ً
ً


اساليني كيف انا بدونك بقيت

ما يسرك لو اقول اني مريض

سافرت كل الاماني وما لقيت

غير دمعاتي من عيوني تفيض

:

عايش بروحي ولا عندي وطـن

الا احساسي بفقدك من الوجود

كم على حسـك مواويلـي تحن

وكم سهرت الليل والعالم رقود

:

يا بعدهم كلهم يا احلى غرام

حبـك بقلبي تـزايـد واعتلى

في وجودك ينتشي كل الغمام

ويمطرك شوق واحاسيس وغلا

:

اهتني بقربك واعاني في البعاد

مـا اطيـق البعـد عنـك يا امـل

يا اللي في روحي سكنتي والفؤاد

بدونـك انتي كـل شي والله ملـل

:
!
:


اساليني
اساليني
كيف انا بدونك بقيت ..!!




للشاعر المتآلق المبدع : متأمل ...

الوقت مابيني .. وبين الفرح ماز
مافيه غير الحزن . . اسمع وزيزه


ياصاحبي والضيق في داخلي لاز
كنه لقى حاجه . . بجوفي حريزه


والبال سارح . كنّ به مس من قاز
عكّر هجوسي عقب كانت حميزه


ثقلت همومي .. كنها جبل . خزاز
الظاهر إن الهم .. فيني . . غريزه


عزا لمن مثلي .. به الهجر . قد تاز
يحطم .. آماله . . ويتقن .. ربيزه


ويلاه ياقلبي على الحزن قد حاز
والنفس انذلت . بعد كانت عزيزه


مدفون ماعمره وفز فوق الاوفاز
وشلون يرقى . وراس ماله فريزه


الشاعر القدير

نجم ضاوي

يا بنت ياللي بالوصايف .......... ظريفة
ياللي مليت ي صفحتي شكر . واعجاب
ما ينفع اعجاب تسوقه ........... وظيفة
وشكر يساويني مع الدب ........ والداب
انا عنيف الكار نفسي ............. عنيفة
ما غرني زين المزايين ......... واخضاب
انا صديق الصادقة ............. واللطيفة
وروح توالفني ما هي روح ........ كذاب
روح تسامى للمعالي ............... نظيفة
ضميرها ابيض يطرب احباب واصحاب
دايم على الخيرات عجل ......... رفيفة
قنوعة في رزقها وطرق ........ الاسباب
وعين عن الزلات عميا ............. كفيفة
والسانها رطب بذكر الله .......... وطاب
هذي هي اللي تعتني في .......... وليفه
وافتح لها في قلبنا بنك ....... واحساب
وابني لها بالقيظ فيء .......... وسقيفة
وصدري لها وقت الشتاء دار .... . وباب
هذي طبيعة مثلنا ............... يالرديفة
والشكر للي عنده الرزق ........... وهاب
اما تميزني بامور ................... طريفة
والا تسيبني ولا اقول ............. نصاب


من روائع
سلطان القوافي
القارظ العنزي

استبيــــح الصمـت عـذراً ابتـدا درو الكلامي
والكلام يحطـــــــم الصمت المقيت ولايهمه

دام راع الصمــت في بعض المواقف مايلامي
ذا دليـــــل ان الكلام الجزل مايحسب مذمه

المهــم ابكتــب العـــنـــوان والمـبــدا تمامي
بين قوسيــن احصـره والشرح يكمل للمهمه

والسبــب شوقٍ تجدد من بعد ماغاب عامي
جدده برقٍ مـــن المنــــشـــا مزونـه مدلهمه

كنـــه النـار الشبـــوبــه يوم يبـرق بالغمامي
والبشايــر في قدومـه مقبلـه من كـــل يمه

وحركــت كل المشــاعـر بعد ما كانت نيامي
وعرضـــت لي من ملف الذاكره ذكرى مهمه

عن حبيـبٍ من جماله تل قلبـــــي بالغرامي
وارسل سهام النواعس لين مال القلب يمه

صوبــن قلبٍ جريــح وجرحـه من العام دامي
واعتقـــد مالـــــه ضمـــاد يسكّنــه والا يلمه

غيـــــر مـن طلّة جبينـــه كنهــا بدر التمامي
هي دوا قلبـي وطبـه والأمـل لحظه تضمه

جيتها منقاد كلي جيتها من الشوق ضامي
وجيتها والفكـر طايش يخطـي الدرب ويخمه

بس لمسه من كفوفـه تعتبر مسك الختامي
واعتبــر قلبـي بخيــــر ويفقــد آلامــــه وهمه


من روائع الشعر
جنيه الشعر
شاعر جنوني

اجمعيني من شتاتي يا رسالة .............وادفعيني بالأمل فوق الطريق
/:/
جاوبي عين المشتت عن سؤاله ...........نظرته عتمة ومنطوقه شهيق
/:/
طال بعدي والهوى غيّر مجاله.......... والريــاح العاتية صوب المضيق
/:/
أتعثر بالخطى والشوق هالة ...............تجبر الفكــر المغامر ما يفيق
/:/
والمسافة تمنح الخطوة ثقالــة ..........كل خطوة تشحن الإحساس ضيق
/:/
والهوى يختال ويبعثر حبـاله ................يستلذ بوقعة الحـــر الطــليق
/:/
ماحبست الحس لجل يعيش عالة .......في القلوب اللي بنبضه ما تطيق
/:/
غلطة الشاعر سببها من خياله ..........طاف به فوق البحر وأمسى غريق
/:/
يا هنوف الحس يا ميلة عقاله ...........يا قصيدة شاعر إحساسه عريق
/:/
لو تمنّى في طريقك مابقى له .......غير حس الشوق والحرف الأنيق
/:/
وإن تعذّر ما قدر يوفي وصاله ........اسمحي للجرح يصبح لك رفيق !

وتقبلوا تحيتي

إحساس شاعر

لا بارك الله في فرنسيس ريختر
.............كان اخترع مقياس للي معاشيق

بعض القلوب العاشقه صارت اخطر
..............من ذبذبة زلزال ببلاد الأغريق


وارف:نبض: