اهلا جودي ، المهرة ، قمرة

منورين


ما تفقدون غالي

والله مامن غياب طويل المدى ، بس نصفي حساباتنا مع هالدنيا

مرة تصفقني ومرة اصفقها

ذلك اليوم سطرتني مخمس خلت اذني تطن ثلاثة ايام

بعدها قلت تعالي نتفهاهم وهي ترفعني فوق وتزل عني بحركة المصارعين على الركبة

الزبدة مردغتني مردغتـ(ن) عنيفة

المشكلة واقفه لي بكل مكان وكل ما مريت من عندها سطرتني كف او على العلابي

يبدو أن الدهر مرة لك ومرة عليك

حتى اني اليوم شفت بسة ( هرة أو قطوة أو cat )

ما شاء الله عليها نظيفة مع أنها من شلة بساس الشوارع

شعرها ابيض ونظيف ووجهها تستاهل اللي يبوسها

ياخي البساس انيقات

الكلب يجيك سعابيلة تسيل << بدأ يشطح كعادته

ويلهث ولسانه شوي ويسحب مع الارض ودر الله يقلعه

وتلاقيه ماخذ قيلولتة تحت احد الاشجار ويجيك اسفل بطنه متعبي طين وتراب

وهاتك من الدوجة بالشوارع

لكن بصراحة البسة اتيكيت

حتى اني سولفت معاها من هيبة جمالها واناقتها

اليوم فقط قدرت اترجم يوم البنات يوصفن اناقتهن بأناقة القطط << شكلها من عنده

ويجيك محماس يستفزع بنجر يالذيب فزعتك

عاد ما ندري وش وضع الذيب هو نظيف أو مثل الهو هو