تأخذنا الفرحة لنرحل مع أرواحهم بالحب وجنـة اللقاء فاحتلوا القلب فكان الحب من أسمى عطاياهم والتسامح والرقة، من أجل أرواحاً احتضنتهم بالحب فشاركونا أحزان وأفراح ودمعات وبسمات كم قضينا تلك الأحاسيس معاً نتفق ونختلف نتحادث ونبكي نُزين الشوق بأرق مشاعرنا حتى تأتي تلك الغيمة السوداء لـتمطرنا سحابة الفراق كأن الزمان ضاق بنا ويود التخلّص منا يأتينا ذلك الشبح المخيف الذي يحمل اسماً دائماً كنت أخشاه إنّه شبح الرحيل يأتينا فجأة لينزع روحاً استوطنت فينا ليذيقنا الألم والآه تاركاً لنا مساحة من الذكرى الدامعة فيلبس الكون السواد ويعلن الإحساس الحِداد

مهما تحسّسك المشاعر والظنون
‏ما فيه أدق من العقول ، إذا وعَت

‏دام الغلا مثله مثل .. دمع العيون
‏من يقدر .. يرد العيون إذا دْمعَت

‏اللي بقى نبرة و صورة فـ الجفون
‏لا العين شافتها ولا الاذن سْمعَت

‏ليتك مثل ناسٍ .. يروحون ويجون
‏يا جادلٍ .. راحت ولا عاد ، رْجعَت

يا حبيبي يِمرض الشوق في بعض الليال
‏أبعد الله .. عني و عنك " تأثير " المرض

‏ودي أسلى .. لكن شلون والسلوة محال
‏بعد زادت حلكة الليل ، والعارض عرض

‏مكتفي باللي يجي منك من باب الوصال
‏إن عجزت تسوي الصعب سو المفترض

‏أرسل .. إن عيت عليك الظروف الاتصال
‏الرسايل بعض الاحيان .. توفي بـ الغرض

ما قدرت آكفّ مَسمَع عشان آغضّ طرف
‏المسامع و المحاجر !.. مرايات ، القلوب

‏تنهزم ، من عدة ظروف لين يجيك ظرف
‏تشعر إنك منتصر فيه .. لو كنت مْغلوب

‏وقّفتني سود الايام بعدك !.. فوق ، جرف
‏والليالي صارت أقصر من حبال الكذوب

‏صارت اللهفة طبيعة وصار الشوق عُرف
‏يا حبيبي كل ( ليلة ) !.. نتوب و ما نتوب

‏جيت أدوّر منك كلمة ولا جاءْ منك حرف
‏ليتني .. ماجيت راضي ولا رحت مْغصوب

ياوقود إحساسي الممتلي شوق وحنان
‏ذكرياتك !.. لو تزيد ( الجروح ) مقدّره

‏لك ورى صدري مكانة و في عيني مكان
‏غير شعرٍ .. لك نصيب الأسد من ندّره

‏الليالي صابها الخوف و أخطاها الامان
‏والمشاعر بعد طول الصفو .. متكدّرة

‏رغم صدمات الأوادم وصدمات الزمان
‏صدمتي فيك أنت .. لا زالت المتصدّرة

من الراحة .. اللي تنتشلني ، من التفكير
‏مثل ماخذيتي قسم غيرك خذي قسمي

‏ولا تحزنين .. ولا تحسْدين ريش الطير
‏تبين الليالي تبتسم ؟ عادي .. ابتسمي

‏ملامحك غير .. وكل كلمة بصوتك غير
‏أحس الكلام يحرّك الدم .. في جسمي

‏من أول صباحٍ فيه قلتي " صباح الخير "
‏وهي والله أنشودة صباح بشكل رسمي