدنيا قلالي
الكرم والطيب . . والعز .. مبداه

دونك .. روحي .. ومالي . حلالي
فعل الخير ..عند . . ربك .. بتلقاه

عليك يا القارظ . . وا عز . . حالي
لا بد . . بعد الضبق . . الخير يتلاه

اللي .. ما به خير .. من . العيالي
خله .. على ربك .. وربك .. بيجزاه

لا تعطي التفكير . على بالك مجالي
والقلب .. يا اخوك .. اياك .. تشقاه

العوض . . في سلمان طيب الفالي
ترى الكتاب .. من العنوان . . تقراه

على حالك . . ترى . . ماني بسالي
العوض يا اخوك .. عند الله .. بتلقاه


لا ونه ولا باس يا صاحبي والعوض عند الله خير وانا اخوك ...

صح اللسان وسلم نبض الاحساس والبنان ...
اجزلت وابدعت وخالقي ...
لله درك وفالك البيرق ...

لا خلا ولا عدم ...

[القارظ العنزي]

الحمد للخالق على كل ........ حالي
والحمد لله يا بو ضاوي اي .. والله
اللي غدا لي من سنيني .... ومالي
لا بد ما رب المخاليق ........ يجزاه
يرزقني الخلاق رب ........ الجزالي
عنده عوضنا يا بعد هذا ........ ذاه
يا صاحبي يا مشكاي وانت الحلالي
ردك يكفيني ويعوض عن ....... الآه
انا اشهد انك من اعداد ...... الغوالي
اللي لهم عندي معزة مع ....... الجاه
ابشر وحنا بالنيصحة .......... انبالي
نصيحتك دايم على الراس ... مرقاه
مير البلا جاني من الهم ......... تالي
ورع صغير به الزين ............ ويلاه
ورع محطمني بزين .......... الدلالي
ورع صغير وشيبتي ....... ما تخطاه
يبي الزواج ويبغي يرمي ...... عقالي
يقول غير لبستك العقل ......... وتاه
يبيني البس من ابدال ......... طوالي
ويبي القرافة كنها عقد ......... جيداه
يعني خواجة والخواجة ........ مثالي
عند الذي مثله يغني ............. بليلاه
وش حيلتك يا خوك البس .... والالي
والا نتوب ونتركه عند ........... بيتاه

[ام أسعد]

ماشاءالله تبارك الرحمن أجزلت العطاء

هكذا هي الحياة هي دنيا وليست باقية

ولا تدوم لاحد

ولا يدوم الا وجة الكريم

[القارظ العنزي]

هلا بك ام اسعد مرورك شرف لي

[احلام عابره]

شارد الفكر والبال .ماهو....خالي
اسهرته ذكرى يوم حنا ....جيناه


وانا اسهرت عيوني لاجله.. ليالي
وعطيته ولا نسي الي ... عطيناه

يعاتب ولا يدري بالي .... جرالي
ونوفيله ويحسب انا.......نسيناه

اعرف انه لحبي ماهو .......سالي
واعرف انه من الفرقا بكت عيناه

ماسمعت فيه لكلام .......العذالي
وهو قيسي بالهوى وانا .... ليلاه

القارظ العنزي
ابدعت
اتمنى ان تتقبل مروري كما هو

احترامي

[القارظ العنزي]

يا صح السانك يا بعد كل .. غالي
قافك وصل للقلب والقلب . يقراه
يالصاحب الوافي حسين القبالي
لا تحسب ان الطيب منكم نسيناه
انت الفريد اللي تبز ....... الغزالي
ولا ظنتي مثلك مر ..... وعشقناه
عشق الشرف اللي يهز ... الرجالي
كما تهزهز مثل عنتر ....... وعبلاه
والا مثل العامري والعشق المثالي
هذاك هو قيس الملوح ..... وليلاه
لاهنت يا حبر القوافي ... الجزالي
ولا هانت احلام الغلا ربي .. يرعاه

حياك الله وبياك احلام عابرة كفيت ووفيت على جزيل القاف حفظك الباري

[فراشة كريستالية]

صح لسانك -يعطيك العافيه
تحياتي لسموك

[القارظ العنزي]

صح احساسك بنت عدنان