ليت الاقي عن لهب عمري مقيل
واتفيّا تحت ضحكة عابره
وودي اترك هالمسافه للرحيل
وانسجن بدموع ناس مسافره
وان عتقني ايّ منهم للعويل
قلت انا دمعة حنين مهاجره
الزمن مكسور وإحساسي ثقيل
والغروب يجرّ صدري لآخره
وكل شيٍ ذاخره وجهه بخيل
ليتني ماشفت شيٍ ذاخره

هذي الهداوه ما تجي من راحه
والدمع منّا .. و العباير منّا
.
كانت عيونه بالحزن فضّاحه
عيونه اللّي .. فْ سالفتها إنَّ
.
ياما تأقلم مع كثير جراحه
ان ضاق غنّا و ان تبسم غنّا
.
من كثر ماصارت يده لوّاحه
ماعاد لا يحلم و لا .. يتمنى