| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
حــل القضيـــه الآولى ... آغتيــال ريـمـــا
قبل ماآحكي عن الحل ... بدي آشكر كل مشتركينا الرائعين فردآ فردآ يلي بذلو مجهود فكري جبار وآمتعونا بــ آقوى التحاليل والتعاليل , وآنا كتير فخوره فيكن وبــ آستنتاجاتكن المبهره , هيدي بادره مفرحه وموهبه رائعه خاصه بمحققيي المستقبل آمثالكن
وفعلآ المشتبهين بهم الــ 5 كل حدا منن في عندن دافع وآحتماليه للقتل وفي آدله ضدن وتفاصيل بالقضيه بتدينن ... لهيك مبدي آي حدا منكم يزعل لآنو ماتوصل للقاتل الحقيقي ... يلي في دليل ثابت وقوي بالقضيه بيشير لآلو والدليل مع آنو كان واضح بس يمكن صار مهمش بسبب كتره التفاصيل يلي حوتها القضيه
ومنبلش بقا من ... آبعد واحد بين المشتبهين الــ 5 يلي هوى ........ (رامي)
لسبب كتير بسيط بــ آنو آذا هوى كان بيلاحق (ريما) وبيزعجها ,,, فــ طبيعي
هوى مش المجرم يلي (ريما) فتحتلو الباب وآستقبلتو في بيتا وضيفو حلويات وقهوه
فــ بالمنطق والعقل كيف (ريما) بدا تفتحلو الباب وهيا لحالا بالبيت {وهي ع آبواب الزواج ومحضره كلشي لعرسا , وبذات الوقت الشب منهار ومعصب وبيعشقها بجنون وكان بيلاحقها بـ آمل آنو في يوم ترجعلو قبل مايتم الزفاف} ,,, لآنو بهيدي الحاله آذا (ريما) بتفتحلو الباب , آول شي بيعملو (رامي) هوي آغتصابها كرمال يجبرها تفسخ خطوبتها من (نادر) وترجعلو وتبطل تفكر بغيرو !!
لهيك من سابع المستحيلات آنو (ريما) تفتحلو الباب ,,, وهوى آصلا مرح لــ عندا وكان بالكافيه مع صاحبو
ومن ميله 2 آنا لمحتلكن لتفصيله هامه وخبرتكن بــ آنو الضابط (عمر) آكد آنو مافي آي آثار تدل على الآغتصاب ... يعني هالشخص مستبعد تمامآ وكرمال تصرفو نظركن عن (رامي) !!
والمجرم كمان مش (آيمن) ,,,
لآنو فعلا كان موجود يوم الجمعه في الشركه ليكمل آشغالو المتراكمه يلي باقي الآيام من كتره الموظفين مابيكون عندو الوقت والتركيز لـــ يراجع بقا آوراقو مندون ماحد يقطع عليه تركيزو ويجي يطلب شي آمضاء آو آستشاره , والمحقيين آتاكدو من كاميرات الشركه وآنو فعلا كان متواجد في الشركه وعم يقوم بواجبو
(وحتا لو نادر قال آنو الجمعه مفي دوام للموظفين ,,, بس آيمن مش حي الله موظف عادي وآنما نائب المدير وبيقدر يداوم بالشركه وقت هوي بدو)
وكمان آيمن مرح يستفاد شي من قتل (ريما) لآن هيدا مابيمنع (نادر) من البحث عن عروسه آخرى
{وقصه ورثه والدو والبيت آنا حطيتو كرمال كل المشتبه بهم يكون عندن دافع لقتل (ريما) ,,, وكمان قصه آنو شب رياضي ويمكن هوى يلي دفش (ريما) كلن بهارات لتزيين القضيه}
ومش معقول من الآساس تشكو بقا في (نادر)
لآنو خطيبا وكتير بيحبو بعض وكانو ع آبواب زواج , مافي آي دافع لآلو آنو يقوم بهيك جريمه
والسيجاره المطفايي والرساله يلي مكتوب عليه لوغو الشركه كانو طُعم من القاتل الآصلي يلي حاول يبعد التهمه عن حالو ويرميه ع (نادر)
وآكيد هلأ صرتو بتعرفو آنو ماعننا قاتل بهيدي القضيه ,,,, آنما قاتله !!
لآن بقيو من المشتبه بهم فقط ....... ليليان وسمر وتنيناتن آذا بيزورو (ريما)
هي رح تستقبلن بحفاوه وبتضيفن ... خاصتا بعد الحادثه البيت كان مرتب وهادي ومابيدل ع آنو صار شجار وهجوم ... لهيك القاتله شخص مقرب من (ريما) وماتوقعت آبدا آنها تقتلا !!
وتنيناتن حكيو عن نوع خاص من الآرسال ,,, بوقت المحققه مافرجتن نوع الرساله
بخصوص ليليان ...
المحققين آتاكدو من برائتها وقت حكت بعفويه عن الفستان المحروق والسيجارة وكانت صدفه بحته , لآنها معوده تدخن وهي ع البالكونه بتطلع ع الناس فوقعت منا السيجاره وحرقت فستانا
وعرفو آنها بتعاني من الوحده لهيك بتحكي كتير وبتجيب سيره كتير تفاصيل مش ضروريه (بالعاده المجرمين كتير حذرين ومرح يحكو عن آي تفصيله) , وهي كانت بتزور (ريما) على الدوام وبتسال عنها وعن جديدا ,,, حتا لوكانت بتغار منها بس كانت بتحبا , ومتل باقي الناس بتحب التويتر
وآخيرا ... وصلنا للقاتله ..... الآفعى البشريه يلي مسميه حالا صديقه ,,, (سمر)
وهي يلي خططت بكل خباثه لقتل (ريما) من ميله وتوريط (نادر) من ميله 2 ... وهيك نفذت آنتقاما بالحرف (يلي كتبتو بنص الرساله) وفرقت بين الخطيبين ودمرت مستقبل (ريما)
{آبعدي عن نادر والا بدمر مستقبلك متل ما دمرتي مستقبلي !!}
والمحقيين آتاكدو لما آستجوبوها وقالت :
الرساله مابعرف عنا شي , آصلا اليوم يلي آنكتبت فيه الرساله كان في عطل في كومبيوترات الشركه !!
وهيدي ذله لسان وآعتراف مبطن من القاتله وهيا الدليل الثابت يلي آدانها !!
الرسالة كانت بجيب (تاتيانا) وهي و(فادي) مافرجو شكل الرساله للمشتبهين الــ 5 ولا حكيو عن نوعها !!!
آذا كانت صوتيه آو مكتوبه بالآيد آو ع الكومبيوتر آو حي الله شي مسج ع السوشيال ميديا
فــ كيف بقا عرفت (سمر) بــ آنو الرساله مكتوبه بالكيبورد ومن كومبيوترات الشركه اذا هيا ماطبعتها بنفسآ
والدليل 2 كيف هيا عرفت يوم طبع الرساله ويوم وصوله لـــ (ريما) آذا هيا بنفسا ماحطتها بــ شنتايه (ريما)
آذن الآجــوبـــه :-
1- القاتله هيا ...... ســمــــر
2- سبب القتل مع التعليل المناسب
سبب القتل // غيرتها وكرهها لــ (ريما) بعد ما تخطبت لـــ (نادر) وهيا بتحب نادر وبتشوفو فارس آحلاما ورجل لن يتكرر , وهيا معتبره ريما خطفتو منها ؟؟
وكانت متمنيه آذا ريما قريت الرساله رح تخاف وتبعد عن (نادر) , بس لما شافت آنو (ريما) مطنشه التهديد وعم يرتبو كل مراسيم الزفاف مع (نادر) ,,, آشتعل النار بقلبا ومتل الآفعى خبت سمها جواتها وقررت تطلعن لبرا وتطعن ريما بــ آقرب فرصه !!
التعليل آو سيناريو الحادثه //
لآنها كانت زميله (ريما) فــ طبيعي (ريما) آستقبلتا في بيتا وقامت بضيافتها ,,, وهيا آستغلت انو (ريما) لحالا بالبيت فــ بنص الكلام , قامت دفشتا لــ ورا تــــ تسقط ع الآرض وبآول حركه طعنتها بــ السكين ,,, بعدين راحت صوب المزهريه ورمت جواتو السيجاره المطفايي من النوع يلي بيفضلها (نادر) لحتى يورطو , وبالتالي ينتقم من الــ 2 ,,, وكمان طبعت رسالة تهديدا ع ورقه a4 عليه لوغو شركه (نادر)
3- الدليل يلي كشف عن هويه القاتل ؟؟
شكل الرساله وموعد آرسال وآستلام الرساله يلي عرفتها (سمر)
كمان المحقيين كشفو آنها كذبت ... ويوم الحادثه مكانت موجوده في بيتهم
نشالله عجبكن القضيه وآنطرو القضيه جديده  تـــاتــيـانــــا
|
|
1Likes
07-10-20, 12:15 AM
اسعدت مساءا ايه المحقق كونان
