ليت مالك بالعمر لحظه غياب
او فراق ديار او سكة سفر
ٰ
اسوء الحالات واكثرها عذاب
غيبة اللي نظرتة تسوى عمر .

،.

جميع الكون قدّامي وخلق الله بلا أعداد
وأنت الثّابت بـ قلبي وباقِ النّاس دوّاجه ..

يمرّني طيفك وأضمّه من الشوق...
ومن لهفتي أصدّق إني إحتويتك ..

،.

سواليفك مطر قلبي يورّد في حشاي ورود
على فالك تسولف لي وانا احبّك على فالي

أشوف الزّود بك لكن عجزت أدّل وين الزّود
واشوف عيوبك اللّي في عيون النّاس تحلالي ..

تهبّ بـ فوحة المعمول حولي مثل كسرة عود
ولا غيرك من العالم على ذكره خوا بالي ..!!

وانا محتار ناديتك والمانع كثييير حدود
وعايش جو مع الذكرى وافكاري وامالي

ولا شفت الوفا قايم وطريقك دائما مسدود
هجيرك زاد عن حده ولا به عذر يالغالي

بقى المركب وقبطانه وشراعه معي مشدود
تمايل به هبوب الريح وتوجهنا على العالي

عسى زولك يجينا جاي مع سرعة هبوب النود
ونشوف اطراف ضحكاتك ومزحك ينتحي يختاال

سلمان

أسري مع الهاجس اللي ما بعد نامِ
وأصوّر الماضي لنفسي و أسليها