على سبيل ...

[سلمان الخالدي]

على سبيل الصمت

على سبيل الصمت ماعاد به صمت
مايصبر الصابر مع الصمت وسكااات

ماودي اجرح هاجري واقول اجرمت
يومه عزيز وصار بالنور مشكااات

سلمان

[وهج]

على سبيل الصّبر :


قـــالوا إن الّلي نصيبـــه ضــــربتين تهــدّه
والله انْك الضّربتين وما أوجعن لي راسي !


وِهَــج

[سلمان الخالدي]

على سبيل الحرب

ترى الحروب وفرسانه في الهده
انشهد انها في الراس قرع اجراسي

سلمان

[عطر الرومنسيه]

علي سبيل الادب
ياغريب كون اديب

[سلمان الخالدي]

على سبيل الحرب
خالد بن الوليد رضي الله عنه


ترى الحروب وفرسانها في الهده
انشهد انها في الراس قرع اجراسي

امثال خالد في حروب الرده
عند الحديقه مايرده حراسي

سلمان

[عطر الرومنسيه]

علي سبيل الاهتمام

زرني كثيرا

[وهج]

يكفّيني أعيــش الّلي بقــى فــي داخلــي عابــر
اسلّي وحــدتي والـدّرب يـاخذني بـــلا جمهــور

[الوله]

على سبيل الأمنية ..


راحت وقلنا روحي بالسلامه ..
ي أمنية ما جاتني ما تكلمت ..

اللي غدى مثلي فلا له ملامه ..
واللي يحب الصمت ملزوم بالصمت ..

ممنون قلبك طيبته واهتمامه ..
لامن غشاني لا إرادي تبسمت ..

والعاشق اللي صقيع برد بعظامه ..
كنه انا يومي في بعدهم تألمت ..


لـ الـولـه .

[سلمان الخالدي]

على سبيل البعد


الحرف مني بالقلم والعلامه
للي وفى بالبعد وانا تجملت

ان كان فعله مايصدق كلامه
فانا من الايام وحبه تعلمت

صقر الغلاء لك مايعود حمامه
ولو انك الي من غيابه تململت

سيفي سليط ونرفعه بالصرامه
عساك يمي ماتضيق وتندمت

سلمان

[الوله]

على سبيل البوووووح




ي (....) إحساسي بصدري
ولا قدرت اتنفسه واقووول !


بعض المشاعر تحت أمري
وبعض المشاعر دائماً لاحووووول !


واللي قهرني غدى عمري
خريف دايم بدون فصول


اضحك وقلبي على جمري
و .... وانا اللي بي مخذول


مشكور مشكور يا صبري
ممنون جداً وانا المسؤول



الوله .

[سلمان الخالدي]

على سبيل الدلع

من يم جالك كل الدلع والتمدري
ومن يم صوتك يرحل الهم ويزول

ياشمعة الولهاااااان يانور خدري
ياهجمة بالسيف والسيف مسلول

تراني ادري وكل ماشفتك ادري
انك علي زعلان والوضع محلول

منك القمر وهاج وفي الليل بدري
ومنك السهر والعشق يختال ويطول


سلمان

[سلمان الخالدي]

على سبيل السرور

مسرور قلبي والبروووق تلوح
وصوت المطر ذكراك يالغالي

حتى الحسود الي غدا مجروح
معاد يكتب والفكر شغالي


سلمان

[سلمان الخالدي]

على سبيل الاحزااان


تعانقت كثر الخواطر والاحـــــــــزان
وسافر بي الهاجوس جاري وجارك

مزاج بالـــــي ماتعدل ولا زاااااااان
والهم جالس في خيالـــــي وبارك

من شاطي الدمام لحدود جـــــازان
ومن يمنا في الــــــخرج ولباب دارك

كثر الزعل والــــــــهم ترجح بميزان
وكثر الترقب يشتعل في الــــمدارك

حملـــــي ثقيل ومـــا يقدر بالاوزان
وزاد التعدي واضح(ن) بالـــــــمعارك


سلمان

[الوله]

على سبيل مرور الكرام



مُري علي قلبي مرور الاجآويد ..
اللي لهم حآجه ولكن تخلووو ..


ذا وضعنا خآرج حدود التقآليد ..!
وقلوبنا من صبرنا اليوم ملووو ..


يمكن يكون الحب فرح وتغآريد !!
ويمكن نكون اللي في الحب ضلوو ..!




لـ الوله .

