عصفورة الليل ما مرك لذيذ الكلام
اللي ليامن حكى يوله علي اسمعي

قالت : انا مين ؟!
قلت : انتي الفرح و السلام

ينبيك عني
فعولي
و
الشعر
.
..
...

قالت : انا وين ؟!
قلت : انتي هنا ❤️ للختام
في وسط قلبي وروحي دايم انتي معي

كل لحظة في غيابك كالسيوف
تطعن الخافق وتجزل بالردى

يا نظر عيني ودونك ما اشوف
موطني انتي ولا مثلك حدا

إحساسي لك والله ياهو وافر
إحساس نادر وسط قلبي تأصل

ما قلت لك والشوق هذا كافر
ويموت قلبي بك ولا يتنصل

في شوفتك كل الفرح و السلامه
في غيبتك جرحي ومن دون تضميد

ما للسهر معنى بدونك ندامه
تبقى الأماكن عاشقة للمواعيد !!

.





بَعَدْ هَذَا الغِيَابْ وكِيفْ يفْتَحْ للحَنِينْ أَبْوَابْ !!
بَقَى فِي خَاطِرِي شَمْعَةْ كَلامْ وغِيبَتَكْ ظَلْمَةْ


يا أعذب مِنْ يسُولَفْ لِي يا اَغْلا مِنْ غَلاة أَحْبَابْ
تَعَبْ هَذَا الصَبَرْ مَنِي نَشَفْ رِيقَهْ مَعْ دَمَهْ


يَطُولْ الوَقْتْ فِي غْيِابَكْ كَأَنْ الوَقْتْ لِي كَذَابْ
إِذَا مَرَتْ ثُوَانِي دَسّ وَسْطْ هَذَا العَسَلْ سُمَهْ


وَانَا َيَا غَايِتِي والِلي خَلَقْنِي أَكْرَهْ الأَسْبَابْ
إِذَا هِي تَاخَذَكْ عَنَّا بَلا لَطْفْ وبَلا رَحْمَةْ


تَعَالِي طَلَتَكْ أَنْوَارْ واهْدِي هَالمَسَا تَرْحَابْ
تَعَالِي وانْتِي لَوْ جِيتِي غَدَا هَذَا الحَزَنْ بَسْمَّةْ


تَعَالِي وكَلْ شيٍ فِي حَضُوْرِكْ بَاهِي وْخَلابْ
تَعَالِي وارْسِمِي للفَرَحْ بَحْرُوفَكْ كَذَا رَسْمَّهْ

تَعَالِي سُولِفِي واسْتَرْسِلِي فِي حَكْيِكْ الجَذَابْ
عَذُوبَةْ حَكْيِكْ المُتْرَفْ أَرَقْ وأَحْلَى مِنّ نَسْمَّهْ


تَعَالِي بْكَلْ إِحْسَاسْ المُوَاصَلْ والغَلا غَلابْ
وحَظ اللِي سِكَنّ قَلْبَكْ دَعَتْ بالخِيرْ لَهْ أَمَّهْ


تَعَالِي بالْمَزَحَ والا تَعَالِي غِيضِي المَرْتَابْ
تَعَالِي اشْرَحِي كِيفْ الغِيَابْ يهَدّ مِنّ إِسْمَّهْ


تَعَالِي قُولِي: إِنّ اللِيلْ مَا يَحْلَى بَدُونّ أَصّحَابْ
تَعَالِي قُولِي : إِنّ الصَبْحْ مِنّ نُورِكْ خَذَا قَسْمَّهْ


تَعَالِي اقْطْفِي أَحلَى الورُودْ اللِي إِلك تَنّسَابْ
وحَسِي الوَرْدّ مَتْلَهَفْ لمّعَانّقْ يَدّكْ / ضَمَّهْ













.

والشعر ما كان ضمن المستحيل !
عندي أسهل من خروجي للحديقة !!

موهبه / وراثه / نجي نفس الفصيل
دون نتصنع يجينا بـ السليقة

كل بيتٍ أكتبه دمـــه أصـيــل
ما تخالط في عطوره او رحيقه

عقد مر من الزمن وانا جزيل
صايغ احروفي مثل أجمل عقيقه

قادر اصوغ المعاني سلسبيل
وقادر اشعلها و ولعها حريقه

(هي) و انا "صاحب الظل الطويل" !!
( القصيدة ) والعلاقه بي وثيقة