؛


الله يرحم يوم كنا نلبس الفستان عيدين

.
.
.
هذي مثل أختي الصغيرة
من الفضاوه مالها شغلة إلا تتشرى من هالغروبات
بس حطينا لها مصروف شهري وقلنا لها لو عاد تقولين مقصرين بنحرمك الراتب والتسوق من النت بيصير ممنوع وبالعنف مو بالرضا
من هنا صارت تعرف تتصرف فيه
المرأة من طبع رجالها إن سخى واجد بذرت وإن اعتدل وفرت
يعني عيبك قاطع جيبك عطها حقها شهرياً وسكره
سكره اسمع مني وإلا والله لو تنفقر تعيفك
إذا كل هذا الدلع ولا جيت تنصحها قالت لك انت بخيل علينا
''اعمل حالك تكلم صاحبك قدامها وانت معصب وقل فيه مامعناه ان ماعندك فلوس وميزانيتك ماتغطي وإنك لو استمر ذا الحال بتهج ولا حد بيعرفلك طريق حتى من اهلك بصوت مرفوع ومعصب واطلع وانت تتعوذ من المبذرين واللي مايحسون غير بحالهم وصقع الباب وراك
وهي هنا بتنرعب وتفهم إنك مضغوط وبتخفف ويمكن تفتحلك الموضوع لو رجعت قل لها بصوت جاد وفيه نبرة شده بخصوصك أنتي مابقصر معك بعطيك راتب واتصرفي فيه كفاك ماكفاك زاد نقص ما يخصني وابني لو ماني خايف عليه ما حاولت ادخر له المال لبكره اليوم معي واحد بكره معي ثلاثة اربعه لو لاسمح الله مرض واحتاج علاج برى الله لاقال من وين اجيب له او كبر وبدرسه برى كيف وانا ماني مخلي بيدي شيء
شوفي يامره هذا اللي عندي من كلام واسالي ابوك وابوي واي رجال ولا حرمه كبيره واعيه وشوفي رايها فيه<حسيت إني عجوز ههههههههه
المهم
طولت عليك معليش بس لاني عايشت أختي نفس الحاله فكنا ننصحها كذا بعد ماعطيناها المبلغ عشان تفهم الصوره والمغزى

.
..
وبالنهاية المرأة حنونه لو شافتك مزنوق والله تعطيك ذهبها وهي مبتسمه بس تلاقيه طبع شين ساعدها تخلص منه تريحها هي أكثر من انك ترتاح أنت لأن النهم ع الأشياء يجيب المرض ويفقر القناعه ويكسر الرضا
الله يخليكم لبعض يارب ويرزقك من حيث لاتحتسب ويجعل زوجتك لك عون على هم الحياة
أعتذر مره ثانيه ع الإطالة