05-08-20, 10:59 PM
| #1 | |||||||||
 
| 
زلة الأقراب  بِسْم الله أبدأ :: :: يالهبوب اللي مع البرد هبّيتي صٓلٓف والله إن عندي ملامه وفي قلبي عتاب كل ما داويت جرحي من العلّه نزف وكل ما سدّيت باب ٍ فتح عشرين باب لي ثلاث ايام ما غض لي فيها طرٓف لا هنا لي عيشه ولا تهنّيت ب شراب اتعذّر بالقصايد ولي قصد و هدف و العوارف تفهم القصد من خط الكتاب زلة ٍ تاتي من اجناب ما منها كلٓف ما علي منها ذهاباً ولا عند الإياب لكن اللي يجرح القلب و يسبب تلٓف زلة الاقراب ربعي عزيزين الجناب ودّي اوصّف و لكن شي ما ينوصف طعنةٍ في الكبد كنها مشاويك الحراب القطيعه تطرحك من مهف إلى مهٓف و المواصل مثل سقيا المطر حلوٍ عذاب من يساوي تمر هجر المنقّى ب الحشٓف مثل ورّاد السريّه على ضوح السراب و الحرار الصايده ما تدوّر للعلف تذبح ب حدّ المخاليب يا بوم الخراب حن هل الطالات واهل المعالي و الشرف نكرم الضيفان و نسدّ في يوم النشاب والجدود معرّبه والسلف ورّث خلٓف ما تبور المعرفه في المشيب و في الشباب كلها شرهه من اللي زمانه مختلف للرجال اللي تعرف الخطايا من الصواب وإلا ما نبغي مروفه ولا نبغي سلٓف لو يدور الحول وإلا كمل حد النصاب والهبوب اللي علينا هبايبها صلٓف تقبل بيوتي و تصبر على كثر العتاب قلم/ بو نوره | |||||||||
| |
|
05-08-20, 11:15 PM
| #2 | ||||||||||
|
صح لسانك يابونوره وحقق الله لك كل ما تتمنى.
| ||||||||||
| |
|
05-09-20, 01:10 AM
| #3 | ||||||||||||
   مَشَـآــآــآعِـر~شَـآــآــآعِـر
|
صح لسانك بو نورة ابيات راقيه كرقيك يختم ل 3 ايام تقييمي خمس نجمات | ||||||||||||
| |
|
05-09-20, 03:30 AM
| #4 | |||||||||||||
 
|
وهو بالفعل زله الاقراب زله تجرح القلب وتدميه ما اقول غير صح لسانك يابو نوره ابدعت وتميزت بهذه القصيده دم بحفظ الرحمن | |||||||||||||
| |
|
05-10-20, 12:43 AM
| #5 | |||||||||
|
مساحة قلم اعد النجوم أبو معتز حضوركم يا اخواني شرفوني على راسي والله | |||||||||
| |
|
05-10-20, 12:52 AM
| #6 | |||||||||||
|
جميله صح لسانك | |||||||||||
 |