[وهج]

على سبيل المشاكسة
باتّجاهٍ مُعَاكِس :


https://www.9ory.com/uploads/1573881059671.png


جامـــل الدّنيـــا تـــرى بعــض المجامل اضطرار
وبعضـــه أحيـــانْ انعكــاس لكــلّ شيِّ بك جميل

لا تـــوّقفْ عشّـــم ظنونـــك كثيـــرًا ... باعتبـار
أنّ كـــلّ النّــــاس مثلـــك طبعهـــا دايـــم نبيـــل

وانبهـــر فــــي كـــلّ شـــيٍّ يستحـــق الانبهــار
كُـــن رفيـــق الـــدّهشة الأولى وآخــر من يميل

واهرب من الواقع (الواقع) إلـــى أسمــى مـدار
وبخيـــالك عانـــق حـــدود الخيـــال المستحيــل

وافتح أدراج القديــم ... الذّاكــرة لـو مــا تُثـــار
الحنيــن يمــــوت واقــــف قبـــل يلقى لـه سبيل

وخاف من كِلْ شـيّ مبهـــم لـــو أمِنْــتَ الاختيار
عـــانق الصّبـــح وتنفّس ، واحذر الّليل الطّويل

واســأل ، اســأل / ؛السّؤال أوّل دروب الابتكار
وأوّل إيماءة تـــردّ الشّوق مــن كـــفّ الرّحــيل

وعـــاتب إنْ كان العتب يسمو بسموّ الاعتــذار
واتـــرك دموع الملامة قبـــل تمسحهــا تسيـــل

وبــــرّر أشيـــاءَك قَـبِــل لا يسألــونك باختصار
خلْ شمسك ترسم ظلال النّخل بــأرض النّخيــل

وحاذر تبطّل تحـــب ... كـــون للحــبّ انتصــار
كـــون مثــــل النّجم دايـــم ما يعيش بدون ليــل




وَهَــج

[الوله]

الله ي وهج الشعر و الإبداع .. متفرده دايم ..




على سبيل الشعر ..



(مرحبا) ياللي أتى فيها الحنين ..
كلمت(ن) تعجز توفيك القدر ..


لا تضني هالمشاعر تستكين ..
ومن حزنها ينكسر حتى الحجر ..


اتركوني بين اهآتي سجين ..
واحسبوني عايش افراح العمر ..


واعذروني لو غدى بوحي دفين ..
واذكروني لو تناسيت الشعر ..



لـ الـولـه .

[سلمان الخالدي]

على سبيل الحنين


في خواطرنا حنين من سنين
ماتعدى العشق مقدار الشبر

مهما حاولنا من ابعاد الانين
تنكسر منها خواطرنا كسر

سلمان

[حمدفهد]

صح لسانك وسلمت يداك الوضاءة وقلبك الطاهر يحفظك ربي عزيز الشأن ويرفع من قدرك بين أهلك ومحبيك ومن تحبين اشكرك حد السماء على تلك الهمسات التي تلامس الروح قبل القلب طبت وطابت أيامكم ولياليكم بكل خير وصرف الله عنكم الشر وأهله.
أخوك/ حمدفهد

[الوله]

على سبيل التمني


من هو من الحب يعتقني !؟؟؟؟
وأبعد عن الحب ما احبه !!


العمر مره يا سارقني
لا تعشم القلب في كذبه


الشوق هذا مضايقني
ما عاد فيني على قربه


الله وكيلك ياهو اقلقني
ارواه قبل احتسي نخبه !


أبعد وانا أبعد .. وفارقني ..
مليت مليت هالصحبه


عادي واذا انت تعشقني
مسموح كلاً وله قلبه


يا ابيض الوجه لا تأرقني
خلك تناسى / مشى دربه


ابختصرها و صدقني
كرهت عمري مع حبه !!









لـ الـولـه .

[الوله]

على سبيل البوح



مطلع النص خارج عن نظام القصيد ..
بكتب اللي يجيني دون ما اوزنه ..


دايم أدري بطبعي.. طبع جداً عنيد ..
ما أراجع قصيدي واتعب ادوزنه ..


خلها بـ السهاله واكتب اللي تريد ..
عيش حر بشعورك وانتبه تدفنه ..


عيش حر بشعورك وانتبه لا تحيد ..
افرح بكل فرحه .. والحزن إحزنه !


لاتخلي ظروفك تبعدك او تكيد
لا تأجل لبكره .. بكره من يضمنه ؟!



لـ الـولـه .

[الوله]

على سبيل الغياب


غاب الشعر.. والشعر لو غاب عادي
ماهو ضروري كل يوم(ن) اشوفه

ياما كتبته لين تعبت أيادي
و ياما كتبني لين تعبت كفوفه !

اضماه لين القاه يحي فؤادي
ويخضر قلبي من وله وحروفه

[راشد مقبل]

على سبيل الوحده .......

ياتاركتني للسهر مات الإحساس
‏هذي معاناتي .. وهذي جروحي

‏ماني ب ناقص تاخذيني من الناس
يكفيني إنّك ...... تاركتني ب روحي

[الوله]

على السبيل القصائد






يا كثرهم والله شُعّار مليااان
حتى القصائد يا صديقي شقيقه !


مثل اللذي يكتب معانا الى الآن
مات الشعر ينخاه : وقف دقيقة !


من كثر مانا عاشق الشعر ولهان ..
المدح ياخي في الشعر ما اطيقه ..






الوله .

[نجم ضاوي]

... على سبيل الغياب ...


غبت عنك يا وله غصب ن عليه
وأنا الذي عنك . . ما ودي اغيب


الروح . . يا خيي .. لمثلك وفيه
الشعر والله . . بحضورك يطيب


... بقلمي : نجم ضاوي ...

[الوله]

على سبيل الصداقة ..




الصديق اللي حضر نور بضيه
والله إنه غاليٍ مهما يغيب


وسط عالم افتراضي وين زيه ؟!
اشهد ان ظني لمثله ما يخيب


وفوق هذا عازف احروف ابجدية
شاعر وله من ( نجم ) أسمه نصيب


لـ الـولـه .

[سلمان الخالدي]

على سبيل الحقيقه

الحقيقه لي وفت مثل الشظيه
مثل من يطلع من جوف القليب

انتي من سبب ترى كل القضيه
وانتي الي مثل شاهي مع حليب

سلمان

[أنا فداهم]

على سبيل البرد..

؛،

ما قاصرني
سوى إنك تحضنين البرد
من صدري ..!
ومن أول " أحبك " تضفي الدفوه
وأكون أول بشر .. بردان .. ما يدري !

[سلمان الخالدي]

على سبيل النسيان

نسيت الي نسوني وابعدوني
وصار البعد نعمه في حياتي

تنازلت ونسيتك والطعوني
وحفظت اوراق كل الذكرياتي

سلمان

[الوله]

على سبيل الشعر



انا لو ما كتبت الشعر من إحساس ..
حرام أطيح من عيني على الفاضي ..


صحيح الشعر يغريني مع الهوجاس ..
ومع الهوجاس اسرح به الى الماضي ..


اكافح في العمر ضد الصعب والياس ..
وانا الكذاب لو قلت ان انا راضي ..


كثير اشياء منها هالصدر منحاس ..
اضيق احيان وبعض احيان اتغاضي ..


انا وشلون اترجمني شعر لـ الناس !؟
وهذا الشعر يتعبني على الفاضي !



لـ الـولـه .

[راشد مقبل]

على سبيل الغياب


تقول وينك وأقول بصوتي الدافي
موجود بين الغياب وقسوة ظروفي

وتقول أنا خفت ناسي ؟ قلت ياكافي ؟؟
وياخوف قلبي من ظروفي وياخوفي


راشد

[سلمان الخالدي]

منور اخي الغالي راشد صح لسانك

على سبيل اللقاء

تلاقينا انا واياه من عقب ما راح
على غير الوعود ومن دون ترتيبي

وليفي صابه وصابني كثير جراح
وانا فرحان بشوفته واهديه ترحيبي

سلمان

[الوله]

على سبيل البوح ..




ما والله اسهر و اتعنا عشانه
ان ما يجيني بالسهل ما كتبته


يا اقحوانه آآه يا اقحوانه
ليت الغرام اللي في الروح تبته


مدري عشان الحب والا عشانه
يروح عمري عكس مانا حسبته




لـ الـولـه .

[سلمان الخالدي]

على سبيل الشعر

يعجز لساني ينتقم من لسانه
يومن شعره افرح اني كسبته

اركب حروفي كل حرف بمكانه
واهز شعري ويهزم الي حربته

سيفي سليط وكل شي بااوااانه
يمناي تكتب وكل حرفن سكبته

سلمان

[مسكين دوت كوم]

:MonTaseR_11:

على سبيل الحصر :

:200:

مالي سوا طيفك خليل !
يالعشق الاول والاخير .
انت المنى .. وانت الامل .. وانت الهنا لي يالامير .
غايتي هو بس وصالك .. لقاك عندي اكبر [ خيال ]
يا ضحكتي يا فرحتي ،،
يا عنى بالي .. يا شقاي !
....
:m9:

[راشد مقبل]

النور نورك سلمان


على سبيل ( الفقد )


فقدت من له على ذاكرتي حقوق
يشبه ل حقّ القريب من القرابه

من قسوة الفقد مدري وشهو الشوق
لامرّ أحسّ ب ردى حظّ وكآبه

[آلنـور]

على سبيل الحزن
للحزن بضلوعي تراتيل و مزوح
و انا على قد المزوح احتوياها

[أنا فداهم]

على سبيل البعد ..

‏من بعدك كل هالدنيا ظلام
‏وبيبان الأماني كلبوها مقفلة
‏ارجعي لي ولا تزيدين الملام
‏هذا قلبي جاك تقدر تسأله
إسأله كيف أصبح حطام
وكان ما لملمت حطامه اقتله !

[احلام عابره]

على سبيل الصبر
مدري كيف الناس تصبر بالبعاد

وكيف يسلى القلب وتنام العيون

وربي في بعدك أحس اني بحداد

يعتليني الهم وآهات الشجون

[احلام عابره]

الغياب

يا زين لو جيت تــنشدعـن الحال
نوم الخـــلايق عيت عيني تذوقه

من غيبتك صارت الـليالي طـوال
والكبد من حر الآهات مــحروقه

[سلمان الخالدي]

ونبقى على سبيل الغياب

في حلنا نسأل وفي كل ترحال
ونرقب سحابه من تقادح بروقه

ماعاد خلينا لهم من الجال للجال
الارض تبكي للصباح وشروقه

اوقات يسألني وبالحب يختال
واوقات يبعد وما عرفنا طروقه

سلمان

[الوله]

والله ما حزني ونزل دمعي ..
الا بأني ما أصلي الجمعة ..



الوله .

[الوله]

سلمان وينك شوف هذا بدعي
خابرك شاعر / كل قصيدك روعه


اوحيت صوتك له اثر في سمعي
و خايلت نورك من مدى له لمعه

[سلمان الخالدي]

حياك اخي الغالي

وانا ماهمني وحير مسمعي
الا خطيبنا يوم صلى بربعه

يوم التفت وشفت وش معي
عرفت الزمان الشين وطبعه

سلمان

[سلمان الخالدي]

سلمان وينك شوف هذا بدعي
خابرك شاعر / كل قصيدك روعه


اوحيت صوتك له اثر في سمعي
و خايلت نورك من مدى له لمعه
















الا يالوله انا هديت من روعي
مغير اباري الذيب والضبعه

غديت في صحرا مصادق لوعي
تاخذني الاشواق والحب في لسعه

سلمان

[فتاة الوطن]

سمعت صوت شخصاً من بعيد ينادي

طلع واحد يصرخ على..... ربعه



تكلمت في حضورة بعض الافاعي

وبعض الأفعاي خشت من خوفها فحفرة

[وهج]

كانت سُحبْ ...كانت مطر ،واليوم فكـرة ظامية
مــرّ الهجيـــر وضمّهــا وأمطـــر لهيــب سكاتها


جفّــت مفـــاهيــم الـــورق وأحلامهــا متنامية
ياكيـــف تنبــت فــي جفــاف المفـردة هقواتها






وهـج

[فتاة الوطن]

ما اممتثل فيني الحب رهبة واعجاب
علمتني تفاصيليها الوجد برناتها



تمكنت فيني وقد وفجوات

من زمن فرعون ياعنبوه ويش جابها

[سلمان الخالدي]

على سبيل التقدير

انا من يقدرني على العز والطيب
ابدي عليه الطيب ولو كان زعلان

والي جفاني جفوة الهجر ويغيب
ارسل سلامي له من ود سلمان

احب كل الناس واسري كما الذيب
والقلب ينبت فيه من عود ريحان

سلمان

[احلام عابره]

يا أحبك، واعشقك، واهواك.. وإلااا
يفتح الله..
ماتعودت أفتخر باحساسي إلااا
(تحت بابك)

إيه أحبك والقضيه واضحه
والشاهد الله..
يطرد المظلوم ‏خصمه وأنت
خصمي يااا هلااا بك..

يااا هلااا بك يوم تجرح خافقي
ويسامح الله..
يااا هلااا بك يوم تلحق غيمتي!
والحق سرابك..!

[الوله]

على سبيل الحقيقة..



كل شاعر صاغ حرفه من شعوره
والله انه يكتب المعنى الصحيح


واللي يكتب لجل يرضى له جمهوره
لا يهمك... بعد شهرين و يطيح


الوله.

[سلمان الخالدي]

حياك اخي الوله
على الرحب والسعه

ونبقى في الحقيقه


وكل شاعر له من الابداع صوره
..........تحفظ ابداعه من خثاريق المليح

يفقد الشاعر كلامه في سطوره
.............مايفرق بين اوراق وصفيح

كل نجم(ن)يبهرك من وضح نوره
.............وكل شعر من حروفه لك مريح

سلمان

[reeman]

على سبيل الهدوء

طردتهم من الغرفة

:Kq600697:

[أنا فداهم]

على سبيل العزة ..

أبدفن من تحت سطر السنين اليعربي وأنساه
أبرقا للثرى ممكن أشاهد من بقى فيني

أحب ! وليت من حب الدروب وداعبه مضماه
سأل بإيد الحنايا وين انا من قبلي وويني؟

خطأ يا رحلة أنفاس الليالي هالمدى أخشاه
عرفت آخر تفاصيل الطريق اللي يوديني

إذا كان الفخر فوق الأعالي جيت أبي أرقاه
وإذا الخطوة تبي راسي كفنها تحت رجليني

،

أنا فداهم

[سلمان الخالدي]

بورك فيك اخي الغالي
صح لسانك


ونبقى في العزه

عزيز النفس ومن بيت العوالي
ونفسي تبتعد عن كل جااافي


ابوي وجدي مع عمي وخالي
خوالد من بني خالد وكااافي

حرايبنا قديمه تعدل كل مايل
وحمانا الي فيه امن ومتعافي

سلمان

[احلام عابره]

على سبيل الغفران
غفرت للمحبوب كل خطيئة
الا خطيئة بعده لم .... اغفر

اني ابحته خافقي مع نبضه
ولم ابع بغرامه ولم.. اشتري

[الوله]

‌


الله يحييك ويبقيك اخي سلمان ..



على سبيل الحل الأخير





يا بنت انا كلي خطر
محتاج لك حلاً أخير

القلب صائم ما فطر
مرو على جاله كثير !


نفحات انفاسك عطر
وفيك المشاعر تستثير


عطشان غيمك يا مطر
ودي بإحساسك اطير


ابعد من حدود الوطر !
واحن من قلب الصغير !






لـ الـولـه .

[سلمان الخالدي]

على سبيل الفروسيه

اذا انتهت كل السواليف والحرف
سلسلت حرفي بالختم والعلامه

اختار من حرفي واغض انا الطرف
ونسخت حرفي بالوفا و السلامه

ماكان يعجزني على السلم والعرف
لكن هو الواجب وكثر الملامه

يبقى حقود الود مكانه على الرف
والوافي ابدى طيبته في كلامه

سلمان

[سلمان الخالدي]

على سبيل الدفاع

من قالك يافلان ماعندي احساس
مادام خذتي كل الاحاسيس وسنيني

ومن قالك ان الغلا ماجاله اساس
وانت المعلم ومن الاحلام تسقيني

سلمان

[الوله]

‌



على سبيل مواجهة العثرات




أدري وتدري فرق واضح وشتان !
ما بين حرفك والوله في سطوري

وما بين بوحك كان إنسان إنسان
عايش مع أيامه بمبدأ ضروري !

ماعاد فيها اليوم زايد ونقصان
تساوت الأيام.. يا كبر جوري

امشي ولا ادري وين او ليه ما كان
و اواجه العثرات واعيش دوري




لـ الوله .

[سلمان الخالدي]

صباح الخير بورك فيك اخي الغالي


حي الجواب الي قريته وفتان
اخرت عقبه قهوتي مع فطوري

فيه الورود الباهره من كل بستان
وفيه الحلا الساحر وكل العطوري

رذاذ وده كامل(ن) من كل هتان
متخطي كل الحواجز وسوري

سلمان

[الوله]

‌

الله عليك اخي سلمان

شاعر فذ



*
*
*




على سبيل الواقع



ما كنت اخاف العبور لو كان ودي العبور ..
ولو كان طبع الأماني تبتعد بـ الخُطاء ..


صحيح دمي يفور لو جات بعض الامور ..
بالذات لو كان تعبي ضعف كل العطاء ..


حنا نعرف المراجل ولا نلف وندور ..
ونجازي الصح بالصح و الخطاء بالخطاء ..





لـ الـولـه

[احلام عابره]

على سبيل الترحيب


يامرحبين بللي بعيدآ عن ..العين
سلامك وصل لوهو بعيد المكان

غلاك موجود بالقلب ياكامل الزين
قريبين حنا لو تبعد بنا ...الأوطان

دامك بالغلا يابعدي ساكن العينين
لايهمك يابعد كل من لي ومن كان

[سلمان الخالدي]

تسلم اخي الوله بورك فيك الله يديم المحبه



خذها مني يالوله طبعي صبور
.......بس سيفي لى سطاء يعني سطاء.....

كيف يهجرني ويتركني ويبور
............وانا حبيته مع حمامات القطاء.......

ليش يتركني وانا اشوفه يدور
............وصرت اعاني منه هجران البطاء......

مادرى ان الود والعشق مخبور
.............ياخذ الولهان ولقلبه وطاء..........

مادرى اني ضايق وبالي يفور
............طار مني الشوق وللخيل امتطاء.........

اخيك سلمان

[عتيق]

على سبيل السعادة


أعشقه عشقٍ ابد ماله مثيل
لا يحاول بالعلامة الفارقه

ويش يبغا والانا لك سلسبيل
ويش تبغا فيك شمسي شارقه

كيف هي روحي تدور بي دليل
والهنا فيه الوحيده غارقه

كانها في مستحيلي للمقيل
السعادة تبتهج بمفارقه

[أشواك ناعمة]

على سبيل الخذلان ...اتركني

[ابو معتز]

أتركني ياشوق أنسى ألذكريات
ماعاد من ألذكريات ألا أطلال

[سلمان الخالدي]

على سبيل السرور

مسرور قلبي من سرور المحبين
جعل السعاده ترتكز دايم الدووم

رسالتي للي من الطيب ذربين
للي من الغالين وافين وقرووم

سلمان

[ابو معتز]

على سبيل ألشوق
يا صاحبي شوقي مشتاق للقياك
وألمسافر أعاد للعيون ألنور وألسرور.

[يّوِسًسًـفُ]

علي سبيل السعادة
صحن ورق عنب بالدنيا وما فيها كثر ليمون يا مدير :سكر:

[ابو معتز]

على سبيل ألندى

ألندى أحيا ألزهور وألورود
وألشوق أحيا ألمحبين عند ألغروب .

[ابو معتز]

على سبيل ألشروق

شروق ألشمس ينادي ألمحبين
وبألغروب وألليل يحلى ألسهر .

[سلمان الخالدي]

على سبيل المثال

مافيه مثلك شي ياشمعة اليوم
انت السعاده والغلا والمواعيد

غلاك ماينباع ويقال مسيوم
مايشبهك اشياء ياوردة العيد

سلمان

[ابو معتز]

على سبيل ألحلى


حلاه جعل قلبي ينتظر لقياه
وألليل يهدي الجميع نسمات

[سلمان الخالدي]

على سبيل المغذي

نسمات روحه كنها لي مغذي
....مشبوك في الشريان والا الوريدي

فرقاه منه الحال عندي متأذي
.......ان شفت زوله صار يومي سعيدي

[ابو معتز]

على سبيل ألشعر

شعري لأحبابي وألشعر له أصحاب
تذكرت صاحبي بقصيده وألليله نساني

[حمدفهد]

على سبيل المزاح
تمازحني نجمة الليل شوف القمر يا ساهر
ليل مدلهم ما تشوف حد اليد من سواده
وأقول قمر نهاري غطى على نور المسافر
من فرحتي رد التحية جعلكم من عواده
الشاعر/ حمد بن فهد المخالده السبيعي

[سلمان الخالدي]

على سبيل المحبه


بين السبيعي وابو معتز وقفات
......وكل المحبه والعلاقه حميمه

مني لهم اعجاب مع بعض صفقات
......هذي السجايا من قلوب(ن)رحيمه

لفيت انا من يمهم عشر لفات
.......ولقيت فيهم من الكرم والعزيمه


سلمان

[احلام عابره]

على سبيل الامنيات
الله على مجلس لي به ثلاثة اخوان
اولهم عذب الكلام....... ذوق وراقي

وثانيهم يلقاله بخاطري..استحسان
ليا تكلم أنصت...ولحروفه اشتاقي

وثالثهم لا باح تلقى لبوحه اشجان
والشعر على غيره من الناس مالاقي

[حمدفهد]

على سبيل الوفاء
سلام الله على أهل الوفاء شعار و شاعرات
في منتدى مسك الغلا لهم منا أزكى التحية

الله حباهم بجزل المعاني و حلو الصفات
تحلوا بالنظم والرد بالأخلاق وحلو السجية

يا ربي احفظ لنا المشاركين و المشاركات
وأهل الوفاء من الإدارة وأهالي الرد الوفيه

[حمدفهد]

على سبيل المدح
يا الله مالنا غيرك يا عالم النيات
سائلك تحفظ سلمان واللي يحبه

سلمان ابن الخالدي نرز له الرايات
نعم الشاعر في الحب ثابت طبه

ياعارفينه بلغوه منا أزكى التحيات
يستاهل المدح كما النهر حلو الغبه

[webtech]

جميل جدا ورائع حفظك الله

[سلمان الخالدي]

على سبيل المدح
يا الله مالنا غيرك يا عالم النيات
سائلك تحفظ سلمان واللي يحبه

سلمان ابن الخالدي نرز له الرايات
نعم الشاعر في الحب ثابت طبه

ياعارفينه بلغوه منا أزكى التحيات
يستاهل المدح كما النهر حلو الغبه

تسلم اخي الغالي حمد حفظك الله من كل شر

على سبيل الجواب


وصل الجواب الي طويل المقامات
.....للي عطوره تشتعل في مشبه

هذا حمد مجتاز كل الصعيبات
.......يمناه بحر الطيب وحرفه مصبه

منك السجاياء يارفيقي عظيمات
.......ومنك القراح بارد(ن) وما نكبه

اخيك سلمان

[حمدفهد]

على سبيل اللوم

يبري جروحي روح روحي بطبه
على يدينه عينت البلسم الشافي

يلوموني ليه أنا غرقان في حبه
ويدرون إنه لأجلي يمشي حافي

يا الله عسى حاسدنا الجن تلعبه
دوم يتحسر لشاف غيره متعافي
الشاعر/ حمد بن فهد المخالده السبيعي

[الوسامْ]

على سبيل الذكريات..
‏كنتِ اجمل من خيب ظني !

[حمدفهد]

على سبيل النصح
غرام سرى بقلب بعض المحبين
واشقى قلوبهم من زود المحبة

ألا ياللي في هواكم دوم لاهيين
سكرى الغرام باح سدكم بالمطبة

غركم الجهل كشف سر المعجبين
وما جنيتم من وراها غير المسبة
ش:حمد بن فهد المخالده السبيعي

[ابو معتز]

على سبيل النصح

ألهوى اغرى كثير من الحالمين
وأصبحوا يبحثوا عن أمل شبيه بالسراب .

[حمدفهد]

على سبيل العتاب
ليه توك تنتبه وتقاسي مثل ما أقاسي
لا تكذب غدا وتقول الهوى سكر الباب

حسب حسابك لا تقول وجعت رأسي
أذَى جرحك صعب على طب الأطباب

ترى كثر الهرج بلا معنى يغث انفاسي
خلني انسى جرحك لا توتر الأعصاب

بلهون تراني عانيت من كثر المآسي
من علتي سألني عنك كثير الأصحاب
الشاعر/ حمد بن فهد المخالده السبيعي

[سلمان الخالدي]

صح لسانك اخوي الغالي حمد
تسلم

كل زرع (ن) مارتوى يرجع يباسي
......نسأل الله يلطف بكل المصاب

المحبه والوفاء شيء(ن) اساسي
......والخداع يزول مثل ثلج(ن) مذاااب

يصدق المحبوب ولروحك يواسي
........ويكذب الغادر مثل عج الضباب

يا رفيقي ياحمد لاتشرب بكاسي
.......نسأل الله يجعله أجر وثواب

سلمان

[خفوق الروح]

على سبيل الشوق جيتك مسيّر
جييييييتك وكلي أمل ألتقي فيك


خفوق ..

[حمدفهد]

على سبيل العتاب
ليه توك تنتبه وتقاسي مثل ما أقاسي
لا تكذب غدا وتقول الهوى سكر الباب

حسب حسابك لا تقول وجعت رأسي
أذَى جرحك صعب على طب الأطباب

ترى كثر الهرج بلا معنى يغث انفاسي
خلني انسى جرحك لا توتر الأعصاب

بلهون تراني عانيت من كثر المآسي
من علتي سألني عنك كثير الأصحاب
الشاعر/ حمد بن فهد المخالده السبيعي
==========================
صح لسانك اخوي الغالي حمد* تسلم*
كل زرع (ن) مارتوى يرجع يباسي
......نسأل الله يلطف بكل المصاب

المحبه والوفاء شيء(ن) اساسي
......والخداع يزول مثل ثلج(ن) مذاااب

يصدق المحبوب ولروحك يواسي
........ويكذب الغادر مثل عج الضباب

يا رفيقي ياحمد لاتشرب بكاسي
.......نسأل الله يجعله أجر وثواب
سلمان
======================
صح بدنك أخي الغالي سلمان على رأسي.

تسلم لنا سلمان يا قوي الباسي
نورتم الصفحة يا طيب الجناب

حب المخلص يكون فيه تواسي
ومن لاتواسى حبه قاسى عذاب

راعي الخداع يجيه يوم يقاسي
من الحره يصيح كملدوغ الداب

راعي الحب يأتي عاري اوكاسي
دخيلك الله لا تسأل عن الاسباب

مثلك فطين ويعرف كل المأسي
يقطع حبل المودة صادق كذاب
الشاعر/ حمد بن فهد المخالده السبيعي

[خفوق الروح]

على سبيل الذكريات :

ارتجيت الله ينسيني الجروح
ويسمح الخاطر وانسى اللي حصل

العيون تصد عن الذكرى وتلوح
في رجاء الرحمن اطلبه بعجل


خفوق ..'

[سلمان الخالدي]

صح لسانك اخي الفاضل حمد ربنا يسعدك يالغالي

على سبيل المراقبه

يراقبني بساهر والمخالفات كثار
.....وانا من هاجري تعبان وانهكني غراماته


قلب حبي حروب ويهتويها ثار
.......يبي فرصه يفاجئني ويقتلني بصدماته

يبي بس الغلا والشوق بس اثار
.......عليها غراب البين يزاورها بحوماته

سلمان

[حمدفهد]

على سبيل النصح والتوجيه.

على هونك لا تزود الكيل بالميل
ما حبتك الا تبقاك تكون سندها

حبها لك عدد يهد الحيل بالحيل
اعداد تموت وما تحصي عددها

أمسك رسنها نهار و أمسكه بليل
خيل يتحسف عليها منه هدها

شوف النحل يهادى لا دكه السيل
وما حبة النحلة إلا بطيب شهدها

ياتجودها وتترك عنك باقي الخيل
وإلا تتركها تشوف سعدك وسعدها

نصيحة شاعر ما يحب كثر العيل
صل ركعتين و استخيره في ردها
ش: حمد بن فهد المخالدة السبيعي

[سلمان الخالدي]

على سبيل رد التحيه

اهلا هلابك مع دلة البن والهيل
......وحروف شعري مانحسب عددها

لك يالسبيعي ترحيبة الناس بالسيل
......في الفيضه الي يوم يجرف لهدها

من عشرة اعوام فقدنا لي حليل
غرون وحش اودع في نفسي كبدها

رعبوب كنه توه صغيرن من الخيل
......عقبه اعيوني كن زايد رمدها

يوم اسبر القمرا ضهر لي مع الليل
......ونجوم ليلي صار يشبه عددها

شلت الحمول وضاق جوي من الشيل
وصارت غلا روحي لروحي مددها

جنبت منه الصد والبعد والميل
......وماشفت منها ما يبين جهدها

يغزني غز المسامير بدريل
......وكل الاماكن صار عندي بلدها

نزلت في الاعلان ارقام وايميل
.....وسالت عنها الناس ومحدن شهدها

شكواي للي يسقي الخرج بالغيل
.....والي حفظ كل الجراح بكمدها

[يّوِسًسًـفُ]

على سبيل السؤال
ياشوق عندي سؤال خلى عقلي به يحير
ويحجم قلبي ويمنعني كل ماجيت اسالك

ليه قلبك يوم يعشق يقبل بهيبة .. امير
ويوم ماينوي عالهجر يرحل بعزة .......ملك

علقتني في غرامك واصبح قلبي لك اسير
والحرف مايطاوعني غير يوم اكتبه .... لك

[سلمان الخالدي]

على سبيل الجواب


الجواب انك مثل طير(ن)يغير
من تبع حبك لزوم انه هلك

تاخذه بيديه وقدامك يطير
باسلك يافلان من الي علمك

صرت يوسف او مهند او منير
انت شوقك يرفع لنور الفلك

سلمان

[حمدفهد]

على سبيل الأمر
يا زين ياللي تنــادي بعــالي الـصـوت
قــصـر على الصـــوت تراني اســمـعه

حبيبك له ثـلاث أيـام ما هتـنى بالقـوت
وثـلاث لـيــال ما نــام ولا جـفت ادمـعه

قف دونـــك ولا تعــدى والزم السـكـوت
ولا تكــون مثـل حـمــام الـورق تفجــعه

[عتيق]

على سبيل اللقاء


يومن اشوفك تسر العين ناظرها
واطير من فرحتي ومحدن تعداني

والله أحبك وأحب أني اكررها
بعالي الصوت للقاصي ولداني

شرع الهوى مايقص ايدين سارقها
وشلون أخالف معك بالنهج جداني

لا والله اني وقلبي الروح تامرها
لو أدري أنك معاي القاتل الجاني

[حمدفهد]

على سبيل التأييد

ما يلومك إلا مقصوص الوريدي
ليته يرجع ويقرأ ماكتب بدفتره

حيك و ذاك الشعر ماله ضديدي
أشهد إن ناقدك يبقى له سمكره

انشدي عذب الكلام و استفيدي
استفيدي من الحروف المعطره

اكتبي و هزي المشاعر بالفريدي
وافرحي يا شاعره بطيب منبره

[عتيق]

على سبيل اعرف ولا اعرف

ما بين أعرف ولا اعرف
يا صعبها جيتها* افكر

يا هي بخيله ولا تسرف
تشغل مزاجي* ولا يعكر

لو قلت لك: قلت لي: خرف
ولا يربح العلم* لو ثمر

قلبه على العاشقين اشرف
وقلبي معاصر ولا عمر

لا جيتها* دربها يجرف
وعن وصلها داخلي ينهر

في شوقها* داخلي يغرف
والشوق بعروقنا* ينحر

النوم من يومها* ما رف
والحال حالي ولا مرر

يا مترفي شوقك المترف
من دون رويا تجي ... عبّر

كأنك على عملتي أصرف
يا تقطع المال* يا* تجهر