.



5:55
اما بعد مرور الوقت ادركت اني خسرت طاقتي وصحة قلبي بلا ثمن، اعطيت المواقف والاشخاص اكثر مما ينبغي والان فهمت، لا شيء يستحق .

.


صباح الخير يا رفاق

من بعد المغرب ونا مخي يفكر بس
احس كل مافكرت يروح يفكر بحاجات مالها لزمة
تفكيري المفروض يركز ع افكار
تخص "الرياضيات والقرآن "
يعني ابا اجيب افكار نضيفها لعرض حقنا
صح ترا يوم الرياضيات العالمي بيكون بعد 3 ايام ان شاءالله
ولذلك قاعدين نجهز انشطتنا لها ..
وحدة من بنات القروب منشنت لي ف الواتس
قالت لي ي فراشة أحس عندك أفكار..
وانا من شفت كلمتها مخي فهى حرفياً..!
وكل الافكار الي كنت افكر فيها من قبل اسبوعين
يوم بدينا القروب تبخرت من راسي..!

تقدروا تفزعولي بأفكار .؟
لو راس الخيط وانا اكملمو مشكلة
وربي مخي مرة مرة علق

وبس والله

.

أنا مبهووووور ..!

.


3月14日(日曜日)

おはようございます .!

.


أقلكم حاجة..؟

رقم 19 هو القاسم المشترك في النظام الرياضي ف القرآن

بتقولوا كيف ياسمو وضحي لنا .؟

أبشروا ..

تعالوا معايا آخددكم ف كم مثال خفيف ..

أول حاجة

كلمة "الله" انذكرت بعدد 2698 نقدر كمان نقول 19 * 142 = 2698

تاني حاجة

إذا أضفنا كل الآيات الي فيها كلمة "الله" بيكون المجموع 118123 وكمان مضاعفات 19 ..
شوفوا
19 * 6217 = 118123

تالت حاجة ..

كلمة "بسم الله الرحمن الرحيم" فيها 19 حرف.!



رابع حاجة

عدد سور القرآن 114
أي 6 * 19




طيب فيه حاجة تانية بقلكم عليها

عدد الأشهر نعرف كلنا إنها 12 شهر صح.؟
تعرفوا فين الإعجاز هنا .؟
إن كلمة "الشهر" تكررت 12 مرة ..!!

وكذلك عدد الأيام نعرف إنها 365 يوم صح.؟
تعرفوا إن كلمة "اليوم" تكررت 365 مرة..!!



فيه حاجة أنا انبهرت منها
وقعدت بس اتأمل فيها ...

البسملة ذُكرت 114 ع الرغم انها م انذكرت ف سورة التوبة
ولكن انذكرت مرتين ف سورة النمل

سورة التوبة ترتيبها 9
سورة النمل ترتيبها 27

تعرفوا بينهم 19 سورة بالضبط...!!!

طيب نجي نسوي عملية حسابية .؟

تعالوا معايا

(9+10+11+12+13+14+15+16+17+18+19+20+21+22+23+24+25 +26+27) = 342
وهالناتج عبارة عن 19 * 18

طيب تعرفوا إن المجموع إلي شفناه الآن
342 هو عدد الكلمات بين البسملة في[u]27 سورة النمل و 96 سورة العلق وعدد آياتها 19

طيب
عن نفسي أنا مخي بدأ يضيع من كمية الإعجاز الي قاعدة اشوفوا ..

كيف حالكم إنتو ...؟؟

خلاص بقلكم آخر نقطتين ان شاءالله ..


شفتوا سورة النصر رقمها 110 وعدد آياتها 3 فيها 19 حرف...!
فين هالـ 19 حرف ياسمو ..؟؟؟
شوفوا أول آية من السورة "إذا جاء نصر الله والفتح"


يا جماااعة انا من الليل وانا أقرا ومصدومة منبهرة
قولوا أي مصطلح يدخل تحت هالمسميات ..

وقد ماقاعدة أتعمق قاعدة أنبهر ..
فين كنت عن هالحاجات من أول فيييييين

أعذروني
التدوينة طويلة ومحتاجة تركيز حبتين ..
بس ورب البيت تستحق التأمل

.



الذين يشاهدون محتوى الموضوع الآن : 9 ( الأعضاء 2 والزوار 7)


باقي أحط جنب الـ9 رقم 1

<<واضح متأثرة بالـ 19 صح.؟

منوريني والله من هنا لعندكم