|
من يُعيد لي بهجة الماضي ؟ السلام عليكم ورحمته الله و بركاته اليوم الأثنين الثاني من ديسمبر لعام 2019 .. تشرفت بـ الإنضمام معكم و في إنشاء المدونه اُمني نفسي بأن أكون ضيف خفيف عليكم |
اقتباس:
أهلا بك اخي الفاضل نورت المنتدى نتمنى لك طيب الاقامة والاستفادة |
حزة فجر وطيوفهم دايم تمر وين العذر ؟ مابه عذر حنا تعودنا كذا نسهر الى نور الفجر |
قلب طامح بس اقداره بخيله وضع قاسي يشبه لبرد المواني عانقتني امنية جميلة لكن للأسف نامت مع باقي الاماني .. |
وشتينا و بدت ترجف أيادينا ليالينا غدت أطول من الماضي ونحتاج الدفى و معطف على أطرافه عطر شتوي نشمّه في تلاقينا |
لا تهز المشاعر في سبات الكلام قيمة الصمت اثمن لذيذ الحكي ما بقى بالعواطف غير جرح و ملام و مابقى بالمحاجر غير غصّة بكي |
عندي حنين وركن هادي و ساكن ودي اهيم : بـ ضجة الغيم وارتاح اللي سأل : منهو ترك هـ الأماكن ؟ عابر، خذا حلمي وضيعني و راح |
كبرت سنين كسرت حاجز العشرين حبيت اكثر من اللازم عرفت ان البني آدم سوالف طيش و ذكريات وطين. |
و صار عادي من يروح و من يجي تبلد احساسي و ماتت لهفتي |
ما بقى في صفحة كتاب الأماني ، غير هانت و عادي و عوافي |
ودك تغيب ؟ الله لنا - ما لي معك حب ونصيب ودك تجي ؟ أنا هنا، "واقف و أدوّر لي حبيب" |
يا شارده بعض المشاعر باردة بعض الأماني في وصالك من ذهب القلب نار من الهوى و ضلوعنا مثل "الحطب" ردي على رسالتي آخر رسالة وارده |
وش بقى مني معك هجرك إهمالك تجاهلك المُمل و البرود اللي كسر فيني الأمل ليه أبي أبقى معك ؟ صدق ما فيني عقل دام تنثرني : أنا ليه اجمعك ! |
وش هو الشقى؟ قلبين ماتوا من الوله ما ضمّهم موعد لقى خانقهم احساس اشتياق ذابحهم احساس الفراق وين اللقى ؟ مابه لقى وكلٍ على حُبه بقى |
واذا قصدك ليالينا و زمان و مر وش اللي عاد بإيدينا كتاب العمر شطب حتى اسامينا و شتت كل امانينا |
لو يبيك أغناك عن غيره و بقى و لو تروح ما يروح و يضل يحتريك لو يحبك كان يطلبك اللقى لو هو صادق عن جروحك يحتويك |
ببتعد عنّك وعن باقي علومك وانت عيش الطيش من ذاتك لذاتك لا اسأت الظن فيني ما الومك كنت انا الشي النظيف اللي بحياتك |
الحكي مرات ـ ما يملي السطور ـ وياكثر ما يجهلون العابرين . السكوت اعظم مراحل بالشعور والدموع اعذب كلام الراحلين . |
أنا عديمك يا الأمل و أنا “رهينك يا الظنون“ اليأس بأحساسي ثمل و الناس ما أبيها تمون من باب حبينـا نمل و من باب ملينا نخون |
عهدك قديم جرحي برى والله العظيم شفني نسيت ياللي على قلبي قسيت ماعاد افكر بالهوى صدري ارتوى و حبك من البدايه اصله عقيم. |
أنا مشتاق . . أنا ميت لقى وعناق .. تصدق عاد ؟ خجل وجه اللقاء . . منّا وحنّا بعاد ! |
لا تلمح له و هو ما يحس لا تميل لشخص بإحساسه بخيل إلتفت للي يحبونك و بس و إترك اللي جاز له درب الرحيل |
بكرا يعدينا العُمر و اصير انا قصة مساء غناها لك طير حزين سافر و لا دل الرجوع سافر و لا لبى النداء |
يا نصيب الغير يا جرحي القديم .. انشد الأخبار عنك و العلوم .. يا أجمل احلامي و الواقع أليم .. عزتي للحب يـا خلٍ ظلوم .. |
كافي كذب يا ضحكتي كلنا اوجاع ليه المكابر والسنين تعصرنا ؟ يا دمعتي طيحي من العين للقاع و يا قاع لا تشره ترى من ”قهرنا“ .. |
بكرا شتات بكرا مثل ماضي العُمر قطعة فتات و أحلامي اللي مقبلات خذها فدى أصلاً كذا و اï»» كذا "راحت سُدى" .. |
ياصباح السنين اللي مضت والقلوب اللي وفت والذكريات اللي بقت ياصباح احباب راحوا وفي الغياب استراحوا ياصباح الحنين لايام من ذيك السنين |
و اذكريني في صباحك لا سكن جو الشعور لا هدت كل العواصف و ما بقى غير الحنين |
قال بصراحه وين عندك مكاني ؟ قلت بعيوني بين تيّا وتيّا ، يعني لحالي ؟ قلت لالا وثاني ، حبٍ قديمٍ جيت اشيله وعيّا ! |
على ذكرى الغرام و سكة الاحلام والتقصير مشاعر رددت في غيابك كان العشم اكبر .. |
اغراب تسولف لي ترى هذا الوطن كذاب.. واسولف لك انا مثلة بعد اكذب -سكنت بـ موطني لكن سكني حسّ متغرب يا اصدق كذب جربتة يا اطهر ذنب ما تبتة عشان الليل ياغيمة.. عشان الصبح والشرفة.. عشان عيون ما نامت عشان عيونك الترفة تناسي اننا احباب |
قال علمني عن السحر المباح قالت علمني عن القلب الخلي يا مقيدني وانا حر الجناح لا تبعثرني وانا بك ممتلي |
انت اللذي حلفتني وحلفت لي و حلفت انك لا تخون فخنتني ! و حلفتُ انك لا تميل مع الهوى اين اليمين ؟ و ما عاهدتني ؟ |
الشوارع تشهق اوجّاع السنين والمدينه ما غفى فيها جفن ماتت الاحلام يا القلب الحزين غيبته تابوت واحزاني كفن. |
يالساهرين المرهفين المرهقين الليل نايم من زمان و انتم على هذا الحنين ؟ وافين حتى لـ السهر ؟! بس السهر خاين لعين ! |
تذكرني بغروب الشمس تذكر لهفتي والهمس وانا أبتذكر عيونك وأبتذكر لقانا امس |
صباح الفضفضه للشمس حبيبي غايب ما شفتوه ؟ صباح التمتمه والهمس تراني إشتقت له جيبوه ! |
بين ماضي مبهج و حاضر بليد شاورتني صورتك : نرحل سوا ؟ جاوبتها خطوتي طبعًا و اكيد هو انا لي غير هالذكرى هوى !! |
ما أحب أجبر وهذا منهجي ليه أصحي ناس عني غافلين ؟ كان ودك تجي أغلى من يجي ولو تزود غياب أغلى الغايبين ! |
يامدينه سولفي حزن اغترابي وسولفي كيف الرحيل ابلا وداع واذكريني لانسوني في غيابي وقولي اني مارضيت بـ هالضياع .. |
| الساعة الآن 01:13 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا