|
قلب العقرب السلام عليكم هنا تعبير عن مافي الوجدان من مشاعر وحس وحالات مزاجية على الرحب والسعة ..~ |
الحمد للي عمّنا بافضاله وبعد الصلاة على النبي وآله والله يرضى عن الصحابه اجمع ثم السلام على الكرام اجزاله |
يالله يامنجي من الحوت ذالنون ياكاشف ماحلّ فـ ايوب من ضر يامرسل روح القدس لاخت هارون يارازق خليله ابن على كبر تفرج لمن سره عن الناس مكنون وتجعل لنا من بعد عسرينها يسر |
لا تستهين بكسرك لخاطر انسان يردها لك بكرة انسان ثاني |
اليمن السعيد لاتنادي ميت ! لو هو حي يسمع ولاتعشم في سياسات العروبة الشعوب قلوب مع بعض توجع دمها فاير عزاء دماء صبوبة كل ليلة دعوة وكفوف ترفع جعل من ضام السعيدة للعقوبة ..~ |
مع شروق الشمس والا مع شفق ترحل الضيقة وترجع بعد حين وان حبسك الليل بهموم وقلق خذ نصيحة محتواها حاجتين اقبل لربك بقلب منفتق رحمة الله واسعة للتأبين ..~ |
ليت كل ياخذ اللي يستحقه كان ماتلقى من القهر مغبون وليت بعض الخلق صدره مايدقه وان بخصته لاجسور ولاصدوق العدل ميزان حق من يحقه من يرد الحق لاصحاب الحقوق |
يالله يامدير الليالي والايام وتدرج هبايبها على من تريده ياواحد لرضاك ساجد وصوام ولانمشي الا فـ الدروب الحميدة تفرج لمن حظه تعثر ولاقام ترخت حباله ولاهي شديدة |
الله يحيي من جانا وزّينا ودعمنا لاعدمناكم ايه الكرام |
لابد ان ينصف الانسان من نفسه ويعترف بخطاءه وتقصيرة حتى في المشاعر والاهتمام . اهديتني من رحب صدرك مساحات واهديتك رياح الجفا والتجاهل يمكن مااحبك يمكن تكون نزوات يمكن اكون بسكة الحب جاهل |
على الاسرة البيضاء .. تصوّر حالتي وأنا يمرني مع الأسياب كما مشي الغزال اللي تخطى داخل ****** يخاف يواجه الرامي ويرميه بسهم ونصاب فطين وكل دربٍ فيه صوت يذل ويهابه ابو عيون سود فيها الكحل منساب تشبّع داخل عيون الغضي ياأهنيّ طلابه لكن المشكلة في اللي بقى واللي وراه حجاب حرمنا شوفته والسعد في شخص تهنابه متى يجي وقت الزيارة تفتح الابواب تحرى لحظة للزين يمر يزاور احبابه . من ارشيف الوجدان ..~ |
هلا وسهلا والسماء حرية لو امطرت ياكم ترى مظلة خاطرة وليدة اللحظة ..~ |
على سبيل الحقيقة كلنا لادم ولا كريم على الله غير بالتقوى قلي على ايش نتعالى ونتخاصم والدين والدم واحد آدم وحوى |
غردت مرة وانهرتني عصافير قالت ترى اصواتنا ماتشابه حنا طيور وانتخاطب بتصفير اعول قبل تضحك عليك الذيابة قلت العويل امن اين بالله ياطير ضايع لك الله وسط نبح الكلابه |
ماعاد ابي اسمع كلام مبدول واحساسك بليد اتعبت نفسك ياحرام مدري وش انته مستفيد بقولها لك والسلام ياشاطر روح العب بعيد جزء من مشاعري & |
كل الحكاية مكعبلة لو انته بس ماشي غلط ومش بس دي المشكلة يمكن اوي تاكل زلط مالك ومال البهدلة امشي عدل سيب العبط خاطرة لسى عملها دلوقتي ): حطاب فرع الجيزة |
كانت ثمان سنين وانا ابو عشر وللحين اذكرها وانا فالثلاثين مال للهوى ميلاد كلا ولا عمر اذكر سوالفنا وربي الى الحين والضحكة اللي صوتها يشرح الصدر والشعر الاسود والخشم والحجاجين والخد والمبسم لك الله كما الزهر والعين يخزي العين عين الشواهين اشوفها في كل ليلة خمس عشر وابكي الين الشوف ينباح ويبين . مشاعر وليدة اللحظة & |
يالقلب وانته سيد كل الجوارح اليوم ترضخ تحت حكم الوصاية قاصر ولست لكرسي الحكم صالح بعزلك دامك في ظلال وغواية وان قمت والا طحت وان جيت صايح وديتك لدار الامل والرعاية الناس كانوا يشترون النصايح بالابل وهذا كل مافي الحكاية خاطرة وليدة اللحظة & |
على سبيل ام قرد تشوف انه غزال بنات فكري بعين الناس وش كونها ماهي جميلة بعيني هي مابعد الجمال خواطر عامرية وانا مجنونها نسجتها من خيال ولاحصلي وصال وانا ادندن على ليلى ودندونها خاطرة وليدة اللحظة & وليدة الحظة & |
ياصاحبي حنا دراويش وصحاح مانعرف اسلوب النمك واللكاعة طقطق وعلق لين تشبع وترتاح ماضقت لو ضاق الفضاء في اتساعه سؤال خيّل بي وله بارق لاح شالفرق مابين الدلع والمياعة خاطرة وليدة اللحظة & |
الله من عين جفاها سهدها عين لياليها غرابيل وجهاد الملح كنه ذايب في بردها لاجيت ابنهاها عن السهر تزداد الهم سل الحال واتلف جهدها من عقب ماغاب الغضي غض الانهاد يضحك محياها وتلفح بيدها وتلعب بمجدول كما حبل وراد وصوفها في الناس مااحد وجدها من تونس الخضراء الى سوق بغداد لاواهني اللي سكن في بلدها لاعاد بعدك يااريش العين لاعاد والله لقدم حجتي مع سندها واجيب له معها ثمانين شهاد وان كان قفت ماوفت في وعدها الموت لارواح المحبين ميعاد وسلامات تطولكم وتعداكم & |
لاتشاور المشغول لوكان حازم ولاتشاور الجوعان لوكان فاهم ولا تشاور المذعور لوكان ناصح ولاتشاور المهموم لوكان عالم فالهم مثل القيد والعقد للعقل ماينولد له رأي صايب وألمام خاطرة وليدة اللحظة & |
ياوجد حالي على لاماك يامن لي وجد اليتيم اللي برى النوح حاله جاني تغنج وجيته مندفع كلي موج المشاعر تكسر بي على جاله بالله شف لحالي عندكم حل وعجّل عليّه تراها حالتي حاله جزء من مشاعر جديمه :pv503112: |
من باب الفكاهة احد اصحبي قال اكتب في قصيدة لو سب :l: والقصيدة قديمة مرة زين تذكرتها دار الزمان وغير السيل مجراه وتبدلت كل المبادي والافكار الذيب جاع وربعة عقبه الشاه والحر في المسباق والخرب مغوار عالم تقلب صار اسفله اعلاه وابوك يالدنيا ورى مابها سار من شوف شخص شبه وجهه مقفاه محتار فيه وغير مانيب محتار اقول جعل الله يشيله ويمحها سامج غشيم مطقق ميت النار يماشي الوجعى ومع الدلخ تلقاه حتى الصديع يجالسه سر وجهار اذكرك والا اترك العلم بخباه تيوس السنة قبل السنة كانت جفار خذها نصيحة وافهم الهرج واوعاه يمكن تغير نظرة القط للفار |
قالت انا سوداء ولاني حلوة عجوز وش معجبك بالله فيني قلت أساليهم مدمنين القهوة ش اللي طرحهم فيك ياكافيني يصافحونك كل صبح بنشوة ويصرحون بحضرتك دافيني الله يمدك بالصبر والقوة تكويك ناري مثل ماتكوني |
ياقمر تقدر توارى في المغيب وتقدر تخلي البحر جزر ومد وتقدر تسبب جروح ماتطيب وتقدر تحرّم على عيني السهد بس ماضنيت تلقى لك غريب يحتويك اكثر من أسوار البلد يحتميك اكثر من أولاد البلد |
ذبحك الحيا وانا ذبحني قسم لاحراج على البال واقف لاتحول ولاترحل |
بعض القصائد ولدت لتموت ومنها قصيدتي التي مطلعها اكتب الاشعار والوان الفنون من ضمير يدرج فيه الزعل بعد أسيرة حرف جريت اللحون انحت الاشعار من راس الجبل إلى نهاية قولي واختم ابياتي على واو ونون كامله يالشعر مافيها خلل |
يامرحبا مليار ياسلماني والله يحيي من وصلنا حسه واوصل الترحيب بالقيفاني الراهية ومن الصور ممتسه واللي توطى صاحبي وطاني مبطي وطس بي الزمان وطسه واليوم لا داله ولا ولهاني ولا أونست نسانس الهوى ماانسّه خلاك خلك مثل ماخلاني خلي غياب النجمة المندسّه وانا اعين بندقي وحصاني حدد مكانه والزمن وإنً نسه |
الشعر يامجلس الشعار حاله كسيف يحتاج له جبر خاطر من بعيد السلام يصحى ويغمى عليه وداخليه نزيف طبيب الانعاش يركض مع طبيب العظام الوضع مزري ولادري ليش هذا وكيف الشعر عقد ونظمه انتثر ياحرام . |
الشعر ياعالم عالم ثاني انا كذا اعيش به واحسه الهام مثل الوحي الرباني ينزل على فكري ونبضي يجسه فوق العواطف وفي عمق وجداني تصوير نفسي صادق في حسه |
ياسرب تحليقك على شكل سبعة حير كثير عقول من دون تفسير ودي اطير بجانبك كل طلعة خل البشر تزداد حيرة وتفكير |
قطرة ورى قطرة مطر على غصونك كالندى صاحبك ماله في الهوى حتى ولو قلبه خضر لاتنهمر تربة عواطفنا ترى ياصاح ليست صالحة لزرع بذره عابره لا للنمو المحتمل مالك آمل |
اكثر رواة القصة الشعبية شعب الهنود الحمر في امريكا واكثر حكايات البشر وحشية من تحت راس الست شيكا بيكا اغلب ضحايا حربها الكورية اطفال وشيوخ ونساء تهتيكا ومن بعدها بعشرين يالفتنامية الروس ماسرتك بل تبكيكا قنابل اليابان الذرية والقصف في برلين وغسلافيكا حرب العراق وحربها الافغانية صومالنا ثم اليمن تنبيكا تعدت على الاعراف الدولية هي منبع الارهاب لاتشكيكا حتى ولو نادت على الحرية وإنا جنود العالم ونحميكا هذا فقط فـ افلامها السنمائية تأليف جوزيف كوسينسكى |
إلى حطاب مع الرجيم والتحية من عتيق أرسل رسالة تبتغي حطاب غدرى والنعم واقول له فيها سلام مع السلام أحلى كلام اليوم كيفك يا بعدي و البطن كيفه منبشم عساك من قوم الرجيم اللي يحب ممشى النظام واوصيك في سج القدم تبدا بها بعد العصر فيها خلاص من الدهون وفيها حلول من الانام تفتل بها نقض الهموم و تشوف ماشافت قمم انا معاك أكبر دليل داويت بالخطوة سهام هلا وسهلا والكتاب يقول سربي ياقلم دون على صدري سلام واحترام للكرام والعدل أسّس للنظام ولاعدالة من عدم ولا حضارة قائمة الا لها قوة نظام الحمد لله ياعتيق وش نعد من النعم ! انعام مع شكر الكريم بها تزيد وتستدام وصيتني وانا نظامي في حياتي يالقرم امشي على حسب الهدى للمصطفى خير الانام وختامها مني سلام وبعدها حبة خشم تاصلك يالحر القطامي من مدابيس الظلام وسلامات تطولك وتعدك ياعتيق |
السرب يامدعوج 99 ماحركه الا ضحايا عيونك لوكهيد مارتن سي 130 انقاذ قتلى بارجاتك ونونك خاطرة بعد تعديل & |
جيتك تعب كلي من البعد منهد جيتك قصيدة حب وانتي حروفي جيتك وانا ماللوله داخلي حد وحملي ثقيل ماتشيله كتوفي من قبل اعرفك كنت للوقت ماألد صحيح وقت راح دونك حسوفي |
ألا ياثور لقلت : بدوي ! مااحس ابد بقصور احس ان القصور بكل من قال : ( البدو عيرة ) اشوف بعين حسّاد البدو ياثور زود مرور اشوف بعينهم لاقالوا البدو : ( بدوي ) غيرة ألا ياثور من قال : ( البدواة عيب ) قوله زور أكيد انه نسى وش اصل هالديرة واكيد انه نسى علم الرجال وفعلها المخبور واكيد انه نسى منهو يحفظ العهد والجيرة وكانه في خيالك بعض وصف يدور ورسم في داخلك صورة رجل مقتاد بعيرة ترانا اهل الوفا يوم الوفا شح بكثير صدور وترانا اهل القنا والخيل والشلفا وتكبيرة وترانا في السماء عقبان وفـ السبّع نمد جذور ملكنا الارض طول وعرض ديرة وديرة وترى عاداتنا والسلم ورث من قديم عصور تعلمنا من الاجداد وحفظنا طيب هالسيرة |
كل الحكاية انكوينا وتبنا ماعد فيها لحية ذنوب ونتوب سطّح علاقاتك ترى مانكبنا الا ههها اشتقت لك حيل يادوب وهالحين شفنا استرحنا ونمنا لاحب لاتفكير لا حرقة قلوب |
المدونة منورة شرفتنا ياشخص & |
| الساعة الآن 03:15 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا